ചിരിച്ചു കളിച്ചു, തമാശകൾ പറഞ്, എല്ലാവരെയും ചിരിപ്പിച്ചു പാറി പറന്നു നടക്കുന്ന, ഒരു മടിയും ഇല്ലാതെ എല്ലാരുടെയും ചോറ് പത്രത്തിൽ കയ്യിട്ടു വാരി തിന്ന് നടക്കുന്ന ഹരി… എന്റെ ഹരി…അവൻ ആയിരുന്നു ആ ക്ലാസ്സിന്റെ, ഞങ്ങളുടെ ക്ലാസ്സിന്റെ… എന്താ പറയുക….. എനെർജി എന്നല്ലേ ചേച്ചി?…
സൈറ ചിരിച്ചു പറഞ്ഞു : കോർ………
മ്മ്മ്… അതന്നെ….. രണ്ടു മൂന്ന് ദിവസം കഴിഞ്ഞപ്പോൾ ഹരി ഒക്കെ ആയിട്ടോ . അവൻ പഴയ ഹരി ആയി…. പക്ഷെ എന്നോട് ഒഴിച്ച് മാത്രം… എന്നോട് മാത്രം മിണ്ടില്ല, സംസാരിക്കില്ല, ചിരിക്കില്ല, ഒരു മൈൻഡും ഇല്ലാതെ…..
ഞാൻ ശ്രമിച്ചു നോക്കി മിണ്ടാൻ, പക്ഷെ ചോദിക്കുന്നതിന് മാത്രം, ഒരു ഭാവവും ഇല്ലാതെ റിപ്ലേ മാത്രം തരും….. എന്നാൽ എന്റെ കൂട്ടുകാരോ, അവർ ആണെങ്കിൽ ഫുൾ ജോളി ആയി, ഇവനോട് കത്തി അടി…….
” നീ ഹരിയുടെ അടുത്ത് ഇത്രയും ദിവസം കാണിച്ചു കൊണ്ടിരുന്നത് അല്ലെ അത്?.. സൈറ ചിരിച്ചു ചോദിച്ചു.
” ഞാൻ ഇത് പഠിച്ചത് ഇവന്റെ കയ്യിൽ നിന്നല്ലേ ചേച്ചി… വേണ്ടപ്പെട്ടവർ മിണ്ടാതാവുമ്പോൾ, മൈൻഡ് ചെയ്യാതാവുമ്പോൾ ഉള്ള ആ വേദന ഉണ്ടല്ലോ …. രേവതി ചിരിച്ചു കൊണ്ട് ആണെങ്കിൽ കൂടെ, അവളുടെ ഉള്ളിലെ വേദന സൈറയും മനസ്സിലാക്കി.. എത്രയോ വട്ടം ആയിയും തന്നോട് ചെയ്ത കാര്യം…..
” പറ…. പറ…. ബാക്കി പറ…. സൈറ പറഞ്ഞു.
ദീപ്തി.. അവൾ….. എന്താ പറയുക… ഫുൾ ടൈം ഇവന്റെ കൂടെ, സംസാരവും ചിരിയും, അതും പോരാഞ്ഞിട്ട്, ദേഹത്ത് ഒക്കെ തൊട്ട് , അവന്റെ അടുത്ത് പോയി ഇരിക്കലും…. എനിക്ക്.. എനിക്ക്… എനിക്കെന്തോ, ഉള്ളിൽ……
………അത് കാണുമ്പോൾ വല്ലാത്ത ദേഷ്യം.. ദീപ്തിയെ പിടിച്ച് രണ്ടെണ്ണം പൊട്ടിച്ചാലോ എന്നൊക്കെ ആയിരുന്നു തോന്നൽ……….
” ലവ് “……… ” ഈസ് ഇറ്റ്? “… സൈറ ചെറു ചിരിയോടെ ചോദിച്ചു..
അപ്പോൾ അതാണോ ചോദിച്ചാൽ, അറിയില്ലായിരുന്നുട്ടോ…. പക്ഷെ, അസൂയ…. അസൂയ എന്ന് പറഞ്ഞാൽ പോരാ, ഒടുക്കത്തെ അസൂയ, അവരെ ഒന്നിച്ചു കാണുമ്പോൾ ഒക്കെ ഒരുമാതിരി…എന്റെ കാല് തരിക്കും…..
