അധികംവൈകാതൊരു നിപ്പിളുകുപ്പിനിറയെ പാലുമായവൾ പാഞ്ഞുവരികേംചെയ്തു…
അതവന്റെ വായിലേയ്ക്കു വെച്ചുകൊടുത്തെങ്കിലും
അതിലൊന്നുംവീഴുന്ന
ടൈപ്പല്ലായ്രുന്നൂ ചെക്കൻ…
നിപ്പിളല്ല, അമൂലിന്റെകമ്പനി എന്റെ പേർക്കെഴുതിത്തന്നാലും ഞാൻ കാറിച്ച നിർത്തില്ലെടാന്നമട്ടിൽ അവനങ്ങു കീറിപ്പൊളിച്ചു…
വായിലേയ്ക്കു നീട്ടിക്കൊടുത്ത നിപ്പിളുകുപ്പിയും തട്ടിയെറിഞ്ഞുള്ള കീറലുകണ്ടതും എനിയ്ക്കങ്ങടു വിറഞ്ഞുകേറി;
“”…ദേ മര്യാദയ്ക്കല്ലേൽ വായിലേയ്ക്കു ഞാനിത്
കുത്തിക്കേറ്റും പറഞ്ഞേക്കാം..!!”””_ നിപ്പിളുകുപ്പിയുംചൂണ്ടി ഭീഷണിമുഴക്കിയതും എന്റെമുഖത്തേയ്ക്കു നോക്കി കീറിക്കൊണ്ടിരുന്ന ചെക്കനൊന്നുപകച്ചു…
പക്ഷേ കാര്യമുണ്ടായ്ല്ല, പിന്നതിലും ശക്തിയിലവൻ നിലവിളിയ്ക്കാനുംതുടങ്ങി…
“”…ഈ മൈര്… എടീ മീനാഷീ… നീയീ പണ്ടാരത്തിന്റെ വായങ്ങടു തുറന്നുപിടിച്ചേ… ഇതങ്ങോട്ടു കുത്തിയിറക്കിവിടാം… അല്ലാണ്ടിത് കുടിയ്ക്കുമെന്നൊന്നും എനിയ്ക്കു തോന്നുന്നില്ല..!!”””
“”…പോടാ… എന്നിട്ടിതിനെ കൊല്ലാനോ..??”””
“”…അല്ലാണ്ടുപിന്നെന്തോ ചെയ്യും..?? ഇതുകുടിയ്ക്കാതീക്കുരിപ്പ് കാറിച്ച നിർത്തത്തൊന്നൂല്ല..!!”””
“”…എടാ… നീയിങ്ങനെകിടന്നു തൊള്ളതുറന്നാലെങ്ങനാ കൊച്ചു പാലുകുടിയ്ക്കുന്നേ..?? കുഞ്ഞുങ്ങള് പാലുകുടിയ്ക്കണോങ്കില് പ്രൈവസിവേണം… ഒരുകാര്യഞ്ചെയ്, നീയങ്ങോട്ടിറങ്ങ്… ഞാങ്കൊടുത്തോളാം..!!”””_ അവൾപറഞ്ഞതും, ഇനി നമ്മളായ്ട്ടാരുടേം പ്രൈവസി കളയണ്ടെന്നോർത്ത് നിപ്പിളുകുപ്പിയുമവൾടെ കയ്യിൽകൊടുത്തിട്ട് ഞാനവിടന്നിറങ്ങി…
എന്നാലിറങ്ങുമ്പോഴും അവനെയൊന്നു നോക്കാൻ ഞാൻമറന്നില്ല;
…ഇന്നലെവരെ കൂട്ടുകൂടിനടന്നിട്ടും ഒരാവശ്യംവന്നപ്പോൾ നീയെനിയ്ക്കു പട്ടിവിലതന്നല്ലേടാ നാറീന്നൊരു ചോദ്യമായ്രുന്നൂ മനസ്സിൽ…
എന്നാൽ ഞാൻപുറത്തിറങ്ങിയിട്ടും കാറിച്ചയ്ക്കൊരു കുറവുംവന്നില്ല…
മാത്രവുമല്ല, മീനാക്ഷിയുടെ പാറയിൽ ചിരട്ടയിട്ടൊരയ്ക്കുന്ന ശബ്ദത്തിലുള്ള വാവാവോകൂടി വീട്ടിൽമുഴങ്ങുവേം ചെയ്തു…
