“ഉത്തരവ് പോലെ ചെയ്യാം ഗോള്ഡ രാജ്ഞി.” കൈ കൂപ്പി തല കുമ്പിട്ട് ചന്തി ചെറുതായി കുലുക്കിക്കൊണ്ട് ഞാൻ പറഞ്ഞു.
ഉടനെ ഗോള്ഡ മിസ്സിന്റെ മുഖം നാണത്തിൽ തുടുത്തു. നിത്യ ടീച്ചർ പൊട്ടിച്ചിരിച്ചു. ഗോള്ഡ മിസ്സും ചിരിച്ചുകൊണ്ട് പെട്ടന്ന് എന്നെ പിടിച്ചു കറക്കി തിരിച്ചു നിര്ത്തി എന്റെ ചന്തിക്കിട്ട് നല്ലോരു നുള്ള് തന്നു.
“ആ.. അയ്യോ….!!” ചന്തി തടവിക്കൊണ്ട് ഞാൻ ചിരിക്കുന്നതിനോടൊപ്പം തുള്ളിത്തുള്ളി ചാടി മിസ്സിന്റെ റൂമിലേക്കോടി.
“ഇങ്ങനേയും ഒരു വികൃതി കുട്ടൻ.” നിത്യ ടീച്ചർ പിന്നെയും പൊട്ടിച്ചിരിച്ചു. മിസ്സും നല്ലപോലെ ചിരിക്കുന്നുണ്ടായിരുന്നു.
ഞാൻ റൂമിൽ വന്നിട്ട് ജനാല അടച്ചു പൂട്ടി. എന്നിട്ട് ചാര്ജിലിട്ടിരുന്ന മൊബൈൽ ചെക്ക് ചെയ്തു. ചാര്ജ് 97% കേറിയിരുന്നു. അത്രയും മതി. ചാര്ജർ ഊരിയിട്ടിട്ട് മൊബൈലും കൊണ്ട് വാതിൽ ചാരിയിട്ട ശേഷം പോയി ബെഡ്ഡിൽ കേറി ജനാലയോട് തലയണയിട്ട് അതിൽ ചാരിയിരുന്നു.
മൊബൈലില് ജെസ്സി മോൾടെ 20 മിസ്ഡ് കോൾസും, പിന്നെ പേരില്ലാത്ത ഒരു നമ്പറിൽ നിന്ന് 6 മിസ്ഡ് കോൾസും ഉണ്ടായിരുന്നു.
ആദ്യം എന്റെ അനിയത്തിക്ക് ഞാൻ വിളിച്ചു.
“അച്ചാച്ചാ….!!” ജെസ്സി എടുത്തപാടേ ദേഷ്യത്തില് അലറി.
“യോ… എന്റെ മോളെ… എന്റെ ചെവി പൊട്ടി.” ഞാൻ വേഗം ചെവിക്കടുത്ത് നിന്നും മൊബൈൽ നീക്കി പിടിച്ചിട്ട് എന്റെ കാതിൽ ഉള്ളങ്കൈ അമര്ത്തി പതുക്കെ കുലുക്കി.
അതിനുശേഷം എന്റെ ചെവിയുടെ സേഫ്റ്റിക്ക് വേണ്ടി ഞാൻ സ്പീക്കറിലിട്ടു.
“അങ്ങനെ തന്നെ പൊട്ടട്ടെ, ഞാൻ വിളിച്ചാല് കേള്ക്കാത്ത ആ കാത് അച്ചാച്ചന് ഉണ്ടായിട്ടും എന്തിന..?” ജെസ്സി നന്നായി പിണങ്ങിയാണ് പറഞ്ഞത്. ശബ്ദത്തിൽ നല്ല സങ്കടവും ഉണ്ടായിരുന്നു. “കഴിഞ്ഞ നാലഞ്ച് മാസമായി അച്ചാച്ചൻ ഏതു നേരവും ബിസിയ, അധികമായി നമ്മുടെ വീട്ടിലുഓ വരുന്നില്ല, ഞാൻ അങ്ങോട്ട് വരാനായി വിളിച്ചാലും അച്ചാച്ചൻ അവിടെ വീട്ടില് ഉണ്ടാവാറില്ല, ഞാൻ കോൾ ചെയ്താൽ ഉടനെ ഒന്നും എടുക്കുന്നുമില്ല, മെസേജ് ചെയ്താലും മണിക്കൂറുകൾ കഴിഞ്ഞാണ് മറുപടി തരുന്നത്, അച്ചാച്ചനെ എനിക്ക് ശെരിക്കൊന്ന് കാണാന് പോലും പറ്റുന്നില്ല. മമ്മയും എന്നും എന്നോട് സങ്കടം പറയുന്നുണ്ട്.” അവള് ശ്വാസം വിടാതെ ഒറ്റയടിക്ക് പരാതി പറയുകയും എന്നെ കുറ്റപ്പെടുത്തുകയും ചെയ്തു.
