അവന്റെ മുടിയിൽ പിടിച്ചവനെ വണ്ടിക്കു മേലേക്ക് പൊക്കി എടുത്തതും അഫി വണ്ടിക്ക് മേൽ കയറി ഞാൻ ഇടം കയ്യാൽ അവന്റെ മുടിയിൽ പിടിച്ചു നിർത്തി അഫി അവന്റെ ഓരോ കൈകളായി മരകൊമ്പിൽ ചേർത്തു കുരിശിൽ തറച്ചപോലെ കെട്ടിവെച്ചു താഴെ ഇറങ്ങി വണ്ടി എടുത്തു മാറ്റിയത്തും വണ്ടിക്കു മുകളിൽ നിന്ന അവന്റെ നിൽപ്പ് കൈകളിൽ കെട്ടിയ കയറിന്റെ ബലത്തിലായി അവനെ നോക്കി
തല്ക്കാലം നീ അവിടെ കിടക്ക് നിനക്കുള്ളത് ഞാൻ തരാം…
ഞാൻ അമ്മക്ക് അടുത്തേക്ക് നടക്കെ അഫി പൈപ്പിൻ ചുവട്ടിൽ നിന്നും മുഖത്ത് പറ്റിയ രക്തം കഴുകി
അമ്മാ… അമ്മ അവനെ പ്രസവിച്ചിട്ടില്ല… അവനെ മറന്നേക്ക് അമ്മക്ക് ഇങ്ങനൊരു മകൻ വേണ്ട…
അമ്മ : കാശിനുവേണ്ടി സഹോദരങ്ങളെയും മാതാപിതാക്കളെയും ഉപദ്രവിക്കുന്ന ഇങ്ങനെ ഒരു മകനെനിക്ക് വേണ്ട… കൊന്ന് കളയവനെ… ഇല്ലെങ്കിൽ അവനെന്റെ മക്കളേ ജീവിക്കാൻ സമ്മതിക്കില്ല…
ഇനി ഈ കുടുംബത്തിന് നേരെ ഇവനടക്കം ഒരുത്തനും വരില്ല…
ഫോൺ എടുത്തു ബിച്ചുവിനെ വിളിച്ചു
തുമ്പികളെ പോലെ നിരനിരയായി അഞ്ച് ഹെലികോപ്റ്ററുകൾ പറന്നുവന്നു മൺറോഡിൽ ഇറങ്ങി ആദ്യത്തെ ഹെലികോപ്റ്ററിൽ നിന്നിറങ്ങിയ ബിച്ചുവിന് പിറകെ കുറച്ചാളുകൾ കൈയിൽ വെസ്റ്റ് കവറുകളുമായി അങ്ങോട്ട് വന്നു
ബിച്ചു കൈയിലെ ലോങ്ങ് കവർ ഏന്റെ കൈയിലേക്ക് തരേ പ്രിയ കരഞ്ഞുകൊണ്ടെനെ നോക്കി
ബിച്ചു അവരെ നോക്കി നിലത്ത് കണ്ണ് കാണിച്ചതും അവർ നിലത്തു കിടക്കുന്ന പാതി മുറിഞ്ഞതും നുറുങ്ങിയതും അറ്റുവീണതുമായ ശരീരഭാഗങ്ങളും ശവങ്ങളും ഒരു കഷ്ണം പോലും ബാക്കിവെക്കാതെ രക്തം ഒലിച്ച മണ്ണടക്കം കോരി കവറിൽ നിറച്ചു ബക്കറ്റിൽ വെള്ളമെടുത്തു കോലയിൽ പ്രീതി ഷൂട്ട് ചെയ്തിട്ടവരുടെ തലയിൽ നിന്നോഴുകിയ രക്തം കെമിക്കൽ ഒഴിച്ചു കഴുകി തുടച്ചു എല്ലാം റെഡി എന്നപോലെ നിൽക്കുന്ന അവരെ കണ്ട് അച്ചനേ നോക്കി
ഇവിടുത്തെ വണ്ടി ഉണ്ടോ ഇതിൽ…
അച്ഛൻ : ഇല്ല എല്ലാം അവര് വന്ന വണ്ടിയാ…
ബിച്ചൂ…
ശെരി…
