എന്താ സുലുകുട്ടീ ഉണ്ടാക്കുന്നെ
പൊറോട്ട ഉണ്ടാക്കാനാടാ
ഇങ്ങോട്ട് മാറ് ഞാൻ കുഴച്ചുതരാം
ഉമ്മാനെ മാറ്റിനിർത്തി കൈ കഴുകിവന്ന് മാവ് കുഴച്ചുകൊണ്ടിരിക്കെ
ആ കുട്ടി നല്ല ചേലില്ലേ…
ഏത് കുട്ടി… അഫീഫ…
ആ…കുഴപ്പമില്ല…
നിനക്കിഷ്ടപ്പെട്ടില്ലേ…
ഞാനെന്തിനാ കണ്ട പെണ്ണുങ്ങളെ ഇഷ്ടപെടുന്നെ…
(അത് കേട്ടതും ഉമ്മാന്റെ മുഖം വാടി) നിനക്കൊരു കല്യാണമൊക്കെ വേണ്ടേ…
(ഉമ്മാന്റെ കവിളിൽ തൊട്ടുകൊണ്ട് മുഖത്തേക്ക് നോക്കി) എന്റെ ചക്കര ചുലു കുട്ടീ… അതാണ് എന്റെ അഫി… ഇങ്ങള് പറയാറുള്ള കല്യാണം കഴിഞ്ഞു പോയ ഏതോ ഒരുത്തി…
ഉമ്മ എന്നെ നോക്കി
അപ്പൊ അവൾക്ക് കല്യാണത്തിനു സമ്മതിക്കാതെ വേറെ വഴിയില്ലാത്തോണ്ട് സമ്മതിച്ചതാ… നമ്മളെ വീടിന്റെ പണി ഒക്കെക്കഴിഞ്ഞു അവളെ നമുക്കിങ് കൊണ്ടുവരാം…ഇനി അതാലോചിച്ചു സങ്കടപെടണ്ട…
എണീറ്റു എനിക്കൊരു ഉമ്മയും തന്നു സന്തോഷത്തോടെയുള്ള ആ പോക്ക് ഉപ്പാന്റെ അടുത്തേക്കാണ് പ്രായമായെന്ന വിചാരമൊന്നും രണ്ടാൾക്കുമില്ല ഇപ്പോഴും പ്രേമിച്ച് തുടങ്ങിയവരെ പോലെയാ
ചിരിച്ചുകൊണ്ട് പൊറാട്ടക്ക് മാവ് കുഴക്കുന്നതിനിടെ ഇത്ത അങ്ങോട്ട് വന്നു
എന്താ പരിപാടി…
ഉമ്മ പൊറോട്ടക്ക് മാവ് കുഴക്കുകയായിരുന്നു ഞാൻ ഏറ്റെടുത്തപ്പോ ഉമ്മ പ്രേമിക്കാൻ പോയി
ആ… ബെസ്റ്റ്…
അനിയനെയോ അനിയത്തിയേയോ കിട്ടുമോ…
പോടാ… ഈ പ്രായത്തിലോ ഒന്ന് പോയേ നീ
ഏജ് ഈസ് ജസ്റ്റ് ഏ നമ്പർ ബേബീ… അത് നിനക്ക് തോന്നിയിട്ടില്ലേ നമ്മളെ ഉമ്മ ഓടിച്ചാടി നടക്കുമ്പോ…
അത് ശെരിയാ… ഉമ്മാന്റെ പ്രായത്തിൽ ഉള്ളവർ അവിടെ വേദന ഇവിടെ വേദന എന്നൊക്കെ പറയുന്നത് കേൾക്കാം ഉമ്മ ഒരു നടുവേദനയോ മുട്ടുവേദനയോ പറയുന്നത് കേട്ടിട്ടില്ല… പണ്ടുമുതലേ ഓടിനടന്നു പണി ചെയ്യുന്നതിന്റെ ആവും…
മ്മ്… മക്കളെന്തിയെ… രണ്ടും തിരിച്ചുവന്നില്ലേ…
ഇപ്പൊ ഷെബ വിളിച്ച് ഇന്ന് വരില്ലെന്ന് പറഞ്ഞു…
അവര് ഹാപ്പി അല്ലേ… അവർക്ക് കുറവൊന്നുമില്ലല്ലോ…
ഇല്ലെടാ…
നീയോ…
