അകത്തേക്ക് കയറിവന്ന
നൂറ : കഴിഞ്ഞില്ലേ… പോവണ്ടേ…
ഇപ്പൊ ഇറങ്ങാം…
അഫി കയ്യിലുള്ള കറുത്ത ചരടിനെ നൂറയുടെ വലം കാലിൽ കെട്ടുന്നത് നോക്കി ലെച്ചു ചിരിയോടെ എന്നെയും നൂറയെയും നോക്കി
ഒരുക്കം കഴിയുമ്പോയേക്കും വൈകിയതിനാൽ ഭക്ഷണം കഴിക്കാൻ നിൽക്കാതെതന്നെ ഇറങ്ങി
അഫിയും പ്രിയയും റിയയും വണ്ടിയെടുത്തു (അവർ നാട്ടിൽ നിന്നു വരുമ്പോ ഡ്രൈവിങ്ങിനുള്ള പെർമിഷൻ എടുത്തിട്ടുണ്ട്) ലെച്ചുവും ഞാനും മുത്തും നൂറയും ഓരോ വണ്ടികളിലായി അവർക്കൊപ്പം കയറി മാപ്പിന്റെ സഹായത്തോടെ അവർ എയർപോർട്ട് ലക്ഷ്യമാക്കി വണ്ടിയൊടിച്ചു എയർപോർട്ടിൽ എത്തുമ്പോ ഫ്ലൈറ്റ് ലാൻഡായി കുറച്ച് സമയം ആയിട്ടേ ഉള്ളൂ വണ്ടി പാർക്കിങ്ങിലിട്ട് ഞങ്ങൾ എയർപോർട്ടിനകത്തേക്ക് നടന്നു നാട്ടിലെ എയർപോർട്ടിൽ നിന്നുമെടുത്ത സിമ്മിൽനിന്നും അവരെന്നെ വിളിച്ചു ഞങ്ങൾ അവർ പുറത്തേക്കിറങ്ങുന്നിടത്ത് തന്നെ ഉണ്ടെന്ന് പറഞ്ഞു
എല്ലാവരെയും കെട്ടിപിടിച്ചു സ്വാഗതം ചെയ്തു അവരുടെ ട്രോളികളും ഉന്തി നടക്കെ
യാത്ര എങ്ങനെ ഉണ്ടായിരുന്നു
മാമി : പ്ലൈന് പൊന്തിയപ്പോ വയറ്റിന്നൊരാന്തലായിരുന്നു പിന്നെ കുഴപ്പമൊന്നുമില്ല…
അല്ല നിങ്ങളിവിടെ സ്ഥിരതാമസമാകുവാണോ…
കുഞ്ഞ : നല്ല കഥയായി… പത്ത് ദിവസമെന്നു പറഞ്ഞാൽ പത്ത് ദിവസം കൊണ്ട് ഞങ്ങളെ തിരികെ കയറ്റിവിട്ടേക്കണം… ഇതുങ്ങക്ക് രണ്ടിനും ക്ലാസുള്ളതാ… (മുത്തിനെ നോക്കി)അവളു പിന്നെ ഇപ്പൊ ക്ലാസിൽ പോന്നോ ഇല്ലെന്നുപോലും അറിയില്ല…
ഹോ സമാദാനം… പെട്ടികൾ കണ്ടപ്പോ ഞാൻ കരുതി തിരിച്ചു പോണില്ലെന്നു…
മാമി : പോടാ…
ലിഫ്റ്റിൽ കയറി പാർക്കിങ്ങിൽ ചെന്നു പെട്ടികൾ വണ്ടികളിലേക്ക് വെച്ച് അവർക്കെന്തേലും കത്തിവെക്കാനുണ്ടെങ്കിൽ ആയിക്കോട്ടെ എന്ന് കരുതി ഞാൻ മൂസിയെയും മാമൻ മാരെയും കൂട്ടി വണ്ടിയെടുത്തു വീട്ടിലെത്തി അവർ കുളിച്ച് ഫ്രഷായി ഭക്ഷണം കഴിച്ച് എല്ലാവരെയും കൂട്ടി പുതിയ ഹോട്ടലിൽ ചെന്നു
