“ഗോള്ഡേച്ചിയുമിരിക്ക്, ഞാൻ വിളമ്പാം. ഞാൻ തന്നെയല്ലേ എപ്പോഴും വിളമ്പാറുള്ളത്..!“ ഞാൻ പറഞ്ഞു.
“മ്മ് അതേ…, എന്നിട്ട് വേണം വേണ്ടാത്ത എവിടെയെങ്കിലുമൊക്കെ വായും നോക്കി ബോധമില്ലാതെ കറി ഞങ്ങളുടെ തലയിലൊഴിക്കാൻ…!!” നിത്യ ടീച്ചർ അല്പ്പം കടുപ്പിച്ച് ഭയങ്കര അസൂയ കലര്ന്ന ശബ്ദത്തില് പറഞ്ഞു. എന്നിട്ട് എന്റെ വലതുവശത്തെ കസേര വലിച്ചിട്ടിട്ട് അതിലിരുന്നു.
ഞാൻ പെട്ടന്ന് ജാള്യതയോടെ എന്റെ കാലി പ്ലേറ്റിൽ നോക്കി മിണ്ടാതിരുന്നു. ടീച്ചർ പറഞ്ഞത് സത്യം തന്നെയാണ്.. ബോധമില്ലാതെ ഞാൻ മിസ്സിന്റെ മുലയിലൊക്കെ നോക്കി ചിലപ്പോ കറി അബദ്ധത്തിൽ അവരുടെ ദേഹത്ത് എവിടെയെങ്കിലും ഒഴിച്ചെന്നിരിക്കും.
മിസ്സ് ഒന്നും മിണ്ടാതെ ഞങ്ങൾക്കും മിസ്സിന്റെ പ്ലേറ്റിലും ആവശ്യത്തിന് എല്ലാം വിളമ്പി വച്ചിട്ട് എന്റെ ഇടതുവശത്തുള്ള കസേര വലിച്ചിട്ടിട്ട് അതിലിരുന്നു.
ഞാൻ മിണ്ടാതിരുന്ന് കഴിക്കാന് തുടങ്ങി. അവരും നിശബ്ദരായി തന്നെ കഴിക്കുകയായിരുന്നു.
“ടാ കുട്ടാ, നിന്റെ വേദനയൊക്കെ എങ്ങനെയുണ്ട്..?” ഞങ്ങൾ ഏകദേശം കഴിച്ചു കഴിയാറായ സമയത്ത് നിത്യ ടീച്ചർ എന്നെ നോക്കി ചോദിച്ചു. ഉടനെ മിസ്സും എന്റെ ഉത്തരം കേള്ക്കാനായി എന്നെ നോക്കി.
“ഇപ്പൊ നല്ല മാറ്റമുണ്ട്, നിത്യേച്ചി. അതുകൊണ്ട് നാളെ വൈകിട്ട് എന്റെ യാത്ര തുടങ്ങിയാലോന്ന് ഞാൻ ചിന്തിക്കുകയ.”
“അതുവേണ്ട.” മിസ്സ് പെട്ടന്ന് എതിര്ത്തു. “നാളെയും മറ്റന്നാളുമൊന്നും നീ പോകണ്ട.” മിസ്സ് തറപ്പിച്ച് പറഞ്ഞു. “പിന്നെ നിനക്ക് നിര്ബന്ധമാണെങ്കിൽ മാത്രം തിങ്കളാഴ്ചയോ അതിനു ശേഷമോ പോയാൽ മതി.” മിസ്സ് നിരാശയിൽ പറഞ്ഞു.
“അതേ കുട്ടാ. നാളെ ശനിയും മറ്റന്ന ഞായറുമല്ലേ, ഞങ്ങൾക്ക് ലീവുള്ള ദിവസങ്ങൾ, അതുകൊണ്ട് ഈ രണ്ട് ദിവസവും നീ ഇവിടെതന്നെ നിന്നാൽ മതി. പിന്നെ ചേച്ചി പറഞ്ഞത് പോലെ നിനക്ക് നിര്ബന്ധമാണെങ്കിൽ മാത്രം തിങ്കളാഴ്ചയോ ശേഷമോ നീ പോകുന്ന കാര്യം ആലോചിക്കാം.” നിത്യ ടീച്ചറും പ്രതീക്ഷയോടെ എന്നെ തന്നെ നോക്കിയിരുന്നു.
