ടിക്കറ്റ് എവടെ നിന്ന് വന്നു എന്നൊന്നും രേവതി അറിഞ്ഞില്ല… ഹീൽസ് അഴിച്ചു കയ്യിൽ പിടിച്ചു ഓടുന്ന സൈറയുടെ പിന്നാലെ അവളും ഓടി..
എല്ലാം അതി വേഗത്തിൽ…………
അവർക്ക് വേണ്ടി പതിനഞ്ചു മിനിറ്റ് ആ വിമാനം കാത്തിരുന്നു… അവർ കയറിയതും ഡോർ ക്ലോസ് ചെയ്യലും ഒന്നിച്ചായിരുന്നു എന്ന് പറയാം….
എന്തൊക്കെ ചെയ്തും, എന്തൊക്കെ പറഞ്ഞും രേവതിയെ സമാധാനിപ്പിക്കാൻ ആയില്ല സൈറക്ക്…
കരഞ്ഞു കൊണ്ടിരിക്കുന്ന, അല്ലെങ്കിൽ കണ്ണ് നിറച്ചു തുടച്ചു കൊണ്ടിരിക്കുന്ന പാസ്സഞ്ചർ… വെള്ളവും കൂൾ ഡ്രിങ്ക്സും കോഫിയും എല്ലാം രേവതിക്ക് മുന്നിൽ എയർ ഹോസ്റ്റസ് കൊണ്ട് വന്നു, പറയാതെ തന്നേ, ഓർഡർ ചെയ്യാതെ തന്നേ……
ഡോർ തുറന്ന് ഫസ്റ്റ് ഇറങ്ങിയതും അന്ന് അവരായിരുന്നു…………
എയർപോർട്ടിൽ നിന്ന് ടാക്സി വിളിച്ച് കയറി ഇരുന്ന ശേഷം, സൈറ ഫോൺ എടുത്ത് ഹരിയുടെ അമ്മയെ വിളിച്ചു : അമ്മേ.. ഞാനാണ്… എന്തായി അവിടെ ?..
” ആ… വീട്ടിൽ എത്തി മോളെ… അര മണിക്കൂർ ആയി…. അമ്മ പറഞ്ഞു
” ഹരിയോ?… സൈറ ചോദിച്ചു..
“അവൻ അങ്ങോട്ട് പോന്നല്ലോ… രേവതി ഇല്ലാത്തത് അല്ലെ, ആദി ഒറ്റക്കാണ് എന്ന് പറഞ് അധികം നിന്നില്ല….. അമ്മ തിരിച്ചു പറഞ്ഞു.
അത് കേട്ട നിമിഷം, സൈറ പല്ല് കടിച്ചു കൊണ്ട് ദേഷ്യം ഭാവിച്ചു രേവതിയെ നോക്കി… ഓടിയ ഓട്ടത്തിന് മെഡൽ കിട്ടേടത്തായിരുന്നു എന്ന് അവൾ പറയാതെ പറഞ്ഞു..
“മോളെ നിങ്ങൾ എവിടെയാ?.. പ്രോഗ്രാം കഴിഞ്ഞോ?.. അമ്മ ചോദിച്ചു.
“അമ്മേ ഞങ്ങൾ നാട്ടിൽ എത്തി.. ഫ്ലൈറ്റ് ഇറങ്ങിയേ ഉളളൂ… രേവതി കരച്ചിലോട് കരച്ചിൽ… പിന്നെ ഒന്നും പറയണ്ട അമ്മേ… ഓട്ടം തന്നേ ആയിരുന്നു ഓട്ടം… സൈറ ചിരിച്ചു കൊണ്ട് പറഞ്ഞു..
“അയ്യോ.. അതെയോ.. രേവൂട്ടിക്ക് ഒന്ന് കൊടുക്കുമോ?.. അമ്മ ചോദിച്ചു.
” അമ്മേ….. ഫോൺ വാങ്ങി ചെവിയിൽ വച്ചതും രേവതി കരയാൻ തുടങ്ങി..
” അയ്യേ.. എന്താ മോളെ ഇത്.. അച്ഛന് ഒന്നുല്ലാട്ടോ… സംസാരിക്കാണോ.. ഞാൻ കൊടുക്കാം… അമ്മ പറഞ്ഞു കൊണ്ട് ഫോൺ കിടക്കയിൽ കിടന്നിരുന്ന ഹരിയുടെ അച്ഛന്റെ കയ്യിൽ ഫോൺ കൊടുത്തു..
