‘എനിക്ക് ഒരു പ്രശ്നവും ഇല്ലെന്ന് പറഞ്ഞില്ലേ..’
‘അവളോട് ദേഷ്യം ഉള്ളത് കൊണ്ട് ഇപ്പൊ എന്നോടും ദേഷ്യം ആണോ..? ഞാൻ പോണോ ഇവിടുന്ന്..?
പദ്മ എന്നോട് ചോദിച്ചു.. അവളോട് എനിക്ക് എന്ത് ദേഷ്യം.. ഞാൻ ഇല്ല എന്ന് തലയാട്ടി
‘അവൾ അങ്ങനെ ചെയ്തു എന്ന് എനിക്ക് വിശ്വസിക്കാൻ പറ്റുന്നില്ല. അങ്ങനെ ഒന്നും ആയിരുന്നില്ല അവൾ..’
പദ്മ വിഷമത്തോടെ പറഞ്ഞു
‘ഞങ്ങൾ തമ്മിൽ പ്രേമം ഒന്നും ഉണ്ടായിരുന്നില്ല.. നിന്റെ അനിയത്തി ആയി എനിക്ക് വെറും ഫിസിക്കൽ റിലേഷൻ മാത്രം ഉണ്ടായിരുന്നുള്ളു.. അത് കൊണ്ട് തന്നെ അവൾ പോയത് എനിക്ക് ഒരു വിഷമവും ഇല്ല..’
പദ്മയോട് എടുത്തടിച്ചത് പോലെ ഞാൻ പറഞ്ഞു. അവളുടെ മുഖം എന്തോ പോലെ ആയി. ഞാൻ പെട്ടന്ന് എഴുന്നേറ്റു വെളിയിലേക്ക് പോയി. പിന്നെ ഞാൻ വർക്ക്‌ ഔട്ട്‌ ചെയ്യാനും നിന്നില്ല. ജിമ്മിന് താഴെ ഗ്രൗണ്ട് ഫ്ലോറിൽ ആണ് വണ്ടികൾ പാർക്ക്‌ ചെയ്യുന്നത്. ഞാൻ ബൈക്കിൽ കയറി കുറച്ചു നേരം ഇരുന്നു. പദ്മയോട് അങ്ങനെ പറയണമായിരുന്നോ..ലച്ചുവിനെ അവളുടെ മുന്നിൽ മോശം ആക്കണമെന്ന ഉദ്ദേശത്തിൽ പറഞ്ഞതല്ല.. അവൾ പോയതിൽ എനിക്ക് വിഷമം ഒന്നുമില്ല എന്ന് അറിയിക്കാൻ വേണ്ടി മാത്രം പറഞ്ഞതാണ്.. അത് തന്നെ ആലോചിച്ചു ഇരുന്നപ്പോൾ ആണ് പദ്മ അവിടേക്ക് വന്നത്. അവൾ വർക്ക്‌ ഔട്ട്‌ കഴിഞ്ഞു തിരിച്ചു പോകാൻ തുടങ്ങുവായിരുന്നു. കാറിന് അടുത്ത് എത്തിയപ്പോൾ ആണ് എന്നെ കണ്ടത്. ഞാൻ ചൂടാകുമെന്ന് കരുതി അവൾ കാറിനടുത്തു നിന്ന് എന്നെ നോക്കി. കുറച്ചു മുമ്പേ പറഞ്ഞതിൽ ഒരു വ്യക്തത വരുത്തണം എന്ന് തോന്നിയത് കൊണ്ട് ഞാൻ പദ്മയുടെ കാറിന് അരികിലേക് നടന്നു..
‘ഞാൻ അപ്പൊ അങ്ങനെ പറഞ്ഞത് എന്തോ ദേഷ്യത്തിൽ ആയിരുന്നു.. ഞങ്ങൾ തമ്മിൽ പ്രേമത്തിൽ അല്ലായിരുന്നു എന്നത് സത്യം ആണ്. പക്ഷെ ഞാൻ പറഞ്ഞത് ഒരു മോശം അർഥത്തിൽ ആയി പോയി.. അങ്ങനെ ഒരു റിലേഷൻ ആയിരുന്നില്ല ഞങ്ങൾക്ക് ഇടയിൽ..’
‘ഓക്കേ.. ദാറ്റ്‌സ് ഫൈൻ.. ഫ്രണ്ട്സ് വിത്ത്‌ ബെനിഫിറ്റ്സ് ഒക്കെ ഞാനും ചെയ്തിട്ടുള്ളതാ. അതോണ്ട് ഞാൻ അതൊരു ബാഡ് മീനിങ്ൽ എടുത്തില്ല..’
