‘എടാ പൊട്ടാ അതൊക്കെ കുറച്ചു നാൾ കഴിഞ്ഞു തോന്നും. ഇപ്പൊ തുടക്കം ആയത് കൊണ്ടാണ് നിനക്ക് അത് ചിന്തിക്കാൻ പോലും പറ്റാത്തത്. നിനക്ക് ഈ പറഞ്ഞത് വിശ്വാസം ഇല്ലെങ്കിൽ എന്നോട് പറ അവളുടെ ബ്രാ സൈസ് എത്ര ആയിരിക്കും ടാ… അവളുടെ കുണ്ടി നല്ല വലുപ്പം ഉണ്ടോ…? നടക്കുമ്പോ ആടുമോ..? നിനക്ക് അങ്ങനത്തെ അല്ലെ ഇഷ്ടം..’
രേണു എന്നെ ദേഷ്യം പിടിപ്പിക്കാൻ നോക്കുവാണ്. അവളുടെ കൈ പിടിച്ചു തിരിച്ചു ഞാൻ അതിൽ വീണു
‘കണ്ടോ അവളെ പറ്റി ഞാൻ പറഞ്ഞപ്പോ എന്റെ കൈ പിടിച്ചു ഓടിക്കുന്നു.. നിനക്ക് പ്രേമം ഉണ്ടേലും ഇല്ലേലും എന്റെ കൈ ഒടിക്കല്ലേ.. വേദനിക്കുന്നു ‘
ഞാൻ കൈ വിട്ടു. അപ്പോളാണ് പെട്ടന്ന് എന്റെ മനസ്സിൽ ഇന്നത്തെ കാര്യം ഓർമ വന്നത്
‘സെക്ഷ്വൽ ചിന്ത ഇല്ലെന്ന് ആര് പറഞ്ഞു. ഇന്ന് അവളുടെ കയ്യിൽ പിടിച്ചപ്പോ എനിക്ക് ചെറുതായ് ഓർഗാസം വന്നപോലെ തോന്നിയിരുന്നു. അത് സെക്ഷ്വൽ അല്ലെ?
‘അവളുടെ കയ്യിൽ പിടിച്ചു നീ മോശമായി എന്തെങ്കിലും ചിന്തിച്ചോ ‘
‘ഇല്ല. കയ്യിൽ തൊട്ടപ്പോ തന്നെ ഷോക്ക് അടിക്കുന്ന ഫീൽ ആയിരുന്നു മൊത്തത്തിൽ. പക്ഷെ ഇത് സെക്ഷ്വൽ അല്ലെ. പറ നീ ‘
‘ഇത് സാദാ പ്രേമം അല്ല മോനെ. ഇത് ദിവ്യപ്രണയത്തിന്റെ ആരംഭമാണ്. നീയിനി അവളെ മറക്കാൻ ശ്രമിച്ചാൽ പോലും അവൾ നിന്റെ മനസ്സിൽ നിന്ന് പോവൂല.’
ഏതോ മാരകരോഗത്തിന്റെ വിവരണം പോലെ അവളെന്നോട് പറഞ്ഞു. രേണു വീട്ടിൽ നിന്ന് പോകുന്ന വരെയും ഞാൻ അത് സമ്മതിച്ചു കൊടുത്തില്ല എങ്കിലും എന്റെ മനസിൽ അവൾ പറഞ്ഞത് വല്ലാതെ കൊണ്ടിരുന്നു. എനിക്കിനി അത്രക്ക് ഗാഡമായ പ്രണയം ഇഷാനിയോട് ഉണ്ടോ? രേണുവിനോട് എന്ന പോലെ എന്റെ മനസിനോടും പലവുരി അങ്ങനെ ഒന്നുമില്ല എന്ന് ആവർത്തിച്ചു പറഞ്ഞു. അവളെ ദൂരെ നിന്നെ കാണുമ്പോൾ നെഞ്ചിൽ പെരുമ്പറ മുഴക്കിയും ക്ലാസ്സിൽ പലവട്ടം അവളിരിക്കുന്നിടത്തേക്ക് കണ്ണ് പായിച്ചും അവളോട് മിണ്ടാൻ സാഹചര്യങ്ങൾ ഉണ്ടാക്കിയെടുത്തും മനസ്സ് എന്റെയടുത്തു അനുസരണക്കേടുകൾ കാണിച്ചു കൊണ്ടിരുന്നു.
