“ട്ടെ……….”ഒറ്റയടി..കഴിഞ്ഞു അത് കഴിഞ്ഞു.അമ്മയുടെ മോന്തക്ക് ചെറിയമ്മ പൊട്ടിച്ചു. അടി കിട്ടി ഒന്നുലഞ്ഞ അമ്മ മുഖത്തു കൈ വെച്ചു ഞങ്ങളെ രണ്ടിനെയും നോക്കി. ആ പകച്ച നോട്ടം കണ്ടപ്പോ അറിയില്ല,ചിരി ഏത് ദിക്കിൽ നിന്നാ വന്നതെന്ന്. അറിയാതെ ചിരിച്ചു പോയി. കലിപ്പിൽ തന്നെ നിന്ന ചെറിയമ്മയെ നോക്കിയും ഞാൻ നിർത്താൻ വയ്യാതെ ചിരിച്ചു. എന്തൊക്കെയായിരുന്നു? അപ്പോഴേ തള്ളയോട് പറഞ്ഞതാ വേണ്ട വേണ്ട ന്ന് അവളെന്തേലും ചെയ്യും ന്ന് പറഞ്ഞപ്പോ അതിന് കുലുക്കം പോലുമില്ല.എന്നിട്ടിപ്പോ കിളി പോയി നിൽക്കുന്നതു കണ്ടില്ലേ??ചിരിയടക്കാതെ വായ പൊത്തി ഞാൻ ചുമരിൽ ചാരി ചിരിച്ചു.
കവിളുഴിഞ്ഞമ്മ ചെറിയമ്മയുടെ അടുത്തേക്കടുത്തു. എന്‍റെ ചിരി മിന്നലടിച്ചപോലെ നിർത്തിക്കൊണ്ട്.ഒരടി കൂടെ പൊട്ടി.അമ്മ ചെറിയമ്മയുടെ മോന്തക്ക് തന്നെ തല്ലി.സബാഷ്!! പണി ആയല്ലോ. നേരത്തെ പോലെ അല്ല എന്‍റെ അനുവിനാ തല്ല് കൊണ്ടത്!!ചിരി പെട്ടന്ന് നിന്ന് പോയി!
“ചിരിക്കടാ ന്താ നിനക്ക് ചിരി വരുന്നില്ലേ…..?” അമ്മയെന്‍റെ നേരെ തുള്ളി.പാവം ചെറിയമ്മ അതിന്‍റെ കണ്ണിൽ നിന്ന് വരെ വെള്ളം വന്നിട്ടുണ്ട്.അങ്ങനെയാ അടിച്ചേ മുഖത്തു രണ്ടു വിരലിന്‍റെ പാട് ശെരിക്ക് കാണാം .അമ്മയുടെ ആ കടുപ്പിച്ച നോട്ട തീരുന്നതിനു മുന്നേ ചെറിയമ്മയാർത്തൂ..
“ഡീ …..”എന്‍റെ ദൈമമേ അതാ അടുത്തത്..നീട്ടിയ ആ വിളിയും കൂടെ കൈ അമ്മയുടെ കവിളിലേക്ക് തന്നെ ചെറിയമ്മ വീശിയതും. പെട്ടന്ന് ഞാനിടയിൽ കേറി.
“അനൂ. അനു… നിർത്ത്… അമ്മേ..!! ” ഞാൻ അമ്മക്ക് നേരെ ഒച്ചയിട്ടു.
“ന്താ തമാശ കളിക്കാണെന്നാണോ വിചാരം.രണ്ടിനും…” നടുക്ക് കേറി രണ്ടും അടിക്കാതിരിക്കാൻ നിന്നിട്ടെന്ത് കാര്യം,എന്നെ വിലയില്ല.
“അഭീ നീ മാറ്……” ചെറിയമ്മയാണ് ആദ്യം പറഞ്ഞത്. ന്നാലും വിട്ടു കൊടുത്തില്ല..
“പറഞ്ഞത് കേട്ടില്ലേ നീ…. മാറടാ…”അതിന്‍റെയിടക്ക് എന്നെ നോക്കി കളിയാക്കാനും അമ്മ മറന്നില്ല!! ചെറിയമ്മയുടെ ഭാഗം കൂടി അത് എന്നെ നാറ്റിച്ചു..!!ന്നാ ന്തേലും കാട്ടട്ടെ.ഞാൻ ഇടപെടാൻ പോവുന്നില്ല!!
“ന്തേലും ചെയ് ഈ വീട്ടിലേക്ക് വരണ്ടായിരുന്നൂന്നാ ഇപ്പൊ തോന്നുന്നത്…” ഇടയിൽ ഞാനുമിത്തി കലിപ്പിട്ടു.. ഒരു നിമിഷം രണ്ടും അനങ്ങാതെ നിന്നു മുഖത്തോട് മുഖം നോക്കി അങ്ങനെ നിക്കുന്നുണ്ട്..
