ചെരിഞ്ഞു കിടക്കുന്ന അവള്‍ക്ക് പിന്നില്‍ ഞാനും ചെരിഞ്ഞു ചേര്‍ന്നു കിടന്നു. എന്നിട്ട് അവളെ ചേര്‍ത്തു പിടിച്ചു കൊണ്ട്‌ ഞാൻ തല അവളുടെ കവിളിൽ അമർത്തി മുത്തി. പടർന്നു കിടന്ന അവളുടെ മുടി ഞാൻ ഒതുക്കി വച്ചു. അവളുടെ കഴുത്ത് തണുത്തിരുന്നത് അറിഞ്ഞതും പുതപ്പ് വലിച്ച് കഴുത്തു വരെ നല്ലതുപോലെ മൂടി കൊടുത്തു. എന്നിട്ട് പുതപ്പിന് മുകളിലൂടെ അവളുടെ തോള്‍ ഭാഗത്തും കൈയിലും ഉമ്മ കൊടുത്തിട്ട് അവളെ എന്നോട് ചേര്‍ത്തു പിടിച്ചു.
ഉറങ്ങിക്കിടക്കുന്ന ജൂലിക്ക് മൂടി കൊടുക്കുന്നതും.. ഉമ്മ കൊടുക്കുന്നത്.. പിന്നില്‍ നിന്നും അവളെ എന്നോട് ചേര്‍ത്തു പിടിക്കുന്നതും ഒക്കെ എനിക്ക് ഭയങ്കര ഇഷ്ട്ടമാണ്. ഇങ്ങനെയൊക്കെ ചെയ്യുമ്പോൾ എപ്പോഴും അവളോടുള്ള അതിരറ്റ സ്നേഹം പിന്നെയും ഒരു പടി ഉയരുന്നത് ഞാൻ അറിയാറുണ്ട്.
ഒരു പുഞ്ചിരിയോടെ അവളുടെ മുടിയില്‍ ഞാൻ പിന്നെയും തഴുകി. അവളുടെ മുടിയില്‍ ഞാൻ ഒരുമ്മ കൊടുത്തു. മനസ്സിന്‌ നല്ല സന്തോഷം കിട്ടി. എന്റെ സ്നേഹം എന്നില്‍ നിന്നും അവളുടെ ദേഹത്ത് പടരുന്നത് പോലെ തോന്നി.
പെട്ടന്ന് ജൂലി നിരങ്ങി നീങ്ങി എന്നോട് ചേര്‍ന്നു കിടന്നു. എന്നിട്ട് അവള്‍ പുതപ്പ് മാറ്റി എന്റെ കൈ എടുത്ത് അവളുടെ മുകളില്‍ ഇട്ട് അവളെ ചുറ്റി പിടിപ്പിച്ചു. ഞാനും അവളോട് കൂടുതൽ ചേര്‍ന്നു കിടന്ന് കൊണ്ട്‌ അവളെ കൂടുതൽ ചേര്‍ത്തു പിടിച്ചു.
“എഡി കള്ളി, ഇതുവരെ നീ മരുന്ന് കഴിച്ചില്ല, അല്ലേ..?” ഞാൻ ചോദിച്ചു.
“എന്നും ബോധമില്ലാതെ കിടക്കുമ്പോ ചേട്ടന്റെ ചൂട് ഞാൻ അറിയുന്നില്ല… ചേട്ടന്റെ സ്പര്‍ശനത്തിൽ നിന്നും ലഭിക്കുന്ന സ്നേഹവും സുഖവും സന്തോഷവും ഞാൻ അറിയുന്നില്ല… ഞാൻ ഉറങ്ങി കിടക്കുമ്പോള്‍ ചേട്ടൻ എന്നോട് കാണിക്കുന്ന സ്നേഹം ഒന്നും ഞാൻ അറിയുന്നില്ല…” അത്രയും പറഞ്ഞിട്ട് അവള്‍ എന്റെ നേര്‍ക്ക് തിരിഞ്ഞു കിടന്ന് എന്നെ കെട്ടിപ്പിടിച്ചു.
ഞാനും അവളെ മുറുകെ ചേര്‍ത്തു പിടിച്ചു.
“അതുകൊണ്ട്‌ ദിവസവും മരുന്ന് കഴിക്കാൻ ഉദ്ദേശമില്ല, ഒരു ദിവസം ഇടവിട്ട് മാത്രമേ ഇനി ഞാൻ മരുന്ന് കഴിക്കു…” നിര്‍ബന്ധപൂര്‍വ്വം പറഞ്ഞിട്ട് ‘എന്നോട് തര്‍ക്കിക്കാന്‍ വരരുത്’ എന്നപോലെ അവള്‍ പെട്ടന്ന് തല ഉയർത്തി വാശിയോടെ എന്നെ നോക്കി.
