“മേശപ്പുറത്ത് എല്ലാം വെച്ചിട്ടുണ്ട്…. എടുത്തു കഴിക്ക് ഡേവി….. ഞാൻ കിടക്കട്ടെ….!” അത്രയും പറഞ്ഞിട്ട് ആന്റി അവരുടെ റൂമിൽ കേറി പോയി.
ഒട്ടും വിശപ്പ് ഇല്ലാത്ത കൊണ്ട് കഴിക്കാതെ ഞാൻ നേരെ മുകളില് പോയി കിടന്നു. രാവിലെ കോളേജില് പോണം. പക്ഷേ എനിക്ക് ഒരു ഇന്ററസ്റ്റ് ഉം ഇല്ലായിരുന്നു.
മനസ്സ് നിറയെ ഇസ ആയിരുന്നു. അവളോട് ഞാൻ അങ്ങനെ ഒന്നും ചെയ്യാൻ പാടില്ലായിരുന്നു… എന്റെ വിവരക്കേട് ഓര്ത്ത് ഞാൻ ദുഃഖിച്ചു.
രണ്ട് മണി കഴിഞ്ഞാണ് എനിക്ക് ഉറക്കം വന്നത് തന്നെ. എന്നിട്ട് പതിവില്ലാതെ ഞാൻ ലേറ്റ് ആയിട്ടാണ് ഉണര്ന്നത്.
സമയം ഏഴര കഴിഞ്ഞിരുന്നു. സാധാരണയായി എട്ടര മണിക്ക് ഞാനും ഇസയും വീട്ടില് നിന്ന് ഇറങ്ങാറാണ് പതിവ്.
മൂന്നാല് ദിവസമായി ഇസ എന്നോട് സംസാരിച്ചിട്ട്….. എനിക്ക് വിഷമം കൂടി…. എന്റെ തല പെരുത്ത് വന്നു…..,
ബാത്റൂമിൽ കേറി ഞാൻ ഒരുപാട് സമയം ഷവറിന് താഴേ ചിലവഴിച്ചു…, എന്തോ സുഖമില്ലാത്ത പോലെ എനിക്ക് തോന്നി.
ഞാൻ താഴേ വന്നപ്പോൾ ഇസ ബ്രേക്ക്ഫാസ്റ്റ് കഴിച്ച് കഴിഞ്ഞ് എഴുനേറ്റ് കിച്ചനിൽ പോകുന്നതാണ് ഞാൻ കണ്ടത്.
എന്റെ ജീവിതത്തിൽ ആദ്യമായാണ് സ്കൂൾ അല്ലെങ്കിൽ കോളേജ് ഉള്ള ദിവസം എന്നെ കൂടാതെ ഇസ ഒറ്റക്ക് കഴിക്കുന്നത്….
അത്രക്കും വെറുപ്പാണോ അവള്ക്ക് എന്നോട്…?
ഞാൻ നേരെ കിച്ചനിൽ പോയി. അവള് കഴിച്ച പാത്രം അവള് കഴുകുന്നത് ഞാൻ കണ്ടു. ജോലി കഴിഞ്ഞ് അവള് തിരിഞ്ഞതും ഇസ എന്നെ കണ്ടു.
ഞാൻ പുഞ്ചിരിച്ചു. പക്ഷേ എന്നെ കാണാത്ത പോലെ ഇസ കിച്ചനിൽ നിന്നും ഇറങ്ങി പോയി.
“നീയെന്താ രാത്രി കഴിക്കാത്ത ഡേവി…?” ആന്റി ചോദിച്ചു.
“വിശപ്പ് ഇല്ലായിരുന്നു ആന്റി…” ഞാൻ മറുപടി പറഞ്ഞു.
എന്റെ ശബ്ദത്തിന് പോലും ഒരു ശക്തിയും ഇല്ലായിരുന്നു.
ആന്റി എന്നെ തുറിച്ച് നോക്കി, “ഇന്നലെ മുഴുവനും നി ഒന്നും തന്നെ കഴിച്ചി—”
പെട്ടന്ന് ഞാൻ ഇടക്ക് കേറി പറഞ്ഞു, “ഇന്നലെ ഞാൻ ഹോട്ടലിൽ നിന്നും കഴി—”
“ എന്നോട് കള്ളം പറയാതെ ഡേവി….” ആന്റിയുടെ ശബ്ദം ഉയർന്നു.
