തിരിച്ചു ക്ലാസ്സിലേക്ക് വരുന്ന വഴിയാണ് രാഹുലിനെ കുറച്ചു സീനിയർ പിള്ളേർ വിളിച്ചത്. അവന് അത്യാവശ്യം കമ്പനി എല്ലാ ഡിപ്പാർട്മെന്റ്ലും ഉണ്ട്. അതിനിടയിൽ ആണ് ആ കൂട്ടത്തിൽ ഒരുത്തനു എന്റെ എയർ പിടിച്ചുള്ള നിപ്പൊന്നും ഒട്ടും സുഖിച്ചില്ല. ഞാൻ കേൾക്കെ തന്നെ അവൻ രാഹുലിനോട് ചോദിച്ചു
‘ഏതാടാ ഈ അമ്മാവൻ വയസ്സ് കാലത്ത് കോളേജിൽ.. നിന്റെ ഫ്രണ്ട് ആണോ?
‘നിന്റെ അമ്മായിയോട് ചോദിച്ചു നോക്ക് ആരാണെന്ന് പറഞ്ഞു തരും ‘
ഒറ്റ നിമിഷം കൊണ്ട് തന്നെ അവനുള്ള മറുപടി വീണു കഴിഞ്ഞിരുന്നു. ഏണി ചാരാൻ വരുന്നവന്റെ കൂതിയിൽ ആണി അടിക്കുന്ന ശീലത്തിനു മാത്രം ഇത്രയും പ്രായം എത്തിയിട്ടും മാറ്റം ഉണ്ടായിരുന്നില്ല. പെട്ടന്നുള്ള എന്റെ മറുപടിയിൽ ചൂളി പോയ ആ സീനിയർ കുമാരൻ എന്റെ അടുത്തേക്ക് വലിയ റോൾ കളിച്ചു വന്നു. വന്ന ഉടനെ എന്റെ നെഞ്ചിൽ ഒരു തള്ളാണ് അവൻ വച്ചു തന്നത്. ആ കൈ തട്ടി മാറ്റി അപ്പൊ തന്നെ ദേഹത്ത് തൊട്ട് കളി വേണ്ടെന്ന് ഞാൻ വാണിങ് കൊടുത്തു. അപ്പോളേക്കും ആളുകൾ ഒക്കെ ചുറ്റും കൂടിയിരുന്നു. എന്റെ ക്ലാസ്സിലെ കുറച്ചു പിള്ളേർ ആ ഭാഗത്തു തന്നെ ഉണ്ടായിരുന്നു. ഗോകുലും അജയുമൊക്കെ ഇടക്ക് കയറിയതോടെ അടിക്കാൻ വന്ന പ്ലാൻ അവൻ വിട്ടെന്ന് തോന്നി. പക്ഷെ അവന്റെ നാക്ക് അടങ്ങി ഇരിക്കുന്നുണ്ടായിരുന്നില്ല. ആ ബഹളത്തിന്റെ ഇടയിൽ അവൻ പറഞ്ഞത് പലതും എനിക്ക് മനസിലായില്ല. എന്തോ വലിയ വെല്ലുവിളി പോലെ അവനെന്തോ തൊലിക്കുന്നത് കേട്ട് ടെമ്പർ തെറ്റി ഞാൻ എല്ലാവരെയും തള്ളി മാറ്റി അവന്റെ മുന്നിലേക്ക് ചെന്ന്. അവനാണോ അവന്റെ കൂടെ നിന്നവൻ ആണോ എന്നുറപ്പില്ല ഒരടി എന്റെ ചെവിയുടെ സൈഡിലൂടെ മൂളി പോയി. അമ്മായിക്ക് പറഞ്ഞതിലും സ്പീഡിൽ ആയിരുന്നു ഇത്തവണ എന്റെ മറുപടി. ആഞ്ഞൊരു അടി അവന്റെ തല നോക്കി കൊടുത്തു. “പടക്കെ” എന്ന ആ ശബ്ദം അവിടെയാകെ മുഴങ്ങി കേട്ടു. അടി കൊണ്ട് അവൻ ഒന്ന് പിന്നോട്ട് മാറി. രണ്ട് കൂട്ടരെയും പിടിച്ചു മാറ്റാൻ ആളുകൾ ഉണ്ടായിരുന്നത് കൊണ്ട് കൂടുതൽ പ്രശ്നങ്ങൾ അവിടെ ഉണ്ടായില്ല. കൂടെയുള്ളവർ അവനെ തള്ളി മാറ്റി കൊണ്ട് പോകുന്നതിനിടയിലും അവൻ എന്നെ വൈരാഗ്യത്തോടെ തല തടവി നോക്കുന്നുണ്ടായിരുന്നു. നല്ല വേദന കാണും തലക്ക്, അതുറപ്പാണ്!
