വണ്ടി മാറ്റിയതും അറബി വണ്ടി അവിടേക്ക് കയറ്റിയിട്ടു അയാൾ അകത്തേക്ക് പോയി
എന്ത് ചെയ്യണമെന്നോ എന്ത് പറയണമെന്നോ അറിയാതെ നിൽക്കുന്ന റംഷാദിനടുത്തേക്ക് ചെന്ന്
ഇയാളുടെയൊക്കെ വായിലിരിക്കുന്നതുംകേട്ട് ഈ നായ്ക്കൂട്ടിൽ കഴിയാൻ മാത്രം എന്ത് പ്രശ്നമാ നിനക്ക്… നാട്ടിലൊരു വീടും ബാധ്യതകളൊന്നുമില്ലാത്തൊരു കുടുംബവും ആവശ്യത്തിന് സ്ഥലവും ഒക്കെ ഇല്ലേ നിനക്ക്…
മറുപടി പറയാതെ വല്ലാത്തൊരു ചിരിയോടെ എന്നെ നോക്കുന്ന അവനെ നോക്കി സിഗരറ്റ് എടുത്തു കത്തിച്ചു സെയ്തും ശിഹാബും അതിൽ നിന്നും സിഗററ്റെടുത്തു കത്തിച്ചു അല്പസമയത്തെ മൗനത്തിനു ശേഷം ദേഷ്യപെടാതെ അവനെ നോക്കി
അതാണോ നിന്റെ ഖഫീൽ…
അല്ല… അതവന്റെ ഉപ്പയാ…
മ്മ്… അയാൾ എപ്പോഴും ഇങ്ങനെ ആണോ…
മ്മ്…
നിന്റെ കഫീലിനെ കാണാൻ പറ്റുമോ…
അവൻ വരാൻ വൈകും…
നിന്റെ സാധനങ്ങൾ എടുക്കാനുള്ളതെല്ലാം പാക്ക് ചെയ്യ്…
ഇക്കാ…
ക്യാൻസലോ ചെയ്ഞ്ചോ അവൻ വന്ന് അവനെ കണ്ട് ഇന്നിറങ്ങണം ഇവിടുന്ന്… മതി ഇവിടുത്തെ പണിയും പൊറുതിയും… ഇങ്ങനെ അടിമയായി കിടക്കാനും മാത്രം ബുദ്ധിമുട്ടൊന്നും നിനക്കിപ്പോയില്ല…
എന്നെ നോക്കുന്ന അവനെ നോക്കിയ ശേഷം അനുവിനെ നോക്കി
ചെല്ല്… പെട്ടന്ന് പാക്ക് ചെയ്തോ…
ഇക്കാ… അതൊന്നും ശെരിയാവില്ല…
പിന്നെ ഇവിടെ കിടക്കാനോ നിന്റെ തീരുമാനം… എന്റെ കയ്യിന്നു വാങ്ങാതെ മര്യാദക്ക് ചെന്ന് പാക്ക് ചെയ്യാൻ എന്തേലും ഉണ്ടെങ്കിൽ പാക്ക് ചെയ്തോ അതാ നിനക്ക് നല്ലത്…
ഒന്നും പറയാതെ അവനും അവനൊപ്പം അനുവും റൂമിലേക്ക് പോയി ഞാൻ ഫോൺ എടുത്തു ഖാലിദിനെ വിളിച്ചു
അസ്സലാമു അലൈക്കും… കൈഫൽ ഹാൽ…
വ അലൈകും അസ്സലാം… അൽഹംദുലില്ലാഹ്… കൈഫ ഇൻത…
അൽഹംദുലില്ലാഹ്…
ഖാലിദ് എനിക്കൊരു ഹെല്പ് വേണം…
എന്ത് പറ്റി…
എന്റെ സഹോദരനെ പോലെ ഒരുവൻ അബൂനകല ഒരു വീട്ടിൽ ജോലിക്ക് നിൽക്കുന്നുണ്ട്… ഞാൻ ഇപ്പൊ അവനെ കാണാൻ വന്നതായിരുന്നു… അവനെ ഇവിടെ നിർത്തിയാൽ ശെരിയാവില്ല അവനെ ഇന്ന് തന്നെ ഇവിടുന്ന് ഇറക്കി തരാൻ പറ്റുമോ… അവനെ ഈ അവസ്ഥയിൽ ഇവിടെ കണ്ടിട്ട് ഇനി ഇവിടെ നിർത്താൻ എനിക്ക് മനസുവരുന്നില്ല… അവന് ഞാൻ ഫ്രീവിസയോ മറ്റോ ശെരിയാക്കിക്കോളാം…
