“അയ്യോ കണ്ണാ, നീ ഉണര്ന്നോ…?” പെട്ടന്ന് ഗോള്ഡ മിസ്സിന്റെ അമൃതം പോലത്തെ മധുരമായ ശബ്ദം എന്റെ ചിന്തകളെ തുളച്ചു.
ഉടനെ ആ ശബ്ദം എന്റെ കൻഫ്യഷൻ മാറ്റി എന്റെ മനസ്സും തലച്ചോറിനേയും പെട്ടന്ന് ശാന്തമാക്കി. അപ്പോഴാണ് എനിക്ക് സ്വബോധവും പരിസര ബോധവും ഉണ്ടായി ഞാൻ ഉടനെ റിലാക്സായത്.
“ഗോള്ഡേച്ചി… ആ ലൈറ്റ്…” ഉറക്കം മാറാത്ത കടുത്ത ക്ഷീണവും, ദാഹം കാരണം വരണ്ടു പോയ തൊണ്ടയില് നിന്നും വന്ന കരകരത്ത ശബ്ദം എന്റെ തൊണ്ടയിൽ തന്നെ അടഞ്ഞു നിന്നു.
“സോറി… ലൈറ്റ് ഇട്ടിരുന്നത് കൊണ്ടാണോ ഉണര്ന്നേ…?” മിസ്സ് പെട്ടന്ന് എന്റെ ഇടുപ്പിൽ വളച്ചു പിടിച്ചിരുന്ന മിസ്സിന്റെ കൈ എടുത്തുമാറ്റി കൊണ്ട് ചോദിച്ചു, “സോറി ഡാ. ഞാൻ റൂമിൽ വന്നപ്പോ ഇരുട്ട് കാരണം ലൈറ്റ് ഇട്ടത, പിന്നെ ലൈറ്റ് ഓഫാക്കാൻ മറന്നുപോയി, ഞാനും ഉറങ്ങാനായി വന്നു കിടക്കുകയും ചെയ്തു. സോറി കണ്ണാ…!!” മിസ്സ് വെപ്രാളം പിടിച്ച് പറയുന്നത് കേട്ട് ഞാൻ കണ്ണുകൾ പതിയെ തുറന്നു നോക്കി.
ചെരിഞ്ഞ് കിടക്കുകയായിരുന്ന എന്റെ തൊട്ടടുത്ത് തന്നെ എന്നെനോക്കി ചെരിഞ്ഞു കിടക്കുന്ന മിസ്സിനേയാണ് ഞാൻ മങ്ങലായി കണ്ടത്. എന്റെ മുഖത്തിന് സമാന്തരമായി തന്നെ മിസ്സിന്റെ മുഖം ഉണ്ടായിരുന്നു. എന്റെ തലയിണയിൽ തന്നെ മിസ്സും തല വച്ച് കിടക്കുകയായിരുന്നു.
മിസ്സിന്റെ മുഖത്ത് ഒരു കുഞ്ഞ് നാണവും, കണ്ണുകളിൽ രസമുള്ള ഒരു ചെറിയ കള്ളത്തരവും ഒരു കുഞ്ഞ് അസ്വസ്ഥതയുമൊക്കെ ഞാൻ ശ്രദ്ധിച്ചു.
“സോറി ഡാ, ലൈറ്റ് ഓഫാക്കാൻ ഞാൻ മറന്നു പോയത.” മിസ്സ് പിന്നെയും ക്ഷമ പറഞ്ഞു. പക്ഷേ കണ്ണുകളിൽ നേരത്തെ ഞാൻ കണ്ട ആ കുഞ്ഞ് കള്ളത്തരവും അസ്വസ്ഥതയും കുറച്ചുകൂടി വര്ദ്ധിക്കുകയാണ് ചെയ്തത്.
അപ്പോഴാണ് എനിക്ക് ആ സത്യം മനസിലായത് — ലൈറ്റ് ഓഫാക്കാൻ മിസ്സ് മറന്നതൊന്നുമല്ല, മനപ്പൂര്വ്വം ലൈറ്റ് ഓഫാക്കാതെ മിസ്സ് വന്നു കിടന്നതാണ്. എത്ര ഗാഢമായ ഉറക്കത്തിലും ലൈറ്റ് ഇട്ടാല് ഞാൻ ഉടനെ ഉണരുമെന്ന് പണ്ടേ എന്റെ അമ്മ പറഞ്ഞ് മിസ്സിനും അറിയാമായിരുന്നു.
