ഞാൻ ഒന്ന് നോക്കി അയ്യേ …ഒരു സ്റ്റിക്കർ ഇല്ല ഒരു ചുക്കും ഇല്ല…. വെള്ള പിന്നെ 😂
ഞാൻ : ഇതെന്താ ഡാ ഇത്
ഹിറോഷ്: അണ്ണാ ഇതാണ് ഒന്നാമൻ പുതിയത് ലൈറ്റ് വക്കാൻ പോയിരിക്കാ….
ഒരു അഴിച്ച് പണി ആവശ്യം ആണ്….
ആ ആഴ്ച വീട്ടിൽ പോയി ഞാൻ അച്ഛനെ പൈസ ഏൽപ്പിച്ചു
അച്ഛൻ : എങ്ങനെ ഒണ്ട് ഇഷ്ട്ടം ആയില്ലേ
ഞാൻ : എനിക്കൊരു കാര്യം
അച്ഛൻ ഒന്ന് മൂളി
ഞാൻ : അച്ഛാ ടൂറിസ്റ്റ് വണ്ടിക്ക് കൊറച്ച് വൃത്തിക്ക് സ്റ്റിക്കർ ഓക്കേ അടിക്കണം പിന്നെ നല്ല വെറൈറ്റി പേരും….
അച്ഛൻ : ഭാഗ്യ ഭാഗ്യ …
അമ്മ : എന്താ
അച്ഛൻ : ഇപ്പൊ കണ്ടോ ഇതിനാ ഞാൻ ഇവനെ അങ്ങോട്ട് വിട്ടത് …
അച്ഛൻ തന്നെ ഇത്…ഞാൻ മനസ്സിൽ കരുതി
അച്ഛൻ : എന്താ വച്ചാ ചെയ്തോ പക്ഷേ അറിയാലോ നമ്മടെ നിയമം അനുസരിച്ച് വേണം ഫൈൻ എങ്ങാനും വന്നാ 😡
ഇപ്പൊ പഴയ പീസായി 🙂
ഞാൻ : ഇല്ല പേര് മാത്രം ..
ഏറെ നേരത്തെ ആലോചനകൾക്ക് ശേഷം ഞാൻ താഴേക്ക് പോയി…
ഞാൻ : TORO ഞാൻ അച്ഛന് പേര് പറഞ്ഞ് കൊടുത്തു…
അച്ഛൻ : എന്ത്
ഞാൻ : TORO
അച്ഛൻ : എന്താ അത്
ഞാൻ : അച്ഛാ അത് ഒരു കാർട്ടൂൺ ആണ് ഇപ്പൊ ഇങ്ങനെ ഉള്ള പേരുകൾ ആണ് ട്ട്രെൻ്റ്…
അച്ഛൻ : ശെരി … ആയ്ക്കൊട്ടെ…പിന്നെ പുതിയ വണ്ടി ആണ് നശിപ്പിക്കരുത് …
ഞാൻ : ഇല്ല…
അച്ഛൻ : അപ്പോ എന്നാ തിരിച്ച് പോണത്
ഞാൻ : ഇന്ന് വൈകീട്ട്
അച്ഛൻ : ശെരി….
അങ്ങനെ എൻ്റെ പ്ളാൻ പോലെ തന്നെ എല്ലാം ചെയ്തു…
Toro , രാജഹംസം , വർമ്മ മൂന്നിനും പേരിടൽ ചടങ്ങ് നടത്തി…
എങ്ങനെയും ഇത് വിജേയ്പ്പിച്ച് അച്ഛൻ്റെ ഈ പട്ടി പുച്ഛം മാറ്റി എടുക്കണം … പിന്നെ ഇൻസ്റ്റാഗ്രാമിൽ കൂടെ അവന്മാരെ കേറ്റി വിട്ടപ്പോ സിങ്കങ്ങൾ കത്തി കേറി… പ്രത്യേകിച്ച് toro…. വലിയ സീൻ ഒന്നും ഇല്ലെങ്കിലും അത്യാവശ്യം ഒക്കെ ഫേമസ് ആയി…
അങ്ങനെ ഞാൻ അവടെ ഒരാളായി.. എടക്ക് ചെറിയ ട്രിപ്പ് ഒക്കെ ഞാനും കൂടെ പോവും …. കോളേജ് ട്രിപ്പ് മാത്രം 😌
രണ്ടാഴ്ച കൊണ്ട് തന്നെ ഞാൻ ഓണർ + ഡ്രൈവർ ആയി …
പണിക്കാർ ലീവാവുമ്പോ എടക്ക് ഡ്രൈവർ ആയും കണ്ടക്ടർ ആയും ഓക്കേ പോവും …
അങ്ങനെ ഒരു രാവിലെ 11:00 മണിക്ക് ഇങ്ങനെ പാട്ടും പാടി വണ്ടി പോവുമ്പോ പെട്ടെന്ന് ഒരു സ്ത്രീ വണ്ടിക്ക് മുന്നിലേക്ക് ഓടി കേറി… ഞാൻ ബ്രേക്കിൽ ഒറ്റ ചവിട്ട് വണ്ടി വല്ലാത്ത ശബ്ദത്തോടെ നിന്നു…
ഞാൻ : ചാവാൻ ആണെ അപ്പർത്ത് റെയ്ൽവേ ട്രാക്ക് കാണും …
പെണ്ണ് സോറി സോറി…
ആളുകൾ ഒക്കെ ആ പെണ്ണിനെ ഒരെ ചീത്ത അത് വിട്ട് പോയി…
രണ്ട് ദിവസം കഴിഞ്ഞ് ….