(അവളെനെ പുറകിൽ നിന്നും കെട്ടിപിടിച്ചു കൊണ്ട് കവിളിൽ ഉമ്മവെച്ച് താടി തോളിൽ വെച്ചുകൊണ്ട്)ഞാനും ഇപ്പൊ ഹാപ്പിയാ…
ഞാൻ തല ചെരിച്ചു അവളുടെ കവിളിൽ ഉമ്മ നൽകി ഇത്ത കെട്ടിപിടിച്ച എന്നെയും അവൾക്കൊപ്പം രണ്ട് സൈഡിലേക്ക് ആട്ടികൊണ്ടിരുന്നു
ഇത്തൂസേ…
മ്മ്…
എന്ത് കുറവുണ്ടേലും പറയണേ…
(അവളെനെ നോക്കി)ആഗ്രഹിക്കും മുൻപ് സാധിച്ചുതരുന്ന നീ കൂടെ ഉള്ളപ്പോ എനിക്കെന്തു കുറവാ ചെക്കാ…
എന്നാലും… എന്താവശ്യമുണ്ടേലും പറയണം…
പറയാം… പോരെ…
മ്മ്…
സജീർ വരുന്നുണ്ടെന്ന് പറഞ്ഞല്ലോ ഷെബ
മ്മ്… എന്നെ അളിയൻ വിളിച്ചിരുന്നു…
മ്മ്…
എന്താടാ… സങ്കടമായോ…
ഹേയ്… എന്തിന്…
നിന്നെ പോലെ സ്നേഹമുള്ളൊരു സുന്ദരി പെണ്ണിനെ നഷ്ടപ്പെടുത്തിയതിന് അവനല്ലേ സങ്കടപെടണ്ടേ… അവനെ പോലൊരുത്തന്റെ കൂടെ ജീവിക്കണ്ടല്ലോ എന്നോർത്ത് സന്തോഷിക്കെന്റെ ഇത്തൂസേ…
(അവളുടെ പിടി ഒന്ന് കൂടെ മുറുകി അവളെന്റെ കവിളിൽ അമർത്തി ഉമ്മ തന്നു)എനിക്ക് സങ്കടമൊന്നുമില്ല മോനൂ… നീ വെറുതെ ഓരോന്ന് ആലോചിച്ചുകൂട്ടണ്ട
മ്മ്… ഇനി സങ്കടപെടാതിരുന്നാൽ മതി… എന്ത് പ്രശ്നം ഉണ്ടേലും എനോട് പറയണം
സങ്കടപെടുത്തുന്നതോ പ്രശ്നമാകുമെന്ന് തോന്നുന്നതോ എന്തുണ്ടായാലും ഞാൻ നിന്നോട് പറയും പോരെ
മതി…
കുഴച്ചുവെച്ച മാവിനുമുകളിൽ തോർത്ത് ഇട്ടുവെച്ചു കയ്യും കഴുകി ഉമ്മറത്തേക്ക് ചെല്ലുമ്പോ ഉപ്പയും ഉമ്മയും കസേരയിൽ ഇരിപ്പുണ്ട് ഉമ്മാന്റെ കൈ ഉപ്പാന്റെ കൈകൾക്കുള്ളിലാണ്
ഇത്ത : എന്താ പരിപാടി…
ചോദ്യം കേട്ടതും ഉമ്മ കൈ വലിച്ചു കൊണ്ട് ഞങ്ങളെ നോക്കി ഇത്ത ഹാപ്പി ആണെന്ന് കണ്ടാവണം രണ്ടാളെ മുഖത്തും പഴയ സങ്കടം മാറി ചിരി വിരിഞ്ഞു തുടങ്ങിയിരിക്കുന്നു
(ലാപ്പ് എടുത്ത് അവർക്കടുത്തേക്ക് വന്നുകൊണ്ട്) വീടിന്റെ പ്ലാൻ റെഡിയായിട്ടുണ്ട് നിങ്ങളെ അഭിപ്രായം കൂടി അറിഞ്ഞാൽ നമുക്ക് പണിയും എഞ്ചിനീയറെയും നോക്കാം…
പ്ലാനും ത്രി ടി യും അവരെ കാണിച്ചു
ഉപ്പ : ഇത്രയും വലിയ വീട് വേണോ നമുക്കൊരു ചെറിയ വീട് പോരെ