“ന്താടീ…..??”” അമ്മ തുടങ്ങി. എന്നാലെന്തിനാ കുറുമ്പ് കാട്ടുമ്പോഴും അമ്മായിങ്ങനെ ചിരിക്കുന്നത് മനസ്സിലായില്ല!
“നീ പോടീ, പോടീ….പോടീ, ” ഓരോ വിളിക്കും ചെറിയമ്മ അമ്മയുടെ കൈക്ക് അടിച്ചുകൊണ്ടിരുന്നു. വീശി വീശി ആ മേൽകൈക്ക് തന്നെയാണടി.മുന്നിൽ നിന്നമ്മ അതെല്ലാം കൊണ്ട് നിന്നു പുഞ്ചിരിച്ചു. ഒന്നാഞ്ഞു കൊടുത്തു ഒരു പട്ടി വിളികൂടെ അമ്മയെ വിളിച്ചു കഴിഞ്ഞപ്പോ ചെറിയമ്മ മെല്ലെ കരയൽ തുടങ്ങി.എനിക്കെന്തോ അവളോട് വീണ്ടും പാവം തോന്നി എന്നോടുള്ള ഇഷ്ടംകൊണ്ടല്ലേ അവളിങ്ങനെ അടി കൂടുന്നത്.
എനിക്ക് വേണേൽ അമ്മയെ എതിർക്കാമായിരുന്നു. കഴിയുന്നില്ല!! അമ്മയില്ലേൽ അനു പോലുമുണ്ടാവില്ല. അനു കരയുന്നത് കണ്ട് അമ്മയ്ക്കും പാവം തോന്നിക്കാണും. അമ്മയവളെ ഒന്ന് തൊടാൻ നോക്കി.ഒറ്റയുന്തൽ!!തൊടാതിരിക്കാൻ അവളമ്മയെ ബാക്കോട്ടേക്കുന്തിമാറ്റി .. അവളെ ഇമവെട്ടാതെ നോക്കി നിൽക്കുന്നത് കണ്ടപ്പോ മുഖം മാറ്റാൻ വേണ്ടി അമ്മയുടെ മുടി പിടിച്ചവൾ വലിച്ചു വേദനയാക്കി.ഇടപെടാൻ ഞാൻ ചെന്നില്ല തല്ലിയിട്ടാണെങ്കിൽ അങ്ങനെ തീർക്കട്ടെ അവരുടെ വിഷമം
“നിങ്ങൾക്ക് എന്നെയും അവനെയും പിരിക്കണം ല്ലേ … ഞാൻ കെട്ടി പോവണം ല്ലേ…” ഉന്തിയുന്തി അമ്മയെ അവൾ ബെഡിലേക്ക് തള്ളിയിട്ടു.
“അവനെ എനിക്ക് തരില്ലല്ലേ…..??” തലയണ എടുത്ത് പിന്നെ തലങ്ങും വിലങ്ങും ചെറിയമ്മ ആഞ്ഞു തല്ലി. എല്ലാത്തിനും മിണ്ടാതെ നിന്നതേയുള്ളു അമ്മ. ആ കിടപ്പ് കാണുമ്പോ മനസ്സിൽ എന്തായാലും കൊള്ളും. കാണാൻ വലിയ ബുദ്ധിമുട്ടുണ്ട്.കിതച്ചു പോയ ചെറിയമ്മ അണക്കുന്ന ശ്വാസം വലിച്ചെടുത്തു വീണ്ടും തല്ലാൻ റെഡി ആയി നിന്നു.
“കഴിഞ്ഞോ….” അമ്മയുടെ ചോദ്യം. കണ്ണുതുടച്ചു ചെറിയമ്മ കൈ വീശി അമ്മയുടെ മുഖത്തു വീണ്ടും അടിക്കുമെന്ന് കാട്ടി. അമ്മ വേഗം മുഖം ചുളിക്കളഞ്ഞു.. ചെറിയ കുട്ടികൾ കരയുന്നത് പോലെ ചുണ്ട് പിളർത്തി അവളെ നോക്കി. ഒരു അഞ്ചു സെക്കന്‍റെ അവളത് കണ്ടു നിന്നു കാണും പിന്നെയൊരു പൊട്ടി കരച്ചിലായിരുന്നു കണ്ണും പൊത്തിയവൾ വിങ്ങി വിങ്ങി കരഞ്ഞു .ഇനി അമ്മയെന്തേലും ഇതിനിടക്ക് ചെയ്തോന്ന് സംശയം!! ഏയ് ഇല്ല. അതൊന്നുമില്ല!!അമ്മ കരയുന്നപ്പോലെ കാട്ടിയതിനാണ്!! മുന്നിൽ നിന്നു കരയുന്ന അവളെ സ്നേഹത്തോടെയമ്മ നോക്കി.
