“ഈ ടെക് ഫെസ്റ്റിന് വേണ്ടി നിങ്ങളുടെ യൂണിവേഴ്സിറ്റിയിൽ നിന്നും എത്ര സ്റ്റുഡന്റ്സാണ് പങ്കെടുക്കുന്നത്..?” കഴിക്കുന്നതിനിടയിൽ ഞാൻ ജെസ്സിയോട് ചോദിച്ചു.
“മൂന്ന് ഡിപ്പാര്ട്ട്മെന്റിൽ നിന്നായി മൊത്തം 24 സ്റ്റുഡന്റുണ്ട്, ജിനുവേട്ടാ.” റിഥിയാണ് മറുപടി തന്നത്.
“ഓരോ ഡിപ്പാര്ട്ട്മെന്റിൽ നിന്നും 8 പേർ വീതമാണ് സെലക്റ്റായത്, ജിനുക്കാ. അതുകൊണ്ട് മൂന്ന് ഗ്രൂപ്പുകളുണ്ട്. ഓരോ ഗ്രൂപ്പിനും ഓരോ ഹെഡ് വീതമുണ്ട്. അവർ മൂന്നുപേരും ലേഡി പ്രൊഫസർസാണ്. പിന്നെ ഞങ്ങൾ മൂന്നുപേരും ഒരേ ഡിപ്പാര്ട്ട്മെന്റായത് കൊണ്ട് ഞങ്ങൾ മൂന്നും ഒരേ ടീമാണ്.”
“ഓക്കെ നിങ്ങളുടെ യൂണിവേഴ്സിറ്റി അവര്ക്കായി വണ്ടിയൊന്നും അറേഞ്ച് ചെയ്തു കൊടുത്തില്ലേ..?” ഞാൻ ചോദിച്ചു.
“യൂണിവേഴ്സിറ്റി വകയായി ഒരു എസി ക്കോച്ച് ബസ് അറേഞ്ച് ചെയ്തിട്ടുണടായിരുന്നു, അച്ചാച്ചാ.” ജെസ്സി മറുപടി പറഞ്ഞു. “പക്ഷേ മൂന്ന് പ്രൊഫസർസും, 8 സ്റ്റുഡന്റ്സും, അവരുടെ ഓരോ റിലേറ്റീവ്സ് ഉള്പ്പെടെ മൊത്തം 19 പേരാണ് ആ വണ്ടിയില് വന്നത്. പിന്നെ, നമ്മൾ 18ന് അല്ലെ നാട്ടില് നിന്നും തിരിച്ചത്.., പക്ഷേ ആ ബസ് 15നേ നാട്ടില് നിന്നും തിരിച്ചായിരുന്നു. എന്നിട്ട് കഴിഞ്ഞ രാത്രി 9 മണിക്കാണ് യൂണിവേഴ്സിറ്റി അറേഞ്ച് ചെയ്തിരിക്കുന്ന ലോഡ്ജിൽ എത്തിയത്. വണ്ടി മാത്രമാണ് യൂണിവേഴ്സിറ്റി വക. കാശൊന്നും കൊടുക്കണ്ട. പക്ഷേ ലോഡ്ജും ഫുഡിനും അവരവർ തന്നെ ചിലവാക്കണം. എന്നാല് ആ മൂന്ന് പ്രൊഫസർസിന്റെ മാത്രം കംപ്ലീറ്റ് ചിലവും യൂണിവേഴ്സിറ്റി തന്നെ നോക്കിക്കോളും.”
“ഓക്കെ അവർ എവിടെയാണ് താമസിക്കുന്നത്..?” ഞാൻ ചോദിച്ചു.
“JN യൂണിവേഴ്സിറ്റിയിൽ നിന്നും അര മണിക്കൂര് അകലെയാണെന്നാണ് പറഞ്ഞത്. പക്ഷേ മറ്റുള്ളവരിൽ ചിലരൊക്കെ വെവ്വേറെ ഹോട്ടലുകളിലാണ്. പിന്നെ ചിലരൊക്കെ ഡെല്ഹിയിലുള്ള അവരുടെ റിലേറ്റീവ്സിന്റെ കൂടെയാണ് താമസിക്കുന്നത്.” റിഥി പറഞ്ഞു.
