എന്താ കാണണമെന്ന് പറഞ്ഞത്…
റംഷാദിനെ ഇനി ഇവിടെ നിർത്താൻ എനിക്ക് താല്പര്യമില്ല… നിങ്ങൾ ചേഞ്ച് തരികയാണെങ്കിൽ നന്നായിരുന്നു… ചേഞ്ച് തരാൻ സമ്മതമല്ലെങ്കിൽ ക്യാൻസൽ ചെയ്തോളൂ…
ഇവന് ലൈസൻസ് ഞാൻ എടുത്തു കൊടുത്തതാണ്… ക്യാൻസൽ ചെയ്യണമെങ്കിൽ ലൈസൻസ് എടുത്തുകൊടുത്ത മുവായിരം റിയാൽ എനിക്ക് തരണം…
ലൈസൻസ് എടുക്കാൻ ഇവന് നിങ്ങൾ ഡയറക്റ്റ് ടെസ്റ്റ് കൊടുത്തതല്ലേ… അതിന് എല്ലാം കൂടെ എണ്ണൂറു റിയാൽ അല്ലേ ആകൂ… ലൈസൻസിന്റെ പേരും പറഞ്ഞു ആയിരത്തി ഇരുന്നൂറ് റിയാൽ സാലറിക്ക് ഇവിടെ ജോലി ചെയ്തില്ലേ…
അതിന് ഇവന് റൂമും ഭക്ഷണവും കൂടെ ഞാൻ കൊടുത്തിട്ടുണ്ട്… സ്കൂളിൽ വിട്ടു ലൈസൻസ് എടുക്കാൻ മൂവായിരത്തി അഞ്ഞൂറ് റിയാൽ ആവും… ഞാൻ ഡയറെക്റ്റ് ടെസ്റ്റ് കൊടുത്ത് ലൈസൻസ് എടുത്തത് എന്റെ ഹോൾഡ് വെച്ചാണ്…
നിന്റെ അടുത്ത് ജോലി ചെയ്യുമ്പോ റൂമും ഭക്ഷണവും നീ എന്തായാലും കൊടുക്കേണ്ടതല്ലേ… ബാങ്കാളികൾക്ക് നീ കൊടുക്കുന്ന സാലറി ആയിരത്തി അഞ്ഞൂറ് റിയാൽ അല്ലേ… മാസം മുന്നൂറു റിയാൽ വെച്ച് ഇവന്റെ സാലറി കുറച്ചതായി കണക്കാക്കിയാൽ തന്നെ ഇവനിപ്പോ ഒരു വർഷവും പത്ത് മാസവും നിന്റെ കൂടെ ജോലിചെയ്തു… ലൈസൻസിന്റെ പേരുപറഞ്ഞു ഇവൻ ഈ സാലറിക്ക് ഇരുപത്തി രണ്ട് മാസം ഇവിടെ ജോലിചെയ്തു… മാസം മുന്നൂറു റിയാൽ വെച്ച് കൂട്ടിയാൽ തന്നെ ആറായിരത്തി അറന്നൂറ് റിയാൽ ആയി…
അത് പറ്റില്ല…
ശെരി നീ പറ ഇവന് ചേഞ്ച് തരാൻ നിനക്ക് എത്ര പൈസ തരണം…
പതിനഞ്ചായിരം റിയാൽ…
ക്യാൻസൽ ചെയ്യാനോ…
മുവായിരത്തി അഞ്ഞൂറ് റിയാൽ…
ശെരി… മുവായിരത്തി അഞ്ഞൂറ് ഞാൻ ഇപ്പൊ തരാം… ഇപ്പൊ ക്യാൻസൽ ചെയ്ത് എൻ ഓ സി തരണം…
അവൻ മിണ്ടാതെ നിൽക്കുന്നത് കണ്ട് ഖാലിദിനെ വിളിച്ചു ഫോൺ അവന് നീട്ടി
ഒന്ന് സംസാരിക്കാമോ…
അവൻ ഫോൺ വാങ്ങി ചെവിയോട് ചേർത്തു
ഹലോ…
………….
