‘എന്റെ അർജുൻ അങ്ങനെ ഒക്കെ ഉണ്ടായി. പക്ഷെ അവൻ എന്നെ തൊട്ടിട്ടില്ല. ഞാൻ സത്യത്തിൽ അവനെ പറ്റിക്കാൻ വേണ്ടി കൂട്ട് കൂടിയതാണ്..’
‘മതി ലച്ചു.. ഇനി നീ ഓരോ കഥകൾ പറയണ്ട. നിങ്ങൾ പഴയ പോലെ സെറ്റ് ആയെങ്കിൽ അത് നിനക്ക് എന്നോട് പറഞ്ഞു കൂടെ. ഞാൻ നിന്റെ ഇഷ്ടത്തിന് എതിരായി നിൽക്കും എന്ന് നീ കരുതിയോ..?
‘എടാ എനിക്ക് അവനോട് ഇഷ്ടം ഒന്നുമില്ല. നിന്നെ മറന്നു ഞാൻ അവന്റെ പിറകെ പോയതും അല്ല.. പ്ലീസ് നീ ഒന്ന് മനസിലാക്ക്..’
അവളുടെ കണ്ണുകൾ നിറഞ്ഞൊഴുകൻ തുടങ്ങി
‘നീ കരയാതെ. അതിന് മാത്രം ഒന്നും ഞാൻ പറഞ്ഞില്ലല്ലോ. എനിക്ക് ഇനി ഈ വിഷയം സംസാരിക്കാൻ താല്പര്യം ഇല്ല. നമുക്ക് ഇത് വിടാം..’
ഞാൻ വിടാമെന്ന് ഉദ്ദേശിച്ചത് ഈ വിഷയം ആണോ അതോ ഈ ബന്ധം ആണോ എന്ന് ലച്ചുവിന് സംശയം തോന്നി. അവൾ കണ്ണീർ തുടച്ചു കൊണ്ട് അതെന്നോട് ചോദിച്ചു
‘നീ വിടാം എന്ന് ഉദ്ദേശിച്ചത് എന്താ. ഞാനുമായി ഉള്ളതാണോ..?
‘ഹാ.. എന്നായാലും നമ്മൾ നിർത്താൻ എന്ന് ഉദ്ദേശിച്ചു തുടങ്ങിയത് അല്ലേ. ഇപ്പൊ നിർത്തുന്നത് ആകും നമുക്ക് രണ്ട് പേർക്കും നല്ലത്..’
ഞാൻ വളരെ കോൾഡ് ആയി അത് പറഞ്ഞു
‘അതിനിപ്പോ എന്താടാ സംഭവിച്ചത്. ഞാൻ പറഞ്ഞില്ലേ എനിക്ക് അവനോട് ഒന്നും ഇല്ലെന്ന്. അവൻ എന്നേ പിന്നെ തൊട്ട് പോലുമില്ല. ഞാൻ അതിന് സമ്മതിച്ചിട്ട് കൂടിയില്ല..’
ലച്ചുവിന്റെ കണ്ണിൽ നിന്നും വീണ്ടും കണ്ണീർ ഒഴുകാൻ തുടങ്ങി
‘എന്തെങ്കിലും സംഭവിച്ചു എന്നത് കൊണ്ടല്ല. എനിക്കിപ്പോ നിർത്താൻ തോന്നി. അതോണ്ട് നിർത്താം..’
‘അങ്ങനെ ഒരു വാക്കിൽ നിർത്താൻ പറഞ്ഞാൽ നിർത്താൻ ഉള്ളതെ ഉള്ളോടാ നമുക്ക് ഇടയിൽ..?
അവളെന്റെ കണ്ണിൽ നോക്കി ചോദിച്ചു
‘നമുക്കിടയിൽ ഫിസിക്കൽ ആയുള്ളത് നിർത്താം എന്നാണ് ഞാൻ പറഞ്ഞത്.. നമുക്ക് ഫ്രണ്ട്ഷിപ് പഴയ പോലെ കീപ് ചെയ്യാം..’
‘എനിക്ക് വേണ്ടി ബുദ്ധിമുട്ടി നീ അത് കീപ് ചെയ്യണം എന്നില്ലടാ..’
അവൾ ദേഷ്യവും സങ്കടവും കലർന്ന സ്വരത്തിൽ പറഞ്ഞു
‘ലച്ചു… നീയാണ് ഇത് തുടങ്ങിയപ്പോൾ നമുക്ക് ഇടയിൽ വേറെ അറ്റാച്ച്മെന്റ് ഒന്നും വേണ്ട എന്ന് പറഞ്ഞത്..’
