ഒരിക്കൽ സ്വന്തമാക്കാൻ ഏറ്റവും കൂടുതൽ ആഗ്രഹിച്ച കാര്യങ്ങളൊക്കെ ഇപ്പോൾ തന്റെ ജീവിതത്തിലുണ്ട്…
നല്ല ജോലി.
സാമ്പത്തിക സുരക്ഷ.
കുടുംബം.
ബഹുമാനം.
എന്നിട്ടും…
എന്തോ ഒരു ശൂന്യത ഉള്ളിൽ എവിടെയോ നിശബ്ദമായി വളരുന്ന പോലെ.
ആ ചിന്തകളെ മുറിച്ചുകൊണ്ട് അവളുടെ phone vibrate ചെയ്തു.
Screen ൽ തെളിഞ്ഞ പേര് കണ്ട നിമിഷം വിദ്യയുടെ മുഖഭാവം ചെറുതായി മാറി.
“Suresh Calling…”
Phone screen ല് സുരേഷിന്റെ പേര് തെളിഞ്ഞിട്ടും, വിദ്യ കുറച്ച് നിമിഷങ്ങൾ call attend ചെയ്യാതെ നോക്കിയിരുന്നു.
പിന്നീട് ഒരു ചെറുനിശ്വാസത്തോടെ അവൾ call എടുത്തു.
“ഹലോ…”
അപ്പുറത്ത് പതിവ് തിരക്കിന്റെ ശബ്ദം.
ആരോ files ചോദിക്കുന്നു… keyboard typing… ഇടയ്ക്കിടെ phone ringing.
“വിദ്യ… ഞാൻ ഇന്ന് കുറച്ച് late ആവും.”
സുരേഷിന്റെ ശബ്ദം എപ്പോഴും പോലെ hurried ആയിരുന്നു.
“Hmm…”
“Dinner wait ചെയ്യണ്ട… നീ കഴിച്ചോ.”
“Okay.”
രണ്ടു നിമിഷത്തെ നിശബ്ദത.
മുമ്പൊക്കെ ആ നിശബ്ദതകൾക്കും ഒരു warmth ഉണ്ടായിരുന്നു. ഇപ്പോൾ…
സംസാരിക്കാൻ വിഷയങ്ങൾ തീർന്നുപോയ ആളുകളെ പോലെ.
“അപ്പൊ ഞാൻ വെക്കട്ടെ… meeting ഉണ്ട്.”
“ശരി.”
Call cut ആയി.
Phone പതുക്കെ മേശപ്പുറത്ത് വെച്ച ശേഷം വിദ്യ കുറച്ചുനേരം അതിലേക്ക് തന്നെ നോക്കി നിന്നു.
ഒരിക്കൽ തന്റെ ഓരോ ചെറിയ കാര്യവും ശ്രദ്ധിച്ചിരുന്ന മനുഷ്യനാണ് സുരേഷ്.
തലവേദന വന്നാൽ പോലും പത്ത് തവണ വിളിച്ച് ചോദിച്ചിരുന്ന ആളായിരുന്നു.
പക്ഷേ ജീവിതത്തിന്റെ തിരക്കുകൾക്കിടയിൽ എപ്പോഴോ അവർ ഭർത്താവും ഭാര്യയും എന്നതിലുപരി, ഉത്തരവാദിത്വങ്ങൾ പങ്കിട്ടു ജീവിക്കുന്ന രണ്ട് ആളുകളായി മാത്രം മാറിപ്പോയിരുന്നു.
വിദ്യ അറിയാതെ chair ലേക്ക് ചാരിയിരുന്നു.
അപ്പോഴാണ് വീണ്ടും ആ പരിചിതമായ വേദന പിന്നിലേക്ക് പടരുന്നത്.
കഴിഞ്ഞ കുറേ മാസങ്ങളായി ആ back pain അവളെ വിട്ടുമാറുന്നില്ലായിരുന്നു.
രാത്രികളിൽ ചിലപ്പോൾ ഉറങ്ങാൻ പോലും ബുദ്ധിമുട്ട് തോന്നും.
ഡോക്ടറെ കാണണം എന്ന് പലതവണ കരുതിയിട്ടുണ്ട്.
പക്ഷേ ഓരോ തവണയും എന്തെങ്കിലും തിരക്ക് കാരണം മാറ്റിവെക്കും.
സുരേഷിനോട് ഒരിക്കൽ പറഞ്ഞിരുന്നു.
“കുറച്ച് ദിവസമായി പിന്നിൽ വേദന ഉണ്ട്…”
അന്ന് laptop ൽ mail type ചെയ്തുകൊണ്ടിരുന്ന സുരേഷ് തല ഉയർത്താതെയാണ് മറുപടി പറഞ്ഞത്.
“കുറച്ച് exercise ചെയ്താൽ മാറും… നീ ദിവസം മുഴുവൻ ഇരിക്കുന്നതല്ലേ.”
അതിന് ശേഷം വീണ്ടും അവൾ അത് പറഞ്ഞിട്ടില്ല.
കാരണം ചില കാര്യങ്ങൾ വീണ്ടും വീണ്ടും പറഞ്ഞ് ശ്രദ്ധ നേടാൻ ശ്രമിക്കുന്നതിലും, മിണ്ടാതിരിക്കുക കുറച്ച് കൂടുതൽ മാന്യമായി തോന്നും…
പ്രത്യേകിച്ച് വർഷങ്ങളായി കൂടെയുണ്ടായിരുന്ന ഒരാളുടെ മുന്നിൽ.
സുരേഷിന് വിദ്യയെ ഇഷ്ടമില്ലായിരുന്നു എന്നല്ല.
പക്ഷേ അവളെ “മനസ്സിലാക്കാൻ” അദ്ദേഹം വർഷങ്ങളായി ശ്രമിച്ചിട്ടില്ല.
ജീവിതം നല്ല രീതിയിൽ മുന്നോട്ട് പോകുന്നു എന്ന വിശ്വാസം മാത്രം അദ്ദേഹത്തിന് മതി ആയിരുന്നു.
നല്ല വീട്.
രണ്ട് മക്കളുടെ ഭാവി സുരക്ഷിതം.
രണ്ടുപേർക്കും നല്ല ജോലി.
അദ്ദേഹത്തിന്റെ കാഴ്ചയിൽ അതായിരുന്നു ഒരു വിജയകരമായ കുടുംബജീവിതം.
പക്ഷേ വിദ്യയ്ക്ക് ജീവിതം അതിലുമധികം എന്തോ ആയിരുന്നു…
ഒരിക്കൽ അവൾക്ക് പാട്ട് പഠിക്കാൻ വലിയ ഇഷ്ടമുണ്ടായിരുന്നു.
കോളേജ് കാലത്ത് stage ൽ പാടിയിരുന്ന വിദ്യയെ എല്ലാവർക്കും അറിയാമായിരുന്നു.
വിവാഹത്തിന് ശേഷം ഒരു സംഗീത ക്ലാസിൽ ചേരണമെന്ന് അവൾ പറഞ്ഞ ദിവസം ഇന്നും അവൾക്ക് ഓർമ്മയുണ്ട്.
“ഇപ്പോൾ അതിനൊക്കെ സമയം ഉണ്ടോ വിദ്യ?”
സുരേഷ് ചിരിച്ചുകൊണ്ട് പറഞ്ഞിരുന്നു.
“ആദ്യം വീട്ടുകാര്യം ഒക്കെ settle ആക്കൂ.”