“ആഹാ, എന്റെ ജെസ്സി മോള് ഇത്ര വേഗം പിണങ്ങിയോ..! നിനക്ക് പ്രായം കൂടുന്തോറും നിന്റെ പിണക്കവും കൂടിക്കൂടി വരുന്നുണ്ടല്ലോ ജെസ്സി കുട്ടി.” ഞാൻ ചിരിച്ചുകൊണ്ട് പറഞ്ഞെങ്കിലും എനിക്ക് മനസ്സിൽ നല്ല സങ്കടം ഉണ്ടായിരുന്നു.
ജെസ്സി എന്നോട് ഭയങ്കര അറ്റാച്ച്ഡ് ആയതുകൊണ്ട് ഒരു ദിവസം പോലും എന്നെ കാണാതെ ഇരിക്കില്ലായിരുന്നു. ഒരു ദിവസം എന്നെ കണ്ടില്ലെങ്കിൽ പോലും ഫോണിലൂടെ മണിക്കൂറോളം കരഞ്ഞ് സങ്കടം പറഞ്ഞു കൊണ്ടിരിക്കുമായിരുന്നു. അങ്ങനെയുള്ള അവളിൽ നിന്നാണ് എന്റെ തിരക്ക് കാരണം ഞാൻ അകന്നു പൊയ്ക്കൊണ്ടിരിക്കുന്നത്. അതിലൊക്കെ എനിക്കും എപ്പോഴും നല്ല സങ്കടംമാണ്. പക്ഷേ എന്തു ചെയ്യാൻ കഴിയും..!!
“എന്നോടുള്ള സ്നേഹം അച്ചാച്ചന് കുറഞ്ഞു വരുന്ന കൊണ്ടല്ലേ എനിക്ക് അച്ചാച്ചനോടുള്ള പിണക്കം കൂടി വരുന്നേ..!” ജെസ്സി സങ്കടപ്പെട്ടു പറഞ്ഞു. “ഷീനേടെ കല്യാണത്തിന് മുമ്പുള്ള ഒരാഴ്ച വരെ അച്ചാച്ചനെ എനിക്ക് കാണാന് കഴിഞ്ഞിട്ടില്ലാരുന്നു. എന്നിട്ട് പോലും ഷീനേടേ കല്യാണത്തിന് അച്ചാച്ചൻ രാവിലെ വന്നിട്ട് വൈകിട്ട് തന്നെ പോയില്ലേ, എന്റെ കൂടെ നമ്മുടെ വീട്ടില് വന്ന് ഒരു ദിവസമെങ്കിലും എന്റെയൊപ്പം നിന്നോ..? ഇല്ലല്ലോ..? ” അവൾ ദേഷ്യപ്പെട്ടു ചോദിച്ചു.
“എടി എന്റെ പഞ്ചാര കുട്ടി—”
“വേണ്ട വേണ്ട, സോപ്പിടണ്ട.” ജെസ്സി നല്ലോണം ചൂടായി. “ഷീനേടേ വീട്ടില് നിന്നും പോയ ശേഷം ഇതുവരെ ഞാൻ അച്ചാച്ചനെ കണ്ടിട്ടില്ല. അച്ചാച്ചൻ അവരെ കൂടെ കന്യാകുമാരി ടൂറിന് പോകുന്നതിന് മുമ്പെങ്കിലും എന്നെ കാണാന് വന്നായിരുന്നോ..? ഇല്ലല്ലോ..? അപ്പൊ അച്ചാച്ചൻ ശെരിക്കും എന്നെ മറന്നു പോയത, എനിക്കറിയാം.” പിണക്കം മാറാതെ ജെസ്സി കരയുന്നത് പോലെ പറഞ്ഞു.