************************
JN യൂണിവേഴ്സിറ്റിക്ക് മുന്നില് നൂറുകണക്കിന് ആളുകളാണ് പല ചെറിയ ഗ്രൂപ്പുകളായി കൂടി നിന്നിരുന്നത്. JN യൂണിവേഴ്സിറ്റി ഗെയിറ്റിന് പുറത്ത് അറേഞ്ച് ചെയ്തിരുന്ന പാർക്കിംഗിൽ എന്റെ വണ്ടി കൊണ്ട് പാർക്ക് ചെയ്തു.
“അച്ചാച്ചാ, ദാ അതാണ് ഞങ്ങടെ ടീം.” മെയിൻ ഗേയിറ്റിൽ നിന്നും കുറച്ചു മാറി കൂടി നില്ക്കുന്ന ടീമിനെ ജെസ്സി ചൂണ്ടിക്കാണിചു.
അവിടെ സ്റ്റുഡന്റ്സും, സ്റ്റുഡന്റ്സിന്റെ റിലേറ്റീവ്സും, മൂന്ന് പ്രൊഫസർസും തമ്മില് സംസാരിച്ചു നില്ക്കുന്നതാണ് ഞാൻ കണ്ടത്. മൂന്ന് ലേഡി പ്രൊഫസർമാരും അങ്ങോട്ട് നോക്കി നില്ക്കുന്നത് കാരണം അവരുടെ മുഖം കാണാന് കഴിഞ്ഞില്ല. പക്ഷേ എങ്കിലും ഒരു ലേഡി പ്രൊഫസറുടെ പുറകുവശമാണ് കണ്ടതെങ്കിലും എനിക്കവരെ അറിയാമെന്ന് തോന്നി.
ജെസ്സിയും, റിഥിയും, ഹസ്നയും ഞങ്ങളെ ആ ടീമിന്റെ അടുത്തേക്ക് നയിച്ചു.
“അച്ചാച്ചാ, ഇവരാണ് സരസ്വതി മേം, ഞങ്ങളുടെ ടീം ഹെഡ്.” അപ്പോഴും അങ്ങോട്ട് നോക്കി ആരുമായോ സംസാരിച്ച് കൊണ്ടിരുന്ന അവളുടെ ടീം ഹെഡ്ഡിന്റെ അടുത്തേക്ക് കൂട്ടിക്കൊണ്ടു പോയിട്ട് ജെസ്സി എന്നോട് പറഞ്ഞു.
ഉടനെ സരസ്വതി മേഡം തിരിഞ്ഞ് ഞങ്ങളെ നോക്കി.
“ഹലോ ജെസ്സി, റിഥി, ഹസ്ന. നിങ്ങളെ ഞാൻ വെയിറ്റ് ചെയ്യുകയായിരുന്നു. ഇപ്പോഴാണ് നമ്മുടെ ഗ്രൂപ്പ് കംപ്ലീറ്റായത്.” മേഡം പുഞ്ചിരിയോടെ അവരോട് പറഞ്ഞിട്ട് എന്നെയും ഷെഹിന ആന്റിയും സവിത ആന്റിയേയും നോക്കി, “ഹലോ.” മേഡം ഞങ്ങളെ സ്വാഗതം ചെയ്യുന്നത് പോലെ തലയനക്കി.
“മേം, ഇതാണ് എന്റെ അച്ചാച്ചൻ. പേര്—”
“ജിനു…!!” അന്നേരം സരസ്വതി മേഡത്തിന്റെ അപ്പുറത്ത് അങ്ങോട്ട് തിരിഞ്ഞ് നില്ക്കുകയായിരുന്ന, നേരത്തെ കണ്ടപ്പോ എനിക്ക് സുപരിചിതമായി തോന്നിയിരുന്ന, ആ പ്രൊഫസർ ഇങ്ങോട്ട് തിരിഞ്ഞ് ആശ്ചര്യത്തോടെ എന്റെ പേര് ഉറക്കെ വിളിച്ചു.
