മിഴി – 8അടിപൊളി  

എന്തായാലും വേണ്ടീല നീങ്ങി ചെന്ന് അനുവിനോട് ചേർന്നിരുന്നു. ആ കെട്ടി വെച്ച കൈയ്യുടെ മുട്ടെന്‍റെ വാരിയെല്ലുകളിൽ ചെന്ന് തട്ടി.ഞങ്ങളുടെ തുടകള്‍ തമ്മില്‍ ചേര്‍ന്നൊട്ടി. നീട്ടി വെച്ച അവളുടെ കാൽ പാതത്തിന്‍റെ ചെറിയ ചലനം കണ്ട് ഞാനുമതേ പോലെ കാലിട്ടാട്ടി.കണ്ണ് നിറച്ചുകൊണ്ട് അവളുടെയാ മണം, എന്നെ വന്നു ചുറ്റി വരിയുന്ന പോലെ. വിങ്ങലുള്ളിൽ നിറഞ്ഞു.ഞാനാ തോളിലേക്കെന്‍റെ തല ചേര്‍ത്ത് മുകളിലേക്ക്, ആ കണ്ണിലേക്ക് നോക്കി.ചെറിയ പേടിയുണ്ട് എന്നെ മനസ്സിലാക്കുവോ ഇല്ലയൊന്ന് അറിയില്ലല്ലോ.അന്നവളെന്‍റെ തോളിലും ഇതേപോലെ കിടന്നപ്പോ പേടിച്ചു കാണില്ലേ? എന്‍റെ തല അമർന്നതും ചെറിയമ്മയൊന്ന് വിറച്ചു. ആ ശ്വാസം പെട്ടന്ന് നിർത്തിയപോലെ തോന്നി. നോക്കുന്ന നോട്ടത്തിൽ അവളുടെ ചുണ്ടിന് ചെറിയ വിറയലു കണ്ടു.

“സോറി അനൂ….”

പിടിച്ചു വെക്കാൻ കഴിഞ്ഞില്ല. ഉള്ളിൽ നിന്ന് വന്നതായിരുന്നത്.വിങ്ങിയ നെഞ്ച് കരഞ്ഞു.അത് പുറത്തേക്കും വന്നു.ഉള്ളൊഴിയുന്ന ആശ്വാസം.ആ തോളിൽ കിടന്നു ചെറിയ കുട്ടിയാവുന്നപോലെയും.മുന്നിൽ ചെറിയമ്മയുടെ മുഖം എന്‍റെ കണ്ണുനീരിൽ മുങ്ങി മറഞ്ഞു. കുറച്ചു നേരമങ്ങനെരുന്നു.

അനുവൊന്നും പറഞ്ഞില്ല. അനങ്ങിയില്ല. ഉള്ള സ്നേഹമെല്ലാം തല്ലി കെടുത്താൻ നോക്കിയതുകൊണ്ടാവും. എന്നാലുമാ മുഖം എങ്കിലും കാണണം എന്ന് തോന്നി.നിറഞ്ഞ കണ്ണ് തുടച്ചു ആ മുഖത്തേക്ക് നോക്കി.

നിമിഷങ്ങളിൽ ശ്വാസം നിന്നു. കരച്ചിലിനു ഒരു ഫുൾ സ്റ്റോപ്പിട്ടു നിർത്തി ഞാനത് കണ്ടു. നിറഞ്ഞയാ കണ്ണുകൾ, വേദനിക്കുന്ന മുഖം. നെഞ്ചിന്‍റെ ആഴങ്ങളിൽ രക്ത കുഴലുകളിലൂടെ തണുത്ത വെള്ളം പാഞ്ഞു. തണുത്തുറഞ്ഞു പോയെല്ലാം.

സഹിക്കാവയ്യാതെ, ആ നോട്ടം താങ്ങാൻ വയ്യാതെ, മങ്ങുന്ന കണ്ണു മാറ്റി ഞാനവളുടെ കഴുത്തിലേക്ക് മുഖം അടുപ്പിച്ചു. മുഖത്തിൽ അരിച്ചെത്തി അവളുടെ കൈ വന്നു.

“സോറി ചെറിയ….മ്മേ എല്ലാം എനിക്ക… ക്ക റിയില്ലായിരുന്നു. പറ്റി പോയി. ഒന്നും ചെയ്യാൻ ഞാൻ വിചാരിച്ചതല്ല. അറിയാതെ പറ്റി….”

മുറിയുന്ന വാക്കുകളിൽ ഞാൻ വല്ലാതെ തളർന്നു. അവളോട് ചേർന്നിരിക്കുമ്പോ കിട്ടുന്ന ആശ്വാസവും ഇത്ര ദിവസം ഇല്ലാതെ ആയ ഉള്ളിന്‍റെ ആഴവും ഒറ്റ നിമിഷം കൊണ്ട്, ഒരു നോട്ടത്തിലൂടെ കിട്ടിയ സുഖമായിരുന്നെനിക്ക്.എത്ര പിടിച്ചു വെച്ചാലും വിഷമം പുറത്തേക്ക് ഒഴുകാതെ ഇരിക്കില്ല!!

