ഒന്പത് മണിക്ക് ഞാൻ നിര്ത്തി.
“ധ്വനി, ഞാൻ പോട്ടെ, ഇവിടെ എന്തെങ്കിലും വാങ്ങിക്കാൻ വരുന്നവരുടെ കാര്യം നീ നോക്കിക്കൊ. 11:30 വരെ നിന്നാൽ മതി. എന്നിട്ട് അമ്മയുടെ അടുത്തേക്ക് പൊയ്ക്കോ. പിന്നെ വൈകിട്ട് വരേണ്ട. നാളെ നോക്കാം. ഗ്രൂപ്പിൽ ഞാൻ നിന്നെ ഇന്ട്രൊഡ്യൂസ് ചെയ്തിട്ടുണ്ട്, കണ്ടുകാണുമല്ലോ..? നിന്റെ സമയവും ഞാൻ ഗ്രൂപ്പിൽ ഇട്ടിട്ടുണ്ട്. പിന്നെ ഗ്രൂപ്പിൽ ഇല്ലാത്ത പുതിയ ആളുകൾക്കും ഈ നമ്പറൊക്കെ അറിയാം, അതുകൊണ്ട് എന്തെങ്കിലും വാങ്ങിക്കാൻ ഇങ്ങോട്ട് വരുന്നതിന് മുമ്പ് അവർ മെസേജ് ചെയ്ത് തിരക്കും. അപ്പൊ അവരോടും മെസേജ് മുഖേനെ കാര്യം പറഞ്ഞാൽ അവരും വന്ന് നിന്റെ കൈയിൽ നിന്നും വേണ്ടത് വാങ്ങിച്ചോളും.” ഞാൻ അവള്ക്ക് കാര്യം പറഞ്ഞു കൊടുത്തു. “അപ്പോ ഞാൻ പോട്ടെ..?”
“ശെരി ജിനു. ധൈര്യമായി പൊക്കോ, ഞാൻ ഇവിടെ നോക്കിക്കോളാം.”
അങ്ങനെ ഞാൻ യോഗ ഹൗസിൽ പോയി ചിലർക്ക് സ്പെഷ്യൽ പ്രാക്ടീസ് കൊടുത്തു. അതുകഴിഞ്ഞ് മസാജ് സെന്ററിൽ പോയി ഹില്ഡ ആന്റിയെ കണ്ട് കാര്യങ്ങൾ എല്ലാം സെറ്റ് ചെയ്തു. പിന്നെ, എന്റെ മറ്റ് പല ബിസിനസ്സ് സ്ഥാപനങ്ങളിലുമൊക്കെ ഞാൻ വിസിറ്റ് ചെയ്തു. അതിന്റെ ഇടക്ക് നിത്യ ടീച്ചറും എന്നെ വിളിച്ചു.
“നി ഇങ്ങോട്ട് വരുന്നില്ലേ, ജിനു കുട്ടാ..? ഞങ്ങൾ കോളേജ് കഴിഞ്ഞ് വൈകിട്ട് വരുമ്പോ നീയും ഇങ്ങോട്ട് വാ.” ടീച്ചർ ത്രില്ലടിച്ച് പറഞ്ഞു.
“നിത്യേച്ചി, കുറച്ച് ദിവസത്തേയ്ക്ക് അങ്ങോട്ട് വരാൻ കഴിയില്ല. ഭയങ്കര തിരിക്കാണ്. ഡെല്ഹിയിൽ പോയിട്ട് വന്നശേഷം ഞാൻ അങ്ങോട്ട് വരാം.”
അപ്പോ ടീച്ചർ ഒന്ന് പിണങ്ങിയെങ്കിലും ഒടുവില് നന്നായി സംസാരിച്ച ശേഷം വച്ചു.
തൊട്ട് പുറകെ ഗോള്ഡ മിസ്സും കോൾ ചെയ്തു.
“എന്റെ കണ്ണാ, എത്ര ദിവസമായി നിന്നെ കണ്ടിട്ട്. ഇങ്ങോട്ട് വരുന്നില്ലേ..? വൈകിട്ട് വരുമോ..?” പ്രതീക്ഷയോടെ മിസ്സ് ചോദിച്ചു.
അപ്പോ നിത്യ ടീച്ചർക്ക് കൊടുത്ത അതേ മറുപടി തന്നെയാണ് ഞാൻ മിസ്സിനും കൊടുത്തത്.