പദ്മ പറഞ്ഞു
‘ഞങ്ങൾക്ക് ഇടയിൽ ഒരു നിസാര വഴക്കെ ഉണ്ടായിരുന്നുള്ളു.. ഒരുപക്ഷെ എനിക്ക് അത് അഫകറ്റ് ആയത് പോലെ ആവില്ല അവൾക്ക് ആയത്. അപ്പൊ അവൻ അപ്രോച് ചെയ്തപ്പോ അവൾ മനസ് മാറ്റിയതാകും..’
ലച്ചുവിന്റെ ഭാഗത്തു കൂടെ നിന്ന് ഞാൻ സംസാരിച്ചു. അവളുടെ ചേച്ചിയുടെ മുന്നിൽ അവളെ മോശക്കാരി ആക്കാൻ ഞാൻ ഒരിക്കലും ഉദ്ദേശിച്ചിരുന്നില്ല..
‘ ഐ നോ.. ഇറ്റ് ഹാപ്പെൻഡ്സ്.. എന്തായാലും ആ ചാപ്റ്റർ എൻഡ് അയില്ലേ..’
പദ്മ എന്നെ സമാധാനിപ്പിക്കാൻ ശ്രമിച്ചു
‘ഇങ്ങനെ അവസാനിച്ചത് ആണ് ഒരു വിഷമം..’
അറിയാതെ വിഷമം ഉണ്ടെന്ന് എന്റെ വായിൽ നിന്ന് വീണു പോയി
‘ഹേയ്.. ദാറ്റ്‌സ് ഓക്കേ..’
പദ്മ എന്റെ അടുത്തേക്ക് വന്നു എന്നെ ഹഗ് ചെയ്തു. എന്റെ ചുമലിൽ തട്ടി എല്ലാം ഓക്കേ ആകും എന്നും പറഞ്ഞു. അനിയത്തിയുടെ എക്സ് എന്ന ബന്ധം വച്ചോ അല്ലെങ്കിൽ ഇവിടെ വച്ചുള്ള ഞങ്ങളുടെ ചെറിയ പരിചയം വച്ചോ ഒക്കെ ആവണം പെട്ടന്നൊരു ഹഗ് പദ്മയിൽ നിന്നും കിട്ടിയത്. ഞാനത് ഒരു മോശം അർഥത്തിൽ എടുത്തില്ല. എന്നാൽ അവളുടെ ഒരു കൈ എന്റെ ഇടുപ്പിൽ കൂടി മെല്ലെ ചുറ്റിയപ്പോൾ അതൊരു ആശ്വസിപ്പിക്കലിന്റെ ഹഗ് ആയിരുന്നോ എന്നെനിക്ക് സംശയം തോന്നി..
കുറച്ചു സെക്കന്റ്കൾക്ക് ഉള്ളിൽ തന്നെ ഹഗിൽ നിന്നും ഞങ്ങൾ വേർപ്പെട്ടു പരസ്പരം നോക്കി. മുമ്പ് എന്നെ നോക്കിയിരുന്ന നോട്ടം അല്ല പദ്മയുടേത് ഇപ്പോൾ. ഞാൻ സംശയിച്ചത് തന്നെ ആയിരുന്നു അവളുടെ ഉള്ളിലും. രണ്ട് നിമിഷം എന്റെ കണ്ണിൽ തന്നെ നോക്കി നിന്നിട്ട് അവളെന്റെ തല അടുപ്പിച്ചു പിടിച്ചു എനിക്കൊരു ഉമ്മ തന്നു. ഒരു നിമിഷം എന്റെ കിളി പാറി പോയി.. എന്താണ് ഇപ്പൊ സംഭവിച്ചത്..
പദ്മയുടെ ചുണ്ടുകൾ എന്റെ ചുണ്ടിലേക്ക് ആഴ്ന്നിറങ്ങി.. അവളുടെ ദേഹം എന്നിലേക്ക് ചേർന്നു. അല്പം വിയർത്തായിരുന്നു അവളുടെ ശരീരം. മുഖം വാഷ് ചെയ്തിട്ടും അവളുടെ ചുണ്ടിൽ നിന്നും ഉപ്പ് രസം എനിക്ക് കിട്ടി. പദ്മ എന്റെ ചുണ്ടുകളെ നുണയാൻ തുടങ്ങിയപ്പോൾ ഞാൻ അവളെ എന്നിൽ നിന്ന് അകറ്റി പിന്നിലേക്ക് മാറി
‘എന്താ.. അൺഎക്സ്പെക്റ്റഡ് ആയത് കൊണ്ട് പേടിച്ചു പോയോ..?
പദ്മ ഒരു കള്ളച്ചിരിയോടെ എന്നോട് ചോദിച്ചു
‘നീ ഇപ്പൊ എന്താ ചെയ്തേ…?
ഒന്നും മനസിലാകാതെ ഞാൻ ചോദിച്ചു
‘നിന്റെ ഫേസ് കണ്ടപ്പോൾ വിഷമം തോന്നി. അപ്പോൾ ഒരു ഹഗ് തന്നു. പിന്നെ ഒരു കിസ്സ് തരാൻ തോന്നി.. അപ്പോ കിസ്സ് തന്നു. എന്തേ..?