“എന്താ അനൂ ഇത്…” അവളുടെ കൈ ഒപിടിച്ചു കൊണ്ട് അമ്മ ചോദിച്ചു.ചെറിയമ്മ തല താഴ്ത്തി കരഞ്ഞു.
“വാ… എന്‍റെ എടുത്ത് വാ…” ആ ഒരു സ്നേഹത്തോടെയുള്ള വിളിയേ ണ്ടായിരുന്നു അവരുടെ ഇടയിലെ പ്രശ്നം തീരാൻ. ആദ്യമൊന്ന് മടിച്ചെങ്കിക്കും പിന്നെ കിടക്കുന്ന അമ്മയുടെ മേത്തക്ക് ചാടി കേറി ചെറിയമ്മ തവള കിടക്കുന്നപ്പോലെ കിടന്നു.രണ്ടു കവിളിലും ആ മുഖത്തും കണ്ണിലും എന്‍റമ്മോ ഉമ്മ കൊണ്ടൊരു കളി തന്നെയായിരുന്നു. ഞാൻ അന്തം വിട്ടത് പോട്ടെ ഇത്രേം ഉമ്മ അനു എനിക്ക് പോലും തന്നിട്ടില്ല.
വിക്കി വിക്കി.നേരെത്തെ അവളടിച്ചു ചുവന്ന അമ്മയുടെ കവിളിൽ തടവി കൊടുത്തപ്പോ അമ്മയുമുണ്ട് കണ്ണുനിറക്കുന്നു.എന്തൊരു സ്നേഹപ്രകടനമാണ് നേരത്തെ കിടന്ന് രണ്ടും യുദ്ധം നടത്തിയവരാണെന്ന് പറയോ?. എന്നെ നോക്കിയപ്പോ ഞാൻ അതിന് വിലകൊടുക്കാതെ അമ്മക്ക് നേരെ കൊഞ്ഞനം കുത്തി കാട്ടി. നോക്കെടാ എന്‍റെ കുട്ടിയെന്നായിരിക്കും അമ്മയുടെ ആ നോട്ടത്തിലൂടെയുള്ള പറച്ചില്‍.ഒരു ചേച്ചിയും അനിയത്തിയും ഹും.
കെട്ടിപിടിച്ചു ചെറിയമ്മ അമ്മയെ മുറുക്കി കിടന്നു.
“വിഷമായോ ന്റെ കുട്ടിക്ക്?. ” തലോടി കൊണ്ടുള്ള അമ്മയുടെ ചോദ്യം. പറയുന്ന കേട്ടാൽ അവളെ വിഷമിപ്പിച്ചതേയില്ലെന്ന് തോന്നും.
“മ്മ്…..” ചെറിയമ്മ അമ്മയുടെ കഴുത്തിലേക്ക് തല നീട്ടി പറഞ്ഞു “സോറി ലക്ഷ്മി…ഞാനെന്തൊക്കെയോ..?” അനു പറയുന്നതൊക്കെ മുറിയുന്നുണ്ട്.
“അയ്യയ്യെ… ഞാനല്ലേ അതൊക്കെ പറയണ്ടേ?.. ഇങ്ങട്ട് നോക്ക്.അനൂ….. മോളിങ്ങട്ട് നോക്ക് ” അമ്മ അവളുടെ തല മെല്ലെ പൊക്കി. കരഞ്ഞു തകർന്ന കണ്ണുമായി ചെറിയമ്മ എങ്ങനെയൊക്കെയോ അമ്മയെ നോക്കി നിന്നു.
“അഭിക്ക് ഞാൻ ഒരു പ്രോമിസ് കൊടുത്തിട്ടുണ്ട്.എപ്പോഴും ഞാൻ നല്ലൊരു അമ്മ തന്നെ ആയിരിക്കും ന്ന്. ആദ്യം അങ്ങനെ അല്ലായിരുന്നുടാ അങ്ങനെ ഞാനെത്തൊക്കെയോ പറഞ്ഞു പോയി നിന്നോട് . ഒക്കെ മാറിട്ടോ. ഇനി അങ്ങനെ ഒന്നും ണ്ടാവില്ല.”അമ്മയാവൾക്കുറപ്പ് കൊടുത്തു.ഇത് കുറേ ദിവസം മുന്നേ പറഞ്ഞിരുന്നേൽ തീർന്നേനെ. ചെറിയമ്മ അതിന് അടുപ്പിച്ചില്ലല്ലോ!!