വ അലൈകും അസ്സലാം…
………
തമാം…
അവൻ ഇടയ്ക്കിടെ എന്നെ നോക്കി കൊണ്ട് അവനോട് സംസാരിച്ചു ഫോൺ തിരികെ തന്നു
നീ ഷെയ്ഖ് ഹാദി റാഷിദ് ന്റെ ദത്തു പുത്രനാണോ…
അതേ…
ഇതെന്തേ നീ പറയാഞ്ഞത്… വാ… മജ്ലിസിൽ ഇരിക്കാം…
ഞങ്ങൾ അവന്റെ കൂടെ മജിലിസിലേക്ക് ചെന്നു എന്നോട് ഇരിക്കാൻ പറഞ്ഞു അവൻ സോഫയിലേക്കിരുന്നു ഫോൺ എടുത്തു കാൾ ചെയ്തു മജ്ലിസിൽ ഗസ്റ്റ് ഉണ്ടെന്ന് പറഞ്ഞു ഫോൺ വെച്ച് എന്നെ നോക്കി
ഇവൻ ഇവിടെ ഇങ്ങനെ ഒരു അവസ്ഥയിൽ കഴിയുകയാണെന്ന് ഇന്നിവനെ കാണാൻ വന്നപ്പോയാണ് ഞാൻ അറിയുന്നത്…
ഞാൻ ചേഞ്ച് തരാം…
ശുക്റൻ…
അഫ്വൻ…
ഒരു ട്രയിൽ രണ്ട് ഫ്ലാസ്കും ഗ്ലാസുകളും പൊതിന ഇലയുമായി ഗധാമ അങ്ങോട്ട് വന്നു
ചായയോ കാവയോ…
സുഹൃത്തുക്കൾ പുറത്താണ്…
റംഷാദ്… അവരെ വിളിക്ക്…
റംഷാദ് പുറത്ത് പോയി അവരെ വിളിച്ചുവന്നു അവൻ എല്ലാർക്കും ചായ ഒഴിച്ചുതന്നു ചായ കുടിച്ചുകൊണ്ട് സംസാരിക്കുന്നതിനിടയിൽ അവന്റെ പേര് അബ്ദുൾ അസീസ് എന്നാണെന്നും പോലീസിൽ വർക്ക് ചെയ്യുകയാണെന്നും പറഞ്ഞു സംസാരിച്ചുകൊണ്ടിരിക്കെ അവന്റെ ഉപ്പ അങ്ങോട്ട് വന്നു അവൻ അയാൾക്ക് ഞങ്ങളെ പരിചയപ്പെടുത്തി അയാൾക്ക് പഴയ ഗൗരവമില്ല ചിരിച്ചുകൊണ്ട് ഞങ്ങളോട് സംസാരിച്ചു
ബാബയുടെ ചികിത്സക്ക് വേണ്ടി ബാബയും മാമയും ഇന്ത്യയിൽ ആണുള്ളത്… ഖാലിദ് ബിസിനസ് ആവശ്യത്തിന് ലണ്ടനിൽ ആണ്… ഇവനെ ബാബയുടെ കഫാലത്തിൽ മറ്റാം എന്നാണ് കരുതുന്നത്… നിങ്ങൾക്ക് കുഴപ്പമില്ലെങ്കിൽ ഇവനെ ഇപ്പൊ നാട്ടിലേക്കയച്ചിട്ട് ബാബ വരുമ്പോ കൂടെ വന്നിട്ട് ബാബയുടെ കഫാലത്തിലേക്ക് മാറ്റാം… അത് പറ്റില്ലെങ്കിൽ ഖാലിദിന്റെ വൈഫിന്റെ കഫാലത്തിലേക്ക് മാറ്റാം…
അസീസ് : അത് കുഴപ്പമില്ല ഷെയ്ക്ക് വന്നിട്ട് ചേഞ്ച് ചെയ്താൽ മതി…
കുറച്ചുസമയം കൂടെ സംസാരിച്ചു അവരോട് യാത്രപറഞ്ഞിറങ്ങുമ്പോ എന്റെ കൈയിലേക്ക് റംഷാദിന്റെ പാസ്പോർട്ട് തന്ന അസീസ് അവന്റെ കൈയിൽ അവന്റെ ആ മാസത്തെ സാലറിയും ലൈസൻസും കൊടുത്തു അസീസും അവന്റെ ഉപ്പയും വണ്ടിക്കരികിൽ വരെ ഞങ്ങളോടൊപ്പം വന്നു
അവിടുന്ന് അബൂസിദ്ര മാളിന്റെ പാർക്കിങ്ങിൽ കൊണ്ടുനിർത്തി മാളിലേക്ക് കയറി