“എടി കള്ളി…!” എന്റെ മൂക്കിനെ പിടിച്ച് അങ്ങോട്ടും ഇങ്ങോട്ടും തിരിക്കുന്ന എന്റെ അനിയത്തിയുടെ കൈ ഞാൻ പിടിച്ചു വച്ചതും ജെസ്സി ചിരിച്ചു. ഒപ്പം അവളുടെ കൂട്ടുകാരികളും.
“എണീക്ക് അച്ചാച്ചാ. സമയം എട്ടരയായി.” എന്റെ മൂക്ക് വിട്ടിട്ട് ജെസ്സി എന്റെയടുത്ത് ബെഡ്ഡിലിരുന്നു.
ഞാൻ കണ്ണ് തുറന്നു നോക്കി. അപ്പൊ ഹസ്നയും റിഥിയും വിടര്ന്ന കണ്ണുകളോടെ എന്റെ അരക്കെട്ടിന് മുകളില് നഗ്നമായിരുന്ന ശരീര ഭാഗങ്ങളിൽ നോക്കി നില്ക്കുന്നത് കണ്ടു. ഞാൻ കണ്ണുകൾ തുറന്നതും അവരുടെ മുഖത്ത് ഒരു കുഞ്ഞ് നാണം പടർന്നു പിടിച്ചു. എനിക്കും ഒരു ചമ്മലുണ്ടായി.
എനിക്ക് ഉറക്കം മതിയായില്ലായിരുന്നത് കൊണ്ട് എന്റെ കണ്ണുകൾ മെല്ലെ അടഞ്ഞു പോകാൻ തുടങ്ങി.
“എണീക്ക് അച്ചാച്ചാ…,” ജെസ്സി ബെഡ്ഡിൽ നിന്നും എഴുനേറ്റ് നിന്നിട്ട് എന്റെ കൈ പിടിച്ചു വലിച്ചതും ഞാൻ ഞെട്ടി എഴുനേറ്റിരുന്നു. “വേഗം പോയി കുളിച്ചിട്ട് വാ. അപ്പോഴേക്കും അച്ചാച്ചന് വേണ്ടി ഓര്ഡര് ചെയ്ത ചൂടുള്ള ബ്രേക്ക്ഫാസ്റ്റ് ഇങ്ങെത്തും. അച്ചാച്ചൻ കഴിച്ച ശേഷം നമുക്ക് പുറപ്പെടാം.”
അത്രയും പറഞ്ഞിട്ട് ജെസ്സി പോയി മേശപ്പുറത്തു വച്ചിരുന്ന എന്റെ ബാഗില് നിന്ന് എന്റെ ടൂത്ത് ബ്രഷിൽ പേസ്റ്റ് വച്ചിട്ട് അതിനെ കൊണ്ടുവന്ന് ഉറക്കം തൂങ്ങിയിരുന്ന എന്റെ വായിൽ തിരുക്കി കേറ്റി വച്ചു. അപ്പൊ റിഥിയും ഹസ്നയും പൊട്ടിച്ചിരിച്ചു.
ഈ പെണ്ണ്…!! ഒടുവില് ഉള്ളില് ചിരിച്ചുകൊണ്ട് ഞാൻ മെല്ലെ എഴുന്നേറ്റു.
അപ്പോ ജെസ്സിയും ഫ്രണ്ട്സും എന്റെ റൂമിൽ നിന്നിറങ്ങി വാതിൽ അടച്ചിട്ട് അവരുടെ റൂമിലേക്ക് പോയി.
ഞാൻ ബാത്റൂമിൽ കേറി പല്ല് തേച്ച ശേഷം എന്റെ ഡ്രെസ്സെല്ലാം അഴിച്ചു വച്ചിട്ട് ബാത്റൂമിൽ ഉണ്ടായിരുന്ന ഹോട്ടൽ ടവൽ എടുത്തുടുത്തു. എന്നിട്ട് ബാത്റൂമിന് പുറത്ത് വന്നിട്ട് എന്റെ മുഷിഞ്ഞ ഡ്രെസ്സൊക്കെ എന്റെ ബാഗില് സെപ്പറേറ്റ് അറയിൽ വച്ചു. ശേഷം ബാഗില് നിന്ന് പുതിയ പാന്റും ടീ ഷര്ട്ടും, അടി ബനിയനും, ഷഡ്ഡിയും എടുത്തുകൊണ്ട് വീണ്ടും ബാത്റൂമിൽ കേറി. കുളിയും മറ്റും കഴിഞ്ഞ് പുറത്തിറങ്ങി.
