“അയ്യോ ചേച്ചി, പിന്നീടാണ് കാര്യങ്ങൾ മാറിമറിഞ്ഞത്.” അവന് ചമ്മലോടെ പറഞ്ഞു.
“ഒന്ന് പോ, ഡാനി. അവള്ക്ക് സെക്സിനോട് താല്പ്പര്യമുണ്ടെന്ന് വച്ച് അവളെ കുറ്റം പറയാനൊന്നും പറ്റില്ല.”
“ചേച്ചി പറഞ്ഞതിനോട് ഞാനും യോജിക്കുന്നു. പക്ഷേ സംഭവം അതല്ല, ചേച്ചി.”
“ഓക്കെ, അപ്പോ എന്താണ് ശെരിക്കുള്ള സംഭവം?” ഞാൻ ചോദിച്ചു.
“2 മാസം തുടർച്ചയായി, ഒരു രാത്രി പോലും മുടങ്ങാതെ, എന്നും രാത്രി അവളെന്നെ അങ്ങോട്ട് ചെല്ലാൻ നിര്ബന്ധിച്ചിരുന്നു. ഞാനും പോകുമായിരുന്നു. ഞങ്ങളുടെ സ്നേഹബന്ധം ശക്തമായി — അവൾക്കും അങ്ങനെയാണെന്നാണ് ഞാൻ ധരിച്ചിരുന്നത്.”
“എടാ, അപ്പോ അവളും നിന്നെ വേണ്ടെന്ന് പറഞ്ഞ് വേറെ കല്യാണം കഴിച്ചോ?” ഞാൻ ഇടക്ക് കേറി ചോദിച്ചു. പാവം ഡാനി, എനിക്ക് അവനോട് സഹതാപം തോന്നി.
“എന്നെ കളഞ്ഞിട്ട് വേറെ കല്യാണം കഴിച്ചിരുന്നെങ്കിൽ പോലും എനിക്ക് അത്ര വിഷമം ഉണ്ടാവില്ലായിരുന്നു, ചേച്ചി. പക്ഷേ—”
“എന്തു പക്ഷേ?”
“അവളുടെ വിവാഹം കഴിഞ്ഞതായിരുന്നു.” അവന് പറഞ്ഞു.
“എന്റെ ഡാനി, വിധവയായ ഒരു പെണ്ണിന് വീണ്ടും സ്നേഹിക്കാന് പാടില്ല എന്നുണ്ടോ? പുനര്വിവാഹം പാടില്ല എന്നുണ്ടോ?” ഞാൻ നല്ല ദേഷ്യത്തിലാണ് ചോദിച്ചത്.
“അയ്യോ ചേച്ചി, അവള് വിധവയായിരുന്നുവെങ്കിൽ പോലും എനിക്ക് പ്രശ്നമില്ലായിരുന്നു. പക്ഷേ അവള് വിധവയായിരുന്നില്ല. അവളുടെ ഭർത്താവ് ജീവനോടേയുണ്ട്. പുള്ളിക്കാരൻ ഗൾഫിലാണ്. വര്ഷാവർഷം നാട്ടില് വന്നിട്ട് പോകും. അവർ തമ്മില് പ്രശ്നങ്ങൾ പോലുമില്ല, നല്ല സ്നേഹത്തിലുമാണ് അവർ ജീവിക്കുന്നത്. പക്ഷേ, എന്നെ കണ്ട നിമിഷം തൊട്ടെ എന്റെ ഗ്ലാമര് അവളെ വല്ലാതെ ആകര്ഷിച്ചു എന്നും, അവള്ക്ക് എന്നോട് തോന്നിയ മോഹം കാരണമാണ് അവള്ക്ക് വിവാഹം കഴിഞ്ഞ കാര്യം എന്നോട് മറച്ചു വച്ചിട്ട് എന്നെ വളച്ചെടുത്തതെന്നും അവൾ തുറന്നടിച്ച് പറഞ്ഞു. കളിക്കാന് മാത്രമാണ് എന്നെ അവള് വളച്ചതെന്നും അവള് നിസ്സാരമായി പറഞ്ഞു. പിന്നെ, രണ്ട് ദിവസം കഴിഞ്ഞ് അവളുടെ ഭർത്താവ് ഗൾഫിൽ നിന്ന് വരുന്നുവെന്നും… രണ്ട് മാസം ഭർത്താവ് നാട്ടില് ഉണ്ടാകുമെന്നും… അതുകഴിഞ്ഞ് പുള്ളി തിരികെ ഗൾഫിൽ പോകുമെന്നും, അതുകൊണ്ടാണ് ഇപ്പൊ സത്യാവസ്ഥ എന്നോട് പറയേണ്ടി വന്നതെന്നും അവൾ എന്നോട് പറഞ്ഞു. അത്രയും പറഞ്ഞത് പോരാഞ്ഞിട്ട്, അവൾ മാപ്പൊന്നും ചോദിക്കില്ല എന്നും, അവളെ ഞാൻ മറക്കാൻ പാടില്ല എന്നും, ഭർത്താവ് ഗൾഫിൽ പോയ ശേഷം നമുക്ക് പിന്നെയും ഡെയ്ലി കളിക്കാം എന്നും, ഞങ്ങളുടെ കളി കഴിഞ്ഞ് എന്റെ മുകളില് കിടന്നുകൊണ്ട് തന്നെ അവള് നിസ്സാരമായി എന്റെ കാതില് പറഞ്ഞ് എന്നെ പൊട്ടനാക്കിയപ്പോ…. ഞാൻ… ഞാൻ — ഞാൻ എന്താ പറയേണ്ടിയിരുന്നത്, ഞാൻ വെറും പൊട്ടനായിപ്പോയി, ചേച്ചി.”