അവൻ വഴിക്കു കുറുകെ നിൽക്കുന്ന ഞങ്ങൾ വന്ന വണ്ടിയും പ്രിയയുടെ വണ്ടിയും മാറ്റിയിട്ടവരോട് വണ്ടിയെടുക്കാൻ പറഞ്ഞു ഹെലികോപ്റ്ററുകൾ പറന്നുയർന്നു അവർ വന്ന വണ്ടികളെല്ലാം അകന്നു പോവുമ്പോ അവിടെ അങ്ങനെ ഒരു സംഭവം നടന്നിട്ടുണ്ട് എന്ന് വിശ്വസിക്കാൻ കഴിയാത്ത രൂപത്തിൽ ആയിരിക്കുന്നു
****************************************
നാലുദിവസം മുൻപ്
പ്രിയയെ വിളിച്ചു ഒരു വട്ടം മുഴുവനായി അടിഞ്ഞു തീർന്ന ശേഷം അവൾ തിരികെ വിളിച്ചു
എവിടെയാ…
ഡ്യൂട്ടിയിലാ… ഞാൻ പിന്നെ വിളിക്കാം…
നല്ല തിരക്കാണോ…
ആ… ഏട്ടാ…
ശെരി… ഫ്രീ ആവുമ്പോ വിളിക്ക്…
ഫോൺ വെച്ച പിറകെ
അഫി : നമ്മളോട് കള്ളം പറയാൻ മാത്രം അവൾക്കെന്താ പറ്റിയെ…
അറിയില്ല…
അവളുടെ വണ്ടിയുടെ ലൊക്കേഷൻ ഓൺ ചെയ്തു
അഫീ…
പറയിക്കാ…
അവൾ പഞ്ചാബിലേക്കാ…
മ്മ്…
നീ വണ്ടി എടുക്ക്… എന്താ കാര്യമെന്നറിയണം…
പ്രിയയുടെ ജി പി എസ് ലൊക്കേഷൻ ഓൺ ചെയ്ത് വെച്ചത് നോക്കി അഫി വണ്ടിയെടുത്തു
ബിച്ചുവിനെ കാൾ ചെയ്തു
പ്രിയയുടെ ഫോൺ സ്പൈ ചെയ്യ് അവൾക് ഇന്നവളുടെ നാട്ടിൽ നിന്ന് വന്ന എല്ലാ കോളും ആ ഫോണുകൾക്ക് ചുറ്റും എന്ത് നടക്കുന്നു എന്നും അറിയണം…
ശെരി…
സമയം കടന്നുപോയി നിർത്താതെ പോവുന്ന പ്രിയയുടെ ജി പി എസ്സിന് പിറകെ ഞങ്ങളുടെ വണ്ടി കുതിക്കേ ബിച്ചുവിന്റെ കാൾ വന്നു
ലിങ്ക് അയച്ചിട്ടുണ്ട്…
ശെരി…
ലാപ്പ് നെറ്റ് കണക്റ്റ് ചെയ്ത് വാട്ട്സപ്പിൽ വന്ന ലിങ്ക് ഓപ്പൺ ചെയ്തു ഭയത്തോടെ ഇരിക്കുന്ന അച്ഛനും അമ്മയും മക്കളും മല്ലൻന്മാരായ ആളുകൾ അങ്ങിങ് നടക്കുന്നു
അമ്മയും അച്ഛനും മകനോട് മകളെ ഉപദ്രവിക്കരുതെന്നു കേഴുന്നു പകരമായി സ്വത്തുക്കൾ മുഴുവൻ അവന് കൊടുക്കാം എന്ന് പറയുന്നു അവൻ അച്ചനേ നോക്കി നീ ചത്താൽ സ്വത്തുക്കൾ അല്ലെങ്കിലും എനിക്ക് തന്നെയാണെന്ന് അഹങ്കാരത്തോടെ പറയുന്ന അവൻ
ഫോണെടുത്തു ബിച്ചുവിനെ വിളിച്ചു
ഞാൻ അങ്ങോട്ട് പോകുവാ… അതിനുമുൻപ് എന്തേലും പ്രശ്നമുണ്ടെൽ ഇറങ്ങാൻ റെഡിയാക്കി നിർത്തിക്കോ… ടൂൾ വേണം…