“ജിനു, ഇനി എങ്ങനെയാണ് നമ്മുടെ യാത്രാ പ്ലാൻ ..?” ഷെഹിന ആന്റി മുമ്പത്തെ പോലെയല്ലാതെ എന്നോട് കൂടുതൽ അടുപ്പമുള്ളത് പോലെ കണ്ണുകളിൽ സ്നേഹം പ്രകടിപ്പിച്ച് സംസാരിച്ചു.
“സമയം ഇപ്പൊ 5:45 ആയി. 6:15ന് നമുക്ക് പുറപ്പാടാം. രാത്രി 10 മണിക്ക് അല്ലെങ്കിൽ 10:05ന് ബംഗലൂരുവിൽ നമ്മൾ എന്റരാവും, അവിടെ ഒരു വലിയ പെട്രോൾ സ്റ്റേഷനുണ്ട്. ആ പെട്രോൾ സ്റ്റേഷൻ പരിസരത്ത് തന്നെ നല്ല വൃത്തിയുള്ള പേ ബാത്റൂമൊക്കെ ഉണ്ട്. പെട്രോൾ സ്റ്റേഷനിൽ നിന്നും വെറും ഒരു മിനിറ്റ് മാറി അടിപൊളി ഫുഡ് കിട്ടുന്ന നല്ലൊരു ഹോട്ടലുമുണ്ട്. ആ ഹോട്ടലിൽ കേറി ഫുഡ് കഴിച്ചിട്ട് പിന്നെയും യാത്ര തുടരാം. നിങ്ങള് അഞ്ചു പേർക്കും സുഖമായി വണ്ടിയില് ഉറങ്ങാൻ കഴിയും. രാത്രി ഫുള്ളായി ഞാൻ വണ്ടി ഓടിക്കും. രാവിലെ 6:20ന് നമ്മൾ നിസമബാദ് എത്തും. അവിടെ ഞാൻ സ്ഥിരമായി ബുക്ക് ചെയ്യുന്ന ഒരു ഹോട്ടലുണ്ട്. മണിക്കൂറുകളുടെ അടിസ്ഥാനത്തിൽ റൂം ബുക്ക് ചെയ്യാൻ കഴിയും. മൂന്ന് മണിക്കൂറത്തേക്ക് റൂം ബുക്ക് ചെയ്തു നമുക്ക് റസ്റ്റെടുക്കാം. പിന്നെയുള്ളത് അവിടെ വച്ച് ഞാൻ പറയാം. ഓക്കെയല്ലേ..?”
“അപ്പോ രാത്രി ഫുഡ് കഴിച്ചിട്ട് നീ ഓടിക്കാന് തുടങ്ങിയാല് രാവിലെ 6 മണി വരെ തുടർച്ചയായി ഓടിക്കുമോ..? നിനക്ക് റെസ്റ്റൊന്നും വേണ്ടെ…?” സവിത ആന്റി കണ്ണും മിഴിച്ച് ചോദിച്ചു.
“ഇല്ല ആന്റി, ഈ രാത്രി നേരത്താണ് എന്റെ ഇഷ്ടത്തിന് വണ്ടിയുടെ സ്പീഡ് കൂട്ടി ഓടിക്കാന് കഴിയുക. പത്ത് പന്ത്രണ്ട് മണിക്കൂറോളം വേണ്ടിവരുന്ന യാത്രയാണ് ഞാൻ ഏഴു മണിക്കൂറില് തീർക്കാൻ പോകുന്നത്. അതുകൊണ്ട് രാത്രി റെസ്റ്റ് എടുക്കാതെ ഓടിച്ചാൽ മാത്രമേ ഇത്രയും ഡിസ്റ്റൻസ വേഗത്തിൽ കവർ ചെയ്യാൻ കഴിയൂ.”
അതോടെ എല്ലാവരും മിണ്ടാതെ ആലോചനയുടെ ചായ കുടിച്ചു. അല്പ്പം കഴിഞ്ഞ് ഞങ്ങളുടെ സംസാരം സാധാരണ കാര്യങ്ങളിലേക്കും തിരിഞ്ഞു. ജെസ്സി എന്റെ അടുത്ത് അവളുടെ കസേര കൊണ്ടിട്ടിട്ട് എന്നെ തൊട്ടുരുമ്മി ഇരുന്നു.
