സാംസൻ 10

Samson Part 10 | Author : Cyril

[ Previous Part ] [ www.kambi.pw ]

അന്നേരം എന്റെ മൊബൈൽ അടിക്കുന്നത് കേട്ട് ഞാൻ ചാടി എഴുനേറ്റ് നോക്കി.

ദേവി ആണെന്ന് കണ്ടു ഞാൻ അന്തിച്ചു.

വെപ്രാളത്തോടെ ഞാൻ കോൾ അറ്റൻഡ് ചെയ്ത് കാതില്‍ വച്ചു.

“നിന്നെ വിളിക്കാൻ പാടില്ല എന്നല്ലേ നീ പറഞ്ഞത്…? പിന്നെ എന്തുപറ്റി…?!” ആകാംഷയോടെ ഞാൻ ചോദിച്ചതും ദേവിയുടെ മണി കിലുക്കം പോലത്തെ ചിരി കേട്ടു.

“സാമേട്ടൻ എന്നെ വിളിക്കരുത് എന്നാണ് ഞാൻ പറഞ്ഞത്. അല്ലാതെ ഞാൻ ചേട്ടനെ വിളിക്കില്ല എന്നൊന്നും പറഞ്ഞില്ലല്ലോ…!” അവള്‍ കുസൃതിയോടെ പറഞ്ഞു ചിരിച്ചു. “പിന്നേ എനിക്ക് ഇഷ്ടമുള്ള ദിവസവും സമയത്തും ഞാൻ ചേട്ടനെ വിളിക്കും. എനിക്ക് ഇഷ്ടമുള്ളതൊക്കെ ഞാൻ ചേട്ടനോട് സംസാരിക്കും. എന്തേ, ഇഷ്ട്ടക്കുറവ് വല്ലതുമുണ്ടോ..?” ചിരിച്ചു കൊണ്ട്‌ അവള്‍ ചോദിച്ചു.

“എന്ത് ഇഷ്ടക്കുറവ്..?ഇഷ്ടക്കുറവൊന്നും എനിക്കില്ല.” ഞാനും ഒരു ചിരിയോടെ മറുപടി കൊടുത്തു.

എന്നാൽ അപ്പുറത്ത് നിന്നും ശബ്ദം ഒന്നും കേള്‍ക്കാതെ വന്നപ്പോൾ ഞാൻ ചോദിച്ചു, “വെറുതെ വിളിച്ചതാണോ..?”

“അല്ല. അമ്മയ്ക്ക് എപ്പോഴും ചേട്ടനെ കുറിച്ചാണ് സംസാരം. അതുകൊണ്ട്‌ അമ്മയെ കാണാനും സംസാരിക്കാനും ശനിയാഴ്ച രാവിലെ ചേട്ടൻ ഇങ്ങോട്ട് വരണം.” ദേവി മടിച്ചു മടിച്ച് പറഞ്ഞു. “പിന്നെ ചേട്ടൻ ഒറ്റക്ക് വന്നാൽ മതി, ട്ടോ…” ദേവി ആജ്ഞാപിച്ചു.

ശേഷം എനിക്ക് പറയാനുള്ളത് കേള്‍ക്കാന്‍ കൂട്ടാക്കാതെ അവള്‍ കട്ടാക്കി. അവളെ ഞാൻ തിരികെ വിളിക്കാൻ തുടങ്ങിയതാണ്.. പക്ഷേ ഏതു സമയത്തും ജൂലി ഉണരും എന്നത് കൊണ്ട് ഞാൻ ആ ചിന്ത ഉപേക്ഷിച്ചു. കൂടാതെ നല്ല ക്ഷീണവും പിന്നേ ഭയങ്കര ഉറക്കവും എനിക്ക് വരുന്നുണ്ടായിരുന്നു.

മൊബൈൽ തലയണയ്ക്കടുത്ത് വച്ചിട്ട് ജൂലിയുടെ കൂടെ പുതപ്പിനകത്ത് കേറിയ ശേഷം അവളെ കെട്ടിപിടിച്ചു കിടന്നത് മാത്രമേ ഓര്‍മയുള്ളു.

