അച്ചു : അല്ല അളിയാ നമ്മള് എങ്ങനെ ഇവരെ കണ്ട് പിടിക്കും…
അമർ : അതിന് വഴി ഉണ്ട്
അച്ചു : എന്ത്
അമർ : വണ്ടി നമ്പർ ഇന്നലെ കണ്ട് വീഡിയോയിൽ കണ്ടോ അത് വച്ച് കണ്ട് പിടിക്കാം….
അച്ചു : അത് പൊളിക്കും നീ മിടുക്കൻ തന്നെ…
അമർ : ടാ മാമന് ഞാൻ വാക്ക് കൊടുത്തു ഇത് മിസ്സാക്കാൻ പാടില്ല….നീ അവൾക്ക് മെസ്സേജ് അയക്കുന്നത് നിർത്തണ്ട കേട്ടൊ…
അച്ചു : ശെരി….
⏩ 4: 42
⏩ ഷൊർണൂർ റെയിൽവേ സ്റ്റേഷൻ
അച്ചു : ഭാഗ്യം ആണ് രാജു ചേട്ടനെ കിട്ടിയത് അല്ലെങ്കിൽ ഇപ്പൊ ഈ എസി ടിക്കറ്റ് മാറ്റി കിട്ടില്ലായിരുന്നു….
അമർ : ഫ്ലൈറ്റ് ടിക്കറ്റ് എന്തായി
അച്ചു : സെറ്റ് കിട്ടി രാത്രി ആണ്
അമർ : ഇത് സമയത്തിന് എത്തിയ മതി
അച്ചു : എടാ ഇതാണ് ഫസ്റ്റ് വണ്ടി രാത്രി 9 മണിക്ക്. വരുന്ന വണ്ടി ആണ് നമ്മുടെ ഭാഗ്യം കൊണ്ട് ഇത് ഇന്ന് ഡിലെ ആയി….അത്ര തന്നെ നീ ഉറങ്ങാൻ നോക്ക്…. ഗുഡ് നൈറ്റ്
അമർ : ഗുഡ് നൈറ്റ്….
⏩ 23:45 മീനമ്പാക്കം എയർപോർട്ട്
ബോർഡിങ് എല്ലാം കഴിഞ്ഞ് സീറ്റിൽ കേറി ഇരുന്ന് അമർ ….
അച്ചു : എന്താ പേടി ഉണ്ടോ…
അമർ : ഉണ്ട് ഇനി മിസ്സ് ആവാൻ പാടില്ല
അച്ചു : അതല്ല ഫ്ലൈറ്റ് പേടി ഉണ്ടോ എന്ന്….
അമർ : എന്തിന്…
അച്ചു : അല്ല ഞാൻ ചോദിച്ചതാ ഞാൻ പിന്നെ ഉക്രൈൻ ദുബൈ മസ്ക്കറ്റ് ഒക്കെ പോയത് കൊണ്ട് ശീലം ആയി
അമർ : പ്പ മൈരെ നിർത്തിയെ നിൻ്റെ ഞാനും ഇതിലൊക്കെ പോയിട്ടുണ്ട്….
അച്ചു : ചൂടാവാതെ അളി…😄
അമർ : അതെ അവൻ അവിടെ കാണോ …
അച്ചു : പിന്നെ ഇല്ലാതെ പക്ഷേ എൻ്റെ സംശയം ഇതൊന്നും അല്ല
അമർ : പിന്നെ
അച്ചു : അവൻ വരില്ല പറഞ്ഞ നമ്മൾ എന്ത് ചെയ്യും…
അമർ : അതൊക്കെ എനിക്ക് അറിയാം എന്താ വേണ്ടത് എന്ന്…ഒന്നുമില്ലെങ്കിലും അവനെ കാളും കൂടതൽ ഓണം ഉണ്ടവാൻ അല്ലേ ഞാൻ ….
അച്ചു : വെറും മൂന് മാസം മൂപ്പ് ഇതിന് നീ ജനിച്ചപ്പോ തൊട്ട് തള്ള് തുടങ്ങിയതല്ല
അമർ : 😄 ഈശ്വരാ നാറി വന്നാമതി എനിക്ക് വൈയ്യാ…
⏩ അമറും അച്ചുവും പോയിട്ട് മൂന് ദിവസം ആയി ഇന്ന്….
⏩ എറണാകുളം ( കേ എഫ് സി)
⏩ ദേവി ചേച്ചി ശരൺ ചേട്ടൻ സൂര്യ അമ്മു ശ്രീ നന്ദൻ റെമോ എല്ലാരും ഉണ്ട്
ശ്രീ : എന്തായി പോയവർ വിളിക്കുക വല്ലതും ചെയ്തോ
നന്ദൻ : ഇല്ല അവര് വേറെ കാര്യത്തിന് എന്തോ പോയതാ എന്ന പറഞ്ഞത് പക്ഷേ അതൊന്നും അല്ല ഉറപ്പാ …
സൂര്യ : നിങ്ങള് രണ്ട് പേരും ഇങ്ങോട്ട് വന്നോ
ശ്രീ : അതെ ഇവര് അമ്മായിയുടെ വീട്ടിൽ വന്നപ്പോ ഞങ്ങളും കൂടെ വന്നു….
