രേവതി, മുഖം വീർപ്പിച്ചു ഇരിക്കുന്ന ഹരിയെ ഇടം കണ്ണിട്ട് നോക്കി, ശേഷം സൈറയെ നോക്കി പറഞ്ഞു : ആ ഡോക്ടറെ പോലെ, ചേച്ചി പോയ ശേഷം, വേറെ ഡോക്ടർ വന്നാലോ… സെയിൽസ് കൂട്ടാൻ എന്ന പേരിൽ വീണ്ടും എന്നെ പറ്റിച്ചാലോ…. എന്നെ ഒഴിവാക്കാൻ തോന്നിയാലോ?. ഞാൻ ഡോക്ടർ ഒന്നും അല്ലല്ലോ?…. എവിടേം എത്താത്ത ഡാൻസർ അല്ലെ?.. വെറുമൊരു ഡാൻസർ….. ഫ്രീ ആയി പിള്ളേരെ പഠിപ്പിക്കുന്ന, ഹോട്ടലിൽ തുള്ളി കളിക്കുന്ന ഡാൻസർ…..
ഹരി സങ്കടത്തോടെ, ഹൃദയം നുറുങ്ങുന്ന വേദനയുമായി മുഖം കുനിച്ചു. അവൻ ഒന്നും പറയാതെ ആദിയെയും കൊണ്ട് എഴുന്നേറ്റ്, പതിയെ പതിയെ അവന്റെ മുറിയിലേക്ക് നടന്നു….
ഹരി റൂമിൽ കയറിയതും ശബ്ദം താഴ്ത്തി ആണെങ്കിലും, ദേഷ്യത്തോടെ സൈറ പറഞ്ഞു ” രേവതി…. ദാറ്റ്സ് ഇറ്റ്… ഐ ആം ഡൺ…. ഒരു ലിമിറ്റ് ഉണ്ട്..ആ ലിമിറ്റ് ആണ് നീ കടക്കാൻ നോക്കുന്നത്….. സൈറ പറഞ്ഞു കൊണ്ട് പിന്നിലേക്ക് നോക്കി, ഹരി നിൽപ്പില്ല എന്ന് ഉറപ്പ് വറുത്തി……
ശേഷം തുടർന്നു ” ഇന്നലെ നടന്നത്.. അത് അവന്റെ തലയിൽ ഇടാൻ നോക്കണ്ട…. നിനക്ക് ആരെയെങ്കിലും കുറ്റപെടുത്തണം എങ്കിൽ, എന്നെ കുറ്റപ്പെടുത്തിക്കോ…… ഞാൻ പറഞ്ഞു, അത് നിന്റെ തെറ്റാണ്, പിന്നെ എന്റെയും …… അതിൽ ഒരു ബന്ധവും ഇല്ലാത്ത, ആ പാവത്തിനെ കുറ്റപ്പെടുത്തരുത്… കുറ്റപ്പെടുത്തിയാൽ എന്റെ സ്വഭാവം മാറും ഇനി ….. ഇത് വരെ നിന്റെ കൂടെ നിന്ന, സൈറയെ, അല്ലെങ്കിൽ നിന്റെ ചേച്ചിയെ അല്ല നീ ഇനി കാണാൻ പോവുക രേവതീ.. മൈൻഡ് ഇറ്റ്…………
മുഴുവനാക്കാൻ സൈറക്ക് കഴിഞ്ഞില്ല, അപ്പോഴേക്കും രേവതിയുടെ കണ്ണ് നിറഞ്ഞിരുന്നു….. അവൾ വേഗം സൈറയെ ചുറ്റി പിടിച്ചു…..
നീട്ടി ദീർഘ നിശ്വാസം വിട്ട് സൈറ പതിയെ പറഞ്ഞു ” എന്താ.. എന്താടീ പെണ്ണെ?….
