അവൻ സമയം പാഴാക്കിയില്ല, അവളെ ചേർത്തു അമർത്തി കെട്ടിപിടിച്ചു…..
അവൾ തനിക്ക് തന്ന അത്രക്ക് ഇല്ലെങ്കിൽ കൂടെ, അവളുടെ ഇരു കവിളിലും, കണ്ണുകളിലും, നെറ്റിയിലും ഉമ്മ വച്ചു കൊണ്ട് തന്റെ ചുണ്ട് അവളുടെ വിടർന്നു നിന്ന തടിച്ച ചുണ്ടിലേക്ക് അമർത്തി…………..
സമയം നിന്ന് പോയി എന്ന് തോന്നിപ്പോയി സൈറക്ക്.. സൈറ ഒന്ന് അങ്ങോട്ടും ഇങ്ങോട്ടും നോക്കി, മുകളിലെ കറങ്ങുന്ന ഫാനിലേക്ക് നോക്കി ഉറപ്പ് വരുത്തി .. സമയം നിന്നതല്ല… അവർ അവരുടേതായ ലോകത്താണ്. അവർക്കാണ് സമയം നിന്നിട്ടുള്ളത്…..
ഒന്ന് ഇളകുക കൂടെ ചെയ്യാതെ, ചുണ്ടിൽ ചുണ്ട് ചേർത്തു കൊണ്ട് അവർ നിശ്ചലർ ആയി അതേ പോലെ ഇരുന്നു….
രണ്ടു പേരുടെയും കണ്ണുകൾ അടഞ്ഞിരുന്നു…………
രണ്ടും ശ്വാസം എടുക്കുന്നുണ്ടോ?.. എന്ന സംശയം തോന്നി സൈറക്ക്.. വിളിക്കണോ?…..
വേണ്ടി വന്നില്ല, അവരുടെ ചുണ്ടുകൾ വേർപ്പെട്ടു, രേവതിയുടെ കഴുത്തിലേക്ക് മുഖം പൂഴ്ത്തിയ ഹരിയിൽ നിന്നും നേർത്ത കരച്ചിലിന്റെ ശബ്ദം ഉയർന്നു വന്നു…
” മാപ്പ്…. മാപ്പ്…. പറ്റിപ്പോയി… മാപ്പ്… ക്ഷമിക്കെടി… പ്ലീസ്… മാപ്പ്….. ഇനി ഒരിക്കലും പറ്റൂല്ല…. മാപ്പ്….അവളുടെ കാതിൽ, അവന്റെ ഹൃദയത്തിൽ നിന്നും അവൻ പറഞ്ഞു…..
അവന്റെ മുഖം വലിച്ചെടുത്തു കൊണ്ട് അവന്റെ കഴുത്തിനു പിന്നിൽ വട്ടം ഇട്ട് പിടിച്ചു കൊണ്ട്, കണ്ണ് നിറച്ച് രേവതി ചിണുങ്ങി പറഞ്ഞു : പോട്ടെ… സാരല്യ…. എനിക്ക് അറിയാം എന്റെ ചെക്കൻ എന്നെ വിട്ട് പോവില്ല എന്ന്……
അവൾ അവന്റെ ചുണ്ടിലേക്ക് ചുണ്ട് ചേർത്തു……..
എന്തോ, സൈറക്ക് കുളിരു കോരുകയായിരുന്നു തന്റെ കണ്മുന്നിലെ ദൃശ്യങ്ങൾ കണ്ടിട്ട്. റൊമാൻസ് സിനിമകളുടെ ആരാധക അല്ലാത്ത സൈറ, ആ ദൃശ്യം, തന്റെ കണ്മുന്നിൽ നടന്ന് കൊണ്ടിരിക്കുന്ന സിനിമാ രംഗങ്ങളെ വെല്ലുന്ന ദൃശ്യം……….. പിണക്കത്തിന് ശേഷം ഭാര്യ ഭർത്താവ്, പ്രണയിനികൾ, കമിതാക്കൾ ഒന്നിച്ചു ചേരുന്ന സുന്ദരമായ, മനസ്സിനെ കുളിരണിയിപ്പിക്കുന്ന കാഴ്ച അവൾ ഇമ വെട്ടാതെ നോക്കിയിരുന്നു…….
