മജ്നൂ…
മ്മ്…
എന്ത് പറ്റി…
ഹേയ്…
സ്വപ്നമാണോ…
മ്മ്…
(എന്റെ കൈയിൽ കെട്ടിപിടിച്ചു ചേർന്നിരുന്നു) എനിക്കും നല്ല പേടിയുണ്ട്…
പേടിക്കണ്ട എന്തുവന്നാലും നിന്നെ തനിച്ചാക്കില്ല…
അവളെന്റെ കൈയിൽ ഉമ്മവെച്ചു
മജ്നൂ…
എന്നാലും ഇതെങ്ങനെ…
അത് വീട്ടിൽ വന്നപ്പോ ഒരു പാമ്പിനെ കണ്ടില്ലേ അവൾ തന്നതാ…
എന്നാലും എനിക്കതല്ല മനസിലാവാത്തത് ഇത്രയും ശക്തിയുള്ള മാണിക്യം ധരിച്ച നിനക്കെങ്ങനെ തോൽവി സംഭവിച്ചു എന്നാണ്…
അതിലേറെ ശക്തമായതെന്തോ മറുവശത്തുണ്ടെങ്കിലോ…
മ്മ്… ചിലപ്പോ…
മജ്നൂ…
മ്മ്…
എനിക്ക് നിന്റെ കൂടെ ജീവിച്ച് കൊതി തീർന്നില്ല…
അവളെ നോക്കി ചിരിച്ചത് കണ്ട് അവളെന്റെ കയ്യിൽ മുറുക്കി പിടിച്ചു ചിരിയോടെ
സാരോല്ല എന്നെയും കൂട്ടിയാൽ മതി…
അവളുടെ തലയിൽ തലോടി അവളെ ഇടം കയ്യാൽ ചേർത്തുപിടിച്ചു
നൂറാ…
മ്മ്…
എനിക്ക് നല്ല പേടിയുണ്ട്…
മരിക്കാനോ…
അവരുടെ സേഫ്റ്റി ഓർത്ത്…
അവർക്കൊന്നും സംഭവിക്കില്ല പേടിക്കണ്ട…
മ്മ്… ഞാൻ വില്പത്രമെഴുതാൻ വക്കീലിനെ ഏല്പിച്ചു…
മ്മ്… എനിക്കും എഴുതണം…
മ്മ്…
നീ എങ്ങനെയാ എഴുതുന്നെ…
മൊത്തം പതിനാല് ഭാഗങ്ങൾ ഒരു ഭാഗം ഉപ്പാക്കും ഉമ്മാക്കും, ഇത്തമാർക്കും പെണ്ണുങ്ങൾക്കും ചെക്കന്മാർക്കും ഓരോ ഭാഗം ഒരു ഭാഗം ചാരിറ്റിക്ക് അത് നോക്കിനടത്തൻ അവർ തന്നെ…
എനിക്കും അങ്ങനെതന്നെ എഴുതിയാൽ മതി… നീ മന്തൂബിനെ വിളിച്ചുപറ…
നീയും അവർക്കണോ എഴുതിവെക്കുന്നെ…
അല്ലാതെ ഞാൻ ആർക്കുകൊടുക്കാനാ…
മ്മ്… ആരോയുടെ കാര്യങ്ങൾ അവർ അഞ്ചുപേരും നോക്കിനടത്തണം സുഹൈൽ കമ്പനി ഹെഡ് ആയും അപ്പ ട്രെസ്റ്റിന് ഹെഡ് ആയി ആദിയും അവരെ സഹായിക്കാൻ അവർ നാലുപേരും കൂടെ നിൽക്കണം എന്ന് നിർദ്ദേശം എഴുതിവെക്കാൻ വിചാരിക്കുകയാ…
മ്മ്… അപ്പൊ ആതിമി ഗ്രുപ്പ്… അത് നോക്കിനടത്താൻ ആളില്ലെങ്കിൽ വീണ്ടും കള്ളന്മാരുടെ കയ്യിലാവും…
അത് നോക്കിനടത്താൻ ഇത്തയെ ഏല്പിക്കാന്ന് കരുതുകയാ…
മ്മ്… ഇവരെയെല്ലാം നോക്കാൻ പകരം ആരെയാ തീരുമാനിക്കുന്നത്…
