തലയാട്ടിക്കൊണ്ട് ഞാൻ ചോദിച്ചപ്പോ അവന് ചമ്മലോടെ ചിരിച്ചു.
അവന്റെ ആ ചമ്മലും ചിരിയും കാണാന് നല്ല ഭംഗിയായിരുന്നു. വല്ലാത്ത അട്രാക്ഷനായിരുന്നു.
“എനിക്ക് നല്ല ടാലന്റ് ഉണ്ടായിരുന്നു, ചേച്ചി. സേൽസിൽ നല്ല കഴിവുള്ള ആളുകളെ കണ്ടുപിടിച്ച് അവരെ വലിയ കമ്പനികൾക്ക് റെക്കമന്റ് ചെയ്തു ചെറിയ കമ്മിഷന് വാങ്ങിക്കുന്ന ഏജന്റുകൾ ഉണ്ട്. എന്റെ കഴിവ് ആ ഏജന്റുകളുടെ ശ്രദ്ധയില് പെട്ടു. അങ്ങനെ ഒരുപാട് കമ്പനികള് എന്നെക്കുറിച്ചറിഞ്ഞു. നല്ല സാലറി തരാമെന്ന് അവരൊക്കെ എന്നെ വിളിച്ച് ജോലി ഓഫറും ചെയ്തിരുന്നു, പക്ഷേ ഞാൻ പോയില്ല. അങ്ങനെ ഒരു വര്ഷം കഴിഞ്ഞു. ചേച്ചി ഊഹിച്ചത് പോലെ എന്റെ കമ്പനി എന്നെ പിന്നെയും മണ്ടനാക്കി.”
“എന്നാപ്പിന്നെ ആ ജോലി കളഞ്ഞിട്ട് നല്ല സാലറി ഓഫർ ചെയ്ത ഏതെങ്കിലും നല്ല കമ്പനിയില് കേറാന് പാടില്ലായിരുന്നോ?” അവന്റെ ആ കമ്പനിയെ ഞാൻ കൂടുതലായി വെറുക്കാൻ തുടങ്ങിയിരുന്നു.
“എനിക്ക് ആ ജോലി കളയാനൊന്നും മനസ്സ് വന്നില്ല, ചേച്ചി. ശമ്പളം കുറവാണെങ്കിലും കിട്ടുന്ന കാശ് ഞാൻ എന്തിന് കളയണം? പക്ഷേ എന്നെ എന്റെ കമ്പനി പറ്റിച്ചത് കാരണം, എന്റെ ആ ജോലി കളയാതെ തന്നെ, എനിക്ക് ഓഫർ ചെയ്ത എല്ലാ കമ്പനികളുമായും ഞാൻ സംസാരിച്ചു, എനിക്ക് നല്ല കമ്മിഷന് മാത്രം തരികയാണെങ്കിൽ അവരുടെയൊക്കെ കമ്പനിക്ക് വേണ്ടിയും ഞാൻ സേൽസ് ചെയ്യാമെന്ന് പറഞ്ഞു. അങ്ങനെ, എന്റെ കമ്പനി അറിയാതെ വേറെ 4 കമ്പനികളുമായി ഞാൻ സീക്രട്ട് എഗ്രിമെന്റും ഉണ്ടാക്കി.” അത്രയും പറഞ്ഞിട്ട് അവന് പുഞ്ചിരിച്ചു.
അവന്റെ പുഞ്ചിരി എന്റെ മനസ്സിൽ ഓളങ്ങള് സൃഷ്ടിച്ചു. അവന്റെ ആ പുഞ്ചിരിക്കുന്ന ചുണ്ടുകളെ തൊട്ടുനോക്കാന് എനിക്ക് കൊതി വന്നു. ഉടനെ എന്റെ കൈ പോലും എന്നെയുമറിയാതെ ചെറുതായി പൊങ്ങി.
