അഫി വന്നു ചായകുടിക്കാൻ വിളിച്ചപ്പോ അകത്തേക്ക് ചെന്നു അഫിയും ലെച്ചുവും ഇരുവശത്തും നിന്നു വിളമ്പിതരുന്നത് കഴിക്കേ അജയ് വന്നു ചായകുടിക്കാനിരുന്നു ലെച്ചുവിനെ നോക്കി
എനിക്കില്ലേ…
അഫി : (മേശമേൽ വെച്ചിരിക്കുന്ന ഭക്ഷണം നോക്കി) തനിക്ക് കണ്ണ് കാണില്ലേ…
അജയ് : ഒന്ന് വിളമ്പിതരാൻ പറ്റില്ലേ…
അഫി : തന്റെ കൈക്ക് കുഴപ്പമൊന്നുമില്ലല്ലോ… …
അവൻ അഫിയെ തറപ്പിച്ചൊന്നു നോക്കി
അഫി : നിന്റെ നോട്ടം കണ്ട് പേടിക്കാൻ ഞാൻ നിന്റെ തള്ളയല്ല… വേണങ്കിൽ തിന്നെണീറ്റു പോവാൻ നോക്ക് ചെക്കാ…
ലെച്ചു : അജയ് ഇത് നിന്റെ വീടല്ല അത് മനസിലാക്കി പെരുമാറിയാൽ നിനക്ക് നന്ന്… മര്യാദക്ക് കഴിച്ചിട്ട് പോവാൻ നോക്ക്…
ലെച്ചു അകത്തേക്ക് പോയി അല്പം കഴിഞ്ഞു ഒരു ഗ്ലാസിൽ ചായയുമായി വന്ന് ചായ എനിക്ക് മുന്നിൽ വെച്ചു
അജയ് : എനിക്കില്ലേ…
ലെച്ചു : (ടേബിളിലെ ഫ്ലാസ്ക്കും ഗ്ലാസും ചൂണ്ടി) ചായ അതിലുണ്ട് ഒഴിച്ചു കുടിച്ചൊ…
അജയ് : മ്മ്…
ലെച്ചു എന്റെ പ്ളേറ്റിലെ ഇഡലിയിലേക്ക് സാമ്പാർ ഒഴികെ പെട്ടന്ന് ടേബിളിന് താഴേക്ക് നോക്കി അവൻ ചിരിയോടെ അനങ്ങുന്ന കണ്ടതും അടുത്ത നിമിഷം ലെച്ചുവിന്റെ കൈയിലെ ബൌളിൽ ഉണ്ടായിരുന്ന ചൂട് സാമ്പാർ അവന്റെ മുഖത്തേക്ക് വീണു
ആാാാാ…
അത്യാവശ്യം നല്ല എരിവുള്ള സാമ്പാർ മുഖത്തും കണ്ണിലും വീണതും അവൻ ആർത്തത് കേട്ട് എല്ലാരും ഓടി വന്നു അവന്റെ ഇരിപ്പുകണ്ടു
ചെന്ന് മുഖം കഴുകികള…
ഷൈജ അവനെ പിടിച്ചു മുഖം കഴുകാനായി കൊണ്ടുപോകേ എന്തു പറ്റിയതാണെന്നു ചോദ്യത്തോട് കാല്തട്ടിയതാ എന്ന് ലെച്ചു മറുപടി കൊടുത്തക്കേട്ട് എനിക്കും അഫിക്കും ചിരിവന്നെങ്കിലും അതടക്കിനിർത്തി
ശെരിക്ക് കഴുകിക്കോ എന്നൊക്കെ ഓരോരുത്തർ പറയെ ഷൈജ ലെച്ചുവിനെ തുറിച്ചുനോക്കി
ഷൈജ : നിനക്ക് നോക്കി നടന്നാലെന്താ… ചെക്കന്റെ മുഖത്ത് സാമ്പാറൊഴിക്കാൻ മാത്രം ഏതവനെ സ്വപ്നം കണ്ടു നടക്കുവാടീ…
(അല്പം ഉച്ചത്തിൽ ദേഷ്യത്തോടെ)മതി… സമ്പാറല്ലേ തീയൊന്നുമല്ലല്ലോ കഴുകിയാൽ പോവും…