“എന്നാലും, അര മണിക്കൂറത്തേക്കെങ്കിലും ഇങ്ങോട്ട് വന്നിട്ട് പോകാമായിരുന്നു.” മിസ്സ് നിരാശയിൽ പറഞ്ഞിട്ട് പിണങ്ങി കോൾ കട്ടാക്കി.
ഞാൻ തിരിച്ച് വിളിച്ചിട്ടും മിസ്സ് എടുത്തില്ല. ഒരു ദിവസത്തിൽ ആ പിണക്കമൊക്കെ മാറി മിസ്സ് എന്നെ വിളിക്കുമെന്ന് അറിയാവുന്നത് കൊണ്ട് എനിക്ക് ടെൻഷനൊന്നും ഉണ്ടായില്ല. മിസ്സിനെ കാണാന് എനിക്കും ഭയങ്കര ആഗ്രഹം ഉണ്ടായിരുന്നു. നിത്യ ടീച്ചറിന്റെ കൂടെ നല്ലോരു കളി കളിക്കാനും കൊതി ഉണ്ടായിരുന്നു. പക്ഷേ എന്ത് ചെയ്യാനാ.
ഒടുവില് 11:50 ന് ഞാൻ തിരികെ വീട്ടില് വന്നപ്പൊ ധ്വനി അവിടെ ഇല്ലായിരുന്നു. എനിക്കുള്ള ഫുഡ് ഉണ്ടാക്കി വച്ചിരിക്കുന്നത് കണ്ടപ്പോ അവളോട് വല്ലാത്ത എന്തൊക്കെയോ തോന്നി. വാട്സാപ്പിൽ ഒരു താങ്ക്സ് ഞാൻ അയച്ചു. ഉടനെ മറുപടിയായി അവൾ ഒരു ഹാര്ട്ട് അയച്ചു.
ഈ പെണ്ണിന്റെ കാര്യം..! നന്നായി ഉറങ്ങാതെ മൊബൈലില് കളിക്കുകയാണോ..!
ഞാൻ വേഗം ഒന്ന് മേല് കഴുകി വന്നിട്ട് ഫുഡ് കഴിച്ചു. എന്നിട്ട് സ്വർണ്ണയെ വിളിക്കാൻ മൊബൈൽ എടുത്തതും അത് റിംഗായതും ഒരുമിച്ചായിരുന്നു. സ്വർണ്ണ തന്നെയാണ് വിളിച്ചത്.
“ഹലോ സ്വർണ്ണ..,”
“ഇറങ്ങിയോ ജിനു..?” അവൾ ആകാംഷയോടെ ചോദിച്ചു.
“ഇല്ല, ഇപ്പൊ വീട്ടിലാണ്.”
“വരുന്നില്ലേ…?”
“ഇപ്പൊ ഇറങ്ങും. ഇനിയും 50 മിനിറ്റ് എന്തായാലും ഉണ്ടല്ലോ.”
“അതുണ്ട്. പക്ഷേ എന്റെ റിമോട്ട് ജോബ്… അതായത്, ഓൺലൈൻ വർക്ക്സ് ഇന്നത്തേക്ക് ചെയ്തു കഴിഞ്ഞു. ഞാൻ ഇപ്പൊ ഫ്രീയാണ്. അതുകൊണ്ട് നിങ്ങൾ നേരത്തേ വന്നാലും സാരമില്ല.”
“ഓക്കെ സ്വർണ്ണ, 35 മിനിറ്റിൽ ഞാൻ എത്തും.”
“മ്മ്, ജിനു വന്നോളൂ..” അത്രയും പറഞ്ഞിട്ട് അവള് വെച്ചു.
***********************
പാറശാല യിലുള്ള ആ വലിയ വീടിന്റെ ഗെയിറ്റിന് മുന്നില് ഞാൻ എന്റെ കാർ നിര്ത്തി. വെറും നാല് സെക്കന്ഡ് കൊണ്ട് അകത്തുള്ള ആരോ റിമോട്ട് ഉപയോഗിച്ചതും ആ ഗെയിറ്റ് സ്ലൈഡ് ചെയ്ത് തുറന്നു. അതിലൂടെ എന്റെ കാർ ഞാൻ അകത്തേക്ക് കേറ്റിയതും ഗെയിറ്റ് അടഞ്ഞു.