” സോറി ചേച്ചി… ഞാൻ… ഞാൻ… എന്റെ പേടി കൊണ്ടല്ലേ…. എന്റെ ഹരീ… എന്റെ ചെക്കനെ… എനിക്ക്….. അവനെ ആരെങ്കിലും ….രേവതിക്ക് പൂർത്തിയാക്കാൻ കഴിഞ്ഞില്ലെങ്കിൽ കൂടെ, സൈറ കാര്യങ്ങൾ എല്ലാം മനസ്സിലാക്കിയിരുന്നു…
അവളെ സമാധാനിപ്പിക്കുമ്പോൾ, സൈറ മനസ്സിൽ പറഞ്ഞു ” വാട്ട് ദി ഫക്ക് ഈസ് ഹാപ്പനിങ്ങ് ഹിയർ, ഇതാണോ ഫാമിലി ലൈഫ്. ചീത്ത വിളിക്കുന്നു, മനസ്സിൽ ആണെങ്കിൽ ഇഷ്ടം മാത്രവും….”..
എത്ര സമയം കഴിഞ്ഞു എന്നറിയില്ല, ആദിയെ ഉറക്കി അവന്റെ തൊട്ടിലിൽ കിടത്തി, മേപ്പോട്ട് നോക്കി, ഉറക്കം വരാതെ, രേവതി പറഞ്ഞ വാക്കുകൾ ആലോചിച്ചുകൊണ്ട് നെഞ്ച് നീറി കിടന്നിരുന്ന അവൻ വാതിൽ തുറക്കുന്ന ശബ്ദം കേട്ടെങ്കിലും ഇളകിയില്ല…
ആദിയെ എടുത്ത് കൊണ്ട് പോവാൻ വന്നതാവും എന്ന ചിന്തയിൽ അവൻ കിടന്നപ്പോൾ, തൊട്ടിലിനു അരികെ വന്ന്, ആദിയെ ഒന്ന് നോക്കി തിരികെ നടന്നു നീങ്ങി രേവതി…..
പക്ഷെ, ഹരി പ്രതീക്ഷിക്കാതെ, അവൾ കട്ടിലിന്റെ അപ്പുറം വന്ന് ഇരുന്ന് , കട്ടിലിലേക്ക്, ഹരി കിടക്കുന്ന അതേ കിടക്കയിലേക്ക് കിടന്നു അവൾ …..
ഹരി തല ചെരിച്ചു നോക്കിയപ്പോൾ കണ്ടത്, തനിക്ക് എതിരേ, വാതിലിനു അഭിമുഖം ആയി സൈഡ് ചെരിഞ്ഞു കിടക്കുന്ന രേവതിയെ ആണ്….
ഒരു ദീർഘ നിശ്വാസത്തോടെ, അവനും അവൾക്ക് എതിരെ തിരിഞ്ഞുകൊണ്ട് ചെരിഞ്ഞു കിടന്നു. എന്നാലും എന്തോ ഒരു സമാധാനം അവന്റെ മനസ്സിൽ തോന്നി ആ സമയം….
അധികം സമയം കഴിഞ്ഞില്ല, അവന്റെ ബനിയനിൽ ആരോ പിടിച്ചു വലിക്കുന്ന പോലെ….
അതേ… ഹരിക്ക് നേരെ തിരിഞ്ഞു കിടന്നു കൊണ്ട് രേവതി പിടിച്ചു വലിച്ചതായിരുന്നു അവന്റെ ബനിയനിൽ .. അവനെ മലർത്തി കിടത്താൻ ആയി..
ഹരി വേഗം സംശയത്തോടെ മലർന്ന് കിടന്നു. കിടന്നതും, അവന്റെ ഇടത് കയ്യിൽ തൊണ്ടി, തന്റെ തലക്ക് താഴെ വപ്പിച്ചു കൊണ്ട്, ഒരക്ഷരം മിണ്ടാതെ, അവന്റെ കയ്യിൽ തല കയറ്റി വച്ച്, അവനോട് ചേർന്ന് കിടന്നു കൊണ്ട്, അവന്റെ ബനിയന്റെ ഉള്ളിലേക്ക് കൈ കയറ്റി അവൾ……
ഹരി അത്ഭുതപ്പെട്ടു… അവന്റെ മുഖം വിടർന്നു… കണ്ണ് തള്ളി… അവൻ സന്തോഷത്തോടെ, അവൾ തല വച്ചു കിടന്നിരുന്ന കൈ കൈ മടക്കി അവളുടെ തോളിൽ കൈ കോണ്ട് വന്ന് തൊട്ടതും, അവൾ ഇടത് കൈ കൊണ്ട് അവന്റെ ആ കൈ തണ്ടയിൽ പിടിച്ച്, പിന്നിലേക്ക് തള്ളി മാറ്റി….