ലാബ് ഉള്ള ദിവസം ആണ് അവളോട് ഏറ്റവും അധികം മിണ്ടാൻ പറ്റുന്നത്. ഞാനും ഇഷാനിയും രാഹുലും ആഷിക്കുമാണ് ഒരു ഗ്രൂപ്പ്‌. അത് കൊണ്ട് തന്നെ അവളോട് മിണ്ടാൻ എനിക്ക് നല്ല സ്വാതന്ത്ര്യം ഉണ്ടായിരുന്നു. അന്നാണേൽ രാഹുൽ ലീവ് ആയിരുന്നു. ഞാനും ഇഷാനിയും ആഷിക്കും ആണ് എക്സ്പീരിമെന്റ് ചെയ്തോണ്ട് ഇരുന്നത്. അവൾക്ക് നല്ല ശ്രദ്ധ ഉള്ളത് കൊണ്ട് പെട്ടന്ന് തന്നെ ഞങ്ങളുടെ വർക്ക്‌ എല്ലാം കഴിയുമായിരുന്നു. ലാബ് തീരാൻ ഇനിയും മിനിട്ടുകൾ ഉണ്ട്. ഞാൻ ഇഷാനിയോട് എന്തൊക്കെയോ സംസാരിച്ചു കൊണ്ടിരുന്നു. അതിനിടയിൽ ഇരുന്ന് ബോർ അടിച്ചിട്ട് ആവണം ആഷിക്ക് എണീറ്റ് ഫാത്തിമ ഇരിക്കുന്ന ഡസ്ക് നടുത്തു പോയി ഇരുന്ന് വായി നോക്കാൻ തുടങ്ങി. ആഷിക്ക് കൂടി പോയ സാഹചര്യം മുതലാക്കി ഞാൻ ഇഷാനിയോട് കൂടുതൽ അടുത്തിരുന്നു. ഇടക്കിടക്ക് എന്റെ കൈകൾ അറിയാത്ത പോലെ അവളുടെ കൈകളിൽ സ്പർശിക്കുന്നുണ്ടായിരുന്നു. അവളുടെ കയ്യിൽ വീണ്ടും തൊടാനുള്ള വഴി മനസ്സിൽ കണ്ടു ഞാൻ അവളുടെ കയ്യിലെ രുദ്രാക്ഷത്തിൽ തൊട്ടു. അത് ഊരാൻ ഞാൻ ശ്രമിച്ചപ്പോൾ ഇഷാനി എന്നെ തടഞ്ഞു
‘അത് പൂജിച്ചതാണ്. ഊരാൻ പാടില്ല ‘
അവളുടെ മറുപടി കേട്ട് ഞാൻ രുദ്രാക്ഷം പരിശോധിക്കുന്നതായി അഭിനയിച്ചു. രണ്ട് കൈ കൊണ്ടും ഞാൻ രുദ്രാക്ഷമണികളിൽ തലോടി. ഇഷാനിയുടെ കൈകൾ ഇപ്പൊ എന്റെ കൈക്കുള്ളിൽ ആണ്. അവളുടെ കുഞ്ഞി കൈകളോട് എനിക്ക് വല്ലാത്ത ഓമനത്തം തോന്നി
‘സാധാരണ ചരട് അല്ലെ പൂജിച്ചു കയ്യിൽ കെട്ടുന്നത്. രുദ്രാക്ഷവും കെട്ടുമോ.. ഏത് അമ്പലത്തിൽ?
‘സിവഭൂതമലൈ’
പെട്ടന്ന് ഇഷാനി പറഞ്ഞു . ആ സ്‌ഥലം ഞാൻ കെട്ടിട്ടുണ്ടായിരുന്നു.
‘അത് തമിഴ്നാടല്ലേ മധുര പോണ റൂട്ട്. ഞാൻ അവിടെ കുറച്ചു വർഷം മുന്നേ പോയിട്ടുണ്ട്.. നല്ല കയറ്റത്തിൽ മലയുടെ മുകളിൽ ഇരിക്കുന്ന അമ്പലമല്ലേ?
മറുപടിക്ക് പകരം ഇഷാനിയുടെ പരിഭ്രമത്തോടെയുള്ള നോട്ടമാണ് എനിക്ക് കിട്ടിയത്. എന്റെ മുഖത്തു നിന്നും അവളെന്റെ കൈകളിലേക്ക് നോക്കി. എന്റെ കൈക്കുള്ളിൽ അവളുടെ കൈകൾ. ഇഷാനി രണ്ട് വശത്തേക്കും നോക്കി. ആരെങ്കിലും ഞാൻ അവളുടെ കയ്യിൽ പിടിച്ചത് കണ്ടോ എന്ന രീതിയിൽ ആയിരുന്നു അവളുടെ നോട്ടം. അവളെ കൂടുതൽ ബുദ്ധിമുട്ടിക്കണ്ട എന്ന രീതിയിൽ ഞാൻ കൈ അയച്ചു..
