ധ്വനിയും ഷീനയും ആന്റിയും തമ്മില് നന്നായി അടുത്തു കഴിഞ്ഞിരുന്നെന്ന് അവരുടെ തമാശയും ചിരിയും കണ്ടപ്പോ മനസ്സിലായി. അതെന്നെ സന്തോഷിപ്പിച്ചു.
“വാ ജിനു മോനെ.” ആദ്യം ആന്റിയാണ് എന്നെ കണ്ടത്. കണ്ടതും പുഞ്ചിരിയോടെ വിളിച്ചു. “ഞാൻ ചായ എടുത്ത് തരാം.”
“ഞാൻ എടുത്തോളാം ആന്റി.” അതും പറഞ്ഞ് ഞാൻ പോയി ഫ്ലാസ്ക്കിൽ നിന്നും ഗ്ളാസിലേക്ക് ചായ പകര്ത്തി വച്ചു. എന്നിട്ട് ഒരു കൈ നിറയെ ചിപ്സും അടുത്ത കൈ നിറയെ വറുത്ത കശുവണ്ടിയും വാരിയെടുത്ത ശേഷമാണ് ഇനി ചായ ഗ്ളാസ് എങ്ങനെ എടുക്കുമെന്ന് ആലോചിച്ചത്. എന്നിട്ട് ചായ ഗ്ളാസ് എന്തോ കുറ്റം ചെയ്തത് പോലെ അതിനെ ഞാൻ തുറിച്ചു നോക്കി നിന്നു.
അപ്പോ ആന്റിയും ധ്വനിയും ഷീനയും എന്നെ നോക്കി പൊട്ടിച്ചിരിച്ചു. അലനും ചിരിക്കുന്നുണ്ടായിരുന്നു.
“ആ പാവം ഗ്ളാസിന്റെ കുറ്റമാണോ ജിനു മോനെ..?” ആന്റി ചിരി നിര്ത്തി ചോദിച്ച ശേഷം വീണ്ടും ചിരിച്ചു. “നിന്റെ കുസൃതിത്തരം കാണാന് നല്ല രസമാണ്.” ഒരിക്കൽ കൂടി ചിരി നിര്ത്തി പറഞ്ഞ ശേഷം ആന്റി വീണ്ടും ചിരിച്ചു.
ആന്റിയുടെ കണ്ണില് ഒരുതരം സ്നേഹം നിറഞ്ഞ് നിന്നിരുന്നു. ഒരുതരം ഇഷ്ട്ടവും പിന്നെ ഒരു കുസൃതി നോട്ടവും. അതൊക്കെ എന്നെ കൂടുതൽ മൂഡാക്കി.
പക്ഷേ എന്റെ വികാരം ഒളിപ്പിച്ചു കൊണ്ട് ഞാൻ ചുണ്ടു കോട്ടി നിന്നു. അപ്പൊ ആന്റിയുടെ കണ്ണുകളിൽ എന്നോടുള്ള സ്നേഹം ഭയങ്കരമായി കൂടി. പക്ഷേ ആന്റി പെട്ടന്ന് അതിനെ ഒളിപ്പിച്ചു.
“ചേട്ടൻ പോയിരിക്ക്.” ഒടുവില് ഷീന ചിരി നിര്ത്തി ഒരുതരം വാത്സല്യത്തോടെ പറഞ്ഞു. “ഞാൻ ചേട്ടന്റെ ചായ കൊണ്ട് തരാം.”
അപ്പോ ഞാൻ ഒരു ചിപ്സും ഒരു കശുവണ്ടിയും വായിൽ എടുത്ത് തിന്നു കൊണ്ട് അലന്റെ അടുത്ത് പോയിരുന്നു.
അന്നേരം ഷീന മറ്റൊരു ചെറിയ ടീപ്പോയ് എന്റെ മുന്നില് കൊണ്ടിട്ടിട്ട് അതിലേക്ക് എന്റെ ചായയും അവളുടെ ചായയും കൊണ്ട് വച്ചു.
