ഒടുവില് ഒരു ഹോട്ടലിൽ നിര്ത്തി ഉച്ചക്കുള്ള ഭക്ഷണവും കഴിച്ചിട്ട് വീണ്ടും യാത്ര തുടർന്നു. ഇത്തവണ ഞാനും അവരുടെ കൂടെ കഥ പറയാനും, പാട്ട് പാടാനുമൊക്കെ കൂടി. എന്റെ ബിസിനസ്സ് കുറിച്ചുള്ള അവരുടെയൊക്കെ ചില ചോദ്യങ്ങൾക്കും ഞാൻ മറുപടി കൊടുത്തു. ഷെഹിന ആന്റിയുടെ വേദന ഒളിപ്പിച്ചു കൊണ്ട് ആന്റിയും ഞങ്ങളുടെ കൂടെ കൂടി ശെരിക്കും എൻജോയ് ചെയ്യുന്നുണ്ടായിരുന്നു. ഇടക്കിടക്ക് ആരെങ്കിലുമൊക്കെ മയങ്ങുകയും ചെയ്യുന്നുണ്ടായിരുന്നു.
സമയം ശെരിക്കും പറന്നാണ് പോയത്. എന്റെ ക്ഷീണം പോലും ഞാൻ അറിഞ്ഞില്ല എന്നതാണ് സത്യം.
രാത്രി ഒരു മണിക്ക് ഡെല്ഹിയില് എനിക്ക് വില്ല അറേഞ്ച് ചെയ്തു തന്ന ബ്രോക്കറെ വിളിച്ച് ഞങ്ങൾ അവിടെ എത്തുന്ന കൃത്യ സമയം പറഞ്ഞപ്പോ പുള്ളി ആ സമയം അവിടെ ഉണ്ടാവുമെന്ന് പറഞ്ഞു.
ഒടുവില് രാത്രി 2:10 ന് ഡെല്ഹിയിൽ ആ വില്ല ഗെയിറ്റിന് മുന്നില് ഞങ്ങൾ എത്തിച്ചേർന്നു. വില്ല ഗെയിറ്റിന് സൈഡിലായി ബ്രോക്കറുടെ കാർ കിടപ്പുണ്ടായിരുന്നു.
പുള്ളി കാറിൽ നിന്നിറങ്ങി ഗെയിറ്റ് തുറന്നു തന്നതും ഞാൻ വണ്ടി അകത്തു കേറ്റി വില്ലക്ക് മുന്നില് കൊണ്ടു നിര്ത്തി.
“ഫോട്ടൊയിൽ കണ്ടതിനേക്കാളും വലിയ വില്ലയാണല്ലോ..!” ഷെഹിന ആന്റി തൃപ്തിയോടെ പറയുന്നത് കേട്ടു.
അടിപൊളി. “വലിയ ബംഗ്ലാവ് പോലെയുണ്ട്.” റിഥി അഭിപ്രായപ്പെട്ടു.
“വൗവ് വില്ലയും കൊള്ളാം പരിസരവും കൊള്ളാം. ഇവിടെ നാല് ബെഡ്റൂം ഉണ്ടെന്നല്ലേ ജിനുക്കാ പറഞ്ഞത്..?” ഹസ്ന ജെസ്സിയോട് പറയുന്നത് കേട്ടു.
“അതേടി. നാല് വലിയ റൂമെന്ന അച്ചാച്ചൻ പറഞ്ഞത്. എന്തു ഭംഗിയാ അല്ലെ, മാര്ബിള് കൊണ്ട് കെട്ടിയത് പോലെയുണ്ട്.” ജെസ്സി അവളോട് പറഞ്ഞു.
“ഈ വില്ല എനിക്കും ഇഷ്ട്ടപ്പെട്ടു.” സവിത ആന്റി എന്നോട് പറഞ്ഞു. ആന്റിയുടെ കണ്ണില് നല്ല തൃപ്തി ഉണ്ടായിരുന്നു.