പദ്മ വളരെ കൂൾ ആയി അതെന്നോട് പറഞ്ഞു
‘ആരെങ്കിലും കണ്ടിരുന്നു എങ്കിലോ..?
ഞാൻ ചോദിച്ചു
‘അപ്പൊ ആരെങ്കിലും കണ്ടാലേ നിനക്ക് പ്രശ്നമുള്ളൂ..?
പദ്മ ഒരു ചിരിയോടെ ചോദിച്ചു
‘അല്ല. അല്ലാതെ തന്നെ പ്രശ്നം ആണ്. നീ എന്ത് പറഞ്ഞാലും ലച്ചുവിന്റെ സിസ്റ്റർ ആണ്.. എനിക്ക് ഇത് ശരിയായി തോന്നുന്നില്ല..’
‘എന്റെ സിസ്റ്റർനെ നീ പ്രേമിച്ചത് ഒന്നും അല്ലല്ലോ. അതും ജസ്റ്റ്‌ ഫൺ മാത്രം അല്ലായിരുന്നോ.. പിന്നെ എന്ത്..?
‘എനിക്ക് പക്ഷെ നിന്നെ അങ്ങനെ കാണാൻ കഴിയില്ല..’
‘അങ്ങനെ എങ്കിൽ ഓക്കേ. ഇപ്പൊ നടന്നത് മറന്നേക്ക്.. അവൾ നിന്നെ ചീറ്റ് ചെയ്തിട്ടും നിനക്ക് അവളെ ചീറ്റ് ചെയ്യാൻ വയ്യാ അല്ലേ..’
പദ്മ ഒരു കളിയാക്കി ചിരിയോടെ എന്നോട് ചോദിച്ചു കൊണ്ട് കാറിന്റെ ഡോർ ഓപ്പൺ ആക്കി. അവൾ കാറോടിച്ചു കടന്നു പോയിട്ടും ഞാൻ ആ നിന്ന നിൽപ്പ് തുടർന്നു. പദ്മ പെട്ടന്ന് എന്നോട് അങ്ങനെ പെരുമാറും എന്ന് ഞാൻ കരുതിയതേ ഇല്ല. ലച്ചു ഓപ്പൺ ആയി പറഞ്ഞിട്ടില്ല എങ്കിലും പദ്മ നല്ലൊരു പ്ലേ ഗേൾ ആയിരുന്നു എന്ന് എനിക്ക് മനസിലായിട്ടുണ്ട്. ഫിലിം ഫീൽഡിൽ തന്നെ അവൾക്ക് ഒരുപാട് ഡേറ്റ്സ് ഉണ്ടായിട്ടുണ്ട്. പക്ഷെ അനിയത്തി ആയി ഒരു റിലേഷൻ ഉണ്ടായിട്ടും അവളെന്നോട് ഇങ്ങനെ പെരുമാറിയത് എനിക്ക് ഉൾക്കൊള്ളാൻ കഴിഞ്ഞില്ല..
ഞാൻ വെറുതെ സോഷ്യൽ മീഡിയയിൽ ലച്ചുവിനെ സ്റ്റോക്ക് ചെയ്തപ്പോ അവളുടെ ഫോള്ളോ ലിസ്റ്റിൽ നവനീത് ഇപ്പോളും ഉണ്ട് എന്ന് മനസിലായി. മനസ്സിൽ എവിടെയോ അവൾ തെറ്റ് ചെയ്തിട്ടില്ല എന്നെനിക്ക് ചെറിയൊരു വിശ്വാസം ഉണ്ടായിരുന്നു. പക്ഷെ അവനായി ഒന്നുമില്ല, അവനെ വേണ്ട എന്ന് എന്റെ മുഖത്ത് നോക്കി പറഞ്ഞ അവൾ ഇപ്പോളും അവനെ ഫോള്ളോ ചെയ്യുന്നത് എന്തിനാണ് എന്ന് മനസിലായില്ല. പെണ്ണിന് പല മുഖങ്ങൾ ആണ്. അതൊരിക്കലും നമുക്ക് മനസിലാക്കാൻ കഴിയില്ല. ഞാൻ നന്നായി ഇടപഴകിയവർ എല്ലാം എന്നോട് അത് പോലെ പെരുമാറാഞ്ഞത് ഓർത്തപ്പോ ഉള്ളിൽ ഒരു തരം ഫ്രസ്ട്രേഷൻ അടിച്ചു കയറാൻ തുടങ്ങി. വീട്ടിൽ വൈകുന്നേരം ഇരുന്ന് മദ്യം അണ്ണാക്ക് വഴി കമിഴ്ത്തുന്നതിന് ഇടയിൽ ഞാൻ അതിനെ പറ്റി കൂടുതൽ ചിന്തിച്ചു