“സാരല്ലടാ….”  പതിയെയുള്ള ആ ഒറ്റ വാക്ക് മാത്രം. ദേഷ്യം വന്നു പോയി, അതേപോലെ കരച്ചിലും. എങ്ങനെ ഇതവൾക്ക് പറയാൻ കഴിയുന്നു . ഇങ്ങനെ സ്നേഹിക്കുന്നതെന്തിനാ?   അവളെ മുന്നിൽ വീണ്ടും തോറ്റു!.  വിരലുകൾ എന്‍റെ കയ്യിൽ മുറുകി.കവിളിലുള്ള ആ കൈയ്യെന്‍റെ തലയുടെ പുറകിലമർത്തി എന്നെയാ ശരീരത്തിലേക്ക് കൂടുതല്‍ ചേർത്തു.അവളുടെ പതിഞ്ഞ അടക്കിയ കരച്ചിലിന്‍റെ നാളങ്ങൾ ആ റൂമില മെല്ലെ മുഴുകി.കുറച്ചുകൂടെ അടുത്തു കൊണ്ടവൾ എന്നെ വാരി പുണർന്നു. കഴുത്തിലും,മുടിയിലും,പുറത്തുമാ കൈകൾ  അനുസരണയില്ലാതെ തഴുകികൊണ്ടവൾ കരഞ്ഞു. സഹിക്കാൻ കഴിഞ്ഞില്ല മെല്ലെ തുടങ്ങിയ കരച്ചിൽ പതിയെ പതിയെ ഉറക്കെയാവൻ തുടങ്ങി.

” എനിക്ക്…. എനി… ക്ക് നീ ല്ലാതെ പറ്റില്ലഭീ…..”  കരച്ചിലും കൂടെയാ വാക്കുകളും മുറിഞ്ഞു. എങ്ങലടിക്കുന്നത് കൂടി.മുറുകുന്ന കൈയുടെ ശക്തി കൂടി. അവൾക്കുമില്ലേ വിഷമങ്ങൾ? ഇത്ര കാലം അത് മറച്ചു വെച്ചു നടന്നതല്ലേ.

തലയെടുത്ത് ചെറിയമ്മയുടെ കവിളിൽ ചേർത്ത് ഞാൻ അമർത്തിയുമ്മ കൊടുത്തു.. ആ നെറ്റിയിലും  കരയുന്ന കണ്ണിലും ചുണ്ടുകൾ ചേർത്ത് വീണ്ടും പെണ്ണിനെ ഞാനെന്‍റെ നെഞ്ചിൽ ചേർത്ത് കരഞ്ഞു

കാലങ്ങൾ പെട്ടന്ന് മനസ്സിലൂടെ പോയി. എന്‍റെ കൈ പിടിച്ചു നടക്കുന്ന പത്തു വയസ്സ് കാരി മുതൽ ഒന്നിച്ചു കാമുകി കാമുകൻ മാരെപോലെ നടന്ന വരെയുള്ള ദിവസങ്ങൾ.

എന്‍റെ കൂടെയാദ്യം വന്നു കിടന്ന ദിവസം എനിക്കനുഭവപ്പെട്ട ആ സുഗന്ധമിപ്പോഴും എന്‍റെ കൂടെയുണ്ട് .മുക്കിന്‍റെ തുമ്പിലുണ്ട്. ഞാൻ അതൊന്ന് ഉള്ളിലേക്ക് എടുത്തു നോക്കി. ഞാനതവളുടെ അടുത്ത് നിന്നാസ്വദിച്ച നിമിഷങ്ങളൊരൊന്നും മുന്നിൽ കണ്ടു.

അമ്പലത്തിൽ പോയതും, മാളിൽ വെച്ച എന്നെ ചേർത്ത് പിടിച്ചതും, അവസാനം കാറിൽ വെച്ച് മഴയത്തെന്‍റെ ചുണ്ടിലേക്ക് ആദ്യമായി ചെറിയമ്മ ചുണ്ട് ചേർത്തത് വരെ. എന്തൊരു സുഖമുള്ളയോർമ്മയാണ്.

മഴ നനഞ്ഞു അവളെ കാണാൻ പോയതും, അഴികൾക്ക് അപ്പുറവും ഇപ്പുറവും നിന്ന് കെട്ടി പിടിച്ചതും ഇഷ്ടാണെന്ന് പറഞ്ഞതും. പനി പിടിച്ച രാത്രി എന്‍റെ അടുത്ത് വന്നു കിടന്ന് ഉറക്കിയതുമെല്ലാം കഴിഞ്ഞ ദിവസം കടന്നു പോയത് പോലെയുണ്ട്.