ഞാൻ തറയില് നോക്കി നിന്നു.
“ ഈയിടെയായി പട്ടിണി കിടക്കുന്നത് നിനക്ക് കൂടി വരുന്നു ഡേവി…. അത് നന്നല്ല…. ഡൈനിംഗ് ടേബിള് പുറത്ത് ആഹാരം എടുത്ത് വെച്ചിട്ടുണ്ട് എടുത്ത് കഴിക്ക്.” ആന്റി ദേഷ്യത്തില് പറഞ്ഞു.
ഞാൻ പെട്ടന്ന് ഡൈനിംഗ് റൂമിൽ വന്നു. കസേരയില് ഇരുന്നതും അടുത്ത ഇടി എന്റെ തലയില് വീണു—,
“അമ്മേ ഷിജി കൊപ്പം ഞാൻ കോളേജില് പോണു…….” ഇസ വീടിന്റെ നടയില് നിന്ന് വിളിച്ച് പറയുന്നത് ഞാൻ കേട്ടു.
ആന്റി കിച്ചനിൽ നിന്നും ധൃതിയില് പുറത്തിറങ്ങി വന്നു. എനിക്കൊന്നും മനസ്സിലാവുന്നില്ല എന്ന പോലെ എന്റെ നേര്ക്ക് ഒരു നോട്ടം പായിച്ച് കൊണ്ട് ആന്റി പോയി.
“ഇതെന്താടി ഒരു പുതിയ ശീലം…. എപ്പോഴും നി അവന്റെ കൂടിയല്ലേ പോകുന്നത്…, ഇപ്പൊ എന്താ ഒരു പുതുമ…?” ആന്റിയുടെ ചോദ്യം ഞാൻ കേട്ടു.
“ഷിജി ഒറ്റക്കല്ലെ എപ്പോഴും പോകുന്നത്…. കുറെ ദിവസമായി അവളെന്നെ കൂട്ടിന് വിളിക്കുന്നു…. ഒരു ചേഞ്ച് ആവട്ടെ എന്ന് ഞാനും കരുതി…. ഇനി നിന്നാ ലേറ്റ് ആകും, ഞാൻ പോണു….” ഇസയുടെ മറുപടി അതായിരുന്നു.
ചെറുതായി ഉണ്ടായിരുന്ന വിശപ്പ് അതോടെ തീര്ന്നു. ഫുഡ് വായിൽ വെച്ചാലെ ഞാൻ ഛർദ്ദിക്കുമെന്ന് തോന്നി.
ആന്റി തലയാട്ടി കൊണ്ട് കിച്ചനിൽ കേറി പോയി.
ഞാൻ എഴുനേറ്റ് എന്റെ റൂമിൽ പോയി ഷോൾഡറ് ബാഗും തോളില് തൂക്കി വേഗം ബൈക്ക് എടുത്തുകൊണ്ട് കോളേജ് ലക്ഷ്യമാക്കി വിട്ടു.
പക്ഷേ ടൗണിൽ എത്തിയതും കോളേജില് പോകാതെ ഞാൻ റിപ്പയറിംഗ് കടയിലാണ് പോയത്.
“എന്തുവാ… കോളേജില് പോകാൻ ഇറങ്ങിയതാ നി…?” എന്റെ തോളിലെ ബാഗ് കണ്ടിട്ട് കടയിലെ റഫീക് ചേട്ടൻ ചോദിച്ചു.
“ഓ… ഒരു മൂഡില്ല ചേട്ടാ…. ഞാൻ എങ്ങും പോണില്ല……” ഞാൻ പറഞ്ഞു.
“എന്നാ നന്നായി, നന്നക്ക് പറ്റിയ പണി ഉണ്ട്….” അയാൾ പറഞ്ഞു.
പണിയില് മുഴുകി സമയം പോയത് അറിഞ്ഞില്ല…. മൊബൈല് റിംഗ് ആവുന്നത് കേട്ടാണ് ഞാൻ സമയം നോക്കിയത്.