മ്മ്… വിട്ടാലോ… നിങ്ങക്ക് ഓട്ടം വരുമോ…
സയിദ് : എനിക്ക് ഇന്നിനി വരില്ല… മേഡം പർച്ചേഴ്സ് കഴിഞ്ഞപ്പോ വന്നേ ഉള്ളൂ… ഒരു ധൈര്യത്തിനൊന്നു വിളിച്ചു ചോദിച്ചേക്കാം…
നിക്ക് ആദ്യം അവനെ വിളിച്ച് വീട്ടിലുണ്ടോന്ന് നോക്കട്ടെ അവനെ വിളിച്ച് അവൻ വീട്ടിൽ ഉണ്ടെന്നുറപ്പിച്ചു രണ്ടുപേരും വിളിച്ച് ഫ്രണ്ടിനെ കാണാൻ പോവാൻ എന്നുപറഞ്ഞു സമ്മതം വാങ്ങി വണ്ടിയെടുത്തു
എതിലേയാടാ പോവേണ്ടത്…
ശിഹാബ് : വില്ലാജിയോയുടെ അടുത്ത് കൂടെ പോവാം അല്ലെങ്കിൽ സൽവ റോഡ് കയറിക്കോ എങ്കി സിഗ്നലില്ല…
അവൻ പറഞ്ഞപോലെ ലൊക്കേഷൻ ഓൺ ആക്കി വെച്ച് സൽവ റോഡ് ലക്ഷ്യമാക്കി വണ്ടി നീങ്ങിക്കൊണ്ടിരിക്കെ ഇയർ പോഡ് എടുത്തുവെച്ചു മറ്റേ ഫോണിൽ നിന്നും നൂറയെ വിളിച്ചു
ഞാൻ അബൂനക്കല പോവുകയാ…
എന്തേ പെട്ടന്ന്…
ഇന്നലെ നമ്മൾ കണ്ട റംഷാദിനെ കാണാൻ പോവുകയാ…
വൈകുമോ…
അറിയില്ല…ഞാൻ നോക്കട്ടെ…
ഒറ്റക്കാണോ…
അല്ല… അനുവും സയിതും ശിഹാബും ഉണ്ട്…
പോയിട്ട് വാ…
ശെരി…
വന്നാൽ വൈകിയാലും വിളിക്കണേ…
ശെരി…
ഫോൺ കട്ട് ചെയ്തു. റേഡിയോ ഓൺ ചെയ്തു 98.6 വെച്ചു കൊണ്ട് എന്നെ നോക്കി
ശിഹാബ് : ആരെയാ വിളിച്ചത്…
മേഡത്തെ…
സയിദ് : നിന്റെ മേഡത്തിനു ഞങ്ങളെ ഒക്കെ അറിയുമോ…
അറിയാതെ പിന്നെ… നിങ്ങൾ റൂമിൽ വരുന്നതല്ലേ…
റോഡിന്റെ സ്പീഡ് ലിമിറ്റ് അനുസരിച്ചു വണ്ടി മുന്നോട്ട് നീങ്ങി ശിഹാബും ലൊക്കേഷനും പറഞ്ഞപോലെ ഇരുപതിരുപത്തിയഞ്ചു മിനുറ്റ് കൊണ്ട് ഞങ്ങൾ ലൊക്കേഷനടുത്തെത്തി
അൽപ്പം ഇരുൾ നിറഞ്ഞ പ്രദേശം മതിലുകൾക്ക് പുറമെ പെട്ടിക്കടപോലെ ഫിക്സ് ചെയ്തിരിക്കുന്ന തീരേ ചെറുതും അല്പം വലുതുമായ ക്യാബിനുകൾ ഫോൺ എടുത്തു റംഷാദിനെ വിളിച്ചു ഫോൺ റിങ് ചെയ്തുകൊണ്ടിരിക്കെ തലേദിവസം അവന്റെ കൈയിൽ കണ്ട യൂകോൺ ഷെഡിൽ നിർത്തിയത് കണ്ട് വണ്ടി സൈഡാക്കി
എവിടെയാ…
ഞാൻ റൂമിലുണ്ടിക്കാ…
ഞാൻ നിന്റെ ലൊക്കേഷനിൽ ഉണ്ട്…
ആണോ… (ചോദ്യത്തോടൊപ്പം മീഡിയം സൈസ് ഉള്ളോരു പെട്ടിയുടെ ഡോർ തുറന്നവൻ പുറത്തേക്കിറങ്ങി വരുന്നത് കണ്ട് ഫോൺ വെച്ചു വണ്ടിയിൽ നിന്നിറങ്ങി)
