അന്നേരം ടീച്ചറിന്റെ മൊബൈലില് ഒരു കോൾ വന്നു. ടീച്ചറിന്റെ മൊബൈല് എന്റെ കൈയിലായിരുന്നു.
“ആരാ കുട്ടാ?”
“ഗോൾഡ മിസ്സാണ് ചേച്ചി.”
“എന്ന എടുക്ക്.”
“വേണ്ട ചേച്ചി, മിസ്സ് എന്നോട് സംസാരിക്കില്ല. ചേച്ചി തന്നെ സംസാരിക്ക്.” ഞാൻ സങ്കടപ്പെട്ട് പറഞ്ഞു.
അപ്പോ ടീച്ചർ വണ്ടി നിര്ത്തി എന്നോട് ഓടിക്കാന് പറഞ്ഞിട്ട് പുറകില് കേറി മിസ്സിന്റെ കോൾ എടുത്ത് സംസാരിച്ചു.
ഞാൻ മാര്ക്കറ്റിൽ കൊണ്ട് നിർത്തിയപ്പോ ടീച്ചർ കോൾ അവസാനിപ്പിച്ചു.
ഞങ്ങൾ ഒരു വലിയ ചൂര മീനും വേറെ കുറച്ച് സാധനങ്ങളും വാങ്ങിച്ചു കൊണ്ട് വീട്ടിലേക്ക് തിരിച്ചു. എന്നെത്തന്നെ ഓടിക്കാന് പറഞ്ഞത് കൊണ്ട് ഞാനാണ് വണ്ടി ഓടിച്ചത്.
“ചേച്ചിയോട് മിസ്സ് എന്താ പറ—”
“എന്റെ പൊന്ന് കുട്ടാ, ഈ മിസ്സെന്ന വിളി അവസാനിപ്പിച്ച് ഗോള്ഡ ചേച്ചിയെ ചേച്ചിയെന്ന് വിളിക്ക്.” ടീച്ചർ അല്പ്പം കടുപ്പിച്ച് പറഞ്ഞു.
“ഓക്കെ ഓക്കെ, ദേഷ്യപ്പെടല്ലെ ചേച്ചി. ഇനി ഞാൻ ഗോൾഡ ചേച്ചിയെ മിസ്സ് എന്ന് വിളിക്കില്ല.” ഞാൻ ധൃതിയില് പറഞ്ഞു.
“എന്നെയും ഇനി ഒരിക്കലും ടീച്ചറെന്ന് വിളിക്കരുത്.” ടീച്ചർ ആജ്ഞാപിച്ചു.
“ഓക്കെ ചേച്ചി, അതും സമ്മതിച്ചു. ഇനി നിത്യേച്ചി പറ, ഗോൾഡ ചേച്ചി എന്തിനാ വിളിച്ചത്?”
“അര മണിക്കൂര് ലേറ്റായി ഒരു മണിക്ക് വീട്ടില് എത്തുമെന്ന് പറയാനാ വിളിച്ചത്. പക്ഷേ ലേറ്റായി വരുന്ന കാര്യം വേഗം പറഞ്ഞിട്ട് ബാക്കി ചോദിച്ചത് മുഴുവനും നിന്നെ കുറിച്ചാണ്.” നിത്യ ടീച്ചർ ചിരിച്ചു.
അത് കേട്ടപ്പോ എനിക്ക് ഭയങ്കര സന്തോഷമായി. ഞാനും പുഞ്ചിരിച്ചു.
“പക്ഷേ നിനക്ക് മൊബൈൽ കൊടുക്കട്ടേന്ന് ചോദിച്ചപ്പോ ചേച്ചി വേണ്ടെന്ന് പറഞ്ഞു.”
അതുകേട്ട് എനിക്ക് പെട്ടന്ന് വിഷമം തോന്നി.
“ഡാ കുട്ടാ…,” ടീച്ചർ പെട്ടന്ന് ആലോചനയുടെ വിളിച്ചു.
“എന്താ നിത്യേച്ചി..?” കണ്ണാടിയിലൂടെ ഞാൻ ടീച്ചറെ നോക്കി.
“രാവിലെ ഞാനും ഗോള്ഡ ചേച്ചിയും കിച്ചനിൽ സംസാരിച്ചതൊക്കെ നീ കേട്ടല്ലേ..,” ടീച്ചർ കുസൃതിയോടെ ചോദിച്ചു.