‘ശരി.. ഞാൻ നിർത്താം.. അതല്ലേ നിനക്ക് വേണ്ടത്. എന്നിട്ട് നിനക്ക് ഇഷ്ടം ഉള്ള ആളുടെ കൂടെ പോകാമല്ലോ..’
‘ഞാൻ അല്ല പറയാതെ വേറെ ആളായി കറങ്ങാൻ പോയത്. നീയാണ്..’
‘ഓക്കേ. ഞാനാണ്. അത് കേൾക്കാൻ പോലും നിനക്ക് മനസില്ല. നീ അന്ന് ഇഷാനി ആയി രാവിലെ പോകാൻ തുടങ്ങിയത് ഞാൻ അവിടെ വന്നത് കൊണ്ടല്ലേ അറിഞ്ഞത്. അല്ലെങ്കിൽ ഞാൻ അറിയുമായിരുന്നോ..?
‘അതും ഇതും എങ്ങനെ ഒരുപോലെ ആകും. ഇഷാനി എന്റെ ഫ്രണ്ട് ആണ്. നവനീത് നിന്റെ എക്സും.’
‘ഇഷാനി നിന്റെ ഫ്രണ്ട് മാത്രം ആണെന്ന് പറയല്ലേ മോനെ.. എന്റെ മുഖത്ത് നോക്കി നീ അത് പറയരുത്. നിനക്ക് വേറെ എത്ര ഫ്രണ്ട്സ് ഉണ്ട്. പക്ഷെ നീ ഡിപി ഇട്ടത് അവളുടെ കൂടെ ഉള്ളത് മാത്രം.. ഞാനും അത്ര മണ്ടി ഒന്നുമല്ല..’
ഓണഘോഷത്തിന് ഞങ്ങൾ ഒരുമിച്ച് എടുത്ത പിക് ഞാൻ ഡിപി ആക്കി ഇട്ടിരുന്നു. അത് ഇഷാനിയോട് എനിക്കുള്ള പ്രത്യേക താല്പര്യം കൊണ്ട് മാത്രം ആയിരുന്നില്ല. അതിടുമ്പോ ലച്ചുവിന്റെ കുരു പൊട്ടും എന്ന് കൂടി കൊണ്ടാണ്. പക്ഷെ ഇങ്ങനെ ഒരു അവസരത്തിൽ ആയിരിക്കും ആ കുരു പൊട്ടുന്നത് എന്ന് ഞാൻ വിചാരിച്ചില്ല.
‘അവളുടെ കൂടെയുള്ള ഡിപി ഇട്ടത് കൊണ്ട് ഞാനും അവളും തമ്മിൽ വേറെ ബന്ധം ഉണ്ട്. ഹോ സമ്മതിച്ചു നിന്നെ..’
‘നീ എന്റെ മുഖത്ത് നോക്കി പറ നിനക്ക് അവളോട് ഒന്നും ഇല്ലായിരുന്നു എന്ന്. അവളുടെ കല്യാണം ഉറപ്പിച്ചില്ലായിരുന്നു എങ്കിൽ നമ്മൾ ഒരിക്കലും സെറ്റ് ആവില്ലായിരുന്നു. അവൾക്ക് ആണെങ്കിലും നിന്നെ വേണോ മറ്റേ ചെക്കനെ വേണോ എന്ന കൺഫ്യൂഷൻ ആണ് ഇപ്പോളും.. ഇങ്ങനെ ഒന്നും ഇല്ലെന്ന് നിനക്ക് പറയാമോ..?
ആ നിമിഷം അത് വരെ ഞാൻ പറഞ്ഞു നിന്ന ന്യായങ്ങൾ ഒന്നും എന്നെ തുണയ്ക്കുന്നില്ല എന്ന് ഞാൻ തിരിച്ചറിഞ്ഞു. ലച്ചുവിനോട് തിരിച്ചു എന്തെങ്കിലും പറയാൻ ഞാൻ ശ്രമിച്ചു. പക്ഷേ ഒന്നും മനസ്സിൽ വന്നില്ല. അവൾ പറഞ്ഞതൊക്കെ സത്യം ആണ്. ഞാൻ അതെങ്ങനെ അവളുടെ മുഖത്ത് നോക്കി നിഷേധിക്കും…
‘കൊള്ളാം.. നീ തെറ്റ് ചെയ്തിട്ട് ഇപ്പൊ എന്നെ തെറ്റുകാരൻ ആക്കുന്നു..’
