“ശെരിയാണ്, കണ്ടാലേ വിശ്വസിക്കു. ഇല്ലെങ്കില് നേരത്തെ ഈ വില്ലക്ക് ഡാമേജ് വല്ലതും സംഭവിച്ചിട്ടുണ്ടായിരുന്നെങ്കിൽ അതൊക്കെ എന്റെ തലയിൽ വരില്ലേ..?” തിരിച്ച് ഞാനും ഗൗരവത്തിൽ പറഞ്ഞു. അപ്പൊ അയാളുടെ ഗൗരവം മാറി പൊട്ടിച്ചിരിച്ചു.
അപ്പോഴാണ് ജെസ്സിയും മറ്റുള്ളവരുടേയും അസ്വസ്ഥത മാറിയത്.
“എന്നാൽ അങ്ങനെ തന്നെയാവട്ടെ. സാർ വരൂ, എല്ലാവരും വരൂ. നേരിട്ട് കണ്ട് ഡാമേജ് ഒന്നുമില്ലെന്ന് മനസ്സിലാക്കിക്കോളു. കൂടാതെ ഇത്രയും കുറഞ്ഞ റെന്റിന് എത്ര വിശാലമായ നാല് വലിയ ബെഡ്റൂമും, പിന്നെ എല്ലാ സൗകര്യങ്ങളും ഉണ്ടെന്ന് നേരിട്ട് കണ്ടോളു. തീര്ച്ചയായും നിങ്ങള്ക്ക് ഇഷ്ടപ്പെടും. നമ്മൾ നേരത്തെ അഗ്രി ചെയ്ത റെന്റ് പോലും കുറവായി പോയെന്ന് നിങ്ങള്ക്ക് പോലും മനസ്സിലാവും. അപ്പൊ സാറിന് പറഞ്ഞതിനേക്കാൾ കൂടുതൽ കമ്മിഷൻ എനിക്ക് തരാൻ മനസ്സുണ്ടാകും.” പുള്ളി ശെരിക്കും കഴിവുള്ള ബ്രോക്കറാണെന്ന് തെളിയിക്കുന്ന തരത്തിൽ പറഞ്ഞിട്ട് ഞങ്ങളെയും കൂട്ടി വില്ല മുഴുവനും ചുറ്റി കാണിക്കാൻ തുടങ്ങി.
അറ്റാച്ച്ഡ് ബാത്റൂമുള്ള നാല് വലിയ ബെഡ്റൂമും ഉണ്ടായിരുന്നു. ഓരോ റൂമിലും ഡബിൾ ബെഡഡാണ് ഇട്ടിരുന്നത്. മൂന്ന് പേര്ക്ക് സുഖമായി കിടക്കാന് കഴിയുമായിരുന്നു.
പിന്നേ വലിയ കിച്ചനും.. അതിനോട് ചേര്ന്ന് ഡൈനിംഗ് റൂമും, അത്യാവശ്യം സൗകര്യമുള്ള ഒരു ലിവിംഗ് റൂമും ഉള്ള വില്ലയായിരുന്നു. എല്ലാ റൂമിലും അത്യാവശ്യം വേണ്ട ഫർനിച്ചറുകളും ഉണ്ടായിരുന്നു. ശെരിക്കും പറഞ്ഞാൽ ഞങ്ങൾക്ക് വേണ്ട എല്ലാ സൗകര്യങ്ങളുമുള്ള വില്ലയാണ്. എല്ലാം കണ്ടിട്ട് എന്റെ കൂടെയുള്ള എല്ലാവരും ഹാപ്പിയായി അവരുടെയൊക്കെ അഭിപ്രായങ്ങള് പറഞ്ഞു.
ഒടുവില് ഞങ്ങൾ എല്ലാവരും ലിവിംഗ് റൂമിൽ വന്നു നിന്നു. അവിടെ വച്ച് ഞാൻ എഗ്രിമെന്റ് സൈൻ ചെയ്തിട്ട് വില്ല ഓണറുടെ അക്കൗണ്ടിൽ ബാക്കി പേമെന്റ് കൂടി ചെയ്തു കൊടുത്തു. എന്നിട്ട് ബ്രോക്കര്ക്കും അയാളുടെ ബാക്കി കമ്മിഷൻ ജിപേ ചെയ്തു കൊടുത്തു. കുറഞ്ഞ റെന്റിന് ഇത്ര നല്ല വില്ല സെറ്റാക്കി തന്നതിന് അയാള് ആഗ്രഹിച്ച പോലെ കൂടുതൽ ഫീസ് തന്നെയാണ് അയാള്ക്ക് ഞാൻ ജിപേ ചെയ്തു കൊടുത്തത്. അതോടെ താക്കോൽ അന്നിട്ട് അയാള് സന്തോഷത്തോടെ പോയി.