ഹരി എന്തോ പറയാൻ തുടങ്ങിയപ്പോൾ, വന്റെ വാ തന്റെ കൈ വച്ച് പോത്തി രേവതി പറഞ്ഞു : മതിടാ…… പറയണ്ട… അറിയാം… നിനക്ക് പറയാനുള്ളത് മുഴുവൻ എനിക്കറിയാം…..
അവളുടെ കണ്ണിലേക്കു കണ്ണ് കോർത്തിരുന്ന ഹരിയുടെ വാ പൊത്തി പിടിച്ച കൈ രേവതി എടുത്തതും, രേവതിയുടെ മുഖ ഭാവം പതിയെ മാറി…
” പട്ടി…. തെണ്ടി….. പട്ടി തെണ്ടി ചെറ്റ……. നായിന്റെ…..
മുഴുവനാക്കാൻ ഹരി സമ്മതിച്ചില്ല, ഈ വട്ടം ഹരി അവളുടെ വാ പൊത്തി.. തന്റെ അച്ഛന് വിളിക്കരുത് എന്നാണ് അവൻ ഉദ്ദേശിച്ചതും……..
അവന്റെ വയറ്റിനിട്ട് അവൾ പതിയെ ഒരു കുത്തു കൊടുത്തു….
” ആാാാ…. അമ്മേ…വേദന എടുത്ത പോലെ ഹരി ചീറിയപ്പോൾ രേവതിക്ക് എന്തോ പന്തികേട് തോന്നി..
ഉടനെ അവൾ അവന്റെ ഷർട്ട് പൊക്കി നോക്കി….
ചുവന്നു തുടുത്തു കിടക്കുന്നുണ്ടായിരുന്നു അവന്റെ വയറിന്റെ ഇടത് ഭാഗത്ത്…….
” അയ്യോ…. രേവതി പേടിയോടെ അലറി…
അതോടെ സൈറ ചാടി എഴുന്നേറ്റ് അങ്ങോട്ടേക്ക് ഓടി വന്നു….
രണ്ടു പെണ്ണുങ്ങൾ, ഒന്ന് തന്റെ ഭാര്യ ആണെങ്കിലും, മറ്റേത് തന്റെ ബോസ് ആയത് കൊണ്ട്, ഷർട്ട് ഊരി, പാന്റ്സ് മാത്രം ഇട്ട് ഇരിക്കാൻ ഹരിക്ക് മടി തോന്നിയത് കൊണ്ട് തന്നേ അവൻ മുഖം കുനിച്ചു കൊണ്ടാണ് ഇരിപ്പ്….
ഹോസ്പിറ്റലിൽ പോയി, ഡോക്ടറെ കണ്ടു, അവർ ശരിക്ക് പരിശോദിച്ചു എന്നൊക്കെ പറഞ്ഞിട്ടും രണ്ടു പെണ്ണുങ്ങളും വിടുന്ന ലക്ഷണം ഉണ്ടായില്ല…….
വീണ്ടും ഹോസ്പിറ്റലിലേക്ക് പോവേണ്ടി വരും എന്ന അവസ്ഥ വന്നപ്പോൾ, സൈറ കാർ എടുക്കാൻ ആയി നടക്കാൻ തുടങ്ങിയതും, ഹരി എഴുന്നേറ്റ് നിന്ന് ആ ഹാളിൽ രണ്ട് റൗണ്ട് ഓടുക മാത്രം അല്ല, അവർക്ക് മുന്നിൽ നാലഞ്ചു വട്ടം ഉയരത്തിൽ ചാടികാണിക്കുക കൂടെ ചെയ്തു, താൻ ഓകെ ആണ് എന്ന്…
” ചെറിയ ചതവെ ഉളളൂ… ഞാൻ ഇടത്തോട്ട് പടെ എന്ന് വീണപ്പോൾ പറ്റിയതാണ്… അപ്പോഴേക്കും ഞാൻ റോൾ ചെയ്തു…. ഹരി പറഞ്ഞു.
അപ്പോഴേക്കും ദേ വരുന്നു ഭക്ഷണ കാര്യം ചോദിക്കാൻ ആയി, കാര്യങ്ങൾ ഒന്നും അറിയാത്ത സുരഭി അങ്ങോട്ടേക്ക്…..