അങ്ങനെ അവർക്കുള്ള പാസ് റെഡിയാക്കി പ്രിന്റ് ഔട്ട് എടുത്തുകൊണ്ട് ഞാൻ തിരികെ വന്നു.
ഞാൻ വണ്ടിയില് കേറിയതും സോളമന് ചേട്ടൻ ചെക്ക്പോസ്റ്റ് തുറന്നു തന്നു. ഞാൻ വണ്ടി എടുത്ത് അകത്തേക്ക് കേറി.
“ഇത് കാടല്ലല്ലോ ജിനു. കുറച്ച് മരങ്ങളും ചെടികളും മാത്രമല്ലേയുള്ളു..?” മിസ്സ് പുറത്തേക്ക് നോക്കി പറഞ്ഞു.
“ശെരിയാണ്, അതുകൊണ്ടല്ലേ ചേച്ചി യാഥാര്ത്ഥ എൻട്രൻസ് ഉള്ളിലാണെന്ന് ഞാൻ പറഞ്ഞത്.” ചിരിച്ചുകൊണ്ട് ഞാൻ വണ്ടി ഓടിച്ചു.
“വാവ്…..!!!” ഒടുവില് കുറച്ചകലേ പടർന്നു കിടക്കുന്ന കൊടും കാടിനെ കണ്ടപ്പോ അവർ രണ്ടുപേരും ഒരുപോലെ കണ്ണും തള്ളി നോക്കിയിരുന്നു.
മുന്നില് വലിയ രണ്ട് മരങ്ങൾ ആർച്ച് പോലെ നിന്നു. ആ മരങ്ങളില് നിന്നുമാണ് കമ്പി വേലികൾ തുടങ്ങി രണ്ട് സൈഡിലായി അതിർത്തി സൃഷ്ടിച്ച് കൊണ്ട് കണ്ണെത്താ ദൂരത്ത് പോയി മറഞ്ഞിരുന്നത്. അതിർത്തിയിൽ മുഴുവനും സോളാര് ലൈറ്റ് സംവിധാനം ഉണ്ടായിരുന്നു. അതുകൊണ്ട് നല്ല പ്രകാശമായിരുന്നു അവിടമാകെ.
“ആ രണ്ട് മരങ്ങൾക്കിടയിലൂടേയാണ് യാഥാര്ത്ഥ എൻട്രൻസ്.” ഞാൻ പറഞ്ഞു. എന്നിട്ട് അതിലൂടെ എന്റെ വണ്ടി ഓടിച്ചു കേറ്റി കാട്ടിലേക്ക് ഞങ്ങൾ പ്രവേശിച്ചു. കുറച്ച് ദൂരം പോയതും എന്റെ വണ്ടിയുടെ ഹെഡ് ലൈറ്റിന്റെ വെളിച്ചം മാത്രമേ ഉണ്ടായിരുന്നുള്ളു. ചെറിയൊരു മൺ പാതയിലൂടേയാണ് ഞാൻ ഓടിച്ചത്. രണ്ട് സൈഡിലും വലിയ വലിയ മരങ്ങളും ചെടികളും വള്ളികളും ഒക്കെ നിറഞ്ഞ് നിന്നിരുന്നു.
“ദൈവമേ… എനിക്ക് പേടിയാവുന്നു കണ്ണാ..” ടീച്ചർ ഭയന്ന കണ്ണുകളോടെ എന്നെ നോക്കി പറഞ്ഞു.
“പേടിക്കേണ്ട ചേച്ചി. ഒന്നും സംഭവിക്കില്ല.” അതും പറഞ്ഞ് ഞാൻ എന്റെ വണ്ടിയില് സെറ്റ് ചെയ്തിരുന്ന സ്പെഷ്യൽ ലൈറ്റ് സിസ്റ്റം ഓണാക്കി.
ഉടനെ എന്റെ വണ്ടിക്ക് ചുറ്റും മുപ്പത് മീറ്റർ ചുറ്റളവിലുള്ള പ്രദേശങ്ങള് മൊത്തവും പകൽ പോലെ മാറി.
