ഞാൻ അവൾ പറയുന്നത് കേട്ട് ഒന്നും മിണ്ടാതെ അവളെ തന്നെ നോക്കിയിരുന്നു. എന്ത് പറയണം എന്ന് എനിക്ക് അറിയില്ലായിരുന്നു
‘എനിക്കറിയാം ഞാൻ പറയുന്നത് കള്ളം ആണെന്ന് നീ കരുതുന്നുണ്ടാവും. എന്റേൽ ഇപ്പൊ അല്ലെന്ന് തെളിയിക്കാൻ തെളിവ് ഒന്നുമില്ല. എന്നെ വിശ്വാസം ഉണ്ടേൽ നീ വിശ്വസിച്ചാൽ മതി. ഇപ്പൊ അവൻ ഇവിടെ വരാൻ ചാൻസ് ഉണ്ട്. ഞാൻ ഒരാളുടെ ഒപ്പം ഇരിക്കുന്നു എന്ന് അവന് ന്യൂസ് ചെന്നിട്ടുണ്ട്..’
‘എങ്ങനെ..?
ഞാൻ ചോദിച്ചു
‘ഇത് ഞാൻ തന്നെ പ്ലാൻ ചെയ്തതാണ്. അവനിപ്പോ വരും നമ്മളെ രണ്ടിനെയും കാണും. ഞാൻ ചീറ്റ് ചെയ്തു എന്ന് അവൻ കരുതും. എനിക്ക് അത്രയേ വേണ്ടിയിരുന്നുള്ളു.. നിനക്ക് എന്നോട് കുറച്ചു എങ്കിലും സ്നേഹം ഉണ്ടേൽ അവൻ വരുന്ന വരെ എന്റെ കൂടെ ഇരിക്കുമോ..?
അവളുടെ ആ ചോദ്യത്തിന് മറുപടി നൽകാൻ എനിക്ക് കഴിഞ്ഞില്ല. അവൾ പറഞ്ഞ കഥ എന്റെ നെഞ്ചിൽ ഒരു കല്ലെടുത്തു വച്ച പോലെ ഉണ്ടായിരുന്നു. അത് അവൾ ഉണ്ടാക്കിയ കഥ അല്ലെന്ന് എനിക്ക് മനസിലായി. ഇപ്പൊ ഞാനാണ് തെറ്റുകാരൻ.. ഞാൻ മാത്രം…
ഞാൻ അവളുടെ കൈകളിൽ മെല്ലെ ചേർത്ത് പിടിച്ചു. ഞാൻ ഒപ്പമുണ്ട് എന്ന് അവൾക്ക് മനസിലായിരിക്കണം. അവൾ വീണ്ടും എന്റെ തോളിലേക്ക് ചാഞ്ഞു
‘എന്റെ പൊന്ന് ലച്ചു.. നിനക്ക് ഇതൊക്കെ ഒന്ന് വാ തുറന്നു പറഞ്ഞൂടായിരുന്നോ..?
ഞാൻ അവളുടെ മുഖത്ത് നോക്കാതെ ചോദിച്ചു
‘സോറി ഡാ എന്റെ മിസ്റ്റേക്ക് ആണ്. ഞാൻ അന്ന് അത് സമാധാനത്തിൽ പറഞ്ഞാൽ മതിയായിരുന്നു. നീ എന്തോ പറഞ്ഞപ്പോ എനിക്കും ദേഷ്യം വന്നു. സോറി.. സോറി…’
അവളെന്റെ കയ്യിൽ മുറുക്കെ പിടിച്ചു കൊണ്ട് പറഞ്ഞു. ഞങ്ങൾ പിന്നീട് ഒന്നും സംസാരിച്ചില്ല. കൈകോർത്തു ഇരിക്കുന്ന ഞങ്ങൾക്ക് ഇടയിലേക്ക് അധികം താമസിക്കാതെ ലച്ചുവിന്റെ എക്സ് നവനീത് കടന്ന് വന്നു. അവന്റെ മുഖം വിളറി വെളുത്തിരുന്നു. അവനെ കണ്ടപ്പോൾ ലച്ചു പെട്ടന്ന് പേടിച്ചത് പോലെ എന്റെ കൈ വിട്ടു എന്നിൽ നിന്നും കുറച്ചു മാറി ഇരുന്നു. അതവളുടെ ആക്ടിങ് ആണെന്ന് മനസിലാക്കാൻ എനിക്ക് കുറച്ചു സെക്കന്റ് വേണ്ടി വന്നു
‘ഇതാണോടി നിന്റെ പുതിയ സെറ്റപ്പ്..’