ദേവി ചേച്ചി : ഇന്ന് ശരണെട്ടൻ ബാംഗ്ലൂർ പോവാ… അപ്പോ എനിക്ക് കൂട്ടും ആയി അല്ലെങ്കിൽ വീട്ടിൽ പോവണ്ട അവസ്ഥ ആയേനെ…
റെമോ : എന്ത് ഡീ നീ ഇങ്ങനെ ഇരിക്കുന്നത്
അമ്മു : ഒന്നുമില്ല ടാ…
നന്ദൻ : പിന്നെ കെട്ടിയവനെ കാണാതെ ഇരിക്കുമ്പോ അവള് ചിരിച്ച് തുള്ളി നടക്കാം ….
ഫുഡ് വന്നു അവരത് കഴിക്കാൻ തുടങ്ങി
കഴിച്ച് കഴിഞ്ഞ് വെളിയിലേക്ക് ഇറങ്ങിയതും ഒടുക്കത്തെ മഴ….
ശരൺ ചേട്ടൻ : അപ്പോ നമ്മക്ക് ഇറങ്ങാം ദേവു….
നന്ദൻ : അല്ല നിങ്ങള് അവിടെ ഒറ്റക്ക് ആണ് എന്നല്ലേ പറഞ്ഞത് എന്നാ ഞങ്ങളുടെ കൂടെ പോര് നമ്മക്ക് അവിടെ കൂടാം….
ശ്രീ : അത് നല്ലതാവും ഒരുമിച്ച് ഇരിക്കുമ്പോ കുറച്ച് സമാധാനം കിട്ടും…
ശരൺ ചേട്ടൻ : എന്തോ ദേവു പിള്ളേരുടെ കൂടെ പോവുന്നോ
ചേച്ചി : എനിക്ക് കുഴപ്പം ഒന്നും ഇല്ല നിനക്കോ അമ്മു….
അമ്മു ഒന്നും പറഞ്ഞില്ല
ശ്രീ : അവൾക്ക് കുഴപ്പം ഒന്നും ഇല്ല ….
ശരൺ ചേട്ടൻ ഡോ നിങ്ങള് കാർ കൊണ്ട് പൊക്കോ…. ഞാൻ കാബ് പിടിച്ച് പൊക്കൊളാം….
⏩ സൂര്യയുടെ കാർ വലിയ ഒരു ഗെയിറ്റിൻ്റെ മുന്നിൽ എത്തി നന്ദൻ കീ അമർത്തി അത് തുറന്നു…. വണ്ടി ഉള്ളിലേക്ക് പോയി….എല്ലാരും ഇറങ്ങി…
ശ്രീ : ഇതാണ് ഞങ്ങളുടെ വീട് വരു വരു
മുന്നിൽ പൊട്ടിയ മര ബോഡ് ചങ്ങലയിൽ ആടുന്ന വീട്ട് പേര് അമ്മുവിൻ്റെ കണ്ണിൽ പെട്ടത് ഇന്ദ്രജാലം അവൾ ബോഡിൽ ഉള്ള പേര് വായിച്ചു….
ചേച്ചി : ആഹാ ഇന്ദ്രജാലം വേറൈറ്റി പേരാണല്ലോ…..
നന്ദൻ : വിട് തുറന്ന് ഉളളിൽ കേറി….വാ വാ
അമ്മു ഉള്ളിലേക്ക് കേറി…ചുറ്റും ഒന്ന് നോക്കി
നന്ദൻ : നീ ആദ്യം ആയിട്ട് ആണല്ലേ
അമ്മു : തല ആട്ടി
പെട്ടെന്നാണ് വലത് വശത്ത് ചിരിച്ച് കൊണ്ട് നിക്കുന്ന ഇന്ദ്രൻ്റെ വലിയ ഒരു ഫോട്ടോ അവൾ കണ്ടത്….
അമ്മു അതിൻ്റെ അടുത്തേക്ക് പോയി അവർ അത് നോക്കി നിന്നു…..
അടുത്ത് എത്തിയ അമ്മു ഫോട്ടോയിൽ കൈ വച്ച് തടവി കൊണ്ട് കണ്ണുകൾ അടച്ച് കരയാൻ തുടങ്ങി …
ശ്രീ : ഡീ അമ്മു എന്താ ഡീ നീ കാണിക്കുന്നത് അമ്മു … കരയല്ലേ അമ്മു…
അമ്മു : വിടെടി എന്നെ … ഇന്ദ്രൻ പോയിട്ട് പതിനൊന്ന് ദിവസം ആയി ഇന്നേക്ക് … ശെരി ആണ് ഇതിൻ്റെ ഒക്കെ കാരൻ ഞാൻ തന്നെ ആണ് ഇന്ദ്രൻ ജീവനെ പോലെ എന്നെ സ്നേഹിച്ചു അത് നോക്കുമ്പോ ഞാൻ സ്നേഹിച്ചത് ഒന്നും ഒരു സ്നേഹമേ അല്ല….
