പൂമുഖത്ത് തന്നെ അവളും അമ്മയും ഉണ്ടായിരുന്നു. മുറ്റത്ത് പുതിയൊരു സ്ക്കൂട്ടി നില്ക്കുന്നതും കണ്ടു.
ഹാ, പപ്പ വളരെ ഫാസ്റ്റാണല്ലോ..!!
മുറ്റത്ത് എന്റെ കാർ കേറ്റി നിർത്തിയ സമയം തന്നെ അമ്മയും ധ്വനിയും എന്റെ കാറിനടുത്ത് എത്തിയിരുന്നു.
“വേണ്ട, വണ്ടിയില് നിന്ന് നീ ഇറങ്ങേണ്ട, ഇപ്പോഴേ ലേറ്റായി, നിങ്ങൾ വേഗം പൊയ്ക്കോ.” ഞാൻ തുറന്ന കാറിന്റെ ഡോറിനെ അമ്മ തിരിച്ചടച്ചു കൊണ്ട് പറഞ്ഞു.
അന്നേരം ധ്വനി വന്ന് കാറിൽ കേറുകയും ചെയ്തു.
“ഓക്കെ ഷൈനിയമ്മേ, നമുക്ക് പിന്നെ കാണം.” വിന്ഡോ ഗ്ളാസ് തുറന്ന് പറഞ്ഞിട്ട് ഞാൻ വണ്ടി തിരിച്ച് പുറത്തേക്ക് വിട്ടു.
അമ്മ ഞങ്ങൾക്ക് ടാറ്റാ കാണിച്ചു. ധ്വനി തിരികെ ടാറ്റാ കൊടുത്തു. ഞാൻ അവളുടെ മറൂൺ കളർ ജോർജെറ്റ് ഫാഷന് ഷർട്ടിലും, ബ്ലാക്ക് ഫുൾ സ്ക്കർട്ടിലും ഒന്ന് കണ്ണോടിച്ചു. ധ്വനിക്ക് ഏതു ഡ്രെസ്സും അവളുടെ സൗന്ദര്യത്തെ കൂട്ടുകയാണ് ചെയ്യുന്നത്. എല്ലാം ചേരുന്നുണ്ട്.
“നല്ല ഡ്രെസ്സ്. നീയും ഭയങ്കര ഭംഗിയാണ്.”
“നി എടുത്തു തന്ന ഡ്രെസ്സ് തന്നെയാ.” അവൾ നാണത്തോടെ ചിരിച്ചു.
“പക്ഷേ സെലക്ഷൻ നിന്റെ തന്നെയല്ലേ..”
“അത് ശെരിയാണ്.” അവൾ പുഞ്ചിരിച്ചു. “ഓക്കെ ജിനു, എന്റെ ജോലിയുടെ കാര്യം പറ.” അവൾ തിടുക്കം കൂട്ടി.
“ഓക്കെ, എന്റെ പേഴസണൽ അസ്സിസ്റ്റന്റായി ജോലി ചെയ്യുന്നതിൽ എന്തെങ്കിലും എതിർപ്പുണ്ടോ..?” ഞാൻ ചോദിച്ചു.
അവള് അതിനെ നിസ്സാരമായി ഒരു വാല്യൂ ഇല്ലാതെ കാണും എന്നായിരുന്നു എന്റെ ആശങ്ക.
“വൗവ് ജിനു…!! നിന്റെ PA ആയിരിക്കുന്നത് അത്ര ഈസിയായിരിക്കില്ല എന്നറിയാം. സിമ്പിളായിട്ടും ഞാൻ എടുക്കില്ല. എന്നാലും ഞാൻ റെഡിയാണ്. എന്തൊക്കെയാണ് ഞാൻ ചെയ്യേണ്ടത്..?” അവൾ കുറച്ച് ടെൻഷൻ പിടിച്ചു ചോദിച്ചു.
ഹാ.. അവൾ ഇത്രയും ഗൗരവമായി എടുക്കുമെന്ന് ഞാൻ വിചാരിച്ചില്ല. എനിക്ക് ശെരിക്കും അവളോട് കൂടുതൽ മതിപ്പ് തോന്നിപ്പോയി. ഞാൻ അഭിമാനത്തോടെ അവളെ ഒന്ന് നോക്കിയിട്ട് റോഡില് ശ്രദ്ധിച്ചു.