എല്ലാവരെയും കണ്ടതും അനു സന്തോഷയോടെ അവർക്കരികിൽ വന്നു സംസാരിച്ചുകൊണ്ട് അവർക്ക് റെസ്റ്റോറന്റും ഹോട്ടലും കാഫ്റ്റീരിയയും കാണിച്ചുകൊടുത്തു
ഉത്ഘടനം ചെയ്യാൻ വന്ന സൌത്ത് ഇന്ത്യൻ ലേഡി സൂപ്പർ സ്റ്റാറിനെ പിക്ക് ചെയ്യാനായി വൈകീട്ട് എയർപോർട്ടിൽ ചെന്ന്നിൽക്കെ സെൽഫിയെടുക്കാൻ കൂട്ടം കൂടുന്ന ആളുകളുടെ തിക്കിതിരക്കലുകൾ കിടയിലൂടെ ചെന്നു അവർക്ക് ബൊക്ക കൊടുത്ത് അവരെ വണ്ടിയിലേക്ക് കൂട്ടികൊണ്ടുവരുവാൻ എയർപോർട്ട് പോലീസിന്റെ ഹെല്പ് കൂടെ ഉണ്ടായിരുന്നതിനാൽ വലിയ ബുദ്ധിമുട്ടുണ്ടായില്ല വണ്ടി ഫാം ഹൌസ് ലക്ഷ്യമാക്കി നീങ്ങി
ഡ്രൈവർ… റേഡിയോ മലയാളത്തിന്റെ ഓഫീസറിയുമോ…
ഇല്ല മേഡം…
എവിടെയാ അക്കമടേഷൻ…
ഫാം ഹൌസ്സിലാണ് സ്റ്റേ അറേഞ്ച് ചെയ്തിരിക്കുന്നത്… മുപ്പത് മിനുറ്റ് ഡ്രൈവ്…
ഞാൻ അലക്സ് മാനേജറാണ്… (കോ ഡ്രൈവർ സീറ്റിലിരിക്കുന്നവൻ)
ഹായ്…
കണ്ണാടിയിലൂടെ പുറകിലിരിക്കുന്നവളെ നോക്കി
ചിത്ര മേക്കപ്പ് ആർട്ടിസ്റ്റാണ്…
അലക്സ് : ഏഴുമണിക്ക് റേഡിയോ മലയാളതിന്റെ സ്റ്റുഡിയോവിൽ പോവണം…
ശെരി… ഡ്രൈവറെ അയക്കാം…
അലക്സ് : അപ്പൊ താൻ വരില്ലേ…
ഫാമിലി എല്ലാം വന്നിട്ടുണ്ട് അവരെ പുറത്തുകൊണ്ടുപോവണം…
മാനേജറെന്തോ പറയാൻ വന്നതും അവരത് തടഞ്ഞു
നടി : നിങ്ങൾ ഡ്രൈവറല്ലേ…
(ചിരിയോടെ) ഡ്രൈവറാണ് മാം… പിന്നെ ആത്തിമി ഗ്രുപ്പിന്റെ ജിസിസി ഹെടുമാണ്…
മൂന്നുപേരും ഞെട്ടലോടെ എന്നെ നോക്കി
നടി : സോറി ഡ്രൈവറാണെന്നു കരുതി… നിങ്ങൾ വരുമെന്ന് കരുതിയില്ല…
അതിനെന്താ… അതൊന്നും സാരമില്ലെന്നേ…
അലക്സ് : ആദി പറഞ്ഞിട്ടുണ്ട്… ഷെബിൻ അഹമ്മദ്… അല്ലേ…
അതേ…
അലക്സ് : നിങ്ങൾ തന്നെ റസീവ് ചെയ്യാൻ വരുമെന്ന് ഞങ്ങൾ പ്രതീക്ഷിച്ചേ ഇല്ല…
നിങ്ങൾ ഞങ്ങളുടെ ഗസ്റ്റല്ലേ… നേരിട്ടു വന്ന് സ്വീകരിക്കുന്നതല്ലേ അതിന്റെ മര്യാദ…
നടി : ഡ്രൈവറെ അയച്ചാൽ പോരായിരുന്നോ…
ഞാൻ അത്രക്ക് ബോറായോ…
നടി : അയ്യോ… അതല്ല തിരക്കിനിടയിൽ നിങ്ങൾ വെറുതെ ബുദ്ധിമുട്ടേണ്ടിയിരുന്നില്ലല്ലോ എന്ന് കരുതി…