‘ചേട്ടാ കയ്യിൽ പിടിക്കുന്നത് എനിക്ക് ഇഷ്ടം അല്ല ‘
അവളുടെ ഉറച്ച സ്വരം ഞാൻ ആദ്യമായ് കേൾക്കുക ആണ്. അത്രയും വ്യക്തതയോടെ അവളെന്നോട് മറ്റെന്തെങ്കിലും പറഞ്ഞിരുന്നെങ്കിൽ എന്ന് ഞാൻ ആശിച്ചു. എന്റെ കൈകളുടെ വിക്രിയകൾ അവൾക്ക് ഇഷ്ടപ്പെട്ടിട്ടില്ല. ഞാൻ അതിന് ചെറുതായി ഒന്ന് പിടിച്ചതല്ലേ ഉള്ളു. എന്തായാലും അവളുടെ അനിഷ്ടം കിട്ടി അത് കൊണ്ട്. അവളുടെ ആ വാക്കുകൾ എന്നെ അലോസരപ്പെടുത്തി എങ്കിലും ഞാൻ അത് പുറമെ കാണിച്ചില്ല
‘അയ്യോ ഞാൻ ആ രുദ്രാക്ഷത്തിന്റെ ഭംഗി കണ്ടു നോക്കിയതാണ്. നീ വേറൊന്നും ചിന്തിച്ചു കൂട്ടരുതേ. ‘
എന്റെ ന്യായീകരണങ്ങൾക്ക് ഒന്നും അവൾ ചെവി കൊടുക്കുന്നില്ല എന്ന് എനിക്ക് തോന്നി. ബുക്കിൽ നോക്കി എന്നെ അവഗണിക്കുകയാണ് അവൾ
‘കയ്യിൽ പിടിക്കുന്നത് മാത്രം ആണോ അതോ ഞാൻ മിണ്ടുന്നതും ഇഷ്ടം അല്ല..?
‘അല്ല ‘
അത് മാത്രമേ അവൾ പറഞ്ഞുള്ളു. പക്ഷെ ആ വാക്കിന് എന്നെ ആറടി കുഴിച്ചടക്കാൻ ഉള്ള കമ്പിപ്പാരയുടെ കാഠിന്യം ഉണ്ടായിരുന്നു. എന്തോ ചെറിയ ഭാഗ്യം എനിക്ക് ഉണ്ടായിരുന്നത് കൊണ്ട് അവൾ എന്നെ ഊക്കിയത് വേറാരും കേട്ടില്ല.
എന്റെ ജീവിതത്തിൽ ഒരിക്കൽ പോലും എന്നെ ഇത് പോലെ ഒരു പെണ്ണ് ഊക്കി വിട്ടിട്ടുണ്ട് എന്ന് എനിക്ക് തോന്നുന്നില്ല. താല്പര്യം ഇല്ലാത്തവരുടെ പുറകെ മണപ്പിച്ചു പോകുന്ന ശീലം എനിക്ക് പണ്ട് ഇല്ലായിരുന്നു. എന്ത് കണ്ടിട്ടാണ് പിന്നെ ഇവളുടെ മണപ്പിച്ചു നടക്കുന്നത് എന്നോർത്തു ഞാൻ സ്വയം പഴിച്ചു. ഈ മൈരത്തി ആരാണെന്നാണ് ഇവളുടെ വിചാരം. ഒരു പട്ടി പോലും മൈൻഡ് ചെയ്യാതെ ഇരുന്ന അവളോട് ഒന്ന് കമ്പിനി ആകാമെന്ന് വച്ചപ്പോ എങ്ങുമില്ലാത്ത ജാഡ. ചുമ്മാ അല്ല ഇവളെ ആരും കൂടെ കൂട്ടത്തത്. അവിടെ ഇരുന്ന് ഞാൻ അവളെ മനസിൽ അറിയുന്ന തെറിയെല്ലാം വിളിച്ചു. ആദ്യമായ് ലാബ് പീരീഡ് പെട്ടന്ന് തീരണെ എന്ന് ഞാൻ പ്രാർഥിച്ചു. അവളുടെ മുന്നിൽ കുറച്ചു നേരം കൂടി ഇരുന്നാൽ ഞാൻ ഉരുകി ഇല്ലാണ്ട് ആയേനെ. ബെല്ലടിച്ച ഉടനെ തന്നെ ഞാൻ അവിടുന്ന് നോട്ട് പോലും എടുക്കാതെ പുറത്തേക്ക് പോയി. കോളേജിന്റെ ഒരു മൂലക്ക് പണി കഴിയാത്ത ഒരു കെട്ടിടം ഉണ്ട്. സാധാരണ ആളുകൾ സിഗരറ്റ് വലിക്കാൻ ഒക്കെ ഇടക്ക് വരാറുണ്ട് അവിടെ. ഏകാന്തത കിട്ടുന്നത് കൊണ്ട് ഞാൻ നേരെ അങ്ങോട്ട് പോയി