അഫി… എന്ത് പ്രശ്നം വന്നാലും ചിരിയോടെ നിൽക്കാനും ചിന്തിച്ചുതീരുമാനങ്ങൾ എടുക്കാനും അവൾക്ക് കഴിയും…
മജ്നൂ…
മ്മ്…
നമുക്കൊരു യാത്ര പോയാലോ…
മ്മ്… എവിടെക്കാ പോവുക…
അന്ന് പോയ കാട്ടിൽ… പിന്നെ സമയം ബാക്കിയുണ്ടെങ്കിൽ ഇന്ത്യയിൽ മൊത്തം കറങ്ങിവരാം…
മ്മ്… നൂറാ…
മ്മ്…
ചാന്ധിനിയുടെ നാട് ഓർമ്മയുണ്ടോ…
മ്മ്… വല്ലാത്ത ആളുകളാണവിടെ…
മ്മ്… പാവങ്ങളാണ് ഒന്നുമറിയാത്ത വിശ്വസിച്ചാൽ ചങ്കു പറിച്ചുനൽകാൻ മനസ്സുള്ളവർ… നമുക്കൊരിക്കൽ കൂടെ അവിടേക്ക് പോണം…
എന്തേ…
എനിക്ക് തോന്നുന്നത് ആ രണ്ട് ഗ്രാമങ്ങളെ അടിമത്തത്തിൽ നിന്നും മോചിപ്പിച്ചാൽ ഇന്ത്യയിൽ അത്രയും നല്ലൊരു കോട്ട ഇവർക്ക് സുരക്ഷിതമായിരിക്കാൻ വേറെയുണ്ടാവില്ല… ആ നാട് കണ്ടില്ലേ അവിടേക്ക് വരാനും പോവാനും ഒരേ ഒരു വഴി മാത്രമേ ഉള്ളൂ ആ നാട്ടുകാർക്ക് എല്ലാർക്കും പരസ്പരം അറിയാം…
എങ്കിലും തമ്മിൽ അത്രയും പ്രശ്നങ്ങൾ നടക്കുന്ന അവിടെ…
ആദ്യം അവർ തമ്മിലുള്ള പ്രശ്നങ്ങൾ തീർക്കണം… അത് കഴിഞ്ഞാൽ അവിടെയാണ് ഏറ്റവും സുരക്ഷിതം… അതുപോലെ വേറൊരു നാടും ഞാൻ കണ്ടിട്ടില്ല…
അവരെ ഖത്തറിലോ ദുബൈയിലോ സൗദിയിലോ മറ്റോ താമസിപ്പിച്ചാൽ പോരേ ഇത് റിസ്ക്കല്ലേ…
റിസ്ക്കാണ് നടന്നുകിട്ടിയാൽ ഏറ്റവും സുരക്ഷിതവും… എന്തെങ്കിലും പ്രശ്നമുണ്ടാവും എന്ന് തോന്നിയാൽ മാറിനിൽക്കാൻ ഒരു സ്ഥലം കൂടെ…
മ്മ്…
കുട്ടികൾക്കും ഉമ്മച്ചിക്കും അച്ഛനും അമ്മയ്ക്കും പാസ്പോർട്ട് എടുക്കണം… പെട്ടന്ന് എന്തെങ്കിലും ആവശ്യം വന്നാൽ അവർക്ക് ഗൾഫിലേക്ക് കയറാമല്ലോ… പെട്ടന്ന് മാറേണ്ട സിറ്റുവേഷനിൽ വിസ പ്രോബ്ലം എന്തെങ്കിലും ഉണ്ടെങ്കിൽ സേഫ് ആയി മാറ്റി നിർത്താൻ ഇവിടെത്തന്നെ ഒരുപാട് സ്ഥലങ്ങൾ ഉണ്ട് അതിന്റെ കൂടെ ഒന്നും കൂടെ നിൽക്കട്ടെ… മാത്രമല്ല അവിടുത്തെ കുട്ടികളുടെ അവസ്ഥ നീ കണ്ടതല്ലേ അവർക്കുവേണ്ടി എന്തെങ്കിലും ചെയ്യാൻ കഴിഞ്ഞാൽ നല്ലതല്ലേ…
നിന്റെ ഇഷ്ടം… എന്തിനായാലും ഞാൻ കൂടെയുണ്ട്…