” റിയ കൊടുത്തിട്ടുണ്ട് പിന്നെ നിന്റെ വാതിൽ അടച്ചുള്ള പോക്ക് കണ്ട് കുറച്ചേ കഴിച്ചുള്ളൂ…. ”
എനിക്കാകെ വിഷമമായി ഇന്നത്തെ ദിവസം മൊത്തം പോക്കാ. വെറുതെ എടുത്ത് ചാടി ഓരോന്ന് ചെയ്ത് എല്ലാവരെയും വിഷമിപ്പിച്ചു. വേണ്ടിയില്ലായിരുന്നു.
“സോറി ദേവൂസേ ഇനി ഞാൻ വിഷമിപ്പിക്കില്ല പോരെ……. ” അവളെ മുഖം ഞാൻ കൈപ്പതിയിൽ കോരി എടുത്ത് കൊണ്ട് ആ കണ്ണിൽ നോക്കി ചോദിച്ചപ്പോ ദേവു എന്നെ കെട്ടിപ്പിടിച്ചു അവളിലേക്ക് ചേർത്തു.
“ഈ സ്നേഹം എന്നും ഉണ്ടാവോട കൊരങ്ങാ ” പുഞ്ചിരിയോടെ ദേവു ചോദിച്ചു. ഞാൻ ഉത്തരം നൽകാതെ അവളുടെ നെറ്റിയിൽ അമർത്തി ചുംബിച്ചു.
“അവിടെയല്ല ഇവിടെ ” നെറ്റിയിൽ നിന്ന് ചുണ്ടെടുത്തപ്പോ അവൾ അവളുടെ ചുവന്ന ചുണ്ടുകൾ തൊട്ടു കാണിച്ചു. ഞാൻ ഒന്ന് പരുങ്ങിയെങ്കിലും സമയം കളയാതെ എന്റെ ചൂണ്ടു വിരൽ അവളുടെ ചുണ്ടിന് മീതെ ക്രോസ്സ് ആയി വെച്ച് അതിന് മുകളിൽ ചുണ്ടുകളമർത്തി.
“പോടാ പട്ടി ഇപ്പൊ മനസ്സിലായി നിനക്ക് സ്നേഹമില്ലെന്ന്ന് ” അതിഷ്ടപെടാതെ ദേവു എന്നെ പുറകിലേക്കി ഉന്തി. ഞാൻ അവളുടെ വയറിന്റെ രണ്ടു സൈഡിലും പിടിച്ചു എന്റെ നേർക്ക് വലിച്ചടുപ്പിച്ചു. ഉമ്മ കൊടുക്കാൻ ഉദ്ദേശമില്ലായിരുന്നെങ്കിലും. അവളെ അങ്ങനെ കളിപ്പിക്കാൻ നല്ല രസം തോന്നി.
ഞാൻ തല കുറച്ചു ചെരിച്ചു എന്റെ ചുണ്ടുകൾ അവളുടെ ചുണ്ടിനു നേരെ കൊണ്ടുപോയപ്പോൾ ആ കണ്ണുകൾ അവൾ മുറുക്കിയടച്ചു.ആ ചുവന്ന ചുണ്ടുകൾ ചെറുതായി വിറക്കുന്നത് ഞാൻ കണ്ടു . ഉമ്മക്കിട്ടും എന്ന് വിചാരിച്ചു നിന്ന അവൾ എന്റെ നീക്കം ഒന്നും കാണാതെ കണ്ണുതുറന്നപ്പോൾ ചിരിച്ചു കൊണ്ടിരിക്കുന്ന എന്നെ കണ്ട് അവൾക്ക് കലി കേറി. എന്റെ തലയുടെ പിറകിൽ കൈവെച്ചു എന്നെ അവളുടെ ചുണ്ടിലേക്ക് കൊണ്ടു പോയപ്പോൾ അവളുടെ പ്രവർത്തിയിൽ ഞാൻ ഞെട്ടിപ്പോയി. എന്നാൽ അവളെ ഉമ്മ വെച്ചില്ല. നേരത്തെ ഞാൻ ചെയ്തതിനുള്ള പ്രതികാരം പോലെ അവൾ എന്നെ നോക്കി ഇളിച്ചു.
“പേടിച്ചല്ലേ ” അവൾ എന്നെ കളിയാക്കി. വിട്ടുകൊടുക്കാൻ ഞാൻ ഒരുക്കമല്ലായിരുന്നു. പെട്ടന്നു തന്നെ ഞാൻ അവളെ വലിച്ചു ആ ചുണ്ടിൽ ചെറിയ ഒരുമ്മ കൊടുത്തു. അവൾ അന്താളിച്ചു നിന്നു.
“ഇപ്പൊഴോ ” ഞാൻ തിരിച്ചു ഡയലോഗ് അടിച്ചു. അവൾ എന്റെ നേർക്ക് കൈ ഓങ്ങി പൊട്ടിച്ചിരിച്ചു.
അച്ചുവിന്റെറൂമിലേക്ക് പോകുമ്പോൾഞാൻ ദേവുവിനെയും കൂട്ടി.
ഞങ്ങൾ രണ്ടുപേരും കേറി ചെന്നപ്പോൾ എന്നെ കണ്ടു അച്ചു മുഖം വീർപ്പിച്ചു. അത് കണ്ട് ഞാൻ ദേവുവിന്റെ മുഖത്തേക്ക് ദയനീയതയോടെ നോക്കി.ദേവു ഞാൻ ശെരിയാക്കാം എന്ന് പറഞ്ഞു അച്ചുവിന്റെ അടുത്തേക്ക് നീങ്ങി.
