ചിലപ്പോ ഒരാൾ അല്ലെങ്കിലോ…
അവളെ നോക്കി
എല്ലാരും ചെയ്യുന്നതാണെങ്കിലോ…
ഒരു ക്രൈം എല്ലാരും ചെയ്യുന്ന രീതിയിൽ ചെയ്താൽ അത് കണ്ടുപിടിക്കാൻ എളുപ്പമായേനെ… ഇത് ഒരാളുടെ ബുദ്ധിയിൽ ഉദിച്ചതാണ് അതുകൊണ്ടാണ് അവർക്കിതു കണ്ടുപിടിക്കാൻ കഴിയാതെ പോയത്… ഒരാൾ എങ്ങനെ ഒന്നിലധികം സ്ഥലങ്ങളിൽ ഇത് അപ്ലൈ ചെയ്യുന്നു എന്നാണ് മനസിലാവാത്തത്…
സീ ഫുഡ് ഇമ്പോർട്ടിങ്ങിൽ ഇതുവരെ കണക്ക് പ്രകാരം നമുക്ക് നഷ്ടം ഒന്നുമില്ല അപ്പൊ കളവ് ആണെങ്കിൽ തന്നെ ഇത്ര ടെൻഷൻ ആവാൻ മാത്രമുണ്ടോ…
മ്മ്… ഇവിടെ നമ്മളറിയാതെ ദിവസവും മാർകറ്റിൽ എത്തുന്ന ഐറ്റം നമ്മുടെ കണക്കിൽ ഏറ്റവും ചുരുങ്ങിയത് ഏകദേശം ഇരുപതിനായിരം റിയാലിന് മേലേയാണ്… അതായത് മാസം ആറ്ലക്ഷം റിയാൽ വർഷത്തേക്ക് എഴുപത്തിമൂന്നുലക്ഷം റിയാലാണ്… അവരുടെ ലാഭം കമ്പനിയുടെ നഷ്ടമാണ്…
നൂറ എന്നെ തന്നെ നോക്കി
എന്നാലും ഇത്രയും ഒക്കെ…
നീ അത് വിട്ടേക്ക്… വെറുതെ ആലോചിച് ടെൻഷനാവണ്ട… ആരോടും പറയാനും നിൽക്കണ്ട… ഇത് ആരെന്നു കണ്ടുപിടിച്ചു ഇതുവരെ കട്ടു തിന്നത് മുഴുവൻ ഞാൻ അവനെക്കൊണ്ട് തുപ്പിക്കും…
വീട്ടിലെത്തി ഫ്രഷായി സൂക്കിലേക്കിറങ്ങി സിഗരറ്റും ചായയുമായി ബെഞ്ചിലിരിക്കെ ശിഹാബും സെയിതും അങ്ങോട്ട് വന്നു
സൈത് : നീ വന്നെന്ന് പറയുന്നത് കേട്ടതല്ലാതെ ഒന്ന് കാണാൻ കിട്ടിയില്ലല്ലോ…
തിരക്കായി പോയെടാ… ഇപ്പൊത്തന്നെ പണിയൊന്നും കഴിഞ്ഞിട്ടില്ല…
ശിഹാബ് : നല്ല മരിച്ചു പണിയെടുക്കുന്നുണ്ടല്ലോ…
പിന്നെ വാങ്ങുന്ന ശമ്പളത്തിന് ജോലി ചെയ്യണ്ടേ മോനേ നിങ്ങളെപ്പോലെ വെറുതെയിരുന്നു ശമ്പളം വാങ്ങാൻ പറ്റില്ലല്ലോ…
ശിഹാബ് : ഒന്നും കൊണ്ടുവന്നില്ലേ വരുമ്പോ…
ഇല്ലടാ… ഞാൻ കുറച്ചുദിവസം മുൻപ് വരണ്ടതായിരുന്നു ഇടയിൽ പ്ലാൻ ചെറുതായൊന്നു ചേഞ്ച് ആയി…
ശിഹാബ് : അല്ല മൈരേ… അതിന് നിനക്കിത്തിരി ബീഫെങ്കിലും കൊണ്ടുവരരുതായിരുന്നോ…
സയിദ് : പഴുത്ത ചക്ക എങ്കിലും കൊണ്ടുവരരുതായിരുന്നോ പൂറാ…