ഒടുവില് 6:15ന് ഞങ്ങൾ എന്റെ ആ വീട്ടില് നിന്നിറങ്ങി. ഇപ്പൊ ഷെഹിന ആന്റിയാണ് മുന്നില് കേറിയത്. ആന്റി നേരത്തേക്കാളും കൂടുതൽ ഉത്സാഹത്തിൽ ആയിരുന്നു. ആന്റി കുറച്ചുകൂടി ജോളിയായിട്ടാണ് എന്നോട് സംസാരിച്ചത്.
“പിന്നേ ജിനു, നീ പറഞ്ഞ ആ തൈലമില്ലേ.., എന്തിനാണ് രണ്ട് ദിവസം രണ്ട് തരത്തിലുള്ള തൈലം ഉപയോഗിക്കുന്നത്..?” ആന്റി സംശയം ചോദിച്ചു.
“ആദ്യത്തെ ദിവസം ഞാൻ ആന്റിയുടെ ദേഹത്ത് ഉപയോഗിക്കാൻ പോകുന്ന തൈലം ആന്റിയുടെ കല്ലിച്ച ഭാഗങ്ങളിൽ പ്രവർത്തിച്ച് 45% അയവ് വരുത്തും. തൈലത്തിന്റെ സത്ത ശരീരത്തിന്റെ ഉള്ളിലിറങ്ങി ആന്റിയുടെ ചതഞ്ഞ ഭാഗങ്ങളെയും 30, 34% റിപ്പെയര് ചെയ്യും. അതോടെ, ആന്റിയുടെ ആ ഭാഗങ്ങളിൽ ചെറുതായി തൊട്ടാല് പോലും വേദനിക്കുന്നു എന്ന് പറഞ്ഞില്ലേ, ആ വേദനയ്ക്ക് അത്യാവശ്യം നല്ല ശമനം ഉണ്ടായത് ആന്റിക്ക് ശെരിക്കും മനസ്സിലാവും.” ഞാൻ ഇടക്ക് ആന്റിയേയും ഇടക്ക് റോഡിലും നോക്കി വിശദീകരിച്ചു.
പുറകില് ഉള്ളവരും അവരുടെ സംസാരം മതിയാക്കി ഞാൻ ഷെഹിന ആന്റിയോട് പറയുന്നത് ശ്രദ്ധയോടെ കേള്ക്കുന്നുണ്ടായിരുന്നു.
“വൗവ്, ആ തൈലം അടിപൊളിയാണല്ലോ…!!” ഹസ്ന ജെസ്സിയോട് ആശ്ചര്യം പ്രകടിപ്പിച്ചു.
“അത് കൊള്ളാമല്ലേ, ജിനു. എന്റെ അവിടെയൊക്കെ തൊടുമ്പോൾ ഉണ്ടാകുന്ന ആ വേദനയില് ഒരു തരിയെങ്കിലും കുറഞ്ഞാൽ മതിയെന്ന് ഞാൻ പ്രാര്ത്ഥിക്കുകയായിരുന്നു. അപ്പൊ നീ പറയുന്നത് പോലെ 30 ശതമാനം വേദന കുറഞ്ഞാൽ…., ശെരിക്കും സ്വർഗ്ഗമാണ്.” ആന്റി സന്തോഷവും, ആശ്വാസവും, ആവേശത്തോടും പറഞ്ഞു.
ഞാൻ ആന്റിയെ നോക്കി വെറുതെ പുഞ്ചിരിച്ചിട്ട് വീണ്ടും റോഡില് നോക്കി.
“ഓക്കെ ജിനു, അപ്പൊ രണ്ടാം ദിവസം ഉപയോഗിക്കുന്ന ആ തൈലം എന്താണ് ചെയ്യുക..?” ആന്റി കൂടുതൽ പ്രതീക്ഷയോടെ ചോദിച്ചു.