“വാവ്….!!” ടീച്ചറും മിസ്സും ഒരുപോലെ വിടര്ന്ന കണ്ണുകളോടെ പുറത്തേക്ക് നോക്കി.
“നിന്റെ വണ്ടി കൊള്ളാമല്ലോ കണ്ണാ.” മിസ്സ് ചുറ്റുമുള്ള കാഴ്ചകൾ ഒക്കെ വിസ്മയത്തോടേ നോക്കി പറഞ്ഞു.
ഞാൻ വെറുതെ ചിരിച്ചുകൊണ്ട് ഓടിച്ചു. ഒടുവില് ഒരു ചെറിയ ഗ്രൗണ്ടിന്റെ നടുവിലായി സ്ഥിതി ചെയ്യുന്ന ഒരു ചെറിയ മരവീടിന് മുന്നില് കൊണ്ട് എന്റെ വണ്ടി നിര്ത്തി.
“ആ വീട്, എന്താണത്, ജിനു..?” മിസ്സ് ആ വീടിനെ ചൂണ്ടിക്കാണിച്ച് ചോദിച്ചു.
“അതൊരു മീറ്റിംഗ് പോയിന്റ് ആണ്, ചേച്ചി. എന്തെങ്കിലും കാര്യത്തിനായി ആരെങ്കിലുമൊക്കെ ആദിവാസികളുമായി കൂടിക്കാഴ്ച നടത്താൻ ഉപയോഗിക്കുന്ന മീറ്റിംഗ് പോയിന്റ്.”
“ഓ.. ഓക്കെ.”
“പുറത്തിറങ്ങാൻ നിങ്ങള്ക്ക് പേടിയുണ്ടോ..?” ഞാൻ അവരോട് ചോദിച്ചു.
അപ്പോ അവർ പേടിയോടെ എന്നെ നോക്കി. പക്ഷേ ഞാൻ പുറത്തിറങ്ങിയപ്പോ അവരും എന്റെ കൂടെ ഇറങ്ങി വന്നു.
ഞാൻ അവരെയും കൂട്ടി ആ വീടിന്റെ അടഞ്ഞു കിടന്ന വാതിലിന് കുറുകെ സെറ്റ് ചെയ്ത് വാതിലിനേ ലോക്ക് ചെയ്തു പിടിച്ചിരുന്ന തടി മാറ്റി വാതിൽ തുറന്ന് അകത്തേക്ക് കേറി.
അന്പത് മീറ്റർ ചുറ്റളവുള്ള ഗ്രൗണ്ട് ആയിരുന്നു വീടിന് പുറത്ത്. അതിന്റെ നടുക്കാണ് ഈ മരവീട്. നല്ല സ്ട്രോങ് തടികൾ കൊണ്ട് പണിത വീടാണ്. അകത്ത് മൂന്ന് മുറികളും, ഒരു ബാത്റൂമും, ഒരു കിച്ചനും ഉണ്ട്. ബാത്റൂമിലൂം കിച്ചനിലും കുഴൽ കിണറ് ഉണ്ടാക്കി അതിലേക്ക് ഹാന്ഡ് പമ്പ് സെറ്റ് ചെയ്തിരുന്നു. അതുകൊണ്ട് വെള്ളം വേണമെങ്കിൽ ആ പമ്പ് കൈ കൊണ്ട് അടിച്ചാല് മതിയാവും, ശുദ്ധമായ വെള്ളം തന്നെ കിട്ടും.
ടീച്ചർ അടുക്കളയില് ചെന്ന് വെളളത്തിന്റെ പമ്പ് അടിച്ചു നോക്കി. അതിൽ നിന്നും വന്ന വെള്ളത്തെ ടീച്ചർ കുടിച്ചു നോക്കിയിട്ട് വിടര്ന്ന കണ്ണുകളോടെ ഞങ്ങൾ നോക്കി.
“നല്ല ടേസ്റ്റ് ഉണ്ട് വെള്ളത്തിന്.”