ഹിറോഷെ നീ വാ നമ്മക്ക് പോയി ടയർ എടുത്തിട്ട് വരാ…ഞാനും അവനും കൂടെ പിക്കപ്പും കൊണ്ട് പോവുന്ന വഴി ഒരു സ്കൂട്ടി നേരെ വന്ന് ഒറ്റ ഇടി…
ആ കൊച്ചും വണ്ടിയും ചെരിഞ്ഞ് ഒറ്റ വീഴ്ച…
ഞങ്ങള് വെളിയിലേക്ക് എറങ്ങി നേരെ പോയി പൊക്കി നോക്കിയതും അവളെന്നെ ഒറ്റ തള്ള് …
എടോ തൻ്റെ മോത്ത് കണ്ണില്ലെ…വണ്ടി വരുന്നത് കണ്ടൂടെ അവള് ഹിറോഷിനെ നോക്കി അലറി…
ഞാൻ : ഇപ്പൊ അങ്ങനെ ആയോ … റോങ് സൈഡ് വന്ന് ഇടിച്ചതും പോരാ…
പെട്ടെന്ന് തന്നെ ആള് കൂടീ….
എന്താ വല്ലതും പറ്റിയോ….കൂടി നിന്നതിൽ ഒരാൾ
ഞാൻ : ചേട്ടാ നിങ്ങള് തന്നെ പറ ഇത് ആര്ടെ ഭാഗത്തെ കൊഴപ്പാ
ഡോ വണ്ടി നോക്കി ഓടിക്കണം പാവം കൊച്ചുങ്ങൾടെ നെഞ്ചത്തല്ല വണ്ടി ഓടീക്കണ്ടത്.. ഒരു കാട്ട് കോഴി കമൻ്റ് വിട്ടു…
ഒരു കെഴവൻ അത് കേട്ട്: എന്താ മോനെ നോക്കി ഓടിക്കണ്ടെ ആ കൊച്ചിന് വല്ലതും പറ്റിയ…
ഞാൻ ; അയ്യോ എൻ്റെ പൊന്ന് മാമ ഈ കൊച്ച് വണ്ടി വളച്ച് പെട്ടെന്ന് കേറി വന്നു ഞാൻ ബ്രേക്ക് ഇട്ടിട്ടും നേരെ വന്നു….
ഹിറോഷ്: അതെ മാമ ഈ പെണ്ണുമ്പിള്ളക്ക് വണ്ടി ഓടിക്കാൻ അറിയില്ല…
ഡാ പെണ്ണുമ്പിള്ളനന് വീട്ടിൽ പോയി വിളി….ഫോണിൽ സംസാരിച്ച് നിന്ന പെണ്ണ് ഹിറോഷിൻ്റെ നേരെ ചാടി….
ഹിറോഷ് : ദേ ചേച്ചി മര്യാദക്ക് സംസാരിച്ചോ…
ഞാൻ കൂടി നിന്ന ആളുകളോട് കാര്യം പറഞ്ഞോണ്ട് നിന്നു ഇടവരെക്കാളും കണ്ട് നിന്നവരെ കാര്യം ബോധിപ്പിക്കണം അതാണല്ലോ ഇപ്പഴത്തെ നിയമം…
പെട്ടെന്ന് ഒന്ന് രണ്ട് വണ്ടി അങ്ങോട്ട് വന്നു….