ഷൈജ : എങ്കി നിന്റെ തലയിലൂടെ ഒഴിക്കട്ടെ…
ചെലക്കാതെ ചെക്കനേം കഴുകിച്ചു പോകാൻ നോക്ക് തള്ളേ…
പ്ളേറ്റിലെ ഇഡലിയും തീർത്തു എഴുന്നേറ്റു കൈ കഴുകി അഫിയുടെ ശ്വാളിൽ കൈ തുടക്കെ ലെച്ചുവിനെ നോക്കി
കാലിൽ തോണ്ടിയോ…
മ്മ്…
വിട്ടേക്ക്…
മ്മ്…
അഫീ… കൂടെ നിന്നോ… ഇനി എന്തേലും ഉണ്ടായാൽ അടിച്ചു മുഖം പൊളിച്ചേക്ക്… ആരേലും ചോദിച്ചാൽ നിന്നോട് മോശമായി പെരുമാറിയെന്നു പറഞ്ഞാൽ മതി…
ശെരി…
ഉമ്മറത്തേക്ക് ചെല്ലേ ഉപ്പയും അച്ചായനും മൊഴിതിക്കയും അച്ഛനും എന്തൊക്കെയോ പറഞ്ഞു ചിരിക്കുന്നൊക്കെ ഉണ്ട് ഞാൻ പന്തലിൽ ഇരിക്കുന്ന പിള്ളേരുടെ അടുത്തേക്ക് ചെന്നു
എന്താണ് എല്ലാർക്കും ഞങ്ങളുടെ നാടൊക്കെ ഇഷ്ടമായോ…
ദേവു : ചേച്ചി എവിടെയും കൊണ്ടുപോയില്ല എപ്പോഴും തിരക്കാണെന്നു പറയും…
അഫിയോട് പറഞ്ഞാൽ പോരായിരുന്നോ… സാരോല്ല കല്യാണം കഴിയട്ടെ നമുക്ക് എല്ലായിടത്തും കറങ്ങാം…
ഹരി : ശെരിക്കും…
ആടാ… ശെരിക്കും…
ഫോൺ അടിഞ്ഞു എടുത്തുനോക്കി സ്ക്രീനിൽ അഫിയുടെ പേര് കണ്ട് കാൾ എടുത്തു
പറയെടീ…
ഷൈജ പോവാൻ സാധനങ്ങളൊക്കെ പാക്ക് ചെയ്തിറങ്ങുന്നുണ്ട്…
ഞാനിപ്പോ വരാം…
കുട്ടികളോട് പോയിട്ടുവരാമെന്നു പറഞ്ഞ് ഉമ്മറത്തു ചെന്നിരുന്നു
കുറേ വിളിച്ചു കൂവലുകൾക്ക് പിറകെ മൂന്നാല് കവറുമായി ഷൈജയും മക്കളും ദാസനും ഇറങ്ങി വരുന്നത് കണ്ട് എണീറ്റ് അവർക്കുമുനിലേക്ക് നിന്നു
എവിടെക്കാ…
ഷൈജ : (ദേഷ്യത്തോടെ)മാറി നിക്കടാ…
ദാസനെകോളറിൽ കൂട്ടിപിടിച്ച് കണ്ണിലേക്കു നോക്കി പതിഞ്ഞ ശബ്ദത്തിൽ
നിന്നോട് ഞാൻ പറഞ്ഞതല്ലേ കല്യാണം കഴിയും വരെ അടങ്ങി ഒതുങ്ങിയിവിടെ നിന്നോണമെന്ന്… ഇപ്പോഴും ഞാൻ അതുതന്നെയാ പറയുന്നേ കല്യാണം കഴിയുവോളം അടങ്ങി ഒതുങ്ങി ഇവിടെനിന്നോണം ഇല്ലെങ്കിൽ കർമം ചെയ്യാൻ പോലും ഒറ്റൊന്നിനെയും ബാക്കിവെക്കില്ല… മനസ്സിലായോ…
ഭയത്തോടെ എന്നെ നോക്കുന്ന ദാസനെ പുറകോട്ട് തള്ളി ഷൈജയെയും ചെക്കന്മാരെയും നോക്കി