വന്ന ഉടനെ രോഷം കൊണ്ട് അവൻ ലച്ചുവിന് നേരെ തട്ടി കയറി. ഞാൻ അപ്പോൾ ഒന്നും പ്രതികരിച്ചില്ല. ലച്ചു കുറച്ചു പാനിക്ക് ആയത് പോലെ അഭിനയിക്കുന്നുണ്ടായിരുന്നു.
‘നവനീത് നമുക്ക് സംസാരിക്കാം. ഞാൻ നിന്നോട് പറയാം.. പ്ലീസ് സീൻ ഉണ്ടാക്കരുത്..’
കുറച്ചു ഒറിജിനാലിറ്റി കിട്ടാൻ ലച്ചു വളരെ സ്വാഭാവികം ആയി അഭിനയിച്ചു. അന്ന് സെയിൽസ് ഗേൾ പ്ലോട്ട് ചെയ്തപ്പോൾ ഓവർ ആക്കിയ ഇവൾ തന്നെ ആണോ ഇപ്പൊ വളരെ നാച്ചുറൽ ആയി അഭിനയിക്കുന്നത് എന്ന് ഞാൻ ചുമ്മ ഓർത്തു
‘ഒരു പിന്നെയും ഇല്ലടി.. നിന്റെ ഒറിജിനൽ ക്യാരറക്ടർ ഇപ്പൊ മനസിലായടി..’
അവൻ വീണ്ടും ലച്ചുവിന് നേർക്ക് വന്നു ആക്രോശിച്ചു കൊണ്ടിരുന്നു. അവൻ ഓവർ ആയി സൗണ്ട് ഉണ്ടാക്കാൻ തുടങ്ങിയപ്പോൾ ഞാൻ അവർക്കിടയിലേക്ക് കയറി. അല്ലായിരുന്നു എങ്കിൽ അവൻ ഒരുപക്ഷെ ലച്ചുവിനെ കൈ വക്കും എന്ന് എനിക്ക് തോന്നിയിരുന്നു..
‘മാറി നിക്കടാ മൈരേ..’
അവൻ എന്റെ കോളറിൽ പിടിച്ചു തള്ളി കൊണ്ട് പറഞ്ഞു. അവൻ എന്നെ തൊട്ടപ്പോൾ ലച്ചു പെട്ടന്ന് എന്റെ അടുത്ത് വന്നു എന്റെ കോളറിൽ നേരെയാക്കി എന്നെയും കൊണ്ട് അവിടുന്ന് പോകാൻ ശ്രമിച്ചു..
‘ അർജു വാ പോകാം..’
‘നീ എങ്ങോട്ടാടി ഓടുന്നെ നിന്റെ മറ്റവനെയും കൊണ്ട്..?
നവനീത് പിന്നെയും എന്റെ നേർക്ക് വന്നപ്പോൾ ലച്ചു അവന് മുന്നിലേക്ക് കേറി നിന്നു
‘അവന്റെ ദേഹത്ത് തൊട്ട് പോകരുത്..?
ലച്ചു വിരൽ ചൂണ്ടി കൊണ്ട് പറഞ്ഞു.
‘ഓ നിനക്കാണോ നൊന്തത്.. നാണം ഇല്ലാത്തവളെ..’
‘നീ വലിയ മാന്യൻ കളിക്കാതെ.. നീ പണ്ട് എന്നോട് കാണിച്ചത് ഞാനും മറന്നിട്ടില്ല..’
‘നീ അത് പറഞ്ഞു ഇപ്പൊ സ്കൂട്ട് ആകാതെടീ.. അന്ന് എന്തായിരുന്നു നിന്റെ ഷോ..? ഇപ്പൊ നിന്നെ കയ്യോടെ പിടിച്ചപ്പോൾ എവിടെ പോയെടി നിന്റെ ഷോ ഓഫ് കൂത്തിച്ചി..’
നവനീത് വീണ്ടും ലച്ചുവിന് നേരെ അടുത്തപ്പോൾ എനിക്കീ ഡ്രാമ അവസാനിപ്പിക്കാൻ ആയെന്ന് തോന്നി. അവൾക്ക് നേരെ വന്ന അവനെ ഞാൻ തടഞ്ഞു നിർത്തി. എന്നെ വീണ്ടും തള്ളി മാറ്റാൻ അവൻ ശ്രമിച്ചെങ്കിലും ബലം പിടിച്ചു നിന്നത് കൊണ്ട് ഞാൻ അനങ്ങിയില്ല. തിരിച്ചൊരു തള്ളിൽ നില തെറ്റി അവൻ വീഴുകയും ചെയ്തു. ഊതിയാൽ പറക്കുന്ന ശരീരം ഉള്ള ഇവനെ ശരിക്കൊന്ന് കൊങ്ങക്ക് പിടിക്കാൻ പോലുമില്ല. താഴെ വീണപ്പോൾ ഇനി ഒരുപാട് കയറി കളിച്ചാൽ അടി വീഴും എന്ന് മനസിലാക്കി അവൻ ഡിസ്റ്റൻസ് ഇട്ടാണ് പിന്നെ സംസാരിച്ചത്..