മഴയത്തു ഇറങ്ങി നടന്നു ഞങ്ങൾ സ്നേഹം പങ്കുവെച്ചില്ലേ? ഒന്നിച്ചു ചളിയിൽ കളിചില്ലേ. അമ്മ കാണാതെ,ആരും കാണാതെ ഒളിഞ്ഞിരുന്നു എത്ര തവണ ഞങ്ങൾ പരസ്പരം ചുണ്ടുകൾ നുണഞ്ഞു.പിന്നെയുള്ളതെല്ലാം ഞാൻ മറക്കാൻ നോക്കി മാളും അപ്പുവും ബാഗ്ലൂരും, കള്ളും,കഞ്ചാവും, എല്ലാം മറന്നു ഇന്നിലേക്ക് വന്നു. എന്‍റെ കൂടെയുള്ള ഇവൾ മാത്രം. അനു.

ഒന്നിച്ചിരുന്നു കെട്ടി പിടിച്ചു ഞങ്ങൾ പരസപരം എത്ര നേരം കരഞ്ഞെന്ന് അറിയില്ല. ചത്തു കിടന്നിരുന്ന പുറത്തെ കാഴ്ചകൾ ചൂട് കാറ്റിൽ ആടിയുലയുന്നുണ്ടെന്ന് അറിയുന്നുണ്ട്. അത് ഉള്ളിലേക്കും അടിച്ചു വന്നു. കരച്ചിൽ പതിഞ്ഞ താളത്തിലേക്കും അതിൽ നിന്ന് കാറ്റിന്‍റെ കൂടെ ഇല്ലാതാവേം ചെയ്തു.

അവിളിപ്പോഴെന്‍റെ ഇടനെഞ്ചിൽ തലച്ചേർത്തു കിടക്കുന്നുണ്ട്.ആ മുഖത്തിപ്പോ ചെറിയ നിഷ്കളങ്കമായ കുട്ടിയുടെ ഭാവമാണ് കണ്ണുകൾ പതിയെ അടച്ചു തുറക്കുന്നത് കാണാം മുന്നിലേക്ക് വീണ മുടി കണ്ണീരിൽ കുതിർന്നു ആ കവിളിലൂടെ നീണ്ടു വളഞ്ഞു കിടക്കുന്നുണ്ട്. എന്താലോചിക്കാണാവോ? ഞാൻ ആ തലയിൽ മെല്ലെ തഴുകികൊടുത്തു. ചെറിയയോരോ തഴുകലിനും കണ്ണടച്ചതവള്‍ ആസ്വദിക്കുന്നുണ്ട്.

ഇത്തിരി നേരം കൂടെ പോയി.ചെറിയമ്മയുടെ കൈ എന്‍റെ കയ്യിൽ കോർത്തു പിടിച്ചു നിൽക്കുന്ന സമയം. താഴെനിന്നും കാറിന്‍റെ ഡോറടയുന്ന ശബ്‌ദം കേട്ടു. അമ്മയായിരിക്കും വന്നത്. നേരത്തെ വരുമെന്ന് പറഞ്ഞതാണല്ലോ?… നെഞ്ചിൽ നിന്ന് ചെറിയമ്മ വഴുതിനീങ്ങി കയ്യിൽ നിന്നും അകന്നു.ബെഡിൽ നിന്ന് എഴുന്നേറ്റ് എന്‍റെ നേർക്ക് കൈ നീട്ടിയവൾ നോക്കി.

“വാ…..” പരിചയമില്ലാത്ത വിളി ആയിരുന്നു. എന്‍റെ തലയെന്താണെന്ന് ചോദിക്കാനിത്തിരി നീണ്ടു.

“അഭീ വാ…..” നേരത്തെ കരച്ചിൽ പൂർണമായി അങ്ങ് തീർന്നിട്ടില്ലന്ന് വാക്കുകളിൽ തോന്നി.വിഷമിപ്പിക്കാൻ നിന്നില്ല ഞാനാ കൈയ്യിൽ പിടിച്ചു ചെറിയമ്മയുടെ പുറകെ നടന്നു.

പെട്ടന്ന പേടി തോന്നി.അമ്മയുടെ മുന്നിലേക്കെങ്ങാനും ആണോ എന്നെയും പിടിച്ചു കൊണ്ടുപോകുന്നത്. തല്ലെങ്ങാനും ഉണ്ടാക്കിയ എങ്ങനെ ഇതിറ്റിങ്ങളെ പിടിച്ചു മാറ്റും. സ്റ്റെപ്പൊക്കെ ചട പടാന്ന് ഇറങ്ങി എന്നെയും കൊണ്ട് പോവുന്നത് കാണുമ്പോ അത് തന്നെയാണ് തോന്നുന്നത്.

Leave a Reply

Your email address will not be published. Required fields are marked *