ലൊക്കേഷനിൽ എന്ന് പറഞ്ഞിട്ട് അവന്റെ മുറിക്കരികിൽ നിൽക്കുന്നത് കണ്ട അവൻ പെട്ടന്ന് മുഖത്തുവന്ന പരിഭ്രമം മറച്ചുവെച്ചു കൊണ്ടരികിലേക്ക് വരവേ അനുവിനെ കണ്ട്
നീ എപ്പോ വന്നു…
ഞാൻ ഇപ്പൊ രണ്ടാഴ്ചയോളമായി…
സെയിദും ശിഹാബും സ്വയം പരിചയപെടുത്തി
ശിഹാബ് : എന്താടോ റൂമിലേക്ക് ക്ഷണിക്കാതെ പുറത്ത് തന്നെ നിർത്തി സംസാരിക്കുവാണോ…
പറഞ്ഞുകൊണ്ട് ചെന്ന് മുറിയുടെ വാതിലിൽ തുറന്നു
റംഷാദ് : (മറ്റുവഴിയില്ലെന്ന പോലെ) വാ…
ഉണക്കമീനിന്റെയും കടുകെണ്ണയുടെയും വിയർപ്പിന്റെയും മുറുക്കാന്റെയും സിഗരറ്റിന്റെയും അടക്കമുള്ളപല മണങ്ങൾ ചേർന്ന് വൃത്തികെട്ട മണം നിറഞ്ഞു നിൽക്കുന്നു മുഖം ചുളുക്കാതെ ഉള്ളിലേക്ക് കയറി
കുഞ്ഞു മുറിയിൽ രണ്ട് ഡബിൾ ഡക്കർ ബെഡും ജനലിനോട് ചേർന്ന് ഇന്റക്ഷൻ കുക്കറും അതിനോട് ചേർന്നു നിലത്ത് വെച്ചിരിക്കുന്ന ഹുക്മത്തിന്റെ (ഗവൺമെന്റ് നൽകുന്ന റേഷൻ) അരിയും ഓയിലും, ഭക്ഷണം പാകം ചെയ്തു വെച്ചിരിക്കുന്ന പാത്രവും ശബ്ദം സൃഷ്ടിക്കാൻ വേണ്ടി മാത്രം എന്ന് തോന്നുന്ന തരത്തിൽ വർക്ക് ചെയ്യുന്ന എ സി ഒരു ഫ്രിഡ്ജ് കട്ടിലിൽ കിടന്നു മുറുക്കാൻ ചവച്ചുകൊണ്ട് ഫോണിൽ കുത്തുന്ന മൂന്നു ഭംഗാളികളും മനം മടുപ്പിക്കുന്ന അന്തരീക്ഷം പുറത്തുനിന്നും നീട്ടിയുള്ള ഹോണടികേട്ട് റംഷാദ് വാതിൽക്കലേക്ക് ഓടി ഹോൺ അടി നിന്ന പിറകെ
ഇന്ത മജ്നൂൻ യാ ഹിമാർ…
അലർച്ച കേട്ട് പുറത്തേക്ക് ചെല്ലുമ്പോ കാണുന്നത് ഞാൻ വണ്ടി അവിടെ വെച്ചതിന് ലാൻഡ് ക്രൂസറിൽ ഇരിക്കുന്ന അറബി റംഷാദിനെ ചീത്ത പറയുന്നതാണ് അവർക്കരികിലേക്ക് ചെന്ന ഞങ്ങളെ നോക്കി
അറബി : ഇതാരാ…
അസ്സലാമു അലൈക്കും…
അറബി : (ചിരിപോലുമില്ലാതെ)വ അലൈക്കും അസ്സലാം…
കൈഫൽ ഹാൽ…
അൽഹംദുലില്ലാഹ്…
ഞാൻ റംഷാദിന്റെ ബ്രദർ ആണ് റംഷാദിനെ കാണാൻ വന്നതാ… അറിയാതെ വണ്ടി ഇവിടെ ഇട്ടതിനു ക്ഷമിക്കണം… ഇപ്പൊ മാറ്റിത്തരാം…