ആമീൻ : ഫുഡ് കഴിക്കാൻ പോയാലോ…
എല്ലാരും സമ്മതം പറഞ്ഞു നാല് ടീമും (ഞങ്ങൾക്ക് മുൻപ് കളി കഴിഞ്ഞിരിക്കുന്നവരെ കൂടെ വിളിച്ചു) അവിടെനിന്നും തിരിച്ചു
അബ്ദുല്ല : ഉസ്മാൻ ശെരിക്കും ഞെട്ടുമല്ലേ…
അവന് ഓർമ തന്നെ ഇല്ല…
അർധരാത്രിയായതിനാൽ ഇടവിട്ട് ചില വണ്ടികൾ മാത്രം ശ്രെദ്ധയോടെ പോവുന്ന റോഡിലൂടെ വാഹനങ്ങൾ റോഡ് സ്പീഡിനനുസൃഥമായി നീങ്ങിയത് കൂടെയുള്ള പല വാഹനങ്ങൾക്കും കൂടെ ഓടി എത്താൻ കഴിയില്ലെന്നും ക്യാമറ അടിച്ചാൽ അവർ ഫൈൻ അടക്കേണ്ടിവരും എന്നതിനാൽ അവർ ക്യാമറ അടിപ്പിക്കില്ല എന്നതും അറിയുന്നതിനാൽ മാത്രമാണ് അത്യാവശ്യം വലിയ ഇരുൾ നിറഞ്ഞ ഫാം ഹൌസ് ഗേറ്റിന് മുന്നിൽ വണ്ടികൾ ചെന്നുനിന്നതും ഒരാൾ വന്നു ഗേറ്റ് തുറന്നു വണ്ടികൾ വരിവരിയായി അകത്തേക്ക് കയറി വണ്ടികളിൽ നിന്നും എല്ലാവരും ഇറങ്ങി
ഉസ്മാൻ : എന്താ ബിലാൽ ഇവിടെ ലൈറ്റൊന്നുമില്ലേ
ബിലാൽ ജോലിക്കാരനെ നോക്കി ഇതെന്താ ലൈറ്റിടാത്തത് എന്ന് ചോദിച്ചതും അയാൾ ലൈറ്റിടാനായി പോയി ഓരോരുത്തരും വണ്ടിയിൽ നിന്നും സ്നോസ്പ്രേയും പേപ്പർ ബ്ലാസ്റ്റും ഒക്കെ കൈയിലാക്കി ലൈറ്റ് ഓൺ ആയതും ചുറ്റിലും ബലൂണുകളും പേപ്പറുകളും കൊണ്ടലങ്കരിച്ചത് കണ്ട് എന്തെന്നറിയാതെ നിൽക്കുന്ന ഉസ്മാനെ ഞെട്ടിച്ചുകൊണ്ട് ശബ്ദത്തോടെ കളർ പേപ്പറുകൾ ഉസ്മാനു മേൽ വീണു “ഹാപ്പി ബർത്ത്ഡേ ഉസ്മാൻ” അലറിയുള്ള ഞങ്ങളുടെ വിളിയോടൊപ്പം ഞെട്ടിത്തരിച്ചുള്ള അവന്റെ നിൽപ്പ് മാറും മുൻപ് സ്നോ സ്പ്രേകൾ അവനെ കുളിപ്പിച്ചു
അവൻ കഴുകിവന്ന ശേഷം കേക്ക് കട്ടിങ്ങും കഴിഞ്ഞു ഫുഡും കഴിച്ചു കഴിയുമ്പോയേക്കും സമയം വൈകി ഇനി വീട്ടിൽ ചെന്നു കുളിച്ചിട്ട് വേണം എയർപോർട്ടിൽ പോവാൻ എന്നതിനാൽ മ്യൂസികിനും ആഘോഷത്തിനും അവരെ വിട്ടു മുബാറക് എന്നെ ഡ്രോപ്പ് ചെയ്യാമെന്ന് പറഞ്ഞതിനാൽ അബ്ദുല്ല അവന്റെ വീട്ടിലേക്കും ഞാനും മുബാറക്കും എന്റെ വീട്ടിലേക്കും തിരിച്ചു