അടി കഴിഞ്ഞു ക്ലാസ്സിൽ കേറാൻ മൂഡില്ലാതെ ഞാനും രാഹുലും ക്ലാസിൽ കേറാൻ നിന്നില്ല പിന്നീട്. അടുത്തുള്ള ഒരു ബാറിൽ പോയി ചെറുത് ഒരെണ്ണം അടിച്ചു ഞങ്ങൾ രണ്ട് പേരും ഞങ്ങളുടെ പഴയ ഇടി കഥകൾ വിളമ്പി കൊണ്ടിരുന്നു. അടിച്ചു കഴിഞ്ഞു ക്ലാസ്സിൽ കേറാൻ എനിക്ക് താല്പര്യമില്ലായിരുന്നു. അവനാണേലും അതോട്ടും താല്പര്യമില്ല. പക്ഷെ ഇഷാനിയെ വീണ്ടും കാണണം എന്നുള്ള ആഗ്രഹം ഒരെണ്ണം കീച്ചിയപ്പോ വീണ്ടും കൂടി. രാഹുലിനോട് അത് പറഞ്ഞില്ല എങ്കിലും മറ്റേതോ കാരണം പറഞ്ഞു ഞങ്ങൾ വീണ്ടും കോളേജിൽ കേറി. അപ്പോളേക്കും ലഞ്ച് ബ്രേക്ക് ആയിരുന്നു. ക്ലാസിലേക്ക് പോകുന്ന വഴിയിൽ എന്നെയും കാത്തു സീനിയർസിന്റെ ഒരു പട തന്നെ കാത്ത് നിൽപ്പുണ്ടായിരുന്നു.
ഞാൻ തല്ലിയവന്റെ പേര് അലക്സ് എന്നാണ്. അവന്റെ കൂടെ ഇറുകിയ ബനിയനിൽ മസിൽ പെരുപ്പിച്ചു നിക്കുന്നത് ഷോൺ. അവനാണ് ഇപ്പൊ കോളേജിലെ മെയിൻ. നടവഴിയുടെ രണ്ട് അറ്റങ്ങളിൽ നിന്ന് ഞങ്ങൾ പരസ്പരം നോക്കി. ഈ കോളേജ് ആകുന്ന “നരാച്ചി” എനിക്ക് ഭരിക്കണം എങ്കിൽ ഞാൻ വീഴ്ത്തേണ്ട “ഗരുഡൻ” ആണ് അങ്ങേ അറ്റത്തു നിൽക്കുന്ന ഷോൺ. അവൻ ഒറ്റയ്ക്കല്ല അവന്റെ കൂടെ ഫൈസി ഉണ്ട് അജ്മൽ അരവിന്ദ് ഉണ്ട്. മൊത്തത്തിൽ ഈ കോളേജിലെ ഏറ്റവും വലിയ ടീമും ആയിട്ടാണ് എന്റെ ആദ്യത്തെ അടി.
പേടിക്കണ്ട സംഭവം കോംപ്രമൈസ് ആക്കാമെന്ന് രാഹുൽ പറയുന്നുണ്ടായിരുന്നു. കൂട്ടത്തിൽ മുടി വളർത്തി നല്ല പൊക്കമുള്ള ഫൈസി എന്ന് പറയുന്നവൻ അവനൊപ്പം ഫുട്ബോൾ കളിക്കുന്ന കോളേജ് ഫുട്ബാൾ ടീം ക്യാപ്റ്റൻ ആണ്. കണ്ട് പരിചയം ഉണ്ടെങ്കിലും ഞങ്ങൾ തമ്മിൽ പക്ഷെ കമ്പനി ഇല്ലായിരുന്നു. അവനൊരു പാവമാണ് എല്ലാം പറഞ്ഞു തീർക്കാം എന്ന് രാഹുൽ പറയുന്നുണ്ടായിരുന്നു. പക്ഷെ പറച്ചിലിന്റെ ഒക്കെ സമയം കഴിഞ്ഞു എന്ന് എനിക്ക് തോന്നി. നേരെ അവരുടെ മധ്യത്തിലേക്ക് ചെന്ന് കേറി കൊടുക്കാതെ ഞങ്ങൾ നേരെ ടോയ്ലറ്റ്ലേക്ക് പോയി