ചേച്ചി സന്തോഷം കൊണ്ട് കിതയ്ക്കുന്നുണ്ടായിരുന്നു.
പിന്നെ കുറച്ചുനേരം കൂടി കല്യാണത്തിന്റെ പ്ലാനിങ്ങുകളെക്കുറിച്ചൊക്കെ സംസാരിച്ച് ഞങ്ങൾ ഫോൺ വെച്ചു.
അമ്മയുണ്ടാക്കിയ ചോറും കറികളും കൂട്ടി വലിയൊരു സന്തോഷത്തിൽ അത്താഴവും കഴിഞ്ഞ്, ഞങ്ങൾ ഉറങ്ങാനായി മുകളിലത്തെ മുറിയിലേക്ക് നടന്നു.
മുറിയിലെത്തി വാതിലടച്ചതും, ജനാലയിലൂടെ വന്ന ഇളംകാറ്റ് ആ മുറിയിലാകെ പരന്നു. കണ്ണാടിക്ക് മുന്നിൽ നിന്ന് തന്റെ നീണ്ട മുടിയിഴകൾ ചീകിയൊതുക്കുകയായിരുന്നു പാർവണ.
അപ്പോഴും അവൾ ആ നേർത്ത മെറൂൺ കുർത്ത തന്നെയായിരുന്നു ധരിച്ചിരുന്നത്. മുടിയുടെ ഒരറ്റം മുന്നിലേക്ക് ഇട്ടിരുന്നതുകൊണ്ട് അവളുടെ വെളുത്ത കഴുത്തും നഗ്നമായ തോളുകളും എനിക്ക് വ്യക്തമായി കാണാമായിരുന്നു.
വൈകുന്നേരം പടവുകൾ ഇറങ്ങിവരുമ്പോൾ എന്റെ ഉള്ളിൽ തോന്നിയ ആ വല്ലാത്തൊരു പ്രണയം വീണ്ടും എന്നിലേക്ക്
ഇരച്ചുകയറുന്നതുപോലെ എനിക്ക് തോന്നി.
ഞാൻ പതുക്കെ അവളുടെ പിന്നിലൂടെ ചെന്ന് ആ നേർത്ത അരക്കെട്ടിലൂടെ എന്റെ ഇരുകൈകളും ചുറ്റി അവളെ എന്റെ നെഞ്ചിലേക്ക് വലിച്ചടുപ്പിച്ചു. എന്റെ നെഞ്ചിലെ ചൂടറിഞ്ഞതും അവൾ ചീകിക്കൊണ്ടിരുന്ന ചീപ്പ് താഴെ വെച്ച്, എന്റെ കൈകളിൽ പിടിച്ച് പതുക്കെ പുറകോട്ട് ചാഞ്ഞു.
അവളുടെ മുടിയിലെ ആ പഴയ ചന്ദനഗന്ധം എന്റെ നാസാരന്ധ്രങ്ങളിലേക്ക് അരിച്ചുകയറി.
” ആദീ…”
കണ്ണാടിയിലൂടെ എന്നെ നോക്കി വല്ലാത്തൊരു നാണത്തോടെ അവൾ വിളിച്ചു.
ഞാൻ മറുപടിയൊന്നും പറയാതെ അവളുടെ നനവ് മാറാത്ത ആ മുടിയിഴകൾ വകഞ്ഞുമാറ്റി, ആ വെളുത്ത കഴുത്തിലേക്ക് മുഖമമർത്തി. എന്റെ ചുണ്ടുകൾ ആ കഴുത്തിടുക്കുകളിൽ മൃദുവായി ചേർന്നപ്പോൾ അവളുടെ ശരീരമൊന്ന് വിറയ്ക്കുന്നത് ഞാനറിഞ്ഞു.
എന്റെ ശ്വാസത്തിന്റെ ചൂടേറ്റ് അവൾ കണ്ണുകളടച്ച് എന്നിലേക്ക് ഒന്നുകൂടി ഒതുങ്ങി. എന്റെ കൈകൾ അവളുടെ അരക്കെട്ടിലൂടെ പതുക്കെ മുകളിലേക്ക് ഇഴഞ്ഞുനീങ്ങി.