പെട്ടന്ന് കുളിച്ച് വരുമ്പോയേക്കും സൈതും ശിഹാബും എത്തിയിട്ടുണ്ട് അനു കട്ടൻ ഇട്ടുവെച്ചിട്ടുണ്ട് കട്ടനും എടുത്ത് വണ്ടി സ്റ്റാർട്ട് പുറത്തുകൊണ്ടിടുമ്പോയേക്കും അവന്റെ പെട്ടികളും ബാഗും എല്ലാം അവർ മൂന്നുപേരും എടുത്ത് വണ്ടിയിൽ കൊണ്ടുവെച്ചിട്ടുണ്ട്
നാലുപേരും കയറിയതും വണ്ടി എയർപോർട്ട് ലക്ഷ്യമാക്കി കുതിച്ചു എയർപോർട്ടിൽ എത്തി ഞങ്ങളെ ഹഗ് ചെയ്തു അവൻ അകത്തേക്ക് പോയി വണ്ടിയെടുത്തു പുറകെ വരാൻ അവരോട് പറഞ്ഞ് അബ്ദുല്ലയുടെ വണ്ടിയിൽ ചെന്നു കയറി അവൻ വണ്ടിയെടുത്തു
നീ എപ്പോ എത്തി…
നീ വരുമ്പോ അവൻ അകത്തേക്ക് കയറിയിട്ടേ ഉള്ളൂ…
റംഷാദിനു കാൾ ചെയ്തു
ഹലോ…
ആ ഇക്കാ…
വെയിറ്റ് എല്ലാം ഒക്കെ അല്ലേ…
ആണിക്കാ… ഞാൻ കസ്റ്റംസ് ചെക്കിങ്ങിൽ നിൽക്കുകയാ…
മ്മ്… നീ സഹായത്തിനു വിളിച്ചിട്ട് വരാത്തവരെ നീയും സഹായിക്കാൻ പോവണ്ട…
അതിന് ഞാനിവിടെ ആരെ സഹായിക്കാനാ…
നീ പോവുന്ന ഫ്ളൈറ്റിൽ സയിതും ഉണ്ടാവും കൂട്ടുകൂടാനും പരിജയം പുതുക്കാനും ഒന്നും നിൽക്കണ്ട നിന്നെ കൂട്ടാൻ എയർപോർട്ടിൽ വണ്ടി വരും അത് നിന്നെ മാത്രം കൂട്ടാൻ ആണ് സൈദിനെ അല്ല… അവനെ ചുമക്കാൻ നിൽക്കണ്ട ഇനി ഇങ്ങോട്ട് സംസാരിക്കാൻ വന്നാലും സംസാരത്തിനുനിൽക്കണ്ട… തിരക്കുണ്ടെന്ന് പറഞ്ഞേക്ക്…
ശെരിയിക്കാ…
കോഫി ഷോപ്പിന് മുന്നിൽ വണ്ടിനിർത്തി കോഫിയും കുടിച്ചു അബ്ദുൾലയോട് സലാം ചൊല്ലി ഞങ്ങൾ തിരിച്ചു
ബിച്ചുവിനോട് റംഷാദ് കയറിയിട്ടുണ്ടെന്ന് വിളിച്ചുപറഞ്ഞതിന് എയർപോർട്ടിൽ പോവാൻ അവൻ ആരെയോ ഏർപ്പാട് ചെയ്തിട്ടുണ്ടെന്നു പറഞ്ഞു
ഓഫീസിൽ നിന്നും വലിയ തിരക്കുകൾക്ക് താത്കാലിക വിരാമമിട്ടുകൊണ്ട് വൈകുന്നേരം നൂറക്കരികിൽ ഓടിയെത്തി പ്രണയനിമിഷങ്ങൾ പങ്കുവെക്കെ
നൂറാ…
മ്മ്…
എനിക്ക് ചെറിയൊരു യാത്രപോണം…
ഇന്നലെ പോലെ രാത്രി വരാതിരിക്കുമോ…
മ്മ്… കുറച്ച് ദിവസത്തേക്കുള്ള യാത്രയാണ്… ഒരു ബിസിനസ് ട്രിപ്പ്… ജിസിസിയിലെ കാര്യങ്ങൾ ഏറ്റെടുക്കാൻ ഇനിയും വൈകിയാൽ ശെരിയാവില്ല… നടക്കുന്ന ചതി അത്ര വലുതാണ്… എല്ലായിടങ്ങളിലും നേരിട്ടുചെന്ന് മൊത്തം ഫയലുകൾ കലക്റ്റ് ചെയ്യണം… ഇന്ന് പോയാലെ ഉൽഘടനത്തിനു മുൻപെനിക്ക് തിരികെ ഏത്താൻ പറ്റൂ…