എല്ലാവർക്കും വില്ല നന്നായി ഇഷ്ട്ടപ്പെട്ടെന്ന് അവരൊക്കെ പറയുന്നതിനു മുമ്പ് തന്നെ അവരുടെയൊക്കെ വിടര്ന്ന കണ്ണുകളിൽ നിന്നും സന്തോഷത്തില് നിന്നും എനിക്ക് മനസ്സിലായിരുന്നു.
സ്ത്രീകളും എല്ലാവരും എന്തൊക്കെയോ അടക്കി സംസാരിച്ച് കൊണ്ടാണ് പുറത്തിറങ്ങി. ഞാനും വണ്ടി ഓഫ് ചെയ്യാതെ പുറത്തിറങ്ങി നടുവ് നിവർത്തിയ ശേഷം എന്റെ കൈയും കാലും കുടഞ്ഞു.
അന്നേരം ആ ബ്രോക്കര് ധൃതിയില് എന്റെ അടുത്തേക്ക് വന്നിട്ട് എല്ലാവരെയും നോക്കി പുഞ്ചിരിച്ചു.
“ഇനിയെങ്കിലും ഈ ടെനൻസി എഗ്രിമെന്റ് സൈൻ ചെയ്യൂ സാർ.” അയാള് ഹിന്ദിയില് പറഞ്ഞിട്ട് ഡോക്യുമെന്റ്സ് എന്റെ നേര്ക്ക് നീട്ടി.
ഈ ഡോക്യുമെന്റ്സിന്റെ സോഫ്റ്റ് കോപ്പി എനിക്ക് ദിവസങ്ങള്ക്ക് മുമ്പേ വാട്സാപ്പിൽ അയച്ചു തന്നിരുന്നത് കൊണ്ട് എല്ലാ വിവരങ്ങളും ഞാൻ നേരത്തെ വായിച്ചു മനസ്സിലാക്കിയായിരുന്നു. ഓൺലൈൻ മുഖേനെ സൈൻ ചെയ്യാൻ കഴിയുമായിരുന്നെങ്കിലും ഞാൻ സൈൻ ചെയ്യാതെ കുറച്ച് അഡ്വാന്സ് പേമെന്റ് മാത്രമാണ് ചെയ്തിരുന്നത്. ബ്രോക്കർ ഫീസും പകുതി മാത്രമാണ് കൊടുത്തത്. ബാക്കി പേമെന്റും ബ്രോക്കർ ഫീസും നേരിട്ട് വന്ന് വില്ല കണ്ടതിനു ശേഷം കൊടുക്കാമെന്നാണ് ഞാൻ പറഞ്ഞത്. ആദ്യം ബ്രോക്കർ സമ്മതിച്ചില്ല. അപ്പൊ ഞാൻ വേറെ ബ്രോക്കറെ നോക്കി വേറെ വില്ല അറേഞ്ച് ചെയ്തോളാമെന്ന് പറഞ്ഞപ്പോ അയാള് സമ്മതിച്ചു.
“ആദ്യം ഈ വില്ല മുഴുവനും നേരിട്ട് കണ്ടു പരിശോധിച്ച ശേഷം ഞാൻ സൈൻ ചെയ്യാം.” അയാള് നീട്ടിയ ഡോക്യുമെന്റ്സ് സ്വീകരിച്ചു കൊണ്ട് ഞാനും ഹിന്ദിയില് പറഞ്ഞപ്പോ അയാള് വലുതായി പുഞ്ചിരിച്ചു.
“അപ്പോ എല്ലാം നോക്കി കണ്ടാലേ ഈ വില്ലയിൽ പ്രശ്നങ്ങൾ ഒന്നുമില്ലെന്ന് വിശ്വസിക്കു, അല്ലെ..?” അയാള് ഗൗരവത്തിൽ ചോദിച്ചു.
അപ്പോ ജെസ്സി അസ്വസ്ഥതയോടെ എന്റെ ഇടതു കൈയിൽ പിടിച്ചുകൊണ്ട് എന്നോട് ചേര്ന്നു നിന്നു. മറ്റുള്ളവരും എന്റെ അടുത്തു വന്ന് നിന്നു.