സത്യത്തിൽ അതുകണ്ട് എനിക്ക് ചിരിക്കാന്‍ തോന്നി. ഞാൻ പൊട്ടിച്ചിരിച്ചതും അവള്‍ മുഖം കോട്ടി.
“ഇക്കാര്യത്തിൽ ചേട്ടന്‍ എന്നോട് തര്‍ക്കിക്കുന്നില്ലേ….?” എന്നോട് വാക്കു തർക്കത്തിന് ഒരുങ്ങും പോലെ അവള്‍ അല്‍പ്പം പിന്നോട്ട് നീങ്ങി കിടന്നിട്ട് ചോദിച്ചു.
“ഇല്ല, ഞാൻ തര്‍ക്കിക്കില്ല..” പുഞ്ചിരിയോടെ ഞാൻ പറഞ്ഞു.
“അതെന്താ…?” അവൾ സംശയത്തോടെ കണ്ണുരുട്ടി.
“എന്തേ.. എന്നും നീ മരുന്ന് കഴിക്കണം എന്ന് ഞാൻ നിര്‍ബന്ധം പിടിക്കണോ..?” മറുചോദ്യം ഞാൻ ചോദിച്ചു.
കുറേനേരം ജൂലി എന്നെത്തന്നെ നോക്കി കിടന്നു. എന്നിട്ട് പെട്ടന്ന് ചിരിച്ചു. ശേഷം അടുത്തേക്ക് നീങ്ങി വന്ന് എന്റെ ശരീരത്തോട് ചേര്‍ന്നു കിടന്നു.
“വേണ്ട, ചേട്ടൻ നിര്‍ബന്ധം പിടിക്കരുത്… അടുത്ത ചെക്കപ്പിന് ഡോക്ടര്‍ക്ക് പറയാനുള്ളത് നോക്കീട്ട് എന്തുവേണമെന്ന് നമുക്ക് തീരുമാനിക്കാം.. അതുവരെ ഒന്നിടവിട്ടുള്ള ദിവസങ്ങളില്‍ എങ്കിലും ചേട്ടന്റെ ചൂടും സ്നേഹവും ലാളണയും അറിഞ്ഞുകൊണ്ട് എനിക്ക് ഉറങ്ങണം….”
“ഉം സമ്മതിച്ചു. പക്ഷെ ഇതുമൂലം നിനക്ക് ചെറിയ പ്രശ്നം പോലും ഉള്ളതായി തോന്നിയാല്‍ ഈ വാശി ഉപേക്ഷിച്ചു എന്നും നീ മരുന്ന് കഴിക്കണം, കേട്ടല്ലോ..?” ഞാൻ തീര്‍ത്തു പറഞ്ഞു.
പക്ഷേ ജൂലി മറുപടി തന്നില്ല.
“ഞാൻ പറഞ്ഞത് നീ കേട്ടോ..?” അവളെ പതിയെ കുലുക്കി ഞാൻ ചോദിച്ചു.
പക്ഷേ അപ്പോഴും അവള്‍ മിണ്ടിയില്ല.
“എടി….!!” അല്‍പ്പം ശക്തിയില്‍ അവളെ ഞാൻ കുലുക്കി.
അപ്പോൾ ജൂലി കൂർക്കം വലിക്കുന്നത് പോലെ അഭിനയിച്ചു.
“കള്ളക്കഴുത…” സ്നേഹത്തോടെ അവളെ ചേര്‍ത്തു പിടിച്ചു കൊണ്ട്‌ അവളുടെ മുടിയില്‍ ഞാൻ തഴുകി. ജൂലി കൂടുതൽ എന്നിലേക്ക് അമർന്ന് എന്നെ കെട്ടിപിടിച്ചു. ഒരുപാട്‌ നേരം കഴിഞ്ഞ് ഞങ്ങൾ ഉറങ്ങുകയും ചെയ്തു.
എപ്പോഴോ ബാത്റൂം തുറക്കുന്ന ശബ്ദം കേട്ട് ഞാൻ ഉണര്‍ന്നു. നോക്കിയപ്പോ ജൂലി കുളി കഴിഞ്ഞ് നഗ്നയായി ഇറങ്ങി വരുന്നതാണ് കണ്ടത്. ലൈറ്റ് ഇട്ടിരുന്നത് കൊണ്ട്‌ അവളുടെ അപാര സൗന്ദര്യം ശെരിക്കും ദൃശ്യമായി.
“എടി പെണ്ണെ, നിന്റെ സൗന്ദര്യം പിന്നെയും കൂടിയോ…?” വിടര്‍ന്ന കണ്ണുകളോടെ ഞാൻ ചോദിച്ചു.
