ഞാൻ മുറിയിൽ മുട്ടി. “എന്താ മമ്മി? ഞാൻ പറഞ്ഞില്ലേ വരുന്നില്ലെന്ന്!” മമ്മിയാണെന്ന് കരുതി അകത്തുനിന്ന് മറുപടി വന്നു.
“ടാ പട്ടി!”
ഞാൻ അവനെ അടിക്കില്ലെന്ന വിശ്വാസം ചെക്കനുണ്ട്. ഡോർ തുറന്ന് അവൻ വീണ്ടും ബെഡിലേക്ക് തന്നെ പോയി കിടന്നു. ടീഷർട്ടും ത്രീഫോർത്തുമാണ് വേഷം. ഞാൻ നേരെ കമ്പ്യൂട്ടറിന് മുന്നിലിരുന്നു. അവൻ കണ്ടു പകുതിയാക്കിയ ഏതോ ‘ജപ്പാൻ’ പടം പ്ലേ ആയി കിടക്കുന്നു. അത് ഓഫ് ചെയ്ത് ഞാൻ അവന് നേരെ തിരിഞ്ഞു.
“സണ്ണിക്കുട്ടാ… ദിവ്യയും നീയും തമ്മിൽ എന്താ പരിപാടി?” ഞാൻ മോണിറ്ററിൽ നോക്കിത്തന്നെ ചോദിച്ചു. അവന്റെ മുഖത്ത് നോക്കിയാൽ ചെക്കൻ പേടിക്കും, പിന്നെ സത്യം പറയില്ല.
“നീ അവളെ കണ്ടോ?” പേടിച്ചുള്ള മറുചോദ്യം.
“ടാ പട്ടി… എന്നെ മുന്നിലിട്ട് കൊടുത്തിട്ട് നീ എങ്ങോട്ടാ ഓടിയത്?”
“ടാ… പ്രിയ അങ്ങനെ പറഞ്ഞപ്പോൾ…”
“പ്രിയയോ?” ഞാൻ ഞെട്ടിക്കൊണ്ട് കസേരയിൽ നിന്നെഴുന്നേറ്റു. ഇവിടെ വന്നിട്ട് ഇത്ര ദിവസമായിട്ടും ആ പേര് ഈ പട്ടിയുടെ വായിൽ നിന്ന് വന്നിട്ടില്ല!
എന്നെ നോക്കി ചിരിച്ച് സണ്ണി മെല്ലെ ബെഡിൽ നിന്നെഴുന്നേൽക്കാൻ നോക്കി. “ഓടിയാൽ നിന്നെ ഞാൻ കായലിൽ മുക്കും!” കട്ടിലിന്റെ വെളിയിലേക്ക് കാൽ വെച്ച അവനോട് ഞാൻ ഗൗരവത്തിൽ പറഞ്ഞു. എന്നിട്ട് ഡോർ അടച്ച് കുറ്റിയിട്ടു.
“വന്നിട്ട് കുറച്ചു ദിവസമായി. എന്നോട് ഒരു തവണ പോലും അവളുടെ കാര്യം പറഞ്ഞിട്ടില്ല. ഇന്ന് ദിവ്യയുടെ പേരും പറഞ്ഞ് നീ എന്നെ വിളിച്ചുകൊണ്ടുപോയി. എന്താടാ സത്യം?” അവന്റെ കൈയ്യിൽ മുറുക്കിപ്പിടിച്ച് ഞാൻ ചോദിച്ചു.
“ഡാ… കമ്പിയിട്ട കൈയാണ്!” എന്റെ അടുത്ത നീക്കം മുൻകൂട്ടി കണ്ടുകൊണ്ട് സണ്ണി ഒന്ന് പതുങ്ങി.
“ആണോ? എന്നാൽ നമുക്ക് അത് വെൽഡ് ചെയ്യാം. സത്യം പറയടാ…” അവന്റെ കൈ ഞാൻ ചെറുതായി ഒന്ന് തിരിച്ചു.
“അഹ്!” വേദന കൊണ്ട് സണ്ണി ബെഡിൽ ഒന്ന് പൊങ്ങി.