നീ എന്തിനാ വേറെ വിസ നോക്കുന്നത്… ബാബയുടെ ഡ്രൈവർ ആയി നിർത്തിക്കൂടെ…
ബാബയുടെ വീട്ടിൽ ആരുമില്ലാത്തല്ലേ പെട്ടന്ന്തന്നെ ഒരാളെ നിർത്തണ്ടേ… അവൻ വന്നിട്ട് രണ്ടുവർഷം ആവാറായി അവന്റെ മകളെ കണ്ടിട്ടില്ല നാട്ടിൽ പോയി വരട്ടെ എന്ന് കരുതിയിട്ടാണ്…
അതൊന്നും സാരമില്ല ബാബ വരുമ്പോ വന്നോട്ടെ അതുവരെ നാട്ടിൽ ബാബയോടൊപ്പം നിന്നോട്ടെ… വീട്ടിലെ കാര്യം ഇപ്പൊ ക്യാമറ വെച്ചത് കൊണ്ട് എവിടുന്നും അറിയാലോ അതുകൊണ്ട് ഖധാമയെ കിട്ടിയാൽ അവരെ നിർത്തിയാൽ മതിയല്ലോ…
മ്മ്… ശെരി…
നീ അവന്റെ ഖഫീലിനോട് സംസാരിച്ചിട്ട് സമ്മതിച്ചില്ല എങ്കിൽ എന്നെ വിളിക്ക് ഞാൻ സംസാരിച്ചോളാം…
ശെരി…
ഫോൺ വെച്ചു സിഗരറ്റ് കത്തിച്ചിരിക്കെ അവർ പാക്ക് ചെയ്തു വന്നു അനു ബാഗ് വണ്ടിയിലേക്ക് വെച്ചു
നിന്റെ ഖഫീലിന്റെ നമ്പർ പറ…
അവൻ പറഞ്ഞ നമ്പറിൽ കാൾ ചെയ്തു
അസ്സലാമു അലൈക്കും…
വ അലൈക്കും അസ്സലാം…
കൈഫൽ ഹാൽ…
അൽഹംദുലില്ലാഹ്…
എന്റെ പേര് ഷെബിൻ അഹമദ്… റംഷാദിന്റെ ബ്രദർ ആണ്… ഞാൻ നിങ്ങളുടെ വീടിനടുത്തുണ്ട് നിങ്ങളെ കാണണമായിരുന്നു…
ഞാൻ എത്താൻ ഒരു മണിക്കൂർ കഴിയും…
അത് പ്രശ്നമില്ല ഞാൻ വെയിറ്റ് ചെയ്തോളാം…
ഒക്കെ…
ഫോൺ കട്ട് ആയി
അവൻ വരാൻ ഒരു മണിക്കൂർ ആവുമെന്ന്… ഇവിടെ അടുത്ത് ഹോട്ടലെങ്ങാനും ഉണ്ടോ…
റംഷാദ് : കുറച്ചപ്പുറത്തു ഫുർജാനിൽ റെസ്റ്റോറന്റ് ഉണ്ട്…
കയറ് ആദ്യം പോയി വല്ലതും കഴിക്കാം വിശക്കുന്നു…
ഭക്ഷണം കഴിച്ചു തിരികെ വന്ന് കാത്ത് നിൽക്കെ അനു ഫോണിൽ ലുഡോ വെച്ച് ലുഡോ കളിച്ചുകൊണ്ട് നിൽക്കെ റംഷാദിന്റെ മുഖത്ത് ടെൻഷൻ നിറഞ്ഞുനിൽപ്പുണ്ട് ഒരു വണ്ടി വന്നു ഷെഡിലേക്ക് കയറിയത് കണ്ട്
റംഷാദ് : ഖഫീൽ വന്നു…
അവരോട് അവിടെ നിൽക്കാൻ പറഞ്ഞു റംഷാദിനെ കൂട്ടി ഖഫീലിനടുത്തേക്ക് ചെന്നു പരസ്പരം സലാം പറഞ്ഞു