സുമി സന്തോഷത്തോടെ കൂവിച്ചിരിച്ചു.
അങ്ങനെ അവളോട് സംസാരിച്ചും അവളുടെ കൊഞ്ചിയുള്ള സംസാരവും കേട്ടുകൊണ്ടിരുന്നപ്പോൾ വിനില റൂമിൽ കേറി വന്നു.
“നീയെന്താടാ അങ്ങോട്ടൊന്നും വരാതിരുന്നേ…?” നല്ല ദേഷ്യത്തില്‍ ചോദിച്ചുകൊണ്ട് വിനില എന്റെ അടുത്തായി ബെഡ്ഡിൽ ഇരുന്നു.
അന്നേരം ജൂലിയും അകത്തേക്ക് വന്നു.
“നിങ്ങൾ മുറപ്പെണ്ണും ചെക്കനും സംസാരിച്ചിരിക്ക്…” കളിയാക്കി പറഞ്ഞിട്ട് ജൂലി സുമി മോളെ എടുത്തു കൊണ്ട്‌ പുറത്തേക്ക്‌ പോയി.
ജൂലി സുമി മോളെയും കൊണ്ട്‌ പുറത്തു പോയി മറയുന്നത് വരെ നോക്കിയിരുന്ന ശേഷം ഞാൻ വിനിലയുടെ നേര്‍ക്ക് തിരിഞ്ഞു.
എന്റെ മനസ്സിൽ പെട്ടന്ന് വിഷമവും നഷ്ടബോധവും കടന്നുകൂടി. കണ്ണ് നിറഞ്ഞ് കണ്ണുകൾ നീറി. അവളുടെ കണ്ണുകൾ നിറയുന്നതും ഞാൻ കണ്ടു. പക്ഷേ പെട്ടന്നു തന്നെ അവള്‍ കണ്ണുകൾ തുടച്ചു. എന്നിട്ട് എന്റെ തുടയിൽ ആഞ്ഞൊരടി തന്നു.
“അമ്മേ…!!” കരഞ്ഞുകൊണ്ട് പുകയുന്ന തുടയിൽ ഞാൻ വിരണ്ടു തടവി.
“ചോദിച്ചത്‌ കേട്ടില്ലേ നീയെന്താ അങ്ങോട്ടൊന്നും വരാത്തത്..? എന്റെ ശരീരം മാത്രമാണ് നി സ്നേഹിച്ചത്, അല്ലേ…? അതുകൊണ്ടല്ലേ അങ്ങനെ ഒന്നും വേണ്ടെന്ന് പറഞ്ഞപ്പോ എന്നെ നീ മറന്നു പോയത്..?” അവള്‍ ശബ്ദം താഴ്ത്തി കടുത്ത കോപത്തോടെ ചോദിച്ചു.
“എഡി, എന്തൊക്കെയാ നീ പറയുന്നേ. അതല്ല സത്യമെന്ന് നിനക്കും അറിയാം…” തുട തടവിക്കൊണ്ട് ഞാനവളെ തുറിച്ചു നോക്കി.
“ഓഹോ.. പിന്നെ എന്തുകൊണ്ട്‌ നീ വീട്ടില്‍ വന്നില്ല. പപ്പയും മമ്മിക്കും നല്ല വിഷമമുണ്ട്. എപ്പോഴും കൂട്ട് പിടിച്ചു നടക്കുന്ന എന്റെ ഭർത്താവും നിന്നെ കുറിച്ച് ആയിരം വട്ടം തിരക്കി. പുള്ളി നല്ല തിരക്കില്‍ പെട്ടുപോയി, അതുകൊണ്ടാണ് അദ്ദേഹം നിന്നെ തിരക്കി ഇങ്ങോട്ട് വരാത്തത്.” അവള്‍ ദേഷ്യത്തില്‍ പറഞ്ഞിട്ട് എന്റെ തുടയിലും കൈയിലും മാറിമാറി അടിച്ചു.
“അയ്യോ…” ഞാൻ അവളുടെ കൈ പിടിച്ചു വച്ചു. “എന്റെ പൊന്നു വിനി. ഞാനും അല്‍പ്പം തിരക്കില്‍ പെട്ടുപോയി.”
“ഓഹോ… നിന്റെ ഒരു തിരക്ക്..! ഞാൻ ഇവിടെ വന്നപ്പോ നീ മലര്‍ന്നു കിടന്ന് ഉറങ്ങുന്നതാണല്ലോ കണ്ടത്.” എന്റെ പിടിയില്‍ നിന്നും കൈ കുടഞ്ഞു മാറ്റിയിട്ട് അവൾ എന്നെ വീണ്ടും അടിക്കാന്‍ ശ്രമിച്ചു. പക്ഷേ ഞാൻ പിന്നെയും അവളുടെ കൈ പിടിച്ചു വച്ചു.