അതോടെ ഞങ്ങളുടെ ഗ്രൂപ്പിൽ ഉണ്ടായിരുന്ന സകലരുടെ കണ്ണുകളും ആ മേഡത്തിന്റെ മുകളിലായി.
40 വയസ്സുള്ള അതിസുന്ദരിയായ സ്ത്രീയായിരുന്നു ആ പ്രൊഫസർ. അവർ സാരിയാണ് ഉടുത്തിരുന്നത്. തലയില് ഒരു സ്കാർഫ് കെട്ടിയിരുന്നു. അവർ ധൃതിയില് എന്റെ നേര്ക്ക് നടന്നുവന്നു.
“എയ്ഞ്ചല മേഡം..!!” എന്റെ മുന്നില് വന്നു നിന്ന ആ സ്ത്രീയെ നോക്കി ഞാൻ പുഞ്ചിരിച്ചു.
“അച്ചാച്ചന് ഞങ്ങടെ എയ്ഞ്ചല മേമിനെ അറിയാമോ..!!” ജെസ്സി ആശ്ചര്യത്തോടെ എന്നോട് ചോദിച്ചു. ഹസ്നയും റിഥിയും ആശ്ചര്യത്തോടെ എന്നെയും എയ്ഞ്ചല മേഡത്തേയും മാറിമാറി നോക്കി.
ഞങ്ങളുടെ ഗ്രൂപ്പില് ഉണ്ടായിരുന്ന മറ്റുള്ളവരും എന്നെയും എയ്ഞ്ചലാ മേഡത്തേയും കൗതുകത്തോടെ മാറിമാറി നോക്കി നിന്നു.
അന്നേരം എയ്ഞ്ചല മേഡം പുഞ്ചിരിച്ചു കൊണ്ട് രണ്ടു കൈ കൊണ്ടും എനിക്ക് ഷേക് ഹാന്ഡ് തന്നിട്ട് എന്റെ കൈ പൊതിഞ്ഞു പിടിച്ചു. എന്നിട്ട് മറ്റുള്ള രണ്ട് പ്രൊഫസർസിനേയും അവർ നോക്കി…,
“മുമ്പ് നിങ്ങളോട് ഞാൻ പറഞ്ഞിട്ടില്ലേ ഒരു ജിനുവിനെ കുറിച്ച്., ഇതാണ് ആ ജിനു.” എയ്ഞ്ചല മേഡം സന്തോഷത്തോടെ എന്നെ അവര്ക്ക് പരിചയപ്പെടുത്തി കൊടുത്തു. “പിന്നേ ജിനു, ഇതാണ് പ്രൊഫസർ സരസ്വതി. അത് പ്രൊഫസർ രാധിക. എന്റെ ഇന്റിമേറ്റ് ഫ്രണ്ട്സ് ആന്ഡ് കോളിഗ്സാണവർ.”
“ഹയ് മേഡം, ഹലോ മേഡം.” ഞാൻ ആ രണ്ട് പ്രൊഫസറേയും ബഹുമാനപൂർവ്വം നോക്കി പുഞ്ചിരിച്ചു.
ഞാനും എയ്ഞ്ചല മേഡവും തമ്മിലുള്ള ബന്ധം എന്താണെന്നറിയാതെ ജെസ്സിയും കൂട്ടുകാരികളും ചിന്താകുഴപ്പത്തോടെ എന്നെയും എയ്ഞ്ചല മേഡത്തേയും മാറിമാറി നോക്കി നിൽക്കുന്നുണ്ടായിരുന്നു.
“ജിനു..,!” എയ്ഞ്ചല മേഡം ചോദ്യ ഭാവത്തില് ഒരു പുരികമുയർത്തി. “ജെസ്സി നിന്നെ അവളുടെ അച്ചാച്ചനെന്ന് പറയുന്നത് കേട്ടല്ലോ..? നിങ്ങൾ കസിൻസാണോ..?” എന്റെ പൊതിഞ്ഞു പിടിച്ചിരുന്ന കൈ മോചിപ്പിച്ചു കൊണ്ട് എയ്ഞ്ചല മേഡം ചോദിച്ചു.