“ഓക്കെ, മനസ്സിലായി.” ഞാൻ മൂന്ന് പെണ്കുട്ടികളേയും നോക്കി പറഞ്ഞു. “ഇനി ഞാനും ഷെഹിന ആന്റിയും സവിത ആന്റിയും എങ്ങനെയാണ് നിങ്ങളെ സപ്പോര്ട്ട് ചെയ്യേണ്ടത്..?” ഞാൻ അവരോട് ചോദിച്ചു.
“എന്നും രാവിലെ കൃത്യം 7:30 ന് ഞങ്ങൾ മൂന്ന് പേരെയും JN യൂണിവേഴ്സിറ്റിക്ക് മുന്നില് എത്തിക്കണം.” ജെസ്സി എന്നെയും രണ്ട് ആന്റിമാരേയും മാറിമാറി നോക്കി സംസാരിച്ചു. “പിന്നേ രാവിലെ തൊട്ട് ഉച്ചക്ക് ഒരു മണി വരെ എല്ലാ കോളേജുകളിലും നിന്നുള്ള സ്റ്റുഡന്റ്സിനും പ്രൊഫസർസിനും മാത്രമേ പ്രവേശികാൻ കഴിയൂ, മറ്റുള്ളവര്ക്ക് പ്രവേശനമില്ലെന്ന് നിങ്ങള്ക്ക് അറിയാലോ..? ഉച്ചക്ക് 1:05 തൊട്ടാണ് ഞങ്ങളുടെ എക്സിബിഷൻ തുടങ്ങുന്നത്, അന്നേരം മുതലാണ് നിങ്ങളുടെ പ്രവേശന സമയം ആരംഭിക്കുന്നത്. അപ്പൊ അന്നേരം നിങ്ങൾ വന്നാല് മതി. വന്നിട്ട് എല്ലാ കോളേജും നടത്തുന്ന എല്ലാ എക്സിബിഷൻ കാണണം. എല്ലാം കണ്ടിട്ട് അവിടെ നിന്നും കിട്ടുന്ന ലിങ്ക് നിങ്ങളുടെ മൊബൈലില് ഓപ്പൺ ചെയ്ത് അഭിപ്രായം രേഖപ്പെടുത്തുന്ന ഫോം പൂരിപ്പിച്ച് സബ്മിറ്റ് ചെയ്യണം. വൈകിട്ട് 5:30 ന് നമുക്ക് ഒരുമിച്ച് തിരികെ വരണം. ഇതാണ് സംഭവം.” ജെസ്സി ഞങ്ങളോട് വിവരിച്ച് പറഞ്ഞു.
“മ്മ് ഓക്കെ. ഇപ്പൊ ഞങ്ങൾക്ക് മനസ്സിലായി.” സവിത ആന്റി പറഞ്ഞു. “പക്ഷേ സമയം ഇപ്പോഴേ 7:25 ആയല്ലോ.” ആശങ്കയോടെ ആന്റി ഞങ്ങൾ എല്ലാവരെയും നോക്കി.
“ഇന്ന് 8 മണിക്ക് അവിടെ എത്തിയാല് മതി, ആന്റി.” ഹസ്ന സവിത ആന്റിയോട് പറഞ്ഞു. “നാളെ മുത്താണ് 7:30 ന് എത്തേണ്ടത്.”
“ഓ.., അങ്ങനെയായിരുന്നോ..? അപ്പൊ സാരമില്ല.” ആന്റിക്ക് ആശ്വാസമായി.
ഒടുവില് ഞങ്ങൾ വേഗം കഴിച്ചിട്ട് എഴുന്നേറ്റു. ജെസ്സിയും, ഹസ്നയും, റിഥിയും അവര്ക്ക് വേണ്ടതൊക്കെ റെഡിയാക്കി വച്ചിരുന്ന ബാഗും ലാപ്ടോപ്പും എടുത്തുകൊണ്ട് വണ്ടിയില് ചെന്നു കേറി. ഷെഹിന ആന്റിയും പുറകില് കേറിയിരുന്നു. സവിത ആന്റിയും മുന്നില് കേറിയതോടെ ഞാൻ വണ്ടിയെടുത്തു.