നിമിഷങ്ങൾക്ക് ശേഷം ആണ്, ഹരിയുടെ അച്ഛന്റെ ഗാഭീര്യം നിറഞ്ഞ ശബ്ദം പിന്നെ ഫോണിലൂടെ വരുന്നത് : മോളെ…. സുഖമായിരിക്കുന്നോ?……..
“അ…. ആ…. അച്ചാ…… രേവതി വിക്കി വിക്കി കണ്ണ് തുടച്ചു കൊണ്ട് പറഞ്ഞു …
ഉടനെ അച്ഛന്റെ ശബ്ദം അൽപ്പം ഉയർന്നു, പക്ഷെ രേവതിയോടായിരുന്നില്ല, അമ്മയോട് ആയിരുന്നു.. ” ഒരു കട്ടൻ എടുക്കെടീ “…
കുറച്ച് നിമിഷത്തെ നിശബ്ദത ….. അച്ചന്റെ സ്വരം വീണ്ടും വന്നു ഫോണിൽ : മോളെ… അവിടെ.. അവിടെ എല്ലാം ഓകെ അല്ലെ… നിങ്ങൾ തമ്മിൽ പ്രശ്നങ്ങൾ ഒന്നും ഇല്ലല്ലോ?…
അച്ഛന്റെ ചോദ്യം രേവതിയുടെ നെഞ്ചിൽ തറച്ച ആണികൾ ആയിരുന്നു….
” ഇ… ഇല്ലാ.. ഇല്ലാ അച്ചാ … രേവതി വിക്കി വിക്കി പറഞ് അവസാനിപ്പിച്ചതും,..
” ഹരി… എന്റെ ഹരിയെ.. ഇങ്ങനെ… ഞാൻ ഇങ്ങനെ കാണുന്നത് ഇതാദ്യം ആണ് മോളെ….. എന്താ പറയേണ്ടത് എന്ന് എനിക്കറിയില്ല….. അവൻ എന്തോ… അവന്റെ ഉള്ളിലെ സങ്കടം……… അവൻ എന്തൊക്കെയോ മറച്ചു പിടിക്കുന്നു എന്ന് അച്ഛന് തോന്നുന്നു….. അച്ഛൻ പറഞ്ഞു നിർത്തി…
സൈറ ഒന്നും പറയരുത് എന്ന് കൈ കൊണ്ട് കാണിച്ചെങ്കിലും, രേവതിക്ക് പറയാതിരിക്കാൻ കഴിഞ്ഞില്ല…. ” അച്ഛാ.. ഞങ്ങൾ തമ്മിൽ, ചെറിയൊരു പ്രശ്നം ഉണ്ടായി.. അത്… അത്…. കൂടുതൽ എന്ത് പറയണം എന്നറിയാതെ, രേവതി കുഴങ്ങി…
” പ്രശ്ങ്ങൾ ഇല്ലാത്ത ദാമ്പത്യം ഉണ്ടാവില്ല മോളെ…ഉണ്ടാവണം, ഉണ്ടായാലേ, ഒരാൾ മറ്റൊരാളെ എത്ര സ്നേഹിക്കുന്നു എന്ന്ശരിക്ക് മനസ്സിലാക്കാൻ പറ്റുക…. അച്ഛന്റെ ശബ്ദം ഫോണിലൂടെ രേവതിയുടെ ചെവിയിൽ മാത്രം അല്ല, സൈറയും വ്യക്തമായി കേട്ടു….
“അപ്പോൾ അതിന്റെ ആണ് ഹരിക്ക്… വലിയ പ്രശ്നം ഒന്നും അല്ലല്ലോ… അച്ഛൻ ഇടപെടണോ?… അവന്റെ അച്ഛൻ ആയിട്ടല്ല, മോളുടെ അച്ഛൻ ആയിട്ടാണ് ഈ അച്ഛൻ ചോദിക്കുന്നത്. എന്റെ മകന്റെ ഭാഗത്താണ് തെറ്റ് എന്ന് പറയാതെ തന്നേ എനിക്കറിയാം … അച്ഛന്റെ സ്നേഹത്തോടെ, വാത്സല്യത്തോടെ ഉള്ള സംസാരം, രേവതി ശബ്ദം പുറത്ത് വരാതെ കടിച്ചു പിടിച്ചു കൊണ്ട്, കണ്ണിൽ നിന്നും കണ്ണ് നീർ ധാര ധാര ആയി കവിളിലൂടെ ഒഴുക്കി…