“നിന്റെ സാഹചര്യം അനുസരിച്ച് ഞാൻ കുറച്ച് എളുപ്പമുള്ള ഉത്തരവാദിത്തം മാത്രം തരാം. പഠിത്തവും ജോലിയും എങ്ങനെ ഒരുമിച്ച് അഡ്ജസ്റ്റ് ചെയ്ത് കൊണ്ടുപോകാൻ കഴിയുന്നുവെന്ന് പിന്നീട് നോക്കിയിട്ട് ഞാൻ നിന്റെ ജോലി അപ്ഗ്രേഡ് ചെയ്യും. ഓക്കെയാണോ..?”
“മ്മ്, ഓക്കെ.” അവൾ ബഹുമാനപൂർവ്വം പറഞ്ഞു.
“ശെരി. സാധാരണയായി PA ചെയ്യാറുള്ളത് പോലെ നീ എന്റെ കൂടെ നടക്കേണ്ട ആവശ്യമൊന്നും വരില്ല.” ഞാൻ അവളെ അറിയിച്ചു.
“ഓഹ്..!” അവൾ ആശ്ചര്യപ്പെട്ടു. “പിന്നേ എങ്ങനെ ഞാൻ ജോലി ചെയ്യും..?”
“രണ്ട് ജോലിയാണ് നിന്നെ ഞാൻ ഏല്പ്പിക്കാൻ പോകുന്നത്. അതിലൊരു ജോലി, നിന്റെ ഒഴിവ് ദിവസങ്ങളിൽ മാത്രം നീ ചെയ്താൽ മതിയാവും.” അത്രയും പറഞ്ഞിട്ട് എന്റെ ഡോറിന്റെ സൈഡിൽ വച്ചിരുന്ന പുതിയ മൊബൈലും ബോക്സും എടുത്ത് അവള്ക്ക് കൊടുത്തു.
“എന്തിനാ ഇനിയും പുതിയ മൊബൈൽ വാങ്ങിയേ. നേരത്തെ എനിക്കൊന്ന് വാങ്ങിച്ചു തന്നതല്ലേ..?”
“നേരത്തെ വാങ്ങിയത് നിന്റെ പേഴ്സണല് മൊബൈൽ, ഈ മൊബൈൽ ജോലിക്ക് വേണ്ടി മാത്രവും.” ഞാൻ വ്യക്തമാക്കി. “പിന്നെ, ഈ മൊബൈലുമായി എന്റെ മൊബൈൽ ലിങ്ക് ചെയ്തിരിക്കുന്നത് കൊണ്ട് എന്റെ വൈദ്യ ബിസിനസ്സ് കാര്യങ്ങളുമായി ബന്ധപ്പെട്ടു വരുന്ന വാട്സാപ് മെസേജ് എല്ലാം നിനക്കും ഈ മൊബൈലില് കാണാന് സാധിക്കും.”
“ഓഹ്.. ഓക്കെ.”
“എനിക്ക് എപ്പോഴും മെസേജ് നോക്കാനുള്ള സമയം കിട്ടാത്തത് കൊണ്ടാണ് ഞാൻ നിന്നെ ഈ ജോലി ഏല്പ്പിക്കുന്നത്. പക്ഷേ നിനക്ക് ഒഴിവുള്ള ദിവസങ്ങളിൽ മാത്രം ഈ ജോലി ചെയ്താൽ മതി, നീ കോളേജിൽ പോകുന്ന ദിവസങ്ങളില് ഞാൻ സ്വയം നോക്കിക്കോളാം. മനസ്സിലായോ..?”
“മ്മ്, മനസ്സിലായി. ശെരിക്കും ഞാൻ എന്താണ് ചെയ്യേണ്ടതെന്ന് പറഞ്ഞില്ലല്ലോ..” അവൾ ആകാംഷയോടെ പറഞ്ഞിട്ട് പുതിയ മൊബൈൽ പരിശോധിക്കാൻ തുടങ്ങി.