“ഓക്കെ, പോയിട്ട് വാ.” ആന്റി പറഞ്ഞു. ആന്റിയുടെ ശബ്ദത്തില് നിരാശ നിറഞ്ഞു നിന്നത് എനിക്ക് മനസ്സിലാക്കാൻ കഴിഞ്ഞു.
“പിന്നേ ആന്റി, ഈ തൈലം ആന്റിയുടെ ശരീരത്തെ റിലാക്സ് ചെയ്യിക്കും. അതുകൊണ്ട് ഉറക്കം വരാനും സാധ്യതയുണ്ട്, പക്ഷേ ആന്റി ഉറങ്ങരുത്. ഉറങ്ങിയാൽ തൈലത്തിന്റെ പ്രവര്ത്തനത്തിനും, തൈലം റിയാക്റ്റ് ചെയ്യേണ്ട വിധത്തിനും മാറ്റങ്ങൾ സംഭവിക്കും. അപ്പൊ പിന്നെ 3 മണിക്കൂറിന് പകരം 9 മണിക്കൂര് ആന്റിക്ക് ഇതുപോലെ കിടക്കേണ്ടി വരും.” ഞാൻ വാർൺ ചെയ്തു.
“ശെരി ജിനു, ഞാൻ ഉറങ്ങില്ല.” ആന്റി സമ്മതിച്ചു.
ഞാൻ പുഞ്ചിരിയോടെ തലയനക്കിയ ശേഷം ഞാൻ ആ റൂം വിട്ടിറങ്ങി. എന്നിട്ട് എന്റെ റൂമിൽ പോയി കൈ നന്നായി കഴുകിയ ശേഷം സവിത ആന്റിയുടെ റൂമിൽ പോയി.
ആന്റി അവിടെ കസേരയില് ഇരുന്നുകൊണ്ട് ആരോടോ ഫോണിൽ സംസാരിക്കുകയായിരുന്നു. ആന്റി എന്നോട് കസേര ചൂണ്ടിക്കാണിച്ചിട്ട് ഇരിക്കാനായി ആംഗ്യത്തിൽ പറഞ്ഞു. ഞാൻ ആന്റിക്ക് ഓപ്പോസിറ്റ് കിടന്ന കസേരയില് ഇരുന്ന ശേഷം ആന്റി സംസാരിക്കുന്നത് ശ്രദ്ധിച്ചു.
അപ്പോ ആന്റി അവരുടെ ഭർത്താവിനോട് സംസാരിക്കുന്നുവെന്ന് മനസ്സിലായി. ഇവിടെയുള്ള കാര്യങ്ങൾ എല്ലാം അപ്ഡേറ്റ് ചെയ്തിട്ട് ആന്റി കോൾ കട്ടാക്കി.
“നമുക്ക് തുടങ്ങിയാലോ..?” മൊബൈൽ മേശപ്പുറത്ത് വച്ചിട്ട് ആന്റി എന്നോട് ചോദിച്ചു. “അര മണിക്കൂര് മതി, അതുകഴിഞ്ഞ് നമുക്കുള്ള ഫുഡ് ഉണ്ടാക്കാൻ എനിക്ക് പോണം.”
“തുടങ്ങാം ആന്റി. അര മണിക്കൂറില് തന്നെ നിര്ത്തുകയും ചെയ്യാം.” പറഞ്ഞിട്ട് ഞാൻ എഴുനേറ്റ് കസേര ഒരു സൈഡിലേക്ക് മാറ്റിയിട്ടു. ആന്റിയും എഴുനേറ്റ് കസേര ഒതുക്കിയിട്ടു.
ഞാൻ ആന്റിക്ക് ചെയ്യേണ്ട എക്സർസൈസ് ഓരോന്നായി ചെയ്തു കാണിക്കുന്നത് അനുസരിച്ച് ആന്റിയും ചെയ്യാൻ ശ്രമിച്ചു.
എക്സർസൈസ് എല്ലാം വളരെ ബുദ്ധിമുട്ടിയാണ് ആന്റി ചെയ്തത്. തുടങ്ങി വെറും രണ്ടു മിനിറ്റ് ആയപ്പോഴേ ആന്റി ശെരിക്കും കിതയ്ക്കാൻ തുടങ്ങി. ശരീരം മുഴുവനും കുളിച്ചത് പോലെ വിയർത്തൊഴുകാനും തുടങ്ങി.