“പിന്നേ ചേട്ടാ, ഞങ്ങൾ ധ്വനി ചേച്ചിയുടെ മൊബൈലില് ഞങ്ങടെ കല്യാണ വീഡിയോ കേറ്റി കൊടുത്തിട്ടുണ്ട്, ചേട്ടൻ അത് കാണണം, കേട്ടല്ലോ..?” അതും പറഞ്ഞ് അവള് എന്റെ അടുത്ത് വന്ന് എന്നോട് ചേര്ന്നിരുന്നിട്ട് എന്റെ കൈയിൽ നിന്നും ചിപ്സും കശുവണ്ടിയും ഓരോന്നായി എടുത്തെടുത്ത് കഴിക്കാൻ തുടങ്ങി.
“തീര്ച്ചയായും ഞാൻ നോക്കാം.” അവളോട് ഞാൻ പറഞ്ഞു.
“ജിനു മോനെ, നിങ്ങള്ക്ക് രാത്രി എന്ത് ഫുഡ്ഡാണ് വേണ്ടത്..? എന്തും പറഞ്ഞോ അതുതന്നെ ഉണ്ടാക്കാം.” ആന്റി സ്നേഹത്തോടെ പറഞ്ഞു.
“വേണ്ട ആന്റി, ഞങ്ങൾ രാത്രി വരെ നില്ക്കുന്നില്ല, ചായ കുടിച്ചിട്ട് ഞങ്ങളിറങ്ങും.”
“ഹേയ് അതൊന്നും പറ്റില്ല, ചേട്ടൻ ഇന്ന് പോകണ്ട..” ഷീന പെട്ടന്ന് എന്റെ കാൽ മുട്ടിൽ പിടിച്ചുകൊണ്ട് മുഖം വീർപ്പിച്ചു.
“അതേ, നിങ്ങൾ ഇന്നിവിടെ നിന്നിട്ട് നാളെ പോയാൽ മതി.” ആന്റി ധ്വനിയുടെ കൈയിൽ പിടിച്ചുകൊണ്ട് പറഞ്ഞു.
“അതേ ജിനുവേട്ടാ, നാളെ പോകാം. ഒരു ദിവസമെങ്കിലും ഇവിടെ നിന്നാൽ എന്താണ് കുഴപ്പം..?” അലൻ പറഞ്ഞു. “പിന്നെ രാത്രി പപ്പ വരുമ്പോ കാണുകയും ചെയ്താലോ.”
“ഇല്ല ആന്റി. ശരിയാവില്ല.” ഞാൻ ധൃതിയില് പറഞ്ഞു. “നാളെ മുതൽ ധ്വനി ജോലിക്ക് കേറുന്ന കാര്യം നിങ്ങളോട് പറഞ്ഞില്ലേ..?”
“അതിനെ കുറിച്ച് ധ്വനി മോള് പറഞ്ഞായിരുന്നു.” ആന്റി തല കുലുക്കി. “പക്ഷേ നിങ്ങൾ ഇന്ന് ഇവിടെ നിന്നിട്ട് നാളെ പോയാൽ ധ്വനി മോൾക്ക് ജോലിയില് കേറാന് പറ്റില്ലേ..?”
“പ്രശ്നം അതല്ല ആന്റി.” ഞാൻ ധൃതിയില് പറഞ്ഞു. എന്നിട്ട് ധ്വനിയുടെ ജോലി എന്താണെന്ന് ഞാൻ കുറച്ച് ഡീറ്റെയിലായി തന്നെ അവരോട് സംസാരിച്ചു.
“ഓഹ്, ഇപ്പൊ മനസ്സിലായി.” ആന്റി എന്നോട് പറഞ്ഞിട്ട് ധ്വനിയെ നോക്കി, “മോള് അതൊക്കെ നിസാരമായി വിചാരിക്കല്ലെ, ആ സാലറി കൂടുതൽ ഒന്നുമല്ല.”
അപ്പോ ധ്വനി പുഞ്ചിരിച്ചു.