അങ്ങിനെ, ഒരു ദിവസം എന്റെ കൈ വിട്ട് പോയി …….. ഞാൻ ദീപ്തിയെ പിടിച്ചു………. എന്തിനാണ് എന്ന് പോലും അറിയാതെ ഞാൻ അവളോട് ചൂടായി…
ഞാൻ എന്തൊക്കെയോ അവളോട് പറഞ്ഞു.. എനിക്ക് തന്നെ അറിയില്ല എന്തൊക്കെയാ പറഞ്ഞത് എന്ന്…….. രേവതി പറഞ്ഞു നിർത്തി.. ഓർമകളിലേക്ക് കടന്നു…
മ്മ്മ്മ്മ്….?… സൈറ മൂളി…
” എടീ… നിന്നോട് ഒരു തെറ്റും ഞങ്ങൾ ചെയ്തിട്ടില്ലല്ലോ… പിന്നെ എന്തിനാ ഇത്ര ഷോ കാണിക്കുന്നത്… കൂട്ടുകാർ ആയാൽ ഇങ്ങനെ ഒന്നും അല്ല കാണിക്കണ്ടത്. ഇനി അതല്ല, അവനോട് ഇഷ്ടം ആണെങ്കിൽ അതങ്ങ് പറ മോളെ………… രേവതി ദീപ്തിയോട് ചോദിച്ചു നിർത്തി..
പക്ഷെ രേവതിയെ ഞെട്ടിച്ചു കൊണ്ട് ദീപ്തി പറഞ്ഞു : അതേ, ഇനിക്ക് ഇഷ്ടം ആണ് അവനെ….എന്തെ?.. നിനക്ക് എന്തേലും പ്രശ്നം ഉണ്ടോ അതോണ്ട്?..
” ങ്ങേ?… രേവതി അറിയാതെ പറഞ്ഞു പോയി…
ദീപ്തി തുറിച്ചു നോക്കി പറഞ്ഞു : എടീ…. ബാലവാടി മുതൽ ഒന്നിച്ചു പഠിച്ചതാ ഞാനും അവനും… അവന്റെ വീട് എവിടെയാ അറിയുമോ, എന്റെ വീട്ടിൽ നിന്ന് വെറും നൂറ് മീറ്റർ ദൂരം മാറി… എന്റെ ഫാമിലിയും അവന്റെ ഫാമിലിയും അത്രേം കൂട്ടാണ്…….
ദീപ്തി ഒന്ന് പറഞ്ഞു നിർത്തി…
മൂക്കൊന്ന് ചൊറിഞ്ഞു കൊണ്ട് ദീപ്തി തുടർന്നു : എടീ….. കലാ തിലകമേ, അവന്റെ ഇഷ്ടം നിന്നോട് തുറന്ന് പറയാൻ പറഞ്ഞതും, മൂപ്പിച്ചതും ആരാ അറിയുമോ,,,, ഈ ഞാൻ ആണ്…….. പക്ഷെ നീ…..ഞാൻ പറഞ്ഞതല്ലേ വേണ്ട എന്ന്….. പിന്നെ, നീ പറഞ്ഞ ഫ്രണ്ട്സ്… അവൻ കഴിഞ്ഞിട്ടേ എനിക്ക് നിങ്ങൾ ആരും ഉളളൂ ……..
ഇത്രയും പറഞ്ഞു കൊണ്ട് ദീപ്തി മുന്നോട്ട് നടന്നു.. ഒന്ന് നിന്ന്, തിരിഞ്ഞു നടന്ന് വന്ന് രേവതിയോട് പറഞ്ഞു : അവന് നിന്നോടുള്ള ഇഷ്ടം ഇവിടെ വച്ച് നിന്നെ കണ്ടപ്പോൾ, അല്ലെങ്കിൽ നീയെന്ന കലാ തിലകത്തോടുള്ള ആരാധന മൂത്ത് തുടങ്ങിയതല്ല….. കഴിഞ്ഞ വർഷം സ്റ്റേറ്റ് ഫെസ്റ്റിവലിന്റെ അന്ന്, നീ കലാ തിലകം ആവുന്നതിനു മുൻപ് തുടങ്ങിയതാണ്…… അത് അവന്റെ വായെന്ന് തന്നെ കേൾക്കണം…. എന്ത് രസം ആണ് അറിയുമോ…… നിന്റെ ഉണ്ടകണ്ണും പിരികവും, വീർത്ത കവിളും, നിന്നെ എന്ത് രസത്തിലാ വർണിച്ചത് അറിയുമോ എന്നോട്……. പക്ഷെ നീ……..നശിപ്പിച്ചില്ലേ മോളെ ………..