ശ്രീ : ശെരി ഒക്കെ എനിക്ക് അറിയാം പിന്നെ നീ എങ്ങനെ ആണ് ഇതിൻ്റെ കാരണം ആവുന്നത് ടാ….
സൂര്യ ; അത് തന്നെ നീ എങ്ങനെ ആണ് ഇതിന് കാരണം ആവുന്നത് പിന്നെ എന്താ അവൻ ഏറ്റവും കൂടുതൽ സ്നേഹിച്ച രണ്ട് പേര് അവനെ വിശ്വസിച്ചില്ല അത് ഒരു വലിയ അടി തന്നെ ആണ്….പക്ഷേ അവൻ എന്താ അറിയോ പറഞ്ഞത് അമ്മു അവളുടെ ദേഷ്യം കൊണ്ട് പറയുന്നതാ ഇതൊക്കെ അല്ലാതെ മനസ്സിൽ വച്ച് ഒന്നും അല്ല എന്നാ…. നന്ദൻ കെട്ടതല്ലെ
നന്ദൻ : സത്യം ആണ് ഡീ അവൻ പറഞ്ഞു….
ശ്രീ ; കണ്ടോ അവന് ഒരു ബ്രേക്ക് വേണം എന്ന് തോന്നി കാണും അത് കൊണ്ട് മാറി നിക്കുന്നു അത്ര തന്നെ …
അമ്മു : ശ്രീ …ഇന്ദ്രൻ്റെ ഈ സ്നേഹം ആടി എന്നെ വീണ്ടും വീണ്ടും കുത്തി കുത്തി നോവിക്കുന്നത്….അമ്മു അവളെ പൊത്തി പിടിച്ച് തേങ്ങി തേങ്ങി കരഞ്ഞ് കുഴഞ്ഞ് വീണു….
ശ്രീ : അമ്മു അയ്യോ അമ്മു …..
ദേവി ചേച്ചി : ടാ കുറച്ച് വെള്ളം കൊണ്ട് വാ….
നന്ദൻ കുറച്ച് വെള്ളം കൊണ്ട് വന്ന് അവളുടെ മുഖത്ത് തളിച്ചു…
അമ്മു രണ്ടാം വട്ടം തളിച്ചപ്പോ എണീറ്റ് അവരെ നോക്കി…
⏩ 21:33
നന്ദൻ : അല്ല ഡീ നിങ്ങള് എങ്ങനെ ആണ് അറിഞ്ഞത് സത്യം ഒക്കെ
റെമോ : ശെരി ആണ് എല്ലാർക്കും അത് അറിയാൻ താൽപ്പര്യം ഉണ്ട്….അത് പറഞ്ഞില്ലല്ലോ
ശ്രീ : എനിക്കും അറിയില്ല ഇന്ദ്രൻ എന്തോ ഒരു സംഭവം ചേച്ചിയുടെ ചേവില് എത്തിച്ചു അങ്ങനെ ആണ് സംഭവം…..
സൂര്യ : പറ ചേച്ചി…എന്താ സംഭവം…..
ദേവി ചേച്ചി : പറയട്ടെ
കോറസ്: പ്ളീസ്
⏩⏩ഫ്ളാഷ് ബാക്ക്.
[കുട്ടു : ഇന്ദ്രെട്ട ഞാൻ കൊടുക്കാം…..
ഇന്ദ്രൻ : ഹലോ ചേച്ചി
ചേച്ചി: നിന്നെ ഞാൻ എൻ്റെ സ്വന്തം അനിയനെ പോലെ അല്ലേ കണ്ടത് തെണ്ടി നീ…
ഇന്ദ്രൻ : ചേച്ചി ഇപ്പൊ ഒന്നും ഇങ്ങോട്ട് പറയല്ലെ ചേച്ചിക്ക് ഞാൻ പിന്നെ ചീത്ത വിളിക്കാൻ സമയം തരാം….
ചേച്ചി ; ഇനി എന്ത് നാടകം ആണ് എന്തായാലും എനിക്ക് പറ്റില്ല
ഇന്ദ്രൻ : അങ്ങനെ പറയല്ലേ ചേച്ചി ഞാൻ ഇപ്പൊ ചേച്ചിയുടെ മുന്നിൽ ഉണ്ടായിരുന്നെങ്കിൽ ചേച്ചിയുടെ കാല് പിടിച്ചിട്ടുണ്ടാവും പ്ളീസ് എന്നെയും ശ്രീയെയും രക്ഷിക്കാൻ ആരും ഇല്ല പ്ളീസ് …