“ആന്റി, ഇന്ന് ഇപ്പോഴും വൈകിട്ടും നമുക്ക് ബ്രീദിങ് എക്സർസൈസും ചില യോഗയും മാത്രം ചെയ്യാം. നാളെ ഞാൻ കൂടുതൽ പറഞ്ഞു തരാം.”
“ഓക്കെ ജിനു. നിന്റെ ഇഷ്ട്ടം പോലെ മതി.” കിതപ്പടക്കാൻ ശ്രമിച്ചു കൊണ്ട് ആന്റി ബുദ്ധിമുട്ടി സംസാരിച്ചു.
അങ്ങനെ ഇരുപത് മിനിറ്റ് ആന്റിയെ കൊണ്ട് ബ്രീദിങ് എക്സർസൈസ് ഞാൻ ചെയ്യിച്ചു. എന്നിട്ട് യോഗ പറഞ്ഞു കൊടുക്കാൻ തുടങ്ങി. എല്ലാം വളരെ ബുദ്ധിമുട്ടിയാണ് ആന്റി ചെയ്തത്. അര മണിക്കൂര് എന്ന് പറഞ്ഞത് 35 മിനിറ്റ് നീണ്ടു നിന്നു. ആന്റി പരാതിയൊന്നും പറയാതെ ഞാൻ കാണിച്ചുകൊടുക്കുന്നത് പോലെ ചെയ്യാൻ ശ്രമിച്ചു.
“മതി ആന്റി, ഇനി വൈകിട്ട് ചെയ്യാം.” ഞാൻ ആന്റിയോട് പറഞ്ഞതും ആന്റി ആശ്വാസത്തോടെ ചിരിച്ചു.
“നിന്റെ സ്റ്റാമിന ഞാൻ സമ്മതിച്ചു. അര മണിക്കൂറിൽ കൂടുതൽ നി നിര്ത്താതെ എന്തൊക്കെയാ എനിക്ക് കാണിച്ചു തന്നത്, എന്നിട്ടും നിന്റെ ശ്വാസഗതി പോലും മാറിയില്ലല്ലോ..!!” കിതച്ചു കൊണ്ട് ആന്റി തലയാട്ടി.
“ആന്റിയുടെ സ്റ്റാമിനയും നമുക്ക് കൂട്ടം.” ചിരിച്ചുകൊണ്ട് ഞാൻ പറഞ്ഞു.
“ഓക്കെ, ഞാൻ പോയി കുളിച്ചിട്ട് ഫുഡുണ്ടാക്കാം.” ആന്റിയും ചിരിയോടെ പറഞ്ഞതും ഞാൻ ആ റൂം വിട്ട് പുറത്തേക്ക് വന്നു. എന്നിട്ട് നേരെ ഷെഹിന ആന്റിയുടെ റൂമിലോട്ട് പോയി.
ആന്റി കണ്ണുകളടച്ച് കിടക്കുന്നത് കണ്ടപ്പോ ആന്റി ഉറങ്ങിപ്പോയെന്ന് ഞാൻ വിചാരിച്ചു. ഇത് വലിയ പണിയാകുമെന്നും കരുതി. പക്ഷേ ഞാൻ റൂമിലോട്ട് നടന്നു കേറിയതിന്റെ ശബ്ദം കേട്ടതും ആന്റി കണ്ണുകൾ തുറന്ന് ഉന്മേഷത്തോടെ നോക്കി.
“എന്റെ ജിനു, ഇത് കുറച്ച് കടുത്ത പരീക്ഷണമായിപ്പോയി. ഉറങ്ങാതിരിക്കാൻ ശെരിക്കും പാടുപെട്ടു.” ഞാൻ റൂമിൽ ചെന്ന് കേറിയതും ആന്റി പരാതി പറഞ്ഞു. “ഉറങ്ങാനും കഴിയാതെ, സമയവും പോകാതെ ബോറടിച്ച് ഞാൻ ചത്തു. നീ പോകാതെ ഇവിടെ നിന്നിരുന്നെങ്കിൽ എന്തെങ്കിലും മിണ്ടിയും പറഞ്ഞും സമയം കളയാമായിരുന്നു.”