“ഹാ പറ ആരാ ആൾ ” അവന് വല്ല്യ താൽപ്പര്യമില്ലാതെ ചോദിച്ചു.
“ഡോക്ടർ ഋഷി. അച്ചുവിന്റെ ഹോസ്പിറ്റലിൽ ഉള്ളതാ…. അവന്റെ കാലുരണ്ടും ഓടിച്ചിട്ട് അവന്റെ കയ്യുണ്ടല്ലോ……”
“നിക്ക് നിക്ക് നിക്ക്….” അവന് ഇടക്ക് കേറി.
“എന്താടാ “.
” അതെ എനിക്ക് അറിയാൻ മേലാഞ്ഞിട്ട് ചോദിക്കുവാ നിനക്ക് വല്ല അസുഖവുമുണ്ടോ…ഈ എല്ലാ ഡോക്ടർമാരെയും തല്ലാൻ… നേരത്തേ ഒരു എബിൻ ജോർജ് ഇപ്പൊതാ ഋഷി.. ഇനി അടുത്ത ദിവസം വേറെ ആരെങ്കിലുമായിരിക്കും. ദേ കിച്ചു.. മറ്റേവനെ തന്നെ തല്ലിയത് എങ്ങനാണെന്ന് എനിക്കെയറിയൂ.. അവന്റെ കയ്യുടെ ചിടുണ്ടല്ലോ ദേ ഇപ്പഴും എന്റെ മുഖത്തുണ്ട്… എന്റെ പല്ലിളകിപോയി.” റോഷൻ അപ്പുറത്തു നിന്ന് ദീർഘമായി ശ്വാസമെടുത്തു കൂടെ ദയനീയമായ ശബ്ദവും. എനിക്ക് അങ്ങട്ട് കലി കയറി.
“എടാ പട്ടി. രണ്ടുപേരെകൂടി കൂട്ടിയല്ലേടാ നീ പോയത്…. അതിന് നീ എന്റെ കയ്യിൽ നിന്ന് എത്രയാ എണ്ണിവാങ്ങിയതെന്ന് ഓർമയുണ്ടോ ….എന്നിട്ട് അടി കിട്ടിപോലും…”
” പട്ടി നീ തന്നത് വെറും ആയിരം ഉലുവ. തല്ലാൻ കൊണ്ടുപോയ ചെറ്റകൾക്ക് മന്തി, ഊര്ജത്തിന് ഗ്ലൂക്കൊസ്. പണ്ടാരക്കാലന്മാരാണേല് ഒടുക്കത്തെ തീറ്റിയും അങ്ങനെ തീര്ന്നത് രണ്ടായിരം. പിന്നെ അയാളെ ഹോസ്പിറ്റലില് കൊണ്ടുപോയത് വേറെ. ”
” നിനക്ക് അയാളെ തല്ലാൻ പറ്റോ ഇല്ലയോ……….ഇല്ലേൽ ഞാൻ ഒറ്റക്ക് പോകും ” അവന് വരില്ല എന്ന് തോന്നിയപ്പോൾ ഞാൻ പറഞ്ഞു.
” എന്നിട്ടെന്തിനാ…..നിനക്ക് എന്തെങ്കിലും പറ്റിയാൽ അതിനുള്ള ചീത്ത കൂടി ഞാൻ തന്നെ കേൾക്കണം അച്ചു ചേച്ചി എന്റെ പരിപ്പെടുക്കും.അതുകൊണ്ട് ഞാൻ അയാളെ തിരഞ്ഞോളാം ”
ഗതികെട്ടവനെ പോലെ റോഷൻ പറഞ്ഞപ്പോ എനിക്ക് ആശ്വാസമായി. അവന് പറഞ്ഞാൽ പറഞ്ഞത. പക്ഷെ കാര്യം അവന് അത് ഏറ്റടുക്കണേൽ കുറച്ചു പ്രയാസമാണ്.
“താങ്ക് യു ടാ ”
“വെച്ചിട്ട് പോടാ ” ഞാൻ ഫോൺ വെച്ചു.ഇപ്പൊ കുറച്ചാശ്വാസം അവന് ഇനി ഞെളിഞ്ഞു നടക്കരുത്. അവന്റ ഒരു ചുരുണ്ട മുടിയും കൊമ്പൻ മീശയും നീ അനുഭവിക്കെടാ…
ഞാൻ ഫ്ലാറ്റിൽ തിരിച്ചെത്തി അവരെല്ലാം പോയെന്ന് തോന്നുന്നു വല്ല്യ ബഹളമൊന്നും ഇല്ല. ദേവുവിനോട് എന്ത് പറയും!!! ഇറങ്ങി പോയതിന് എന്തിനാണെന്ന് ചോദിച്ചാൽ.. ഹ എന്തേലും പറയാം. ബെൽ അടിച്ചപ്പഴേ ഡോർ തുറന്നു. ദേവു ആയിരുന്നു എന്നെ കലിപ്പിച്ചൊന്ന് നോക്കിയിട്ട് അവൾ കിച്ച്നിലേക്ക് നടന്നു. ഞാൻ ആകത്തേക്ക് കേറിയപ്പോൾ അച്ചുവിന്റെ റൂമിൽ നിന്നും ഒച്ച കേൾക്കുന്നുണ്ട്. ഇനി ആ ഋഷി പോയില്ലേ ഞാൻ ഒന്ന് പാളി നോക്കിയപ്പോൾ അതാ ആ പട്ടി റിയേച്ചി . ഇവൾക്കൊന്നും വീട്ടിൽ പോണ്ടേ…..ശവം.!