“ഡീ….അച്ചു…” ദേവു അവളെ ചെന്ന് വിളിച്ചെങ്കിലും മസിലുവിടാതെ നിൽക്കുന്നത് കണ്ട് അവളുടെ ബെഡിലേക്ക് കേറി.
“മസിലു… വിടടീ……മഞ്ഞ തവളെ…. ” ദേവു അച്ചുവിന്റെ മെത്തേക്ക് കേറി വയറിൽ ഇക്കിളിയാക്കിയപ്പോൾ. മഞ്ഞത്തവളെ എന്നുള്ള വിളികേട്ട് ചിരിയടക്കാൻ കഴിയാതെ ഞാൻ അത് കണ്ടു നിന്നു.
“മഞ്ഞതവള നിന്റെ അമ്മൂമ്മ…..” കുതറി മാറിയ അച്ചു സൈഡിലിരുന്ന തലയണ അവളുടെ ഇടതുകൈകൊണ്ട് എടുത്ത് ദേവുവിന്റെ നേർക്ക് വീശിക്കൊണ്ട് ഒച്ചയിട്ടു. ചിരിക്കുന്ന എന്റെ നേർക്ക് നോക്കി ഉണ്ടാകണ്ണ് മിഴിചതോടെ. ഞാൻ ചിരി പെട്ടന്ന് നിർത്തി.
“ഓ അപ്പൊ തമ്പുരാട്ടി സംസാരിക്കുമല്ലേ….. എന്റെ അച്ചു മസിലുവിടടീ..” ദേവു അച്ചുവിനെ ചുറ്റി പിടിച്ചുകൊണ്ടു പറഞ്ഞു.
“അങ്ങട്ട് നോക്കിയേ ഈ കൊരങ്ങന്റെ മുഖമുള്ള ഇവനെ കണ്ടിട്ട് നിനക്കെങ്ങനെ മിണ്ടാതിരിക്കാൻ തോന്നുന്നെ ” അച്ചുവിന്റെ മുഖം ഉയർത്തി ദേവു അങ്ങനെ പറഞ്ഞപ്പോ. ഞാൻ ദേവുവിന്റെ മുഖത്തേക്ക് ദേഷ്യത്തോടെ നോക്കി. ദേവു കണ്ണടച്ചു കാട്ടിയപ്പോൾ അച്ചുവിന്റെ മുഖത്തു ഒരു ചെറിയ ചിരി മിന്നി മാഞ്ഞു.വിഷമം മാറ്റാൻ കുരങ്ങൻ എങ്കിൽ കുരങ്ങൻ.
“കിച്ചൂ ആ പ്ലേറ്റ് അവിടെ വെച്ചിട്ട് വാ…” ദേവു എന്നെ അടുത്തേക്ക് വിളിച്ചപ്പോ ഞാൻ അച്ചുവിനെ നോക്കികൊണ്ട് അങ്ങോട്ടേക്ക് നടന്നു കയ്യിലെ അച്ചുവിനുള്ള ബിരിയാണി ഞാൻ സൈഡിലെ ഡെസ്കിൽ വെച്ചു അവർക്ക് നേരെ തിരിഞ്ഞു.
“ഇവിടെ ഇരിക്ക് ” പ്രശനപരിഹാരം കാണുന്ന ഇടനിലക്കാരനെ പോലെ ദേവു എന്നെ അച്ചുവിന്റെ അടുത്തിരുത്തി.
“ഡീ പറഞ്ഞപോലെ ദാ നിന്റെ കയ്യിൽ കൊണ്ടു തന്നിട്ടുണ്ട് ഇനി നീ എന്താണ് വെച്ചാൽ ചെയ്തോ. ” ദേവു നിസാരമായി പറഞ്ഞു നിർത്തിയതും ഞാൻ അന്തം വിട്ടു രണ്ടു പേരെയും നോക്കി. ദേവു എന്നെ കുടുക്കിയതാണ്. ഇതിനിടയിലും ചതിയോ…. ദേവൂ….. ഞാൻ മനസ്സില് വിളിച്ചു.
സ്ലോ മോഷനിൽ ഞാൻ തലചെരിച്ചു ദേവുവിനെ നോക്കിയപ്പോൾ ചുണ്ട് ഉള്ളിലേക്ക് മടക്കി അവൾ പതിയെ ചിരിച്ചു.
“ഞാൻ ഒന്ന് കുളിച്ചു വരാം രണ്ടു അപ്പോഴേക്കും രണ്ടും പിണക്കം ഒക്കെ മാറ്റി നിൽക്കണം കേട്ടോ ” ദേവു എന്റെ മുഖത്തേക്കായിരുന്നു നോക്കിയിരുന്നത്. ഞാൻ സിംഹകൂട്ടിൽ പെട്ട മാൻകുട്ടിയെ പോലെ നിന്നു.ദേവു പുറത്തേക്കിറങ്ങിയതും. ഞാൻ അച്ചുവിനെ നോക്കി. മുഖത്തു ഇപ്പഴും ദേഷ്യമുണ്ട്
“അച്ചൂ…..” ഞാൻ പതിയെ വിളിച്ചതും അച്ചു കൈ ഉയർത്തി നിർത്താൻ പറഞ്ഞു.
ദേവു അവൾടെ റൂമിൽ കയറി വാതിൽ അടക്കുന്ന സൗണ്ട് കേട്ടതും. അച്ചു