റൂമിൽ ആരും ഇല്ലായിരുന്നു. പക്ഷേ മേശപ്പുറത്ത് എനിക്കുള്ള ബ്രേക്ക്ഫാസ്റ്റ് പാർസലും, അര ലിറ്ററിന്റെ ഒരു ഫ്ലാസ്ക്കും, പിടിയുള്ള ഒരു കുപ്പി ഗ്ളാസും, ഒരു ചെറിയ കുപ്പി വെള്ളവും വച്ചിരിക്കുന്നത് കണ്ടു. ആ ഫ്ലാസ്ക്കും ഗ്ലാസും എന്റെ വണ്ടിയുടെ അഡിഷണൽ കംപാർട്മെന്റിലുള്ള സ്റ്റോറേജ് ബോക്സിൽ നിന്നും എടുത്തതാണെന്ന് മനസ്സിലായി.
ഫ്ലാസ്കില് നല്ല സ്ട്രോംഗ് കോഫിയാണ് നിറച്ചിരുന്നത്. ഹോട്ടലിൽ നിന്നുള്ള കോഫിയാണെങ്കിലും, ജെസ്സി അതിലേക്ക് എന്റെ സ്പെഷ്യൽ ഹെര്ബല് പാക്ക് മിക്സ് ചെയ്തിരുന്നു.
‘താങ്ക്സ് ജെസ്സി മോളെ.’ മനസ്സിൽ അവള്ക്ക് നന്ദി പറഞ്ഞിട്ട് ഞാൻ ആദ്യം ഒരു ഗ്ളാസ് നിറയെ കോഫി ഒഴിച്ചു കുടിച്ചു. അപ്പോഴാണ് എനിക്ക് ഉന്മേഷം കിട്ടിയത്. എന്നിട്ട് ബ്രേക്ക്ഫാസ്റ്റ് കഴിച്ച ശേഷം ഫ്ലാസ്കില് ബാക്കിയുണ്ടായിരുന്ന കോഫിയും ഒഴിച്ചു കുടിച്ചു.
ബാത്റൂമിൽ കേറി ഗ്ലാസും ഫ്ലാസ്ക്കും കഴുകി പുറത്തിറങ്ങി എന്റെ മൊബൈൽ കൈയിലെടുത്ത സമയം ജെസ്സിയുടെ കോൾ വന്നായിരുന്നു.
“അച്ചാച്ചൻ കഴിച്ചായിരുന്നോ..?”ഞാൻ കോൾ എടുത്ത ഉടനെ ജെസ്സി ചോദിച്ചു.
“താങ്ക്സ് മോളെ. എല്ലാം ഞാൻ കഴിച്ചു. കോഫിയും കുടിച്ചു.”
“മ്മ്.” സന്തോഷത്തോടെ അവള് മൂളി.
“എല്ലാവരും എവിടെയാ..?” ഞാൻ ചോദിച്ചു.
“ചെക്കൗട്ട് ചെയ്തിട്ട് ഞങ്ങളെല്ലാവരും പുറത്ത് പാർക്കിംഗിൽ നമ്മുടെ വണ്ടിക്കടുത്തു വന്ന് നില്ക്കുകയാ, അച്ചാച്ചാ. പിന്നെ വണ്ടി കീയും ബാഗും അവിടെ തിരക്കണ്ട, എല്ലാം ഞാൻ എടുത്തായിരുന്നു.”
“ഓക്കെ മോളെ, ഒരു മിനിറ്റിൽ ഞാൻ അങ്ങോട്ട് വരാം.” പറഞ്ഞിട്ട് കോൾ കട്ടാക്കിയ ശേഷം ഞാന് റിസപ്ഷനിൽ പോയി ചെക്കൗട്ട് ചെയ്തു.