“ആഹാ… കള്ളന്‍ ഉണര്‍ന്നോ…?!” നാണത്തോടെ ചോദിച്ച ശേഷം അവള്‍ സ്നേഹ പുഞ്ചിരിയോടെ നടന്നു ചെന്ന് അലമാര തുറന്ന് സാരിയും ബ്ലൌസും മറ്റ് അടിവസ്ത്രങ്ങളും തിരഞ്ഞെടുത്തു.
ഞാൻ സമയം നോക്കി. 5:35 ആയെന്ന് എന്റെ മൊബൈൽ കാണിച്ചു.
“പള്ളിയിൽ പോകുകയാണോ….?”
“മ്മ്..” അവള്‍ മൂളി. എന്നിട്ട് പ്രതീക്ഷയോടെ ജൂലി ചോദിച്ചു, “എന്റെ കൂടെ ചേട്ടനും വരുമോ..?”
എന്നാൽ മറുപടി കൊടുക്കാതെ ഞാൻ കമിഴ്ന്നു കിടന്നു.
പക്ഷേ അതിനുമുന്‍പ് അവളുടെ മുഖം നിരാശരയിൽ മങ്ങിയത് എനിക്ക് കാണാന്‍ കഴിഞ്ഞതും ഞാൻ വേഗം മലര്‍ന്നു കിടന്നു.
“എന്റെ പൊന്ന് ജൂലി, ഞാൻ പള്ളിയിൽ പോകാത്തത് പുതുമ ഒന്നുമല്ലല്ലോ… എന്തിനാ എന്റെ നഗ്ന സുന്ദരി ഇങ്ങനെ വിഷമിക്കുന്നേ..?”
നഗ്ന സുന്ദരി എന്ന പദം കേട്ട് ജൂലി നാണിച്ചു ചിരിച്ചു. അവളുടെ മുഖം തുടുത്തു കേറി. പക്ഷേ അപ്പോഴും ചെറിയ നിരാശ അവളുടെ കണ്ണുകളില്‍ നിഴലിച്ചു നിന്നു.
എന്തുകൊണ്ടോ എനിക്ക് ഭയങ്കര വിഷമം തോന്നി. ഞാൻ മെല്ലെ എഴുനേറ്റ് ബാത്റൂമിലേക്ക് നടന്നതും ജൂലി സംശയത്തോടെ നിന്നു.
വേഗം കളിയും മറ്റും കഴിഞ്ഞ് പുറത്തു വന്ന് ഷഡ്ഡി ഇട്ട ശേഷം പാന്റും ഷർട്ടും ഇടുന്നത് കണ്ടതും ജൂലി അന്തിച്ചു നിന്നു. ഒരു പുഞ്ചിരിയോടെ സാരി ഉടുത്ത് ഒരുങ്ങി നില്‍ക്കുന്ന അവളുടെ സൗന്ദര്യം നോക്കി അല്‍പ്പനേരം ആസ്വദിച്ചു നിന്ന ശേഷം ഞാൻ എന്റെ ഷർട്ട് ബട്ടൺസ് ഇട്ടു.
“ശെരിക്കും എന്നോടൊപ്പം പള്ളിയില്‍ വരാൻ തന്നെയാണോ… അതോ മാളിന്റെ ആവശ്യമായി എങ്ങോട്ടെങ്കിലും പോകുകയാണോ..!?” അവള്‍ ചോദിച്ചു.
“ഇന്നത്തേക്ക് മാത്രം… ഈയൊരു ഞായറാഴ് മാത്രം നിനക്കുവേണ്ടി പള്ളിയില്‍ ഞാൻ വരാം. പക്ഷേ അടുത്ത ആഴ്ച നിര്‍ബന്ധം പിടിക്കരുത്.. ഇതുപോലെ വിഷമിച്ചും നില്‍ക്കരുത്, കേട്ടല്ലോ…?”
ഉടനെ ജൂലിയുടെ മുഖം പ്രകാശിച്ചു. സന്തോഷം കാരണം അവള്‍ ചിരിച്ചു. “ചേട്ടൻ പള്ളിയില്‍ വന്ന് പ്രാര്‍ത്ഥിക്കണം എന്നൊന്നും ഞാൻ പറയുന്നില്ല. ഞായറാഴ്ചകളിൽ എല്ലാ ദമ്പതികളും ഒരുമിച്ച് പള്ളിയില്‍ വരുന്നത് കാണുമ്പോ എനിക്ക് എപ്പോഴും വിഷമം തോന്നാറുണ്ട്. എനിക്കും ചേട്ടന്റെ കൂടെ ജോഡിയായി പള്ളിയില്‍ പോണം എന്നാണ്‌ ആഗ്രഹം…!” അവള്‍ പറഞ്ഞു.