ഞങ്ങൾ എല്ലാവരും പുറത്തുപോയി ഞാൻ എന്റെ വണ്ടി ഓഫ് ചെയ്തിട്ട് എല്ലാവരും വണ്ടിയില് നിന്നും ഞങ്ങളുടെ ലഗേജ് എല്ലാം എടുത്തുകൊണ്ട് വന്നു.
“ശെരി, സമയം കളയാതെ നമുക്ക് ഉറങ്ങാം.” ഷെഹിന ആന്റി എല്ലാവരോടുമായി പറഞ്ഞു. എന്നിട്ട് എന്നെ നോക്കി. “ഇവിടെ നിന്നും യൂണിവേഴ്സിറ്റിക്ക് പോകാൻ എത്ര ദൂരമുണ്ട്..?” ആന്റി ചോദിച്ചു.
“നമ്മുടെ വണ്ടിയില് 18,20 മിനിറ്റ് മതിയാകും.”
“ഓക്കെ, അപ്പൊ രാവിലെ 6 മണിക്ക് എഴുനേറ്റ് നമുക്ക് പിള്ളാരുടെ യൂണിവേഴ്സിറ്റി കാര്യങ്ങളെ കുറിച്ച് ഡിസ്കസ് ചെയ്യാം. ഓക്കെയല്ലേ..?”
“എനിക്ക് ഓക്കെ.” ഞാൻ പറഞ്ഞു.
“ഞങ്ങൾക്കും ഓക്കെ.” മറ്റുള്ളവരും സമ്മതിച്ചു.
“അപ്പോ റൂം എങ്ങനെയാണ് നമ്മൾ എടുക്കുന്നത്..?” സവിത ആന്റി എന്നോട് ചോദിച്ചു.
“നിങ്ങളുടെ ഇഷ്ട്ടം പോലെ തീരുമാനിക്കാം.” ഞാൻ മറുപടി കൊടുത്തു.
“എനിക്കും, ജെസ്സിക്കും, റിഥിക്കും കൂടി ഒരു റൂം മതി. നിങ്ങൾ മൂന്ന് പേരും ഓരോ റൂം വീതം എടുത്തോളു. അങ്ങനെ പോരെ..?” ഹസ്ന അഭിപ്രായം പറഞ്ഞു.
“എനിക്ക് ഓക്കെ.” സവിത ആന്റി ഉടനെ സമ്മതിച്ചു.
“എനിക്കും സമ്മതം.” ഷെഹിന ആന്റിയും ഓക്കെ പറഞ്ഞു.
“അച്ചാച്ചൻ സുഖമായി ഒറ്റക്ക് ഒരു റൂമിൽ കിടന്നോ.” ജെസ്സി താൽപര്യമില്ലാതെ പറഞ്ഞു. “ഞങ്ങൾ മൂന്നുപേരും വണ്ടിയില് വച്ച് നല്ലോണം ഉറങ്ങിയത് കൊണ്ട് ഇപ്പൊ ഉറക്കം വരുന്നില്ല. പിന്നെ അച്ചാച്ചാ, ഞങ്ങടെ കംപ്ലീറ്റ് ടീം അംഗങ്ങളും ഒത്തുചേര്ന്ന് ടെക് ഫെസ്റ്റിൽ നാളെ ചെയ്യേണ്ട ചില കാര്യങ്ങളെ കുറിച്ച് വാട്സാപ്പിൽ ചെറിയൊരു ഡിസ്കഷൻ ചെയ്യാൻ ഞങ്ങടെ മേമ്മിന്റെ ഇൻവറ്റീഷൻ കിട്ടിയിട്ടുണ്ട്. 3:30 മുതൽ 4 മണി വരെയാണ്.”