അപ്പൊ എന്റെ ആശ്ചര്യം കണ്ടിട്ട് ടീച്ചർ ചിരിച്ച്. “രാവിലെ നീ കിച്ചൻ വാളിന് ബാക്കിൽ നിന്ന സമയം നിന്റെ നിഴല് ഞാൻ കണ്ടായിരുന്നു. പക്ഷേ ചേച്ചി അത് കണ്ടില്ല. നീ ഒളിച്ചു നിന്ന് കേട്ട കാര്യവും ചേച്ചിക്കറിയില്ല, ഞാനും ചേച്ചിയോട് പറഞ്ഞില്ല.” ടീച്ചർ പിന്നെയും ചിരിച്ചു.
അപ്പോ ഞാൻ ജാള്യതയോടെ കണ്ണാടിയിലൂടെ ടീച്ചറെ നോക്കി.
“എന്തായാലും അത് പോട്ടെ. ഞാൻ പറഞ്ഞു വന്നത് എന്താന്ന് വെച്ച, ഗോള്ഡ ചേച്ചിക്ക് മറ്റാരേക്കാളും നിന്നോടാണ് ഏറ്റവും കൂടുതൽ ഇഷ്ട്ടം, നിനക്കും അത് പണ്ടേ അറിയാം. ചേച്ചിക്ക് അധികനേരം നിന്നോട് പിണങ്ങിയിരിക്കാനൊന്നും കഴിയില്ല. അതുകൊണ്ട് നീ ഇങ്ങനെ വിഷമിക്കണ്ട, ചേച്ചി ഉച്ചക്ക് തിരികെ വന്നതും നിന്നോട് സംസാരിച്ചിരിക്കും… ഉച്ചക്ക് വന്ന ഉടനെ സംസാരിച്ചില്ലെങ്കിൽ പോലും ഇന്നു തന്നെ എപ്പോഴെങ്കിലും നിന്നോടുള്ള ആ പിണക്കം മാറിയിരിക്കും, നോക്കിക്കോ.” ടീച്ചർ പുഞ്ചിരിയോടെ തറപ്പിച്ച് പറഞ്ഞു.
ടീച്ചർ അങ്ങനെ പറഞ്ഞപ്പോ എനിക്ക് കുറച്ച് ആശ്വാസമായി.
“എന്നാലും ചേച്ചി…. രാത്രി ഞാൻ അങ്ങനെ ചെയ്തതിന്റെ ദേഷ്യവും വെറുപ്പും ഗോൾഡ ചേച്ചിക്ക് കാണില്ലേ?”
“എടാ, ചേച്ചിക്ക് നിന്നോട് ദേഷ്യം കാണും പക്ഷേ ഒരിക്കലും വെറുപ്പ് ഉണ്ടാവില്ല.”
“വെറുപ്പ് ഉണ്ടാവില്ലെന്ന് ചേച്ചിക്കെങ്ങനെ അറിയാം?”
“അതൊക്കെ എനിക്കറിയാം. ഞങ്ങളി വാടക വീട് ഷെയർ ചെയ്യാൻ തുടങ്ങിയിട്ട് വെറും നാല് വര്ഷം മാത്രമെ ആയെങ്കിലും, എനിക്കും ചേച്ചിക്കും അതിനുമുമ്പേ പരിചയമുണ്ടോയിരുന്നു. 7 വര്ഷമായി ചേച്ചിയെ എനിക്കറിയാം. നല്ലോരു ഹെൽത്തി ഫ്രണ്ട്ഷിപ്പ് ഞങ്ങൾ തമ്മിലുണ്ട്. നിന്നെക്കുറിച്ച് ചേച്ചി എന്നോട് ഒരുപാട് കാര്യങ്ങൾ പറഞ്ഞിട്ടുണ്ട്. നീ ചേച്ചിക്ക് എത്രമാത്രം ഡിയരസ്റ്റാണെന്ന് എനിക്ക് മനസ്സിലാക്കാൻ കഴിഞ്ഞിട്ടുണ്ട്. കൂടാതെ, നീ അങ്ങനെയൊക്കെ ചെയ്തിട്ടും ചേച്ചിക്ക് നിന്നെ വെറുക്കാൻ കഴിയുന്നില്ല എന്ന് മാത്രമല്ല, ഒരിക്കലും നിന്നെ വെറുക്കില്ലെന്ന് ഇന്ന് രാവിലെ പോലും ചേച്ചി എന്നോട് പറഞ്ഞായിരുന്നു.”