“വികാരം കൊള്ളുന്നോടാ മൈരേ?” കൈ ഒന്ന് അയച്ചുപിടിച്ച് വീണ്ടും ഒറ്റത്തിരി!
“വിട്… പറയാം!” ഇത്തവണ അവൻ ഒച്ച വെച്ചില്ല. പക്ഷേ മുഖത്ത് നല്ല സങ്കടമുണ്ടായിരുന്നു, കണ്ണൊക്കെ നിറഞ്ഞു വന്നു.
കൈ വിട്ട് ഞാൻ അവന്റെ അടുത്തിരുന്നു. സണ്ണി പതുക്കെ ബെഡിന്റെ അങ്ങേ അറ്റത്തേക്ക് നീങ്ങിക്കിടന്നു. “സോറി…” അവനെ നോക്കാതെ ഞാൻ പറഞ്ഞു.
“ഞാൻ ദിവ്യയോട് ഇഷ്ടം പറഞ്ഞപ്പോൾ അവൾക്ക് നിന്നെയാണത്രേ ഇഷ്ടം. നിന്റെ നമ്പർ ചോദിച്ചു. ഞാൻ പേടിച്ചുപോയി. ഒടുവിൽ നിന്റെ പേരിൽ എന്റെ നമ്പർ കൊടുത്തു.” ഒരു വലിയ കുറ്റകൃത്യം ചെയ്തിട്ട് ‘ഇത്രയല്ലേ ചെയ്തുള്ളൂ’ എന്ന് പറയുന്ന ഭാവമായിരുന്നു അവന്.
“എന്റെ പട്ടി!” ഞാൻ തലയിൽ കൈവെച്ച് അവനെ നോക്കി.
“നീ തിരിച്ചു വരുമെന്ന് ഞാൻ കരുതിയില്ലടാ. സെക്സ് ചാറ്റായിരുന്നു മുഴുവൻ. ആ ദീപു അവളെ ഹോട്ടലിൽ കൊണ്ടുപോയ കഥ നിനക്കറിയാമല്ലോ. ആ ധൈര്യത്തിൽ ഞാൻ ഒരു കളി ചോദിച്ചു. നേരിട്ട് വന്നു ചോദിച്ചാൽ തരാമെന്ന് അവളും പറഞ്ഞു.”
സത്യസന്ധനായ മണ്ടൻ! അതാണ് എന്റെ സണ്ണിക്കുട്ടൻ. ഞങ്ങളുടെ ഇടയിൽ പണ്ടേയുള്ള ഒരു കഥയായിരുന്നു ദീപു ദിവ്യയെ ഹോട്ടലിൽ കൊണ്ടുപോയി എന്നത്.
“പ്രിയ നിന്നോട് സംസാരിച്ചിട്ടുണ്ടോ?” സണ്ണി പ്രിയയുടെ മുന്നിൽ പോകില്ലെന്ന് എനിക്കറിയാം, എങ്കിലും ഒന്ന് ചോദിച്ചു.
“ഇല്ല. അവൾ പഴയ പ്രിയയല്ല. വെറുതെ ഒരുങ്ങിക്കെട്ടി വരും, കുറെയെണ്ണം പിന്നാലെ നടക്കും. പക്ഷേ അവൾ ആരെയും മൈൻഡ് ചെയ്യില്ല. എന്നിട്ട് ആ പാവങ്ങളുടെ ക്യാഷ് പിടുങ്ങും,” സണ്ണി ഒരു കുശുമ്പിയായ പെണ്ണിനെപ്പോലെ പറഞ്ഞു. ഇവന്റെ കയ്യിൽ നിന്നും അവൾ വല്ലതും പിടുങ്ങിയോ എന്ന് എനിക്ക് സംശയം തോന്നി.
“അവൾ യൂണിഫോം മാറി കാഷ്വൽ ഡ്രസ്സ് ഇടാൻ തുടങ്ങിയല്ലേ…” അവളുടെ സ്വഭാവം മാറിയിട്ടില്ലെന്ന് ഞാൻ തമാശയായി പറഞ്ഞു.