അതുകൊണ്ടാണ് നുണ പറഞ്ഞ് ശീലമില്ലാത്ത മിസ്സ് ആദ്യമായി നുണ പറഞ്ഞപ്പോ മിസ്സിന്റെ കണ്ണുകളിൽ കള്ളത്തരവും അസ്വസ്ഥതയുമുണ്ടായത്. എനിക്ക് ഭയങ്കരമായി ചിരി വന്നെങ്കിലും ഞാൻ പുറത്ത് കാണിച്ചില്ല.
“സോറി ഡാ, ഞാൻ ലൈറ്റ് ഓഫ് ചെയ്യട്ടെ…?” മിസ്സ് മനസ്സില്ലാമനസ്സോടെയാണ് ചോദിച്ചത്. “നി സമാധാനമായി ഉറങ്ങിക്കോ, ഞാൻ വേണേ നിത്യയുടെ റൂമിൽ പോയി കിടക്കാം.” അതും മനസ്സില്ലാമനസ്സോടെയാണ് മിസ്സ് പറഞ്ഞത്.
“വേണ്ട ചേച്ചി. ചേച്ചി പോവണ്ട. എന്തായാലും എന്റെ ഉറക്കം പോയി. ഇനി ഉറങ്ങാനും കഴിയില്ല.” ഞാൻ എങ്ങനെയൊക്കെയോ ചിരിയും സന്തോഷവും അടക്കി കൊണ്ട് ഞാൻ പറഞ്ഞു.
“അയ്യോ.. സോറി ജിനു. എന്തൊരു അബദ്ധമ ഞാൻ കാണിച്ചത്… ഞാൻ ഇങ്ങോട്ട് വരാൻ പാടില്ലായിരുന്നു.” ഒരു അബദ്ധം പറ്റിയതായി മിസ്സ് എന്നെ ബോധിപ്പിക്കാൻ ശ്രമിക്കുന്നത് പോലെ സ്വയം കുറ്റപ്പെടുത്തിയെങ്കിലും, ഇങ്ങോട്ട് വന്ന് ലൈറ്റ് ഇട്ട് എന്നെ ഉണര്ത്തിയതിൽ ശെരിക്കും സന്തോഷിക്കുന്നത് പോലെയാണ് മിസ്സിന്റെ കണ്ണുകളിൽ ഭയങ്കര സന്തോഷത്തിന്റെ തിളക്കം ഉണ്ടായിരുന്നത്. അതിനെ പുറത്ത് കാണിക്കാതിരിക്കാനും മിസ്സ് നല്ലോണം ശ്രമിക്കുന്നുണ്ടായിരുന്നു.
“സാരമില്ല ഗോള്ഡേച്ചി.” ഞാൻ ചിരിയടക്കി പറഞ്ഞു.
അപ്പോ എന്നെ എങ്ങനെയെങ്കിലും എണീപ്പിച്ച് എന്നോട് എന്തെങ്കിലും സംസാരിച്ചു കൊണ്ട് കിടക്കാനുള്ള ആഗ്രഹം കൊണ്ടാണ് ഈ കള്ളി മിസ്സ് കള്ളത്തരം കാണിച്ച് എന്നെ എണീപ്പിച്ചത്, അല്ലേ..!! സത്യത്തിൽ എനിക്ക് ഭയങ്കര സന്തോഷമാണുണ്ടായത്.
“സമയം എന്തായി..?” പെട്ടന്നുണ്ടായ കൊടുവ എന്റെ കൈ ഉപയോഗിച്ച് മറച്ചു കൊണ്ട് ഞാൻ ചോദിച്ചു.
“3:45..” മിസ്സ് പറഞ്ഞു.
“അത്രയുമായോ..!! അപ്പൊ ഞാൻ രണ്ട് മണിക്കൂറില് കൂടുതൽ ഉറങ്ങിയല്ലേ..?” ഞാൻ ചോദിച്ചു.