അതോടെ ട്രക്കിങ്ങിന് സർക്കാശൂപത്രിയിൽ കേറിയ അവസ്ഥയിലായി ഞാൻ…
…ഇത്രേംനേരം തക്കുടൂന്റെ കരച്ചില് സയ്ച്ചാൽ മതിയായ്രുന്നു… ഇതിപ്പോളവൾടെ പാട്ടൂടെ കേൾക്കേണ്ടവസ്ഥയായി…
“”…എടാ… ഇതേ…
ഇതുനമ്മളേക്കൊണ്ട് കൂട്ടിയാൽകൂടോന്ന് തോന്നില്ലാട്ടോ… നീ പെട്ടെന്ന് ചേച്ചിയെവിളി..!!”””_ കച്ചേരികഴിഞ്ഞ് ഭാഗവതരിറങ്ങിവന്നു പറഞ്ഞപ്പോൾ അവളാക്കൊച്ചിനെയെന്തോ ചെയ്തതെന്നാണ് പെട്ടെന്നെനിയ്ക്കു തോന്നീത്…
“”…ചേച്ചീനെ വിളിയ്ക്കാനോ..?? എന്തിന്..?? സത്യമ്പറ, നീ കൊച്ചിനെയെന്താടീ ചെയ്തത്..??”””
“”…ഞാനെന്തേലും ചെയ്തെന്നല്ലടാ പൊട്ടാപറഞ്ഞത്… ഈ കരച്ചിലു നിയ്ക്കണോങ്കി ചേച്ചിതന്നെ വിചാരിയ്ക്കണോന്നാ… നീ പെട്ടെന്ന് ചേച്ചിയെവിളിച്ചേ..!!”””
“”…ഒന്നുപോടി മറ്റവളേ… ചേച്ചീനെവിളിയ്ക്കാനോ..?? അതിലുംഭേദം പോയിചാവുന്നതാ… മൂന്നാല്മണിക്കൂറ് ഉറങ്ങിക്കോളുമെന്നും പറഞ്ഞു തന്നിട്ടുപോയചെക്കനെയാ കുത്തിയെണീപ്പിച്ചേക്കുന്നത്… ഇനിയവരോടെന്തു സമാധാനമ്പറയും..?? അവര് വരുന്നേനുംമുമ്പ് പെട്ടെന്നതിനെ നേരെയാക്കിയ്ക്കോ..!!”””
“”…നേരെയാക്കാനോ..?? എന്തു നേരെയാക്കാൻ..??”””_ മീനാക്ഷി കണ്ണുമിഴിച്ചെന്റെ മുഖത്തേയ്ക്കുനോക്കി…
“”…എടി കോപ്പേ… കൊച്ചിന്റെ കരച്ചിലുനിർത്താൻ… ഒന്നാമതേയവര് കയ്യിത്തന്ന സർവ്വസാധനവും ഊമ്പിച്ചിട്ടേ നീ തിരിച്ചുകൊടുത്തിട്ടുള്ളൂ… ആദ്യംവണ്ടി… പിന്നവരുടെ കുണ്ടി… ഇപ്പൊ ദേയീ ചെക്കനും… എല്ലാം നീ മുടിപ്പിച്ചു തേച്ചുകഴുകി… ഇനിയവരു വരുന്നേനുംമുമ്പ് എത്രയുംപെട്ടെന്ന് കരച്ചിലുനിർത്തിയ്ക്കോ… ഇല്ലേലിന്നു നിന്റവസാനമാ… വേറെല്ലാമവരു സഹിയ്ക്കും, ആ കുഞ്ഞിനെന്തേലും പറ്റിയാലുണ്ടല്ലോ… നടക്കുന്നത് വേറെയായ്രിയ്ക്കും… രാവിലെയാപ്പാവ തപ്പിനടന്നത് കണ്ടല്ലോല്ലേ..??”””
ഒന്നുപേടിപ്പിയ്ക്കണം..
പറ്റിയാലൊന്നു പെടുപ്പിയ്ക്കണം, അത്രേയുണ്ടായ്രുന്നുള്ളൂ ഉദ്ദേശം…