അത്രയുമേ ഞാൻ പറഞ്ഞുള്ളു
‘ഞാൻ തന്നെ ആട തെറ്റുകാരി. ഞാൻ മാത്രം. ഞാൻ പിഴ ആണ്.. അത് കൊണ്ട് നമുക്ക് എല്ലാം ഇവിടെ കൊണ്ട് അവസാനിപ്പിക്കാം.. എല്ലാം നിന്റെ ഇഷ്ടം പോലെ നടക്കട്ടെ..’
കരഞ്ഞാണ് ലക്ഷ്മി അവിടെ നിന്നും പോയത്. കള്ളക്കരച്ചിൽ ആയിരിക്കും എന്ന് തോനിയെങ്കിലും എന്തോ അവളുടെ കരച്ചിൽ കണ്ടപ്പോ എനിക്ക് വല്ലാതെ വിഷമം വന്നു. എന്തായാലും എല്ലാം ഇവിടം കൊണ്ട് അവസാനിച്ചല്ലോ..
കാര്യം ഞങ്ങൾ തമ്മിൽ പ്രേമം ഒന്നും ഇല്ലായിരുന്നു എങ്കിലും എന്നെ അവൾ പറ്റിച്ചത് എനിക്ക് നല്ല വിഷമം ഉണ്ടാക്കിയിരുന്നു. കോളേജ് തന്നെ ഞാൻ രണ്ട് ദിവസം കട്ട് ചെയ്തു. ആഷിക്കിനോടും രാഹുലിനോടും പനി ആണെന്ന് കള്ളം പറഞ്ഞു വീട്ടിൽ ഇരുന്നു. രണ്ട് ദിവസം വീട്ടിൽ ഇരുന്നു ചടച്ചപ്പോൾ ജിമ്മിൽ പോകാമെന്നു വച്ചു. അവിടെ ചെന്നപ്പോളും മനസിലെ പിരിമുറുക്കം പോയിരുന്നില്ല. വെയിറ്റ് എടുക്കുന്നതിനു ഇടയിൽ അശ്രദ്ധ കൊണ്ടാണോ എന്നറിയില്ല.. കാലൊന്ന് സ്ലിപ് ആയി. എന്തോ ഭാഗ്യത്തിന് പുറകിൽ ഒരു പയ്യൻ ഉണ്ടായിരുന്നത് കൊണ്ട് അപകടം ഉണ്ടായില്ല. അവൻ വെയിറ്റ് താങ്ങി. പക്ഷെ എല്ലാവരും അത് ശ്രദ്ധിച്ചു. അപ്പൊ ഉണ്ടായിരുന്ന മടുപ്പ് ഇരട്ടി ആയി. വർക്ക്‌ ഔട്ട്‌ മതിയാക്കി ഞാൻ ഡ്രസിങ് റൂമിൽ പോയിരുന്നു. അവിടെ വേറാരും ഉണ്ടായിരുന്നില്ല.. ഞാൻ ടവൽ കൊണ്ട് വിയർപ്പ് ഒപ്പുമ്പോൾ ആണ് പദ്മ വാതിലിന് മുന്നിൽ വന്നത്. എന്നോട് ചോദിക്കാതെ തന്നെ അവൾ വന്നു എന്റെ അടുത്തിരുന്നു. അവൾ എപ്പോ വന്നു എന്ന് ഞാൻ ശ്രദ്ധിച്ചിരുന്നില്ല. ആക്‌സിഡന്റ് ഉണ്ടാകാൻ പോയത് അവൾ കണ്ടു കാണണം. അതാണ് ഇപ്പൊ ഇവിടെ വന്നു എന്റെ അടുത്തിരിക്കുന്നത്.. ഞാൻ ചിന്തിച്ചു
‘എന്ത് പറ്റി മൈൻഡ് ഇവിടെ ഒന്നും അല്ലായിരുന്നോ..?
പദ്മ എന്റെ കയ്യിൽ പിടിച്ചു കൊണ്ട് പറഞ്ഞു.. അവളും നന്നായി വിയർത്തിരുന്നു.. വർക്ക്‌ ഔട്ട്‌ ചെയ്യുമ്പോ ആകും ഇപ്പോളത്തെ സംഭവം കണ്ടത്
‘അതല്ല.. വെയിറ്റ് കയ്യിൽ നിന്നില്ല..’
ഞാൻ മനസ്സിൽ പ്രശ്നം ഒന്നും ഇല്ലാത്തത് പോലെ പറഞ്ഞു
‘നിന്നെ കണ്ടാൽ തന്നെ അറിയാം ഓക്കേ അല്ലെന്ന്. നീ ആദ്യം മൈൻഡ് ഓക്കേ ആക്കു..’
പദ്മ എന്റെ കയ്യിൽ മുറുക്കെ പിടിച്ചു കൊണ്ട് പറഞ്ഞു