“ഓക്കെ. രണ്ട് ദിവസം ഞാൻ നില്ക്കാം.” ഞാൻ വലിയ ജാടയൊന്നും കാണിക്കാതെ ഉടനെ സമ്മതിച്ചു.
ഉടനെ അവർ രണ്ടുപേരുടെ മുഖത്തും വിടര്ന്ന സന്തോഷത്തിന് അതിരില്ലായിരുന്നു.
“ചേച്ചി.. ജിനു… പിന്നെ, ഈ രണ്ട് ദിവസം നമുക്ക് ചെറിയ ടൂറൊക്കെ പോയി അടിച്ചു പൊളിച്ചാലോ..?” നിത്യ ടീച്ചർ ആവേശത്തോടെ ചോദിച്ചു.
“ശെരിയ…, നമുക്ക് നല്ലോരു ടൂർ തന്നെ പോണം.” ഗോള്ഡ മിസ്സിനും പെട്ടന്നൊരു ആവേശം വന്നു.
“പക്ഷേ ഈ ബേ വാച്ചും വേണ്ട സ്വിമ്മിംഗ് പൂളും വേണ്ട. വേറെ എവിടെയെങ്കിലും പോകാം.” ടീച്ചർ ഉത്സാഹത്തോടെ പറഞ്ഞു.
“എനിക്ക് ഓക്കെ.” മിസ്സ് ഉടനെ സമ്മതിച്ചു. “അപ്പോ നിനക്കും ഓക്കെയല്ലേ കണ്ണാ..? അതോ ടൂർ ഇഷ്ട്ടമായില്ലേ..?” മിസ്സ് നല്ല പ്രതീക്ഷയോടെ ചോദിച്ചു.
എനിക്കെന്തോ പെട്ടന്ന് അവരെ വിചാരിച്ച് സങ്കടമാണ് വന്നത്. എപ്പോഴും വീട്ടില് നിന്ന് കോളേജും, പിന്നെ കോളേജിൽ നിന്നും നേരെ വീട്ടിലേക്കും എന്നാണ് അവർ ജീവിക്കുന്നത്. ഞാൻ ഇങ്ങോട്ട് വന്നാൽ മാത്രമേ ചില സാഹചര്യങ്ങളിൽ ചെറിയ ടൂറൊക്കെ പോകാറുള്ളത്. അതല്ലാതെ മിസ്സും ടീച്ചറും മാത്രമായി ഒരിക്കലും എങ്ങോട്ടും ടൂർ പോകാറില്ല.
“ഓക്കെ ഗോള്ഡേച്ചി, ഓക്കെ നിത്യേച്ചി… നമുക്ക് ടൂർ പോകാം.” എന്റെ സമ്മതം ഞാൻ അറിയിച്ചു. ഉടനെ അവരുടെ മുഖത്ത് ഭയങ്കര സന്തോഷം നിറഞ്ഞു.
പിന്നേ കഴിക്കുന്നതിനോടൊപ്പം ചർച്ചയുമായി, ടൂര് പോകേണ്ട സ്ഥലങ്ങളെ കുറിച്ച്. പക്ഷേ അവർ തൊട്ടടുത്ത സ്ഥലങ്ങള് മാത്രമാണ് പറഞ്ഞുകൊണ്ടിരുന്നത്.
“എന്റെ ചേച്ചീസേ—” ഒടുവില് ഞാൻ ഇടപെട്ടു.
“ചേച്ചീസോ..?” മിസ്സും ടീച്ചറും ചിരിച്ചുകൊണ്ട് ചോദിച്ചു.
“അതേ, ഞാൻ നിങ്ങൾ രണ്ടുപേരെയും ഒരുമിച്ച് ചേര്ത്തു വിളിച്ചത. അതല്ലേ എളുപ്പം..!” ഞാനും ചിരിച്ചു.