ഉറക്കത്തിൽ എപ്പോഴോ നനഞ്ഞ ചൂടുള്ള ചുണ്ടുകള്‍ എന്റെ കവിളിലും കഴുത്തിലും ഇഴഞ്ഞു നടന്നത് ഞാൻ അറിഞ്ഞതും എന്റെ ചുണ്ടുകള്‍ താനെ പുഞ്ചിരിയാൽ വിടര്‍ന്നു.

“സാമേട്ടാ….?” ജൂലി എന്റെ ചെവിയില്‍ കൊഞ്ചലോടെ വിളിച്ചു. പക്ഷേ കണ്ണുകൾ തുറക്കാനും എന്തെങ്കിലും പറയാനും എനിക്ക് കഴിഞ്ഞില്ല. അത്രത്തോളം ക്ഷീണം ഉണ്ടായിരുന്നു.

എന്റെ കവിളിൽ ജൂലി ഉമ്മ തന്നിട്ട് എന്നെ പതിയെ വലിച്ചു ചെരിച്ചു കിടത്തി. ശേഷം അവളുടെ മാറിലേക്ക് എന്റെ മുഖത്തെ ചേര്‍ത്തു പിടിച്ചു കൊണ്ട്‌ അവള്‍ വെറുതെ കിടന്നു. ഞാൻ അവളുടെ മാറില്‍ അമര്‍ത്തി ഉമ്മ കൊടുത്ത ശേഷം പുഞ്ചിരിയോടെ ആഴ്ന്ന നിദ്രയിലാവുകയും ചെയ്തു.

പിന്നേ എപ്പോഴോ എന്നെ ആരോ ശക്തമായി ഉലച്ചപ്പോൾ ഞാൻ ഞെട്ടി ഉണര്‍ന്ന് മിഴികള്‍ തുറന്നു വിരണ്ടു നോക്കി.

“പേടിച്ചു പോയോ..?” കുസൃതി ചിരിയോടെ ജൂലി എന്റെ മുഖത്തിന് മീതെ മുഖം അടുപ്പിച്ച് നില്‍ക്കുന്നത് കണ്ടതും എന്റെ ഞെട്ടലും വിരണ്ട ഭാവവും മാറി. അപ്പോൾ ഞാനും പുഞ്ചിരിച്ചു.

എന്നിട്ട് കൈ പൊക്കി അവളുടെ മിനുസമുള്ള കവിളിൽ ഞാൻ സ്നേഹത്തോടെ തഴുകി.

പക്ഷേ എത്ര ശ്രമിച്ചിട്ടും എനിക്ക് ഉണര്‍ന്നിരിക്കാൻ കഴിഞ്ഞില്ല. വീണ്ടും ഞാൻ മയങ്ങിപ്പോയി. എന്റെ കൈ അവളുടെ കവികളില്‍ നിന്നും ഊർന്നു വീണു.

ഉടനെ ഞാൻ പിന്നെയും ഞെട്ടി ഉണര്‍ന്നതും ജൂലി പൊട്ടിച്ചിരിച്ചു.

“ഉറക്കം തൂങ്ങി…!” ജൂലി കളിയാക്കി. അവളുടെ സ്വരത്തില്‍ സ്നേഹവും നിറഞ്ഞു നിന്നു.

ഇനിയും കിടന്നാൽ ഞാൻ പിന്നെയും ഉറങ്ങിപ്പോകും. അതുകൊണ്ട്‌ ഞാൻ പതിയെ എഴുനേറ്റ് കട്ടിലില്‍ ചാരിയിരുന്നു.

ഉടനെ ജൂലി എന്റെ അടുത്തിരുന്ന ശേഷം എന്നോട് പറഞ്ഞു, “സാന്ദ്രയ്ക്ക് സുഖമില്ല പോലും, അതുകൊണ്ട്‌ അവള്‍ ക്ലാസിൽ പോകുന്നില്ലെന്ന് ചേട്ടനോട് പറയാൻ എന്നെ ഏല്പിച്ചു.”

ഒന്നും മിണ്ടാതെ എന്റെ തലയുടെ ഭാരം അകറ്റാനായി ഞാൻ നെറ്റി ഒന്ന് ഉഴിഞ്ഞു. ചെറിയ ആശ്വാസം തോന്നിയതും ഞാൻ ജൂലിയെ നോക്കി.

“അവള്‍ക്ക് എന്തുപറ്റി…?” ഒന്നും അറിയാത്ത ഭാവത്തില്‍ ഞാൻ തിരക്കി.