രണ്ടും കൂടെ ഭരണിപാട്ട് തുടങ്ങണ്ട എന്തൊക്കെയാ വേണ്ടതെന്നു പറഞ്ഞാൽമതി പരിഹാരമുണ്ടാക്കാം… നാട്ടിന്നു ഒരു പട തന്നെ വരുന്നുണ്ടിങ്ങോട്ട്…
ശിഹാബ് : ബീഫ്, അച്ചാറ്, മിസ്ച്ചർ…
നിർത്ത്… നിർത്ത്… രണ്ടാളും എന്തൊക്കെയാ വേണ്ടതെന്നു വാട്സപ്പിൽ ടെക്സ്റ്റ് അയച്ചിട്ടാൽ മതി…
സിഗരറ്റ് പെട്ടി എടുത്ത് അതിൽ നിന്നും അവസാന സിഗരറ്റ് എടുത്തു കത്തിച്ചു
വലി കഴിഞ്ഞു പോയി വാങ്ങിയിട്ട് വരാം…
സീറ്റിൽ നിന്ന് എഴുന്നേറ്റു വണ്ടിക്ക് നേരെ നടക്കാൻ തുടങ്ങേ ഷോപ്പിൽ നിൽക്കുന്ന അനുവിനെ വരാൻ കൈ കാണിച്ചു
ജോലി കഴിഞ്ഞില്ലേ…
കഴിഞ്ഞിക്കാ…
പറഞ്ഞിട്ട് വാ…
അവൻ അഷറഫിക്കാനോട് പറഞ്ഞു വന്നു ഞങ്ങൾ നാലുപേരും വണ്ടിയിൽ കയറി വണ്ടിയെടുത്തുകൊണ്ട്
എടാ… ഇതെന്റെ അനിയനാ…
സയിദ് : ആ ഞങ്ങൾ പരിചയപെട്ടിരുന്നു…
അനൂ… ഞാനിന്നലെ നമ്മളെ റംഷാദിനെ കണ്ടു…
ഏത്…
നമ്മളെ കവലയുടെ പുറകിലുള്ള വീട്ടിലെ…
പുതിയെടുത്തെയോ…
ആ…
എവിടെ…
കത്താറയിൽ…
അവനെന്താ പരിപാടി…
വീട്ടിലെ ഡ്രൈവറാ…
ഇവിടെ അടുത്തെങ്ങാനുമാണോ… ആണെങ്കിൽ പോയി കാണാമായിരുന്നു…
അറിയില്ല… അബൂനകല എന്നാ പറഞ്ഞത്…
ശിഹാബ് : അബൂ നക്കലയോ…
ആ… അറിയുമോ…
ശിഹാബ് : ഞാൻ മുൻപവിടെ പണിയെടുത്തിട്ടുണ്ട്… ഖത്തറിൽ ഏറ്റോം മോശം സ്വഭാവം ഉള്ള വീടുകൾ അബൂനക്കലയിലും സേലിയയും ഒക്കെയായിരിക്കും…
അവന് കുഴപ്പമൊന്നുമില്ലെന്നാ പറഞ്ഞേ…
ശിഹാബ് : അവിടൊക്കെ എങ്ങാനും ചില വീടുകളെ നല്ലതുള്ളൂ… ശെരിക്കും പറഞ്ഞാൽ ലോട്ടറി അടിക്കും പോലെയാ ആ ഏരിയയിലൊക്കെ വീട്ടുവിസ എടുക്കൽ എടുക്കുന്ന എല്ലാർക്കും കഷ്ടപ്പാടാവുമ്പോ വിരലിലെണ്ണാവുന്ന ആളുകൾക്ക് ഭാഗ്യം കൊണ്ട് വലിയ ബുദ്ധിമുട്ടുണ്ടാവില്ല…
മ്മ്…
ഷോപ്പിന് മുന്നിൽ വണ്ടി നിർത്തി ഷോപ്പിലേക്ക് കയറി അവരോട് കുടിക്കാൻ എന്തേലും എടുക്കാൻ പറഞ്ഞു ഒരൗട്ടർ പാർലമെന്റ് സിൽവർ ബ്ലൂ സിഗരറ്റും വാങ്ങി പുറത്തേക്കിറങ്ങി
എടാ… ഇവിടുന്നൊരുപാട് ദൂരമുണ്ടോ അബൂനകല…
ശിഹാബ് : അധികമൊന്നുമില്ല ഒരു ഇരുപത് ഇരുപത്തഞ്ചു കിലോമീറ്റർ കാണുമായിരിക്കും…