കഴുത്തിൽ നിന്നും മുഖമുയർത്തി ഞാൻ അവളെ എനിക്ക് നേരെ തിരിച്ചുനിർത്തി. ആ നീലക്കണ്ണുകളിൽ എന്നോടുള്ള വലിയൊരു പ്രണയം അലയടിക്കുന്നുണ്ടായിരുന്നു. ഞാൻ പതുക്കെ അവളുടെ മുഖം എന്റെ കൈക്കുമ്പിളിലെടുത്ത് ആ നെറ്റിയിൽ ഒരു ചുംബനം നൽകി.
പിന്നെ പതുക്കെ അവളുടെ കണ്ണുകളിലും, ആ റോസ് ഇതളുകൾ പോലെയുള്ള ചുണ്ടുകളിലേക്കും എന്റെ ചുണ്ടുകൾ അമർന്നു. വളരെ മൃദുവായി തുടങ്ങിയ ആ ചുംബനം പതിയെ വല്ലാത്തൊരു ആവേശത്തിലേക്ക് മാറി.
പരസ്പരം ശ്വാസം മുട്ടുന്നതുവരെ ഞങ്ങൾ ആ ചുംബനത്തിൽ അലിഞ്ഞുചേർന്നു.
എന്റെ കൈകൾ അവളുടെ കുർത്തിയുടെ പിൻഭാഗത്തെ ചരടുകൾ പതുക്കെ അഴിച്ചുമാറ്റി. വസ്ത്രത്തിന്റെ മറകൾ നീങ്ങി അവളുടെ ആ നേർത്ത ശരീരം എന്റെ കൈകളിലേക്ക് ഒതുങ്ങിയപ്പോൾ, ലോകത്തെ സകല സന്തോഷവും എന്റെ നെഞ്ചിലുണ്ടായിരുന്നു.
ഒരു ദേവതയെപ്പോലെ എന്റെ ജീവിതത്തിലേക്ക് വന്നവൾ, ഇന്ന് പൂർണ്ണമായും എന്റേതായി മാറുകയായിരുന്നു. അവളുടെ മാറിടത്തിലെ ചൂടിലേക്ക് മുഖമമർത്തി, പരസ്പരം പ്രണയം കൈമാറി, ആ രാത്രിയുടെ നിശബ്ദതയിൽ ഞങ്ങൾ സ്നേഹലോകത്തേക്ക് ഒഴുകിയിറങ്ങി.
പിറ്റേന്ന് രാവിലെ ഓഫീസിലെത്തിയ പാടെ ഞാൻ നേരെ പോയത് മാനേജറുടെ ക്യാബിനിലേക്കാണ്. ചേച്ചിയുടെ കല്യാണക്കാര്യവും അതിനുവേണ്ടിയുള്ള ഓട്ടങ്ങളെ കുറിച്ചും പറഞ്ഞപ്പോൾ അദ്ദേഹം യാതൊരു മടിയും കൂടാതെ എനിക്ക് ഒരു മാസത്തെ അവധി അനുവദിച്ചു തന്നു.
വൈകുന്നേരം വീട്ടിലെത്തി ഈ വാർത്ത പറഞ്ഞപ്പോൾ ഏറ്റവും കൂടുതൽ സന്തോഷിച്ചത് പാർവണയായിരുന്നു.
കല്യാണത്തിരക്കുകൾക്കിടയിലും ഇനി നമ്മൾ ഒരുമിച്ചായിരിക്കുമല്ലോ എന്നോർത്തപ്പോൾ വലിയൊരാവേശത്തോടെ അവളെന്നെ കെട്ടിപ്പിടിച്ചു. അങ്ങനെ കല്യാണത്തിന്റെ പ്ലാനിങ്ങുകളും പർച്ചേസിങ് ലിസ്റ്റും തയ്യാറാക്കുന്നതിലുമായി അന്നത്തെ ദിവസം പെട്ടെന്ന് കടന്നുപോയി.
അങ്ങനെ ചേച്ചി വരുന്ന ദിവസമെത്തി. ഉച്ച കഴിഞ്ഞുള്ള സമയത്ത് തിരുവനന്തപുരം സെൻട്രൽ സ്റ്റേഷനിൽ അത്യാവശ്യം നല്ല തിരക്കുണ്ടായിരുന്നു. പ്ലാറ്റ്ഫോമിലെ ഒരു സിമന്റ് ബെഞ്ചിലിരുന്ന് ഞാൻ ഇടവിട്ട് ട്രാക്കിലേക്കും വാച്ചിലേക്കും നോക്കിക്കൊണ്ടിരുന്നു.