പെട്ടന്ന് ഞാൻ ദേവുവിൻറെ അടുത്തേക്ക് നീങ്ങി…കിച്ച്നിൽ ക്ലീനിങ്ലായിരുന്നു. ഞാൻ അവളുടെ പുറകിൽ ചെന്ന് വയറിലൂടെ കൈ ചുറ്റി തല അവളുടെ തോളിൽ ചേർത്ത് എന്നിലേക്ക് അടുപ്പിച്ചു.
“ദേവൂട്ടി സോറി ” ഞാൻ അവളുടെ ചെവിയിലേക്ക് ചുണ്ട് കൂർപ്പിച്ചു പറഞ്ഞു.
“വിടടാ…. നീ എന്നോട് മിണ്ടണ്ട ” ഞാൻ പിടിച്ചത് ഇഷ്ടപെടാതെ അവൾ കുതറി. നേരെ തിരിഞ്ഞു എന്റെ മുഖത്തേക്ക് നോക്കി.ഞാൻപിടി വിട്ടില്ല. അവളെ തിരിച്ചു ആ സ്ലാബിന്റെ മുകളിലേക്ക് കയറ്റി ഇരുത്തി അവളുടെ കാലിന്റെ ഇടയിലേക്ക് ഞാൻ കേറി നിന്നു.
“ദേവൂട്ടി പിണങ്ങല്ലേ…..” തല വെട്ടിച്ച അവളെ പിടിച്ചു ഞാൻ ഒന്ന് കുലുക്കി.
” ദേവൂട്ടി….”ഞാൻ പിന്നെയും കുലുക്കി ചിണുങ്ങിയപ്പോ അവൾ ചെറിയ പുഞ്ചിരിയോടെ തല പൊക്കി.
“സുന്ദരി….” ഞാൻ അവളുടെ കവിളിലൊന്ന് നുള്ളി.
” പോടാ പട്ടി….” അവൾ എന്നെ കാലുകൾ കൊണ്ട് കൂട്ടി പിടിച്ചു.
“നീ എന്ത് പണിയ കാണിച്ചേ കിച്ചൂ ..അവർ എന്ത് വിചാരിച്ചു കാണും. നിനക്ക് അവർ വന്നത് ഇഷ്ടപെട്ടില്ല എന്ന് എനിക്ക് അറിയാം. എന്നാലും വീട്ടിലേക്ക് വന്നവരെ അപമാനിക്കുന്നത് പോലെയല്ലേ നീ പെരുമാറിയത്. അവരെ വിഷമിപ്പിക്കാതെ നിൽക്കാൻ നീ എന്നോട് തെറ്റി പോയതാണെന്ന ഞാൻ പറഞ്ഞത്…അവർ അതൊന്നും വിശ്വസിച്ചു കാണില്ല..അങ്ങനെയല്ലേ നീ വാതിൽ അടച്ചേ ” അവൾ ചെറിയ വിഷമത്തോടെ നെടുവീർറപ്പിട്ടു പറഞ്ഞപ്പോൾ എനിക്കും തോന്നി അങ്ങെനെ ഒന്നും ചെയ്യേണ്ടായിരുന്നെന്ന് ഋഷിയിടുള്ള ദേഷ്യം മറ്റുള്ളവരോടെയും കാണിക്കേണ്ട കാര്യം ഇല്ലായിരുന്നു.ദേവു എന്റെ മുഖത്തേക്ക് നോക്കി.അവൾ എന്റെ കോലൻ മുടി പിടിച്ചു അങ്ങട്ടും ഇങ്ങട്ടും ഒതുക്കി വെച്ചു.
“എടാ അച്ചുവിന് നല്ല വിഷമണ്ടട്ടോ..അവൾക്ക് കാലിന് കുഴപ്പം ഒന്നും ഇല്ലായിരുന്നെങ്കിൽ നിന്നെ ഇന്നവൾ കൊന്നേനെ ” ദേവു തമാശയോടെ പറഞ്ഞപ്പോൾ. എനിക്ക് കലി വന്നു. അവൾ കുറച്ച് വിഷമിക്കട്ടെ അവനോട് സംസാരിക്കാനും ,അവന് വരിക്കൊടുക്കുന്ന ചോറുതിന്നാനും അവൾക്ക് നല്ല ഉത്സാഹമല്ലേ.???