ഡാനിയല് പറഞ്ഞത് കേട്ട് കുറച്ച് നേരത്തേക്ക് ഞാൻ മിഴിച്ചിരുന്നു. എന്നിട്ട് അടക്കിപ്പിടിക്കാൻ കഴിയാതെ ഞാൻ പൊട്ടിച്ചിരിച്ചു പോയി.
അപ്പോ ഡാനിയല് ചെറിയ കുഞ്ഞിനെ പോലെ മുഖം വീര്പ്പിച്ചു കൊണ്ട് എന്നെ നോക്കിയപ്പോ എന്റെ ചിരി കൂടി.
“ചേച്ചി…!!” അവന് ചുണ്ടുകള് കോട്ടി എന്നെ കുറ്റപ്പെടുത്തും പോലെ വിളിച്ചപ്പോ എന്റെ ചിരി വല്ലാതെ ഉയർന്നു.
“എന്നെ കളിയാക്കില്ലെന്ന് പറഞ്ഞിട്ടിപ്പോ—” പിണക്കത്തിൽ അവന്റെ ചുണ്ടുകള് നന്നായി കൂമ്പി നിന്നു.
അതുകൂടി ആയപ്പോ എനിക്ക് കുറെ നേരത്തേക്ക് ചിരി നിര്ത്താന് കഴിഞ്ഞില്ല. ഒടുവില് എങ്ങനെയൊക്കെയോ ചിരി അവസാനിപ്പിച്ച് ഞാൻ അവനെ നോക്കി. പക്ഷെ സംസാരിക്കാന് ശ്രമിച്ചാൽ ഞാൻ പിന്നെയും ചിരിച്ചു പോകുമെന്ന് തോന്നിയത് കൊണ്ട് അല്പ്പനേരം അവനെ നോക്കി ഞാൻ മിണ്ടാതിരുന്നു.
ആ പെണ്ണിന് ഇവന്റെ കൂടെ കിടക്കാന് തോന്നിയതിൽ എനിക്ക് അല്ഭുതമൊന്നും തോന്നിയില്ല, അത്രമാത്രം ഗ്ലാമര് അവന്നുണ്ട്. അന്ന് അവനോട് സംസാരിച്ച് തുടങ്ങിയപ്പോൾ മറ്റുള്ളവരോടൊന്നും തോന്നാത്ത എന്തോ ഒരു പ്രത്യേക അടുപ്പം എനിക്ക് പോലും അവനോട് തോന്നിയതാണ്. ചിലപ്പോ അവനോട് ഞാൻ ആദ്യം ദേഷ്യപ്പെട്ടതിന്റെ കുറ്റബോധം ആയിരിക്കാം. പിന്നെ അവന് അനാഥൻ ആണെന്ന സത്യവും, അവന്റെ ഭവ്യമായ പെരുമറ്റം, നല്ല സ്വഭാവം, അങ്ങനെ എല്ലാം കൊണ്ടും എനിക്ക് അവനോട് വല്ലാത്ത അടുപ്പം തോന്നുകയാണ് ചെയ്തത്. ഇപ്പൊ അവന്റെ ആ കഥ കൂടി കേട്ടപ്പോ കഷ്ടം തോന്നിയെങ്കിലും അതിനേക്കാള് കൂടുതൽ കോമഡിയായിട്ടാണ് തോന്നിയത്. കൂടാതെ അവനോടുള്ള അടുപ്പം വല്ലാതെയങ്ങ് കൂടി.