‘നിന്നെ ഞാൻ കാണിച്ചു തരാമെഡി.. ചെവിയിൽ നുള്ളിക്കോ നീ…’
അവൻ എന്തോ ശപഥം പോലെ അവളെ വെല്ലുവിളിച്ചു
‘നീ കൊറേ ഊമ്പും.. പോടാ മൈരേ..’
അവന്റെ കനത്ത വെല്ലുവിളിയെ വളരെ നിസാരമായി പോയി ഊമ്പിനെടാ എന്ന് പറഞ്ഞു കൊണ്ട് അവൾ തകർത്തു കളഞ്ഞു. മൊത്തത്തിൽ പതറി പോയ ആ പയ്യൻ പിന്നെയും അവളെ എന്തൊക്കെയോ മോശം പറഞ്ഞു കൊണ്ടിരുന്നു. ലച്ചു എന്റെ കയ്യിൽ ചേർത്ത് പിടിച്ചു അവന്റെ മുന്നിൽ നിന്നു. കൂടുതൽ ആളുകൾ ഞങ്ങളുടെ സംഭവവികാസങ്ങൾ ശ്രദ്ധിച്ചു തുടങ്ങിയപ്പോൾ അവൻ പതിയെ പിൻവലിഞ്ഞു. ഞങ്ങൾ അപ്പോളും അത് പോലെ കൈ കോർത്തു തന്നെ നിന്നു.
‘ഹോ… എന്തൊരാശ്വാസം…! നെഞ്ചിൽ നിന്ന് ഒരു കല്ല് എടുത്തു കളഞ്ഞത് പോലെ.. ഇങ്ങനെ ഒരു റിവെഞ്ചു ഇവനോട് എടുക്കാൻ പറ്റുമെന്ന് ഞാൻ ഒട്ടും കരുതിയില്ല..’
ലച്ചു എന്നെ ചേർത്ത് പിടിച്ചു കൊണ്ട് പറഞ്ഞു. ഞാൻ പക്ഷെ അതിന് മറുപടി ആയൊന്നും പറഞ്ഞില്ല. ചേർത്ത് പിടിച്ചിരുന്ന എന്റെ കൈകൾ ഞാൻ അയച്ചു. എന്റെ കൈകൾ അയഞ്ഞപ്പോൾ ലച്ചു എന്റെ മുഖത്തേക്ക് നോക്കി. എന്റെ മുഖത്ത് നോക്കിയപ്പോൾ തന്നെ അവൾക്ക് കാര്യം മനസിലായി. അവളുടെ കൈകൾ എന്നിൽ നിന്ന് ഊർന്നു മാറുന്നത് വേദനയോടെ ഞാൻ തിരിച്ചറിഞ്ഞു..
‘ഓ.. സോറി.. നിന്നെ ബുദ്ധിമുട്ടിച്ചതിനു.. ആൻഡ് താങ്ക്സ്..’
അവളത് പറഞ്ഞപ്പോൾ കണ്ണ് നിറഞ്ഞിരിക്കണം. ആ കണ്ണിലേക്കു നോക്കാൻ എനിക്ക് ധൈര്യം വന്നില്ല. നവനീത് നോട് പ്രതികാരം ചെയ്യാൻ മാത്രം കൂട്ട് നിന്നതാണ് ഞാൻ. അതിൽ കൂടുതൽ ഒന്നും എന്നിൽ നിന്ന് പ്രതീക്ഷിക്കണ്ട.. നമ്മൾ പഴയത് പോലെ ആകില്ല.. ഇങ്ങനെ ഒന്നും അവളുടെ മുഖത്ത് നോക്കി പറയാൻ എനിക്ക് ധൈര്യം വന്നില്ല.. എന്നാൽ അവളുടെ മുഖത്ത് നോക്കാതെ ചേർത്ത് പിടിച്ച കൈ ഞാൻ വിട്ടപ്പോൾ അവളത് മനസിലാക്കി. വേദനയോടെ ആണെങ്കിലും അവൾ എന്നോടിപ്പോൾ പറഞ്ഞത് ഒരു ഗുഡ് ബൈ ആണ്. ഞങ്ങൾ രണ്ട് പേരും തിരിഞ്ഞു നോക്കാതെ എതിർ ദിശയിലേക്ക് നടന്നു..