“എഡി സോറി…. എന്റെ തെറ്റാണ്… പ്ലീസ്, എന്നോട് ക്ഷമിക്ക്, വിനി.” ഞാൻ വെപ്രാളത്തിൽ പറഞ്ഞു.
അവസാനം വിനില ഒന്ന് തണുത്തു. “ഇത്തവണ ഞാൻ ക്ഷമിക്കാം. ഇനി അങ്ങോട്ട് വരാൻ ഇതുപോലത്തെ വലിയ ഗ്യാപ്പ് വരുത്തിയാൽ ഞാൻ നിന്നെ തല്ലിക്കൊല്ലും.” അവള്‍ കോപത്തോടെ പറഞ്ഞിട്ട് ശാന്തയായി.
“എപ്പോഴും ഞാൻ വിചാരിക്കും, അങ്ങോട്ട് വരണമെന്ന്… പക്ഷേ കഴിഞ്ഞില്ല.” കുറ്റബോധത്തോടെ ഞാൻ പറഞ്ഞു.
കുറച്ചുനേരം എന്റെ കണ്ണില്‍ തന്നെ നോക്കിയിരുന്ന ശേഷം അവള്‍ വാതില്‍ക്കല്‍ ഒന്നു നോക്കിയിട്ട് എന്റെ നേര്‍ക്ക് തല തിരിച്ചു, “സത്യം പറയട, നിനക്ക് എന്നോട് ദേഷ്യം ഉണ്ടോ..?”
“പോടി കൊരങ്ങി. എനിക്ക് ദേഷ്യം ഒന്നുമില്ല. എന്നോടുള്ള നിന്റെ സ്നേഹത്തെ ഞാൻ മുതലെടുത്തു എന്ന വിഷമം മാത്രമേ എനിക്കുള്ളു. അതുകൊണ്ടാണ് നിന്റെ മുന്നില്‍ വരാൻ എനിക്ക് കഴിയാത്തത്.” ഞാൻ തല കുനിച്ചു.
“എടാ..” വിനില ദേഷ്യത്തില്‍ വിളിച്ചു.
ഞാൻ അവളെ നോക്കിയതും അവളുടെ ദേഷ്യം അലിഞ്ഞു പോയി.
“നിന്റെ ഈ കുറ്റബോധവും വിഷമവും ഒന്നും എനിക്ക് പിടിക്കണില്ല കേട്ടോ..” അവള്‍ എന്റെ കവിളിൽ സ്നേഹത്തോടെ കൈ വച്ചു. പക്ഷേ പെട്ടന്ന് എടുത്തുമാറ്റി. “നമ്മൾ ചെയ്തതൊക്കെ വിചാരിച്ച് ഒരിക്കല്‍ പോലും ഞാൻ വിഷമിച്ചിട്ടില്ല. ആ അനുഭവം എന്നെ സന്തോഷിപ്പിച്ചിട്ടേയുള്ളു. അതുകൊണ്ട്‌ നീയും വിഷമിക്കരുത്. കഴിഞ്ഞുപോയ ആ കാര്യങ്ങൾ നമുക്ക് മറക്കാം. എപ്പോഴും നമ്മൾ നല്ല കൂട്ടുകാരായി സ്നേഹത്തോടെ തന്നെ ജീവിക്കണം.”
അവസാനം ഞാൻ പുഞ്ചിരിച്ചു. പണ്ട്‌ എപ്പോഴും ചെയ്യാറുള്ളത് പോലെ അവളുടെ കവിളിൽ ഞാൻ പതിയെ നുള്ളി. വിനില സന്തോഷത്തോടെ ചിരിച്ചു.
“ശെരി വാ, നമുക്ക് പുറത്തു പോകാം. എല്ലാവരും ഹാളില്‍ തന്നെയുണ്ട്.” പറഞ്ഞിട്ട് അവള്‍ എന്റെ കൈ പിടിച്ചു വലിച്ച് എന്നെ പുറത്തേക്ക്‌ കൊണ്ടുപോയി.
പിന്നീട് രാത്രി വരെ ജോളിയായി എല്ലാവരും കഥയും കാര്യവും പറഞ്ഞ്‌ സമയം കളഞ്ഞു. ജൂലി വിനിലയോട് അമ്മായി എന്റെ അച്ഛന്റെ വീട്ടില്‍ പോയ കാര്യത്തെ വിശദമായി പറഞ്ഞു. വിനില അന്തിച്ചാണ് അതൊക്കെ കേട്ടിരുന്നത്.
എല്ലാം കേട്ടു കഴിഞ്ഞ് വിനില എന്നെ നോക്കി പുഞ്ചിരിച്ചു.
“അവർ വന്നാൽ സാം അവരോട് വെറുപ്പിച്ചു സംസാരിക്കില്ല, ആന്റി. ശെരിയായ കാര്യങ്ങൾ അവന്‍ ചെയ്യുമെന്ന് എനിക്ക് ഉറപ്പുണ്ട്.” വിനില എന്റെ അമ്മായിയോട് പറഞ്ഞു.
അങ്ങനെ രാത്രി എട്ടു മണിക്ക് അത്താഴം കഴിഞ്ഞതും വിനിലയെ വീട്ടില്‍ കൊണ്ടു വിടാന്‍ അവള്‍ എന്നോട് ആവശ്യപ്പെട്ടു. ബൈക്കില്‍ പോകാമെന്ന് രഹസ്യമായി വിനില എന്നോട് ആംഗ്യം കാണിച്ചു.
അങ്ങനെ ബൈക്ക് സ്റ്റാര്‍ട്ട് ചെയ്ത് സുമി മോളെ ഞാൻ മുന്നില്‍ ഇരുത്തി. വിനില എന്റെ തോളത്ത് പിടിച്ചു കൊണ്ട്‌ ഒരു വശത്ത് കാലിട്ട് ചെരിഞ്ഞിരുന്നു.
പോകുന്ന വഴിക്ക് ഞങ്ങൾ സാധാരണ കാര്യങ്ങൾ മാത്രമാണ് സംസാരിച്ചത്. അങ്ങനെ അവളെ വീട്ടില്‍ വിട്ടിട്ട് ആന്റിയോട് കുറെ നേരം വർത്തമാനം പറഞ്ഞിരുന്നു.
അങ്കിളും വിനിലയുടെ ഭർത്താവും ബിസിനസ്സ് ആവശ്യമായി യാത്ര പോയിരുന്നത് കൊണ്ട്‌ അവരെ കാണാന്‍ കഴിഞ്ഞില്ല. പക്ഷേ ഫോൺ ചെയ്തു ഞാൻ സംസാരിച്ചു. അങ്കിള്‍ ആദ്യം അല്‍പ്പം ദേഷ്യം പ്രകടിപ്പിച്ചു എങ്കിലും പിണക്കം മാറി നന്നായി സംസാരിച്ചു.
ഒടുവില്‍ വിനിലയോടും ആന്റിയോടും യാത്ര പറഞ്ഞ്‌ ഞാൻ ഇറങ്ങി.
വീട്ടില്‍ എത്തി ഫ്രെഷായി പുറത്ത്‌ വന്ന്‌ ജൂലിയുടെ അടുത്ത് കിടന്നതും അവള്‍ സന്തോഷത്തോടെ എന്നെ നോക്കി ചെരിഞ്ഞു കിടന്ന് എന്റെ കരവലയത്തിൽ ഒതുങ്ങി.
പ്രതീക്ഷയോടെ അവളുടെ കണ്ണില്‍ ഞാൻ നോക്കി.
“ഒന്നു രണ്ട് ദിവസത്തേക്ക് വേണ്ട, ചേട്ടാ. എന്റെ ശരീരം മൊത്തം വേദനിക്കുന്നു. പതിവിലും കൂടുതൽ ക്ഷീണവും..” അവൾ അഭ്യര്‍ത്ഥിച്ചു.
ഒരു പുഞ്ചിരിയോടെ അവളുടെ കവിളിൽ എന്റെ കവിൾ ചേര്‍ത്തു ഞാൻ കിടന്നു.
“ദേഷ്യം ഉണ്ടോ എന്നോട്..?” വിഷമത്തോടെ അവള്‍ ചോദിച്ചു.
“ദേഷ്യം ഇല്ലടി എന്റെ സുന്ദരിക്കുട്ടി.” എന്നും പറഞ്ഞ്‌ ഞാൻ മലര്‍ന്നു കിടന്നിട്ട് അവളെ എന്റെ മേല്‍ കിടത്തി അവളുടെ കവിളിൽ ഉമ്മ കൊടുത്തു.
ജൂലി സന്തോഷത്തോടെ എന്റെ നഗ്ന മാറില്‍ ഉമ്മ തന്നു.. ശേഷം എന്റെ മുഖത്തും കുറെ ഉമ്മ തന്നിട്ട് എന്റെ കവിളിൽ മുഖം അമര്‍ത്തി കിടന്നു. ഞാൻ അവളുടെ പുറവും മുടിയും തഴുകി കൊണ്ടിരുന്നു.