പക്ഷേ പെട്ടന്ന് സ്വബോധം വന്ന് എന്റെ കൈ ഞാൻ താഴ്ത്തി. ഹോ… ഒട്ടും ശ്രമിക്കുക പോലും ചെയ്യാതെ സ്ത്രീകളെ നിസ്സാരമായി വശീകരിക്കാൻ കഴിവുള്ള വ്യക്തിത്വമാണല്ലോ ദൈവമേ ഇവന്റെത്…!! ഇവന് ഭയങ്കര ഡേഞ്ചറാണല്ലോ… മനസ്സ് പാളിപ്പോകാതെ വളരെ ശ്രദ്ധയോടെ വേണം ഇവന്റെ മുന്നിലിരിക്കാൻ. എന്റെ അല്പ്പം ശ്രദ്ധ തെറ്റിയാല് പോലും, എന്നെയുമറിയാതെ ചിലപ്പോ അവനെ ഞാനെന്റെ മടിയില് പിടിച്ചിരുത്തിയെന്ന് വരും.
പിന്നേ, എന്തൊക്കെയോ ദുഖങ്ങളും നിഗൂഢതകളും അവന്റെ കണ്ണില് നിഴലിച്ചു നില്ക്കുന്നത് പോലേയും എനിക്ക് തോന്നുന്നുണ്ടായിരുന്നു. അതൊക്കെ അവനോട് ചോദിച്ചറിയാനും മനസ്സ് വെമ്പി.
ച്ചേ… എന്താണ് എനിക്ക് സംഭവിക്കുന്നതെന്ന് എനിക്ക് മനസ്സിലാകുന്നില്ല. ആരോടും ഇങ്ങനെയൊന്നും എനിക്ക് തോന്നിയിട്ടില്ല. വേറെ പുരുഷന്മാരെ ഞാൻ അടുപ്പിക്കാറുമില്ല. അങ്ങനെ നിസ്സാരമായി വീഴുന്ന ടൈപ്പുമല്ല ഞാൻ. പക്ഷേ ഇവന്റെ പുഞ്ചിരിയും, ചിരിയും, സംസാരവും, ചമ്മലും, നാണവുമൊക്കെ എത്ര ഭംഗിയാണ്..!! എത്ര അട്രാക്റ്റീവാണ്.
“സത്യം പറയാമല്ലോ ചേച്ചി,” അവന് ചെറിയൊരു ചിരിയോടെ പറഞ്ഞപ്പോഴാണ് എന്റെ വഴിവിട്ട ചിന്തകളെ കളഞ്ഞിട്ട് എന്റെ ശ്രദ്ധ അവന്റെ സംസാരത്തിലേക്ക് തിരിഞ്ഞത്, “ഈ കമ്പനി എന്നെ പറ്റിച്ചത് കൊണ്ട് മാത്രമാണ് തിരിച്ചെനിക്കും കുറ്റബോധമില്ലാതെ അവരെ പറ്റിച്ച് വേറെ കമ്പനികളുമായും എഗ്രിമെന്റ് ഉണ്ടാക്കാൻ കഴിഞ്ഞത്. നല്ല സാലറിയും കമ്മിഷനും കിട്ടുന്ന നല്ല കമ്പനിയിൽ ഞാൻ കേറിയിരുന്നെങ്കിൽ ഇങ്ങനെ കള്ളത്തരം ചെയ്യാൻ എന്റെ മനസ്സ് അനുവദിക്കില്ലായിരുന്നു… ഇപ്പൊ 5 കമ്പനികളില് നിന്നും എനിക്ക് നല്ലോരു തുക തന്നെ കിട്ടുന്നു … എത്ര വലിയ നല്ല കമ്പനിയില് കേറിയാലും ഇത്രയും തുക കിട്ടില്ല. അതുകൊണ്ടാണ് ഇങ്ങനെതന്നെ ഞാൻ തുടരുന്നത്.” അവന് രഹസ്യം പോലെ ശബ്ദം താഴ്ത്തി എന്നോട് പറഞ്ഞു.
അതുകേട്ട് എന്റെ വിഷമമൊക്കെ മറന്ന് ഞാൻ പൊട്ടിച്ചിരിച്ചു പോയി. കഴിഞ്ഞ രാത്രിയത്തെ ആ കയ്പ്പുള്ള സംഭവത്തെ പോലും കുറച്ച് നേരത്തേക്ക